ვატორლაკი 30მგ/მლ. 3 ამპულა

30 მგ/მლ საინექციო ხსნარი

ფარმაკოთერაპიული ჯგუფი:
ვატორლაკი მიეკუთვნება არასტეროიდული ანთების საწინააღმდეგო საშუალებების სახელით ცნობილი პრეპარატების ჯგუფს.

თერაპიული ჩვენებები:
ვატორლაკი, არასტეროიდული ანთების საწინააღმდეგო პრეპარატი, ნაჩვენებია ზომიერად ძლიერი მწვავე ტკივილის მოკლევადიანი მართვისთვის (2 დღე მოზრდილებში), რომელიც ანალგეზიას ოპიოიდურ დონეზე საჭიროებს. აგრეთვე, ნაჩვენებია თირკმლის ჭვალით გამოწვეული ტკივილის სამკურნალოდ.

უკუჩვენებები
ვატორლაკის ინექცია არ უნდა გაგიკეთდეთ და დაუყოვნებლივ ექიმს უნდა გაესაუბროთ, თუ:
- ალერგიული ხართ კეტოროლაკის ან პრეპარატის სხვა რომელიმე შემადგენელი კომპონენტის მიმართ;
- გქონიათ ჰიპერმგრძნობელობის რეაქცია იბუპროფენის, ასპირინის ან სხვა არასტეროიდული ანთების საწინააღმდეგო პრეპარატების მიმართ;
- გქონდათ ან ამჟამად გაქვთ პეპტიური წყლულები (კუჭის ან თორმეტგოჯა ნაწლავის წყლული), კუჭიდან სისხლდენა ან პერფორაცია;
- თავის ტვინში გაქვთ სისხლდენა დაზიანებული სისხლძარღვიდან;
- გაწუხებთ სისხლდენის პრობლემა ან სისხლის შედედების დარღვევები;
- გაქვთ ცხვირის პოლიპები, ალერგიული შეშუპებები (კანის, პირის გარშემო, თვალების, ცხვირის ან სასქესო ორგანოების) ან სასუნთქი გზების შევიწროება, რაც სუნთქვის გაძნელებას იწვევს;
- გაქვთ ან ანამნეზში აგეღნიშნებათ ასთმა;
- ღებულობთ სხვა არასტეროიდულ ანთების საწინააღმდეგო პრეპარატებს (მაგალითად, იბუპროფენს), ასპირინს, ოქსპენტიფილინს (ცირკულაციის დარღვევების სამკურნალოდ), პრობენეციდს (პოდაგრის სამკურნალოდ) ან ლითუიმის მარილებს (ნერვული დარღვევების სამკურნალოდ);
- ღებულობთ სისხლის შედედების საწინააღმდეგო პრეპარატებს (მაგალითად, ვარფარინს ან ჰეპარინის დაბალ დოზას);
- გაქვთ გაუწყლოება ან დაკარგეთ დიდი რაოდენობით სისხლი;
- გაქვთ გულის მძიმე უკმარისობა;
- გაქვთ ღვიძლის უკმარისობა;
- ახლახან ჩაგიტარდათ ოპერაცია სისხლდენის მაღალი რისკით ან აგეღნიშნებათ სისხლდენა, რომელიც ბოლომდე არ არის შეჩერებული;
- აპირებთ ქირურგიული ოპერაციის გაკეთებას;
- გაქვთ თირკმლის ზომიერი ან მძიმე დაავადება, თირკმლის უკმარისობა ან არსებობს მისი საფრთხე;
- ხართ ორსულად, მშობიარობთ ან ბავშვი ძუძუზე გყავთ;
- 16 წელზე უმცროსი ასაკის ხართ;
- კეტოროლაკის საინექციო ხსნარი შეიცავს ალკოჰოლს, ამიტომ არ არის განკუთვნილი ეპიდურული ან ინტრათეკალური გამოყენებისთვის (ინექცია ზურგის ტვინში);
- ჰემორაგიული დიათეზის დროს;
- პაციენტებში, რომლებიც ინტენსიურ მკურნალობას გადიან დიურეზული საშუალებებით.

