Naphthyzin - ნაფტიზინი 0.1% საწვეთური 16 მლ

გამოყენების ინსტრუქცია

ნაფტიზინის ხსნარი 0.1%
SOLUTIO NAPHTHYZINI 0.1%

წამლის ფორმა:
ნაფტიზინის ხსნარი 0.1%, 0.1% 16 მლ ცხვირის წვეთები პოლიმერული მასალის საწვეთურიანი ფლაკონი №1

სინონიმი: ნაფაზოლინის ნიტრატი.

შემადგენლობა:
აქტიური სუბსტანცია (ები): ნაფაზოლინის ნიტრატი 0,016 გ
არააქტიური სუბსტანცია (ები): ბორის მჟავა 0,144 გ, გამოხდილი წყალი 16 მლ-მდე.

აღწერილობა:
პრეპარატი წარმოადგენს უფერო გამჭვირვალე ხსნარს. F

ფარმაკოლოგიური ჯგუფი: ალფა-ადრენომიმეტური საშუალება.

ფარმაკოლოგიური თვისებები:
პრეპარატს პერიფერიული სისხლძარღვების მიმართ გააჩნია შემავიწროვებელი მოქმედება, რაც გამოწვეულია ალფა-ადრენორეცეპტორებზე ზემოქმედებით. პრეპარატი ლორწოვან გარსზე მოხვედრისას იწვევს შეშუპების საწინააღმდეგო მოქმედებას. ვენოზურ სინუსებში სისხლის ნაკადის შემცირების შედეგად იგი რინიტების დროს აადვილებს ცხვირით სუნთქვას. აგრეთვე აფართოებს თვალის გუგას, ამცირებეს ადგილობრივი საანესთეზიო საშუალების შეწოვას.

ფარმაკოკინეტიკა:
პრეპარატი ცხვირის ლორწოვან გარსზე მოხვედრის შემთხვევაში ავლენს უშუალოდ ადგილობრივ ზემოქმედებას. ზედაპირული სისხძარღვების შევიწროების გამო პრეპარატის შეწოვა და რეზორბციული მოქმედება ქვეითდება.Nნაფტიზინი ხანგრძლივი და ხშირი გამოყენების შემთხვევაში ნაწილობრივ შეიწოვება და ავლენს რეზორბციულ ადრენომიმეტურ ეფექტებს (არტერიული წნევის მომატება.)

ჩვენება:
პრეპარატი გამოიყენება მწვავე რინიტების, ჰაიმორის წიაღის ანთების სამკურნალოდ. ასევე ცხვირიდან სისხლდენის შესაჩერებლად. ნაფტიზინი ასევე გამოიყენება ქირურგიული, რინოსკოპული და სხვა დიაგნოსტიკური მანიპულაციების დროს. Nნაფტიზინის გამოყენება შესაძლებელია ადგილობრივი საანესთეზიო საშუალებების შეწოვის შესანელებლად.

უკუჩვენება:
ქრონიკული რინიტების დროს, ჰიპერტენზია, ტაქიკარდია, გამოხატული ათეროსკლეროზი, ჰიპერთირეოზი. პრეპარატის მიმართ მომატებული მგრძობელობა.
0.1% ნაფტიზინი არ მიიღება 15 წლამდე ასაკის ბავშვებში.

მიღების წესები:
მოზრდილებში (15 წლიდან) რინიტების დროს რეკომინდირებულია 0,1% ნაფტიზინის 1-3 წვეთის ჩაწვეთება თითეულ ნესტოში 1-3-ჯერ დღეში.

ადგილობრივი საანესთეზიო საშუალებების შეწოვის შენელებისათვის და მათი მოქმედების გახანგრძლივებისათვის 1 მლ საანესთეზიო ხსნარს უმატებენ 2-4 წვეთ ნაფტიზინის 0,1% ხსნარს.

სიფრთხილე:
ვიდრე დაიწყებდეთ პრეპარატის მიღებას კონსულტაცია გაიარეთ თქვენს ექიმთან ან ფარმაცევტთან. ყურადღებით გაეცანით ინსტრუქციას. 15 წლამდე ასაკის ბავშვებში პრეპარატის გამოყენება დაუშვებელია. ვიზუალური დათვალიერებისას აღმოჩენილი დეფექტის შემთხვევაში წამლის მიღება დაუშვებელია.

ურთიერქმედება სხვა პრეპარატებთან:
ნაფტიზინი ამცირებს პერორალური ჰიპოტენზიური სამკურნალო საშუალებების თერაპიულ აქტივობას. იგი აძლიერებს ცნს-ის მასტიმულირებელი საშულებების ეფექტს.

განსაკუთრებული მითითებები:
პრეპარატის გამოყენება 7-8 დღეზე მეტი ხნით არ არის რეკომენდირებული. Mმის მიმართ მგძნობელობის დაქვეითებისა და ეფექტურობის შემცირების გამო. პრეპარატის ერთდროული გამოყენება მაოს-ს ინჰიბიტორებთან (ნიალამიდი, ბეფოლი) არ არის რეკომენდირებული. ინჰიბიტორების მიღების შეწყვეტიდან 10 დღის შემდეგ არის შესაძლებელი ნაფტიზინის დანიშვნა.

ჭარბი დოზირება:
ჭარბი დოზირების შემთხვევაში აღინიშნება ზოგადი რეზორბციული მოვლენები: თავბრუსხვევა, არტერიული წნევის მომატება, აღნიშნული შემთხვევების დროს საჭიროა პრეპარატის მიღების შეწყვეტა და სიმპტომური თერაპიის დაწყება სიმპატო-ადრენოლიზური საშუალებებით.

გვერდითი მოვლენები:
პრეპარატის მიღების დაწყებისას შესაძლებელია აღინიშნოს წვის ან სიმშრალის შეგრძნება, რომელიც თანდათან ქრება. პრეპარატის ხანგრძლივი გამოყენების შემთხვევაში მისი მოქმედების ეფექტი მცირდება, რაც გამოწვეულია ტაქიფილაქსიის განვითარების შედეგად.

ვარგისიანობის ვადა:
1/5 წელი.

ფლაკონის გახსნის შემდეგ პრეპარატის შენახვა შესაძლებელია 28 დღის განმავლობაში. ვარგისიანობის ვადის ამოწურვის შემდეგ პრეპარატის გამოყენება აკრძალულია.

გამოშვების ფორმა:
ნაფტიზინის ხსნარი 0.1%, 0.1% 16 მლ ცხვირის წვეთები პოლიმერული მასალის საწვეთურიანი ფლაკონი №1

შენახვის პირობები:
“ბ” სია ინახება სინათლისაგან მოფრთხილებით ოთახის ტემპერატურაზე.

აფთიაქიდან გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი ფირმა:
საქართველო შ.პ.ს “დავათი”
ქ. თბილისი გრ. ხანძთელის ქ. #10.