Revolade - რევოლეიდი 50მგ 28 ტაბლეტი

რევოლეიდი^®

სისტემური ჰემოსტატიკური აგენტი

აღწერა და შემადგენლობა

ფარმაცევტული ფორმ(ებ)ა

შემოგარსული ტაბლეტები

თითოეული შემოგარსული ტაბლეტი შეიცავს 12.5 მგ, 25 მგ, 50 მგ, 75 მგ ან 100 მგ ელტრომბოპაგის, როგორც ელთრომბოპაგის თავისუფალი მჟავას ელთრომბოპაგ ოლამინის ექვივალენტს.

12.5 მგ-იანი შემოგარსული ტაბლეტები მრგვალია, ორმხრივ ამოზნექილი, თეთრი და შემოგარსული, რომელსაც ერთ მხარეს ამოტვიფრული აქვს ‘GS MZ1’ და ’12.5’.

25 მგ-იანი შემოგარსული ტაბლეტები მრგვალია, ორმხრივ ამოზნექილი, თეთრი ან ფორთოხლისფერი და შემოგარსული, რომელსაც ერთ მხარეს ამოტვიფრული აქვს ‘GS NX3’ და ‘25’.

50 მგ-იანი შემოგარსული ტაბლეტები მრგვალია, ორმხრივ ამოზნექილი, ცისფერი ან ყავისფერი და შემოგარსული, რომელსაც ერთ მხარეს ამოტვიფრული აქვს ‘GS UFU’ და ‘50’.

75 მგ-იანი შემოგარსული ტაბლეტები მრგვალია, ორმხრივ ამოზნექილი, ფარდისფერი და შემოგარსული, რომელსაც ერთ მხარეს ამოტვიფრული აქვს ‘GS FSS’ და ‘75’.

100 მგ-იანი შემოგარსული ტაბლეტები მრგვალია, ორმხრივ ამოზნექილი, მწვანე და შემოგარსული, რომელსაც ერთ მხარეს ამოტვიფრული აქვს ‘GS 1L5’.

ფხვნილი პერორალური სუსპენზიისთვის

რევოლეიდის თითოეული 25 მგ-იანი ფხვნილი პერორალური სუსპენზიისთვის შეიცავს მოწითალო-მოყავისფრო, ყვითელში გარდამავალ ფხვნილს, რომელიც წყალში გახსნის შემდეგ წარმოქმნის მოწითალო-მოყავისფრო სუსპენზიას.

თითოეული 25 მგ-იანი პაკეტი შეიცავს 32 მგ ელთრომბოპაგ ოლამინს, რომელიც 25 მგ ელთრომბოპაგის თავისუფალი მჟავას ექვივალენტია.

ტაბლეტის კონკრეტული დოზისა და მზა ფორმების შესახებ ინფორმაცია შეიძლება ხელმისაწვდომი არ იყოს ყველა ქვეყანაში.

აქტიური ნივთიერება

ალთრომბოპაგ ოლამინი

აქტიური ნახევარი

ელთრომბოპაგი

დამხმარე ნივთიერებები

ტაბლეტები

ტაბლეტის გული
მაგნიუმის სტეარატი
მანითოლი
მიკროკრისტალინის ცელულოზა
პოვიდონი
ნატრიუმის სახამებლის გლიკოლატი

ტაბლეტის გარსი

A = ინგრედიენტი ამერიკულ ტაბლეტში

B = ინგრედიენტი იაპონურ ტაბლეტში

C = ინგრედიენტი EU/ROW (იაპონიის გარდა) ტაბლეტში

-- = ინგრედიენტი, რომელიც არ არის რომელი რეგიონის ტაბლეტის ამ დოზაში

ფხვნილი სუსპენზიისთვის

მანითოლი
სუკრალოზა
ქსანტანის წებო

ფარმაცევტული შემადგენლობები შეიძლება განსხვავდებოდეს ქვეყნების მიხედვით.