გაფრთხილებები:
კეტოროლაკის ტრომეთამინთან დაკავშირებული ყველაზე უფრო სერიოზული რისკებია:
• კუჭ-ნაწლავის წყლულები, სისხლდენა და პერფორაცია: ვატორლაკი უკუნაჩვენებია პაციენტებში, რომლებსაც აღენიშნებათ დადასტურებული პეპტიური წყლულები და/ან აქვთ კუჭ-ნაწლავიდან სისხლდენა.კუჭ-ნაწლავისმიმართ მძიმე ტოქსიურობის გამო, პაციენტებს, რომლებიც ვატორლაკით მკურნალობენ შესაძლებელია ნებისმიერ დროს განუვითარდეთ გართულებები, მაგალითად, სისხლდენა, წყლულის გაჩენა და პერფორაცია, გამაფრთხილებელი სიმპტომებით ან მათ გარეშე.არასტეროიდულანთების საწინააღმდეგო საშუალებებზე ამ დროისთვის ჩატარებული კვლევებით არ გამოვლენილა პაციენტთა რომელიმე ქვეჯგუფი, რომლისთვისაც პეპტიური წყლულის ან სისხლდენის განვითარების საფრთხე არ არსებობს. ხანდაზმული ან დასუსტებული პაციენტების წინააღმდეგობა წყლულის ან სისხლდენის განვითარებისადმი ნაკლებია სხვა პირებთან შედარებით და კუჭ-ნაწლავის ფატალური მოვლენების სპონტანურ ცნობათა უმრავლესობა ამ პოპულაციაში აღინიშნება. ვატორლაკის პარენტერალური გამოყენების პოსტმარკეტინგული გამოცდილება მიუთითებს, რომ ხანდაზმულებში კუჭ-ნაწლავის წყლულის, სისხლდენის და პერფორაციის რისკი უფრო მაღალია.
კუჭ-ნაწლავის მხრივ გართულებების სიხშირე და სიმძიმე ვატორლაკის დოზასთან და მკურნალობის ხანგრძლიობასთან ერთად იზრდება. არარანდომიზებული, საავადმყოფოში ჩატარებული პოსტმარკეტინგული დაკვირვების მიხედვით, რომელშიც პარენტერალური ვატორლაკის პარენტერალურ ოპიოიდებთან შედარება ხდებოდა, კუჭ-ნაწლავიდან კლინიკურად მძიმე სისხლდენის უფრო მაღალი მაჩვენებლები დაფიქსირდა <65 ასაკის პაციენტებში, რომლებსაც საშუალოდ დღეში ვატორლაკის 90 მგ-ზე მეტი საერთო დღიური დოზის ინექცია უტარდებოდათ.
იმავე კვლევამ აჩვენა, რომ ხანდაზმული (≥65 ასაკის) და დასუსტებული პაციენტები კუჭ-ნაწლავის მხრივ გართულებებს უფრო მეტად ექვემდებარებიან. ანამნეზშიპეპტიური წყლულის არსებობა კიდევ ერთი რისკ-ფაქტორია, რომელიც ვატორლაკით მკურნალობის პერიოდში კუჭ-ნაწლავის მძიმე გართულებების განვითარების შესაძლებლობას ზრდის.
• თირკმლის ფუნქციის დარღვევა:ვატორლაკი სიფრთხილით უნდა გამოიყენოთ თირკმლის ფუნქციის დარღვევის ან ანამნეზში თირკმლის დაავადების მქონე პაციენტებთან, ვინაიდან იგი პროსტაგლანდინების სინთეზის ძლიერი ინჰიბიტორია. თირკმელების მიმართ ვატორლაკის ტოქსიურობა შეინიშნება პაციენტებში, რომელთაც აღენიშნებათ სისხლის მოცულობის და/ან თირკმელში სისხლის ნაკადის შემცირება, სადაც თირკმლის პერფუზიის შენარჩუნებაში დამხმარე როლს ასრულებენ თირკმლის პროსტაგლანდინები. ამ პაციენტებში ვატორლაკის გამოყენებამ შეიძლება გამოწვიოს თირკმლის პროსტაგლანდინების წარმოქმნის დოზა-დამოკიდებული დაქვეითება და თირკმლის მწვავე უკმარისობაგანაპირობოს. ამ რეაქციის მაღალი რისკის ქვეშ იმყოფებიან თირმკლის ფუნქციის დარღვევის, გაუწყლოების, გულის უკმარისობის, ღვიძლის დისფუნქციის მქონე პაციენტები, ისინი, ვინც დიურეზულ საშუალებებს იღებენ და ხანდაზმულები.
კეტოროლაკის ტრომეთამინით მკურნალობის შეწყვეტას, ჩვეულებრივ, მკურნალობამდელი მდგომარეობის აღდგენა მოყვება.
ეფექტები თირკმლის მხრივ: ვატორლაკი და მისი მეტაბოლიტები, ძირითადად, თირკმელებით გამოიყოფა, რასაც კრეატინინის დაქვეითებული კლირენსის მქონე პაციენტებში, შედეგად პრეპარატის კლირენსის შემცირება მოყვება. ამიტომ, ვატორლაკი სიფრთხილით უნდა გამოიყენოთ თირკმლის ფუნქციის დარღვევის მქონე პაციენტებში და მათზე მკაცრი მეთვალყურეობა უნდა წარმოებდეს. ვატორლაკის გამოყენებისას, დაფიქსირებულია თირკმლის მწვავე უკმარისობა, ნეფრიტი და ნეფროზული სინდრომი.
