Tetracycline - ტეტრაციკლინი თვალის მალამო 1% 10.0

Tetracycline - ტეტრაციკლინი თვალის მალამო 1% 10.0

ტეტრაციკლინი
Tetracycline

პრეპარატის სავაჭრო დასახელება: ტეტრაციკლინი

მოქმედი ნივთიერება: ტეტრაციკლინის ჰიდროქლორიდი

წამლის ფორმა: თვალის მალამო

შემადგენლობა 100გ-ზე:
აქტიური ნივთიერება: ტეტრაციკლინის ჰიდროქლორიდი – 1,0გ
დამხმარე ნივთიერებები: უწყლო ლანოლინი, სამედიცინო ვაზელინი
აღწერილობა: მუქი-ყვითელი ან მოყვითალო-მოყავისფრო მალამო

ფარმაკოთერაპიული ჯგუფი: ანტიბიოტიკი (ტეტრაციკლინების ჯგუფი)
ათქ კოდი: S01AA09
ფარმაკოლოგიური თვისებები:
ბაქტერიოსტატიკური ანტიბიოტიკი ტეტრაციკლინის ჯგუფიდან. არღვევს კომპლექსის წარმოქმნას სატრანსპორტო რნკ-სა და რიბოსომას შორის, რაც იწვევს ცილის სინტეზის დარღვევას.
აქტიურია გრამდადებით და გრამუარყოფით მიკროორგანიზმებთან მიმართებაში – Staphylococcus aureus, Streptococcus epidermids (Streptococcus pyogenes), Streptococcus pneumonia (Diplococcus pneumoniae), Neisseria gonorhoeae, Haemophilus influenza, Haemophilus ducreyi, Klebsiella pneumonia, Francisella tularensis (Pasteurella tularensis) Yersinia pestis (Pasteurella pestis), Escherichia coli, Bacillus anthracis, aseve Chlamidia trachomatis.
არააქტიურია ზოგიერთი შტამების მიმართ Haemophilus influenza, Klebsiella, Aerobacter spp., Pseudomonas aeruginosa, Serratia marcescens.

ფარმაკოკინეტიკა:
ადგილობრივი გამოყენებისას სისტემური აბსორბცია დაბალია.
ჩვენება:
ბაქტერიული და ქლამიდიური თვალის ინფექციები – ბლეფარიტი,
ბლეფაროკონიუნქტივიტი, კერატიტი, კერატოკონიუნქტივიტი, მეიბომიტი, ტრაქომა, თვალის დაზიანება ვარდისფერი ფერიჭამიებისას.

გამოყენების წესი და დოზირება:
ადგილობრივად. წაისმევა ქუთუთოზე ყოველ 2-4 საათში, ან უფრო ხშირად. გამოყენების ხანგრძლივობა დამოკიდებულია დაავადების ფორმაზე. ტრაქომისას 1-2 თვე და მეტი (შესაძლებელია სისტემური მოქმედების პრეპარატებთან შეთავსება).

გვერდითი ეფექტები:
შესაძლებელია ალერგიული ეაქციების განვითარება.
უკუჩვენება:
პრეპარატის კომპონენტების მიმართ ინდივიდუალური მომატებული მგრძნობელობა.
ორსულობისას, ლაქტაციის პერიოდში და ბავშვებში პრეპარატის მიღების შესახებ საკმარისი გამოცდილება არ არსებობს. შესაზლებელია პრეპარატის გამოყენება ბავშვებში, ორსულებში და მეძუძურ დედებში, მხოლოდ ექიმის დანიშნულებით, თუ შესაძლებელი სარგებელი აღემატება შესაძლებელი გვერდითი ეფექტების რისკს.

განსაკუთრებული მითითებები:
ზოგიერთ პაციენტს აპლიკაციის შემდეგ ეკარგებათ მხედველობის სიმკვეთრე, რეკომენდირებული არაა ავტომობილის მართვა და რთულ მექანიზმებთან მუშაობა, რომლებიც მოითხოვენ მკვეთრ მხედველობას.
თუ რამოდენიმე დღის განმავლობაში მდგომარეობა არ უმჯობესდება, კონსულტაციისათვის მიმართეთ ექიმს.
პრეპარატი ინახება ბავშვებისათვის ხელმიუწვდომელ ადგილას და არ გამოიყენება ვარგისიანობის ვადის ამოწურვის შემდეგ.

ჭარბი დოზა:
პრეპარატის ჭარბი დოზის შესახებ მონაცემები არ არსებობს. თუმცა შესაძლებელია გვერდითი ეფექტების ნიშნების გაძლიერება.
გამოშვების ფორმა:
1% მალამო. 5გ ან 10გ ტუბში. ყოველ ტუბს სამედიცინო გამოყენების ინსტრუქციასთან ერთად ათავსებენ მუყაოს კოლოფში.

შენახვის პირობები:
შეინახეთ სინათლისაგან დაცულ ადგილას, ტემპერატურაზე არაუმეტეს 20С.
შეინახეთ ბავშვებისათვის ხელმიუწვდომელ ადგილას.
ვარგისიანობის ვადა:
3 წელი.
არ გამოიყენოთ ვარგისიანობის ვადის ამოწურვის შემდეგ.
გაცემის პირობები:
ფარმაცევტული პროდუქტის ჯგუფი III, გაიცემა რეცეპტის გარეშე.