აფალა 100 ტაბლეტი

პრეპარატის სამედიცინო გამოყენების ინსტრუქცია აფალა

სავაჭრო სახელწოდება: აფალა

სამკურნალო ფორმა: ჰომეოპათიური საწუწნი ტაბლეტები.

შემადგენლობა (1 ტაბლეტის)
აქტიური კომპონენტები:
პროსტატოსპეციფიური ანტიგენის აფინურად გაწმენდილი ანტისხეულები – 0,003 გ*.
დამხმარე ნივთიერებები: ლაქტოზის მონოჰიდრატი 0,267 გ, მიკროკრისტალური ცელულოზა 0,03 გ, მაგნიუმის სტეარატი 0,003 გ.
*დაიტანება ლაქტოზის მონოჰიდრატზე წყალ-სპირტოვანი ნარევის სახით მოქმედი ნივთიერების აქტიური ფორმის არაუმეტეს 10-15 ნგ/გ შემცველობით.

აღწერილობა
ბრტყელცილინდრული ფორმის ტაბლეტები, ნაზოლით და ნაჭდევით, თეთრიდან თითქმის თეთრ ფერამდე. ბრტყელ მხარეზე ნაზოლით დატანებულია წარწერა MATERIA MEDICA, მეორე ბრტყელ მხარეზე დატანებულია წარწერა AFALA.

ფარმაკოთერაპიული ჯგუფი
ჰომეოპათიური საშუალება. წინამდებარე ჯირკვლის კეთილთვისებიანი ჰიპერპლაზიის სამკურნალო საშუალება.

ფარმაკოლოგიური თვისებები
ფარმაკოდინამიკა
ამცირებს წინამდებარე ჯირკვლის შეშუპებას და ანთებას, ახდენს მისი ფუნქციური მდგომარეობის ნორმალიზებას. აუმჯობესებს უროდინამიკას, ამცირებს ნარჩენი შარდის მოცულობას, ახდენს საშარდე გზების ქვედა ნაწილის ტონუსის ნორმალიზებას, ხელს უწობს დიზურიული აშლილობის შემცირებას.

ფარმაკოკინეტიკა
თანამედროვე ფიზიკო-ქიმიური მეთოდების ანალიზის მგრძნობელობა (აირსითხოვანი ქრომატოგრაფია, მაღალაქტიური სითხოვანი ქრომატოგრაფია, ქრომატო-მასს-სპექტრომეტრია) არ იძლევა ბიოლოგიურ სითხეებში, ორგანოებში, ქსოვილებში ანტისხეულების უმცირესი დოზების შემცველობის შეფასების საშუალებას, რაც ტექნიკურად შეუძლებელს ხდის პრეპარატი აფალას ფარმაკოკინეტიკის შესწავლას.

გამოყენების ჩვენება
წინამდებარე ჯირკვლის კეთილთვისებიანი ჰიპერპლაზია I და II სტადია.
მწვავე და ქრონიკული პროსტატიტის კომპლექსური თერაპიის შემადგენლობაში – ანთების საწინააღმდეგო და ტკივილგამაყუჩებელი საშუალების სახით.
დიურეზული აშლილობები (მოშარდვის ხშირი სურვილი, ღამის ჩათვლით, გართულებული შარდვა, ტკივილი და დისკომფორტი შორისის მიდამოში), მათ შორის წინამდებარე ჯირკვლის I და II სტადიის კეთილთვისებიანი ჰიპერპლაზიის თანმხლებით: მწვავე და ქრონიკული პროსტატიტი.

უკუჩვენება
მომატებული ინდივიდუალური მგრძნობელობა პრეპარატის კომპონენტების მიმართ.

გამოყენების წესი და დოზები
შიგნით. ერთ მიღებაზე 2 ტაბლეტი (ჩერდება პირის ღრუში სრულ გახსნამდე – არა კვების დროს). მიიღება ორჯერ დღეში, დილით და საღამოს (ძილის შემდეგ და დაძინებამდე). პრეპარატის მიღების რეკომენდებული ხანგრძლივობა – 16 კვირა.
გამოხატული ტკივილის სინდრომის და დიზურიული დარღვევების დროს თერაპიის პირველი 2-3 კვირის განმავლობაში პრეპარატის მიღება ნაჩვენებია დღეში 4-ჯერ.
საჭიროებისას, ექიმის რეკომენდაციით, შესაძლებელია მკურნალობის განმეორებითი კურსის ჩატარება 1-4 თვის შემდეგ.

გვერდითი მოვლენები
აღნიშნული ჩვენებების და მითითებული დოზირების დაცვისას გვერდითი მოქმედება არ გამოვლენილა.

ჭარბი დოზა
შემთხვევით ჭარბი დოზის დროს შესაძლებელია დისპეპსიური მოვლენები, რაც განპირობებულია სამკურნალო ფორმის შემადგენლობაში შემავალი შემავსებლებით.

ურთიერთზემოქმედება სხვა სამკურნალო საშუალებებთან
სხვა სამკურნალო საშუალებებთან ურთიერთზემოქმედების შემთხვევები დღემდე გამოვლენილი არ ყოფილა.

განსაკუთრებული მითითებები
პრეპარატის შემადგენლობაში შედის ლაქტოზის მონოჰიდრატი, ამასთან დაკავშირებით არ არის რეკომენდებული პრეპარატის დანიშვნა პაციენტებში თანდაყოლილი გალაქტოზემიით, გლუკოზის ან გალაქტოზის მალაბსორბციის სინდრომით, ან თანდაყოლილი ლაქტაზური უკმარისობით.
აფალა არ მოქმედებს ავტოსატრანსპორტო საშუალებების და სხვა პოტენციურად საშიში მექანიზმების მართვის უნარზე.

გამოშვების ფორმა
ჰომეოპათიური საწუწნი ტაბლეტები. 20 ტაბლეტი პოლივინილქლორიდის გარსის და ალუმინის ფოლგის კონტურულ უჯრედულ შეფუთვაში.
2 ან 5 კონტურული უჯრედული შეფუთვა სამედიცინო გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები
ინახება არაუმეტეს 25ºჩ ტემპერატურაზე.
ინახება ბავშვებისათვის მიუწვდომელ ადგილას.
პრეპარატის გამოყენების მთელი პერიოდის განმავლობაში კონტურული უჯრედული შეფუთვა უნდა შეინახოს მწარმოებლის მიერ გათვალისწინებულ მუყაოს კოლოფში.

ვარგისიანობის ვადა
3 წელი.
არ გამოიყენება ვარგისიანობის ვადის გასვლის შემდეგ.

აფთიაქიდან გაცემის წესი
ფარმაცევტული პროდუქტის ჯგუფი: III, გაიცემა რეცეპტის გარეშე.