ვინაიდან თირკმლის ფონური უკმარისობის მქონე პაციენტები თირკმლის მწვავე უკმარისობის განვითარების მომატებული რისკის ქვეშ იმყოფებიან, მათთვის ვატორლაკის დანიშვნამდე უნდა შეფასდეს რისკები და სარგებელი. აქედან გამომდინარე, პაციენტებში, რომლებსაც შრატის კრეატინინი ზომიერად აქვთ მომატებული, რეკომენდებულია კეტოროლაკის ტრომეთამინის ინექციის დღიური დოზა ნახევრამდე შემცირდეს, ისე, რომ არ აჭარბებდეს 60 მგ/დღეში. ვატორლაკი უკუნაჩვენებია პაციენტებისთვის, რომელთა შრატის კრეატინინის კონცენტრაცია თირკმლის პროგრესირებად დაზიანებაზე მიუთითებს.
კეტოროლაკის ტრომეთამინით მკურნალობის დაწყებამდე უნდა გამოსწორდეს ჰიპოვოლემია.
• სითხის შეკავება და შეშუპება: ვატორლაკზე ჩატარებულ კლინიკურ კვლევებში დაფიქსირებულია სითხის შეკავება, შეშუპება, Nაჩლ-ის შეკავება, ოლიგურია, შრატში შარდოვანას, აზოტის და კრეატინინის მომატება. ამის გამო, ვატორლაკი დიდი სიფრთხილით გამოიყენება გულის დეკომპენსაციის, ჰიპერტენზიის და მსგავსი მდგომარეობების მქონე პაციენტებში.
• ჰემორაგია: ვინაიდან პროსტაგლანდინები მნიშვნელოვან როლს ასრულებს ჰემოსტაზში და არასტეროიდული ანთების საწინააღმდეგო საშუალებები თრომბოციტების აგრეგაციასაც უშლის ხელს, ვატორლაკის გამოყენება კოაგულაციის დარღვევების მქონე პაციენტებში ძალიან დიდი სიფრთხილით უნდა მოხდეს და მათზე საგულდაგულო მონიტორინგი უნდა წარმოებდეს. პაციენტებს, რომლებიც ანტიკოაგულაციური საშუალებების თერაპიულ დოზას იღებენ (მაგ., ჰეპარინს ან დიკუმაროლის წარმოებულებს), ვატორლაკის პარალელური გამოყენების შემთხვევაში, სისხლდენით მიმდინარე გართულებების მომატებული რისკი აღენიშნებათ.ამიტომ, ექიმმა ამგვარი ერთდროული თერაპია მხოლოდ უკიდურესი სიფრთხილით უნდა დანიშნოს. ვატორლაკის და პროფილაქტიკური დაბალი დოზით ჰეპარინის (2500-5000 ერთეული 12 საათში ერთხელ), ვარფარინის და დექსტრანების პარალელური გამოყენება სრულად არ არის შესწავლილი, მაგრამ შესაძლებელია, აგრეთვე, სისხლდენის მომატებულ რისკთან იყოს დაკავშირებული.ამგვარი კვლევების მონაცემების მიღებამდე, ექიმებმა კარგად უნდა აწონ-დაწონონ რისკი და სარგებელი და აღნიშნულ პაციენტებში ასეთ პარალელურ თერაპიას მხოლოდ უკიდურესი სიფრთხილით მიმართონ.პაციენტებში, რომლებიც რაიმე მიზეზით ანტიკოაგულაციურ საშუალებებს იღებენ, ვატორლაკის გამოყენების შედეგად ინტრამუსკულარული ჰემატომის წარმოქმნის გაზრდილი რისკი არსებობს. პაციენტებზე, რომლებიც ჰემოსტაზზე მოქმედ თერაპიას გადიან, საგულდაგულო მონიტორინგია საჭირო. პოსტმარკეტინგული გამოცდილების თანახმად, ვატორლაკის ინექციის პერიოპერაციულ გამოყენებასთან დაკავშირებით, პოსტოპერაციული ჰემატომები და ჭრილობიდან სისხლდენის სხვა ნიშნები ფიქსირდებოდა. ამიტომ, უნდა ერიდოთ ვატორლაკის პერიოპერაციულ გამოყენებას, ხოლო კრიტიკული ჰემოსტაზის შემთხვევაში, პოსტოპერაციული გამოყენება სიფრთხილით უნდა მოხდეს.
• ანაფილაქსიური რეაქციები: ანაფილაქსიური რეაქციები შეიძლება განუვითარდეთ წარსულში ასპირინის, ვატორლაკის ან სხვა ანთების საწინააღმდეგო არასტეროიდული პრეპარატების ზემოქმედების ან ჰიპერმგრძნობელობის რეაქციების არმქონე პაციენტებს, ასევე, ანგიოშეშუპების, ბრონქოსპაზმური რეაქტიულობის (მაგ., ასთმა) და ცხვირის პოლიპების მქონე პირებს. ანაფილაქსიური რეაქციები, ანაფილაქსიის მსგავსად, შესაძლებელია ლეტალური შედეგით დასრულდეს.
• ეფექტები ღვიძლის მხრივ:ვატორლაკი სიფრთხილით უნდა გამოიყენოთ ღვიძლის დარღვეული ფუნქციის ან ანამნეზში ღვიძლის დაავადების მქონე პაციენტებში. ვატორლაკით მკურნალობამ, შესაძლებელია, ღვიძლის ფერმენტების მომატება გამოიწვიოს, ხოლო ღვიძლის არსებული დისფუნქციის მქონე პაციენტებში, შეიძლება ღვიძლის უფრო მძიმე რეაქციების განვითარებამდე მიგვიყვანოს. პაციენტებში, რომელთაც ვატორლაკით მკურნალობის შედეგად, ღვიძლის ფუნქციურ ტესტებში პათოლოგიები აღენიშნებათ, პრეპარატის გამოყენება უნდა შეწყდეს.