ჩვენებები

რევოლეიდი ნაჩვენებია ქრონიკულ იდიოპათიურ თრომბოციტოპენიურ პურპურაზე (ITP) მანამდე ნამკურნალები პაციენტების სამკურნალოდ თრომბოციტების რაოდენობის გაზრდისა და სისხლდენის შემცირების ან პრევენციის მიზნით.

რევოლეიდი ნაჩვენებია ქრონიკული C  ჰეპატიტის (HCV) ვირუსული ინფექციის მქონე პაციენტებში თრომბოციტოპენიის სამკურნალოდ :

• ინტერფერონზე დაფუძნებული თერაპიის დასაწყებად
• ინტერფერონზე დაფუძნებული თერაპიის ოპტიმიზაციისათვის.

რევოლეიდი ნაჩვენებია ციტოპენიის სამკურნალოდ მწვავე აპლასტიკური ანემიის (SAA)სამკურნალოდ იმ პაციენტებში, რომლებიც არასაკმარისად რეაგირებენ იმუნოსუპრესორულ თერაპიაზე.

დოზა და მიღების წესი

რევოლეიდის მიღების სქემა ინდივიდუალურად უნდა იქნას შერჩეული პაციენტის თრომბოციტების რაოდენობის გათვალისწინებით.

ღევოლეიდის მიღება უნდა მოხდეს ანტაციდების, რძის პროდუქტების ან პოლივალენტური კატიონის შემცველი მინერალური დანამატების (მაგ: ალუმინი, კალციუმი, რკინა, მაგნიუმი, სელენი და თუთია) მიღებიდან სულ მცირე ორი საათით ადრე ან ოთხი საათის შემდეგ (იხილეთ პარაგრაფი „ურთიერთმოქმედება“ და „ფარმაკოკინეტიკა-შეწოვა“).

რევოლეიდის მიღება შეიძლება საკვებთან ერთად, რომელიც შეიცავს მცირე ოდენობის (< 50 მგ) ან საერთოდ არ შეიცავს კალციუმს (იხილეთ პარაგრაფი - ურთიერთმოქმედება, ფარმაკოკინეტიკა).

ქრონიკული იმუნური (იდიოპათიური) თრომბოციტოპენია

გამოიყენეთ რევოლეიდის ყველაზე დაბალი დოზა თრომბოციტების რაოდენობის ³ 50,000/მკლ-მდე მისაღწევად და შესანარჩუნებლად. დოზის რეგულირება დამოკიდებულია თრომბოციტების რაოდენობის რეაქციაზე. არ გამოიყენოთ რევოლეიდი თრომბოციტების რაოდენობის ნორმალიზებისთვის. კლინიკურ კვლევებში, თრომბოციტების რაოდენობა, ჩვეულებრივ, იზრდება რევოლეიდის დაწყებიდან 1-2 კვირაში და კლებულობს პრეპარატის მიღების შეწყვეტიდან 1-2 კვირაში.

საწყისი დოზის სქემა

6-დან 17 წლამდე ასაკის მოზრდილები და პედიატრიული პაციენტები

რევოლეიდის რეკომენდებული საწყისი დოზა არის 50მგ დღეში ერთხელ.

აღმოსავლეთ აზიის მოსახლეობის (როგორიცაა, ჩინელები, იაპონელები, ტაივანელები, კორეელები ან ტაილანდელები) 6-დან 17 წლამდე ასაკის მოზრდილებისა და პედიატრიული ITP პაციენტებისთვის, რევოლეიდის საწყისი დოზა უნდა იყოს 25 მგ დღეში ერთხელ (იხილეთ პარაგრაფი“კლინიკური ფარმაკოლოგია“, პარაგრაფი„პაციენტის სპეციალური პოპულაციები“).

1-დან 5 წლამდე ასაკის პედიატრიული პაციენტები

რევოლეიდის რეკომენდებული საწყისი დოზა 25 მგ-ია დღეში ერთხელ.

