Tinctura calendulae - გულყვითელას ნაყენი 25მლ.

აღწერა: გულყვითელას ნაყენი 25მლ; 50მლ

პარასამკურნალო საშუალება

შემადგენლობა: გ/1000მლ;                  

გულყვითელას ყვავილები - 100გ,

ეთილის სპირტი 70% - საჭირო რაოდენობით 1ლ ნაყენის მისაღებად.
ფარმაკოლოგიური მოქმედება: ახასიათებს ანტისეპტიკური, ანთების საწინააღმდეგო, ჭრილობის შემახორცებელი და ნაღვლმდენი მოქმედება.
ჩვენება:
•    ინფიცირებული ჭრილობები;
•    დამწვრობა;
•    პირის ღრუსა და ღრძილების დაავადებები;
•    ზემო სასუნთქი გზების ანთებითი დაავადებები;
•    ქოლეცისტიტი.
უკუჩვენება:

მომატებული მგრძნობელობა პრეპარატის შემადგენელი კომპონენტების მიმართ.
გვერდითი მოვლენები: შესაძლებელია გამოვლინდეს ალერგიული რეაქცია.
ჭარბი დოზირება:

არ არის გამოვლენილი.
მიღების წესი და დოზირება: პირის ღრუსა და ყელში გამოსავლებად: 1 ჩაის კოვზი ნაყენი იხსნება ერთ ჩაის ჭიქა წყალში;
გარეგანი გამოყენებისათვის: საფენების სახით - 1 ჩაის კოვზი ნაყენი იხსნება ერთ ჩაის ჭიქა წყალში;
შიგნით მისაღებად (როგორც ნაღვლმდენი საშუალება): 10-20 წვეთი იხსნება მცირე რაოდენობით წყალში და მიიღება 2-3-ჯერ დღეში.
ბავშვები: შესაძლებელია მიღება ექიმის მეთვალყურეობის ქვეშ.
სხვა წამლებთან ურთიერთქმედება: პრეპარატი აძლიერებს სხვა (უპირატესად შროშანა და ასფურცელა) ანთების საწინააღმდეგო და ნაღვლმდენი საშუალებების მოქმედებას.
ორსულობა და ლაქტაცია: შესაძლებელია მიღება ექიმის მკაცრი კონტროლის ქვეშ.     
გამოშვების ფორმა: 25მლ და 50მლ ნაყენი მუქი ნარინჯისფერი შეფერილობის პოლიეთილენის ფლაკონში.
პრეპარატის ზემოქმედება ავტოტრანსპორტისა და მექანიზმის მართვის უნარზე: პრეპარატი არ მოქმედებს ავტოტრანსპორტის და მექანიზმების მართვის უნარზე.
ვარგისიანობის ვადა: 4 წელი.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.
შენახვის წესი: ინახება ოთახის ტემპერატურის პირობებში, სინათლისგან დაცულ და ბავშვებისთვის მიუწვდომელ ადგილზე.
გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.