• ჰემატოლოგიური ეფექტები:ვატორლაკი თრგუნავს თრომბოციტების აგრეგაციას და სისხლდენის დროის გაზრდა შეუძლია; ამიტომ, იგი უკუნაჩვენებია პრეოპერაციული პრეპარატის სახით, ხოლო კრიტიკული ჰემოსტაზის შემთხვევაში სიფრთხილეა საჭირო.ასპირინისგან განსხვავებით, ვატორლაკის მიერ თრომბოციტების ფუნქციის დათრგუნვა, პრეპარატის მიღების შეწყვეტიდან 24-48 საათში ქრება. ვატორლაკი არ მოქმედებს თრომბოციტების რიცხვზე, პროთრომბინის დროზე (Pთ) და პარციალური თრომბოპლასტინის დროზე (Pთთ). კონტროლირებულ კლინიკურ კვლევებში, რომლებშიც ვატორლაკი პოსტოპერაციულად ინტრამუსკულარულად ან ინტრავენურად შეიყვანებოდა, კლინიკურად მნიშვნელოვანი პოსტოპერაციული სისხლდენის მაჩვენებელი 0,4% იყო ვატორლაკისთვის, საკონტროლო ჯგუფის 0,2%-თან შედარებით, რომლებიც ნარკოტიკულ ანალგეზიურ საშუალებებს იღებდნენ.
ვატორლაკმა, სხვა არასტეროიდული ანთების საწინააღმდეგო პრეპარატების მსგავსად, შეიძლება კანის მხრივმძიმე გვერდითი ეფექტები გამოიწვიოს, როგორიცაა, ექსფოლიაციური დერმატიტი, სტივენს-ჯონსონის სინდრომი და ტოქსიური ეპიდერმული ნეკროლიზი, რაც ჰოსპიტალიზაციას მოითხოვს და შეიძლება სიკვდილით დასრულდეს. კანის მძიმე რეაქციები შეიძლება მოულოდნელად განვითარდეს, პაციენტებმა ყურადღება უნდა მიაქციონ კანზე გამონაყარის და დაწყლულების ნიშნებს და სიმპტომებს, ტემპერატურის მომატებას, აგრეთვე, ჰიპერმგრძნობელობის სხვა ნიშნებს, მაგალითად, ქავილს და ნებისმიერი ამგვარი ნიშნის ან სიმპტომის აღმოჩენის შემთხვევაში, რჩევისთვის ექიმს უნდა მიმართონ.პაციენტებს უნდა მიეცეთ რეკომენდაცია,ნებისმიერი სახის გამონაყარისშემთხვევაში, დაუყოვნებლივ შეწყვიტონ პრეპარატის მიღება და რაც შეიძლება მალე დაუკავშირდნენ ექიმს.
სხვა პრეპარატების მიღება/გამოყენება
აცნობეთ ექიმს თქვენს მიერ ამჟამად ან ახლო წარსულში მიღებული ნებისმიერი პრეპარატის, მათ შორის ურეცეპტოდ შეძენილის შესახებ. ეს მნიშვნელოვანია, ვინაიდან ვატორლაკმა შეიძლება სხვა პრეპარატების მოქმედებაზე იქონიოს გავლენა.
აღნიშნული ეხება შემდეგი დაავადებების სამკურნალო პრეპარატებს:
- სისხლის შედედება (ანტიკოაგულაციური საშუალებები, ოქსპენტიფილინი, თრომბოციტების საწინააღმდეგო აგენტები);
- გულის უკმარისობა (ფუროსემიდი, დიურეზული საშუალებები ან საგულე გლიკოზიდები, მაგალითად, დიგოქსინი);
- დეპრესია (ლითიუმი, სეროტონინის უკუმიტაცების შერჩევითი ინჰიბიტორები);
- სისხლის მაღალი წნევა (პროპრანოლოლი და სხვა ბეტა-ბლოკატორები, აგფ-ინჰიბიტორები, თრომბოქსანი, ანგიოტენზინ II ინჰიბიტორები);
- პოდაგრა (პრობენეციდი), ფსორიაზი (მეტოტრექსატი) ან ართრიტი (სტეროიდები);
- სხვა არასტეროიდული ანთების საწინააღმდეგო პრეპარატები (როგორიცაა, იბუპროფენი) ან ასპირინი;
- ორგანოს მწვავე მოცილება (ციკლოსპორინი, ტაკროლიმუსი);
- ინფექციები (ქინოლონის ჯგუფის ანტიბაქტერიული საშუალებები);
- აივ და შიდსი (ზიდოვუდინი);
- მიფეპრისტონი (გამოიყენება აბორტის გამოწვევის მიზნით, ჩვეულებრივ, საავადმყოფოს პირობებში).ვატორლაკი არ უნდა გამოიყენოთ მიფეპრისტონის მიღებიდან 8-12 დღის განმავლობაში.
განსაკუთრებული გაფრთხილებები:
ორსულობა და ლაქტაცია
ვატორლაკის ინექცია არ უნდა გაგიკეთდეთ, თუ ორსულად ხართ, მშობიარობთ ან ბავშვი ძუძუზე გყავთ. კეტოროლაკმა შეიძლება ხელი შეუშალოს დაორსულებას. თუ ორსულობას გეგმავთ ან დაორსულებასთან დაკავშირებით პრობლემა გაქვთ უნდა შეატყობინოთ ექიმს.
ავტომანქანის და მექანიზმების მართვა
ვატორლაკის ინექციამ შეიძლება თავბრუსხვევა, დაღლილობა ან ძილიანობა გამოიწვიოს, აგრეთვე, შესაძლებელია თავის ტკივილის, მხედველობის დარღვევების, ვერტიგოს განვითარება ან დაძინების გაძნელება. თუ ჩამოთვლილთაგან რომელიმემ შეგაწუხათ, არ უნდა მართოთ ავტომანქანა ან მექანიზმები.
მნიშვნელოვანი ინფორმაცია კეტოროლაკის საინექციო ხსნარის ზოგიერთი ინგრედიენტის შესახებ:
ეს სამედიცინო პროდუქტი შეიცავს 100 მგ ეთანოლს (ალკოჰოლს) ერთ დოზაზე, რაც ერთ დოზაზე 2 მლ ლუდის ან 1 მლ ღვინის ეკვივალენტურია.ამან შეიძლება ზიანი მიაყენოს ალკოჰოლიზმით დაავადებულებს, აგრეთვე, მხედველობაში უნდა იქნას მიღებული ბავშვებში და მაღალი რისკის ჯგუფებში, როგორიცაა ღვიძლის დაავადებების ან ეპილეფსიის მქონე პაციენტები.