აღმოსავლეთ აზიის მოსახლეობის (როგორიცაა, ჩინელები, იაპონელები, ტაივანელები, კორეელები ან ტაილანდელები) პედიატრიული ITP პაციენტებისთვის, რევოლეიდის მიღება უნდა დაიწყოს 25 მგ დოზით დღეში ერთხელ (იხილეთ პარაგრაფი „კლინიკური ფარმაკოლოგია“, პარაგრაფი „სპეციალური პოპულაციები“).

მონიტორინგი და დოზის რეგულირება

1-დან 17 წლამდე ასაკის მოზრდილები და პედიატრიული პაციენტები

რევოლეიდის მიღების დაწყების შემდეგ, დაარეგულირეთ დოზა თრომბოციტების რაოდენობის ≥ 50,000/მკლ-მდე მისაღწევად და შესანარჩუნებლად, რაც აუცილებელია სისხლდენის რისკის შესამცირებლად. არ გადააჭარბოთ დღიური დოზა 75 მგ-ს.

რევოლეიდით მკურნალობის პერიოდში რეგულარულად უნდა შემოწმდეს კლინიკური ჰემატოლოგია და ღვიძლის ფუნქცია, ხოლო რევოლეიდის დოზა უნდა დარეგულირდეს თრომბოციტების რაოდენობის მიხედვით, როგორც ეს 1 ცხრილშია მოცემული. რევოლეიდით თერაპიის დროს სისხლის საერთო ანალიზი (CBC), თრომბოციტების რაოდენობისა და პერიფერიული სისხლის ნაცხის ჩათვლით, უნდა შეფასდეს ყოველკვირეულად, სანამ თრომბოციტების რაოდენობა (≥ 50,000/მკლ სულ მცირე 4 კვირის განმავლობაში) სტაბილურ მდგომარეობას არ მიაღწევს. ამის შემდეგ, CBC-ი, თრომბოციტების რაოდენობისა და პერიფერიული სისხლის ნაცხის ჩათვლით, უნდა შემოწმდეს ყოველთვიურად.

ცხრილი 1     რევოლეიდის დოზის რეგულირება ITP პაციენტებში

# - იმ პაციენტებისთვის, რომლებიც 25 მგ რევოლეიდს იღებენ ყოველ მეორე დღეს, გაზარდეთ დოზა 25 მგ-ით დღეში ერთხელ.

* - იმ პაციენტებისთვის, რომლებიც 25 მგ რევოლეიდს იღებენ დღეში ერთხელ, უმჯობესი იქნება დღიური 12.5 მგ დოზის მიღებას ერთხელ დღეში ან ალტერნატივის სახით 25 მგ ყოველ მეორე დღეს.

სტანდარტული დოზის კორექტირება, შემცირება ან გაზრდა, იქნება 25 მგ დღეში ერთხელ. თუმცა, ზოგიერთ პაციენტს შეიძლება დაჭირდეს სხვადასხვა დოზის ტაბლეტების კომბინაცია სხვადასხვა დღეს ან სხვადასხვა სიხშირით.

რევოლეიდის დოზის კორექტირების შემდეგ, თრომბოციტების რაოდენობის მონიტორინგი უნდა მოხდეს სულ მცირე ყოველკვირეულად 2-3 კვირის განმავლობაში. სანამ დოზის მომატებას გადაწყვეტთ, დაიცადეთ სულ მცირე 2 კვირა, რომ დაინახოთ დოზის კორექტირების ეფექტი პაციენტის თრომბოციტების პასუხის მიხედვით. ღვიძლის ნებისმიერი სახის ცეროზის მქონე პაციენტებში (ე.ი. ღვიძლის უკმარისობა), დაიცადეთ სამი კვირა, სანამ დოზას გაზრდით (იხილეთ პარაგრაფი"პოპულაციები"; პარაგრაფი"გაფრთხილებები და სიფრთხილის ზომები").

ტაბლეტიდან პერორალურ სუსპენზიაზე გადასვლისას, თრომბოციტების რაოდენობა უნდა შემოწმდეს ყოველკვირეულად, 2 კვირის განმავლობაში.

