დინამოგენი 10მლ. 20დასალევი ამპულა

შემადგენლობა

პრეპარატი შეიცავს საქაროზას და სორბიტოლს (E-420). 

შაქრიანი დიაბეტის მქონე პაციენტებმა უნდა გაითვალისწინონ, რომ ეს წამალი შეიცავს 3,575 გ საქაროზას ყოველ 10 მლ-იან ამპულაში.

მას შეუძლია გამოიწვიოს მსუბუქი საფაღარათო ეფექტი, რადგანაც შეიცავს 3,41 გ სორბიტოლს ყოველ 10 მლ-იან ამპულაში.

კალორიული ღირებულება: 2,6 კკალ სორბიტოლი.

პრეპარატი შეიცავს ამარანტის საღებავს (E-123), რომელმაც შეიძლება გამოიწვიოს ალერგიული რეაქციები. მან შეიძლება გამოიწვიოს ასთმა, განსაკუთრებით პაციენტებში, რომლებიც ალერგიულები არიან აცეტილსალიცილის მჟავას მიმართ.

დოზირება:

 მოზრდილები და 14 წელზე უფროსი ასაკის მოზარდები: ერთი პერორალური ამპულა 3-ჯერ დღეში.  თითოეული ამპულა შეიცავს 2 მგ ციპროჰეპტადინს, რაც დღეში 6 მგ-ის ექვივალენტურია. დღიური დოზა არ უნდა აღემატებოდეს 16 მგ ციპროჰეპტადინს.

გამოყენება ბავშვებში

 2-დან 6 წლამდე ასაკის ბავშვები: ერთი პერორალური ამპულა დღეში ორჯერ (ციპროჰეპტადინის 4 მგ მთლიანი დღიური დოზის ექვივალენტურია). დღიური დოზა არ უნდა აღემატებოდეს 12 მგ ციპროჰეპტადინს.

7-დან 14 წლამდე ასაკის ბავშვები: ერთი პერორალური ამპულა 2 ან 3-ჯერ დღეში ან დაყოფილი რამდენიმე დოზად (ციპროჰეპტადინის 4 ან 6 მგ მთლიანი დღიური დოზის ექვივალენტურია). დღიური დოზა არ უნდა აღემატებოდეს 16 მგ ციპროჰეპტადინს.

არ გადააჭარბოთ რეკომენდებულ დღიურ დოზებს.

გამოყენების მეთოდი ამპულები

სასურველია ამპულების გამოყენება ძირითად საკვების მიღებამდე 30 წუთით ადრე. ამპულის შიგთავსის მიღება შესაძლებელია ცალკე ან წყალთან ან ხილის წვენთან ერთად.

ორსულობა და ლაქტაცია

თუ ხართ ორსული ან მეძუძური, ფიქრობთ, რომ შეძლება იყოთ ორსულად ან გეგმავთ ბავშვის გაჩენას, ჰკითხეთ თქვენი ექიმს ან ფარმაცევტს რჩევა ამ პრეპარატის მიღებამდე.

მანქანის მართვა და მექანიზმებთან მუშაობა

დინამოგენმა შეიძლება გამოიწვიოს ძილიანობა, რითაც ამცირებს ადამიანის რეფლექსებს და კონცენტრაციის უნარს, თუმცა ეს ეფექტი ჩვეულებრივ ქრება პროდუქტის უწყვეტი მიღებიდან რამდენიმე დღის შემდეგ. ამიტომ, არ არის მიზანშეწონილი მანქანის მართვა ან საშიში ან ზუსტი მექანიზმების მართვა ამ სამკურნალო პროდუქტით მკურნალობის პერიოდში.

დოზის გადაჭარბება

ბავშვებში ზოგიერთი ანტიჰისტამინური პრეპარატის  დოზის გადაჭარბებამ შეიძლება გამოიწვიოს ჰალუცინაციები, ნერვული სისტემის ფუნქციის გაუარესება, კრუნჩხვები, სუნთქვის ან გულის გაჩერება.

არ მიიღოთ ორმაგი დოზა გამოტოვებული დოზის შესავსებად.

გვერდითი მოვლენები

ყველა პრეპარატის მსგავსად, ამ პრეპარატსაც შეუძლია  გამოიწვიოს გვერდითი ეფექტები, თუმცა ყველას არ განუვითარდება ისინი.

გვერდითი რეაქციები მსუბუქი და გარდამავალია და ძირითადად გამოწვეულია ციპროჰეპტადინით. გვერდითი რეაქციები, რომლებიც შეინიშნება არგინინის ასპარტატის მიმართ, ძირითადად კუჭ-ნაწკლავის მხრივია. ანტიქოლინერგული ეფექტები (პირის სიმშრალე, ყაბზობა, მხედველობის დაბინდვა, გლაუკომის გამწვავება) ყველაზე ხშირია ხანდაზმულ პაციენტებში.

შენახვის წესი

 შეინახეთ პრეპარატი  ბავშვებისთვის ფარულ და მიუწვდომელ ადგილზე.

აღნიშნული სამკურნალო პროდუქტი არ საჭიროებს შენახვის განსაკუთრებულ პირობებს.

არ გამოიყენოთ ვარგისიანობის ვადის გასვლის შემდეგ.

გაცემის წესი:

ფარმაცევტული პროდუქტის ჯგუფი - III, გაიცემა რეცეპტის გარეშე