ვატორლაკის მიღების წესი:
ხსნარი შეიცავს ეთანოლს, ამის გამო არ უნდა გამოიყენოთ ეპიდურულად ან ინტრათეკალურად.
პარენტერალური მკურნალობა 2 დღეზე მეტ ხანს არ უნდა გაგრძელდეს.
გამოყენებული უნდა იყოს უმცირესი ეფექტური დოზა, ტკივილის სიძლიერის და პაციენტის პასუხის მიხედვით.
ინტრამუსკულარული ინექცია:
მოზრდილები:
ჩვეული დოზაა დასაწყისში 10 მგ, შემდეგ 10-30 მგ ყოველ 4-6 საათში, არა უმეტეს 90 მგ. უნდა გამოიყენოთ უმცირესი ეფექტური დოზა, ტკივილის სიძლიერის და პაციენტის პასუხის მიხედვით.მკურნალობის ხანრგძლივობა 2 დღეს არ უნდა აღემატებოდეს.
ხანდაზმულები(>65 წლის):
დოზა შეიძლება შემცირდეს, მაქსიმალურად, თუ 65 წელზე უფროსი ასაკის ხართ, თირკმლის პრობლემები გაწუხებთ ან თქვენი წონა 50 კგ-ზე ნაკლებია. მკურნალობის ხანგრძლივობა 2 დღეს არ უნდა აღემატებოდეს.
თუ ფიქრობთ, რომ ვატორლაკის ინექციის ეფექტი ზედმეტად ძლიერი ან სუსტია, გაესაუბრეთ ექიმს.
ბავშვები:
არ გამოიყენოთ 16 წლამდე ასაკის ბავშვებში.

ინტრავენური გამოყენება:
პროდუქტის ინტრავენური გამოყენება შესაძლებელია საავადმყოფოში და სამკურნალო დაწესებულებებში.
მოზრდილები:
ჩვეული დოზაა (პოსტოპერაციული ტკივილის ინდუქციური მკურნალობა) დასაწყისში 10 მგ, შემდეგ 10-30 მგ ყოველ 4-6 საათში, არა უმეტეს 90 მგ. უნდა გამოიყენოთ უმცირესი ეფექტური დოზა, ტკივილის სიძლიერის და პაციენტის პასუხის მიხედვით. მკურნალობის ხანრგძლივობა 2 დღეს არ უნდა აღემატებოდეს.
ხანდაზმულები (>65 წლის):
დოზა შეიძლება შემცირდეს, მაქსიმალურად, თუ 65 წელზე უფროსი ასაკის ხართ, თირკმლის პრობლემები გაწუხებთ ან თქვენი წონა 50 კგ-ზე ნაკლებია. მკურნალობის ხანგრძლივობა 2 დღეს არ უნდა აღემატებოდეს.
თუ ფიქრობთ, რომ ვატორლაკის ინექციის ეფექტი ზედმეტად ძლიერი ან სუსტია, გაესაუბრეთ ექიმს.
ბავშვები:
არ გამოიყენოთ 16 წლამდე ასაკის ბავშვებში.
თირკმლის ჭვალი:
რეკომენდებული დოზაა ერთი 30 მგ-იანი ამპულა ინტრავენური ან ინტრამუსკულარული გამოყენებისთვის.

დოზის გადაჭარბება:
დოზის გადაჭარბების შემთხვევაში შემდეგი სიმპტომები აღინიშნებოდა:
- ეროზიული გასტრიტი;
- მუცლის ტკივილი და პეპტიური წყლული;
- კუჭ-ნაწლავიდან სისხლდენა.
იშვიათად:
- ჰიპერტენზია;
- თირკმლის მწვავე უკმარისობა;
- სუნთქვის დათრგუნვა;
- ანაფილაქსიური რეაქციები;
- კომაარასტეროიდული ანთების საწინააღმდეგო პრეპარატების დალევის შემდეგ.

დოზის გადაჭარბების შემთხვევაში, დაუყოვნებლივ შეატყობინეთ ექიმს ან მიმართეთ უახლოეს საავადმყოფოს.
გვერდითი ეფექტები:
სხვა პრეპარატების მსგავსად, ზოგ პაციენტში ვატორლაკის საინექციო ხსნარიც იწვევს გვერდით ეფექტებს. პაციენტთა უმრავლესობა ვატორლაკს პრობლემების გარეშე იღებს.
მძიმე გვერდითი ეფექტები:
შემდეგიდან რომელიმეს განვითარების შემთხვევაში, დაუყოვნებლივ შეატყობინეთ ექიმს:
- სუნთქვის გაძნელება ან ხმაურიანი სუნთქვა, მძიმე ალერგიული რეაქციები. შესაძლებელია ჰიპერმგრძნობელობის რეაქცია გქონდეთ, რაც შეიძლება ძალიან სერიოზული იყოს;
- სისხლი განავალში;
- შავი კუპრისებური განავალი;
- სისხლის ან ყავის მარცვლების მსგავსი მუქი ნაწილაკების ღებინება;
- კანის შეშუპება (ჭინჭრის ციება), ქავილი, გამონაყარი, კანზე ნახეთქები, კანზე ქერცლი ან ლაქები, ბუშტუკები, კანის მძიმე რეაქციები, მათ შორის, დაწყლულება და აქერცვლა, კანის სინათლისადმი მგრძნობელობა.
სხვა გვერდითი ეფექტები:
შემდეგიდან რომელიმეს განვითარების შემთხვევაში, შეატყობინეთ ექიმს ან ექთანს:
- გულისრევა ან ღებინება, მოუნელებლობა ან გულძმარვა, კუჭის ტკივილი ან დისკომფორტი, გასტრიტი, სისხლდენა, პანკრეასთან დაკავშირებული პრობლემები, კუჭის წყლული, დიარეა, ბოყინი, ყაბზობა ან შებერილობა, სისავსის შეგრძნება, შეუძლოდ ყოფნა;
- შფოთვა, ძილიანობა, დაღლილობის შეგრძნება, თავბრუსხვევა, ოფლიანობა, ცხელება, აგზნებულობა, ნევროზულობა, მენტალური დარღვევები, გუნება-განწყობის ცვლილებები, ცნობიერების არევა, არანორმალური აზრები და შეგრძნებები, კონცენტრირების უუნარობა, უძილობა, გულყრები, თავბრუსხვევა, ჰიპერაქტიურობა, მენინგიტის მსუბუქი ფორმა, ჰალუცინაციები, არანორმალური სიზმრები;
- პირის სიმშრალე, წყლულები პირის ღრუში, ყელის ტკივილი, წყურვილის მოჭარბებული შეგრძნება, წონის მომატება, ცხელება, მხედველობის, გემოს ან სმენის ცვლილება (სმენის დაკარგვა, ყურებში შუილი, ვერტიგო);
- კუნთების ტკივილი, მგრძნობელობის დაკარგვა ან ჩხვლეტის შეგრძნება, კუნთების სპაზმი ან სისუსტე;
- თირკმლის პრობლემები, გამოყოფილი შარდის რაოდენობის ან შარდვის სიხშირის ცვლილება, შარდში სისხლის გამოყოფა, სითხის შეკავება, წონის მომატება, თირკმელების ტკივილი ან უკმარისობა;
- სახის სიწითლე ან სიფერმკრთალე, წამოხურება, სისხლნაჟღენთები, ანემია, ცვლილებები სისხლში;
- სისხლის წნევის ცვლილება, გულის ფრიალი, ტკივილი გულმკერდის არეში ან შენელებული გულისცემა. ვატორლაკის საინექციო ხსნარის მსგავსი პრეპარატები, შესაძლებელია გულის შეტევის (“მიოკარდიუმის ინფარქტის”) ან ინსულტის მცირედ მომატებულ რისკთან იყოს დაკავშირებული;
- ოპერირებული უბნიდან სისხლდენა ან სისხლნაჟღენთები, ცხვირიდან სისხლდენა;
- ქალთა უნაყოფობა;
- ინექციის უბნის ტკივილი;
- სიყვითლე (კანის და თვალის თეთრი გარსის გაყვითლება), ძალიან იშვიათად ფიქსირდებოდა ღვიძლის უკმარისობა და ანთება.

ვარგისიანობის ვადა და შენახვის პირობები:
იხილეთ მითითებული ვარგისიანობის ვადა – 24 თვე.
ვარგისიანობის ვადა ეხება გაუხსნელ, სათანადოდ შენახულ პროდუქტს.
არ გამოიყენოთ მითითებული ვარგისიანობის ვადის ამოწურვის შემდეგ.

შეინახეთ ორიგინალურ შეფუთვაში, სინათლისგან დასაცავად.

პრეპარატი შეინახეთ ბავშვებისათვის მიუწვდომელ ადგილას !

მედიკამენტები არ გადაყაროთ კანალიზაციაში ან საყოფაცხოვრებო ნაგავში. არასაჭირო მედიკამენტების მოშორების გზების შესახებ ჰკითხეთ ფარმაცევტს. ეს ზომები გარემოს დაცვას შეუწყობს ხელს.

შემადგენლობა: ყოველი ამპულა შეიცავს:
აქტიური ნივთიერება: კეტოროლაკის ტრომეთამინი 30 მგ.
დამხმარე ნივთიერებები: სპირტი, ნატრიუმის ქლორიდი, ნატრიუმის ჰიდროქსიდი, საინექციო წყალი.
ფარმაცევტული ფორმა და შეფუთვის შემადგენლობა:
საინექციო ხსნარი. ყოველი კოლოფი შეიცავს სამ 1 მლ-იან ამპულას.
აფთიაქიდან გაცემის პირობა:
ფარმაცევტული პროდუქტის ჯგუფი II – გამოიყენება ექიმის დანიშნულებით.

სავაჭრო დასახელება
ვატორლაკი არის “NOVATOR PHARMA LLP”-ს სავაჭრო ნიშანი, დიდი ბრიტანეთი.

მწარმოებელი:Doppel Farmaceutici S.r.l. – Via Volturno, 48 – 20089 Quinto de Stampi – Rozzano (MI) - italia