შეწყვეტა

1-დან 17 წლამდე ასაკის მოზრდილები და პედიატრიული პაციენტები

რევოლეიდით მკურნალობა უნდა შეწყდეს, თუ რევოლეიდით 75 მგ დღიური დოზის ოთხკვირიანი თერაპიის შემდეგ თრომბოციტების რაოდენობა არ აიწევს იმ დონემდე, რაც უზრუნველყოფს კლინიკურად მნიშვნელოვანი სისხლდენის თავიდან აცილებას.

ქრონიკულ C (HCV) ჰეპატიტის ვირუსთან დაკავშირებული თრომბოციტოპენია

როდესაც რევოლეიდის მიღება ხდება სხვა ანტივირუსულ პრეპარატებთან ერთად, აუცილებელია შესაბამისი ფარმაცევტული პროდუქტების ერთად მიღების დროს ურთიერთმოქმედების შესახებ ინფორმაციის გათვალისწინება.

ანტივირუსული თერაპიის დასაწყებად და ოპტიმიზაციისათვის საჭირო თრომბოციტების რაოდენობის მისაღწევად და შესანარჩუნებლად, გამოიყენეთ რევოლეიდის მინიმალური დოზა. დოზის კორექტირება დამოკიდებულია თრომბოციტების რაოდენობის პასუხზე. არ გამოიყენოთ რევოლეიდი თრომბოციტების რაოდენობის ნორმალიზების მიზნით. კლინიკურ კვლევებში, თრომბოციტების რაოდენობა, ჩვეულებრივ, იზრდება რევოლეიდის მიღების დაწყებიდან 1 კვირის განმავლობაში.

მოზრდილები

საწყისი დოზის მიღება

დაიწყეთ რევოლეიდის მიღება დღიური 25 მგ დოზით.

აღმოსავლეთ აზიის მოსახლეობის (როგორიცაა, ჩინელები, იაპონელები, ტაივანელები, კორეელები ან ტაილანდელები)ქრონიკული HCV პაციენტებისთვის, რევოლეიდის საწყისი დღიური დოზა უნდა იყოს 25 მგ დღეში ერთხელ (იხილეთ პარაგრაფი"კლინიკური ფარმაკოლოგია" და პარაგრაფი "სპეციალური პოპულაციები").

მონიტორინგი და დოზის კორექტირება

დაარეგულირეთ რევოლეიდის დოზა 25 მგ-იანი ნამატებით ყოველ 2 კვირაში, რაც აუცილებელია ანტივირუსული თერაპიის დაწყებისათვის თრომბოციტების სამიზნე რაოდენობის მისაღწევად (იხილეთ ცხრილი 2). მოახდინეთ თრომბოციტების რაოდენობის მონიტორინგი ყოველ კვირაში ანტივირუსული თერაპიის დაწყებამდე.

ანტივირუსული თერაპიის დროს, დააკორექტირეთ რევოლეიდის დოზა, რაც საჭიროა პეგინტერფერონის დოზის შემცირების თავიდან ასაცილებლად. ანტივირუსული თერაპიის დროს, შეამოწმეთ თრომბოციტების რაოდენობა ყოველკვირეულად, სანამ არ მიაღწევთ თრომბოციტების სტაბილურ რაოდენობას. ამის შემდეგ, ყოველთვიურად უნდა შემოწმდეს სისხლის საერთო ანალიზი, თრომბოციტების რაოდენობისა და პერიფერიული სისხლის ნაცხის ჩათვლით.

რევოლეიდის დღიური დოზა არ უნდა აღემატებოდეს 100 მგ-ს.

პეგინტერფერონ ალფასა და რიბავირინის კონკრეტული დოზის მითითებებისათვის იხილეთ მათი შესაბამისი გამოყენების ინსტრუქციები.

ცხრილი 2     რევოლეიდის დოზის კორექტირება HCV პაციენტებში ანტივირუსული თერაპიის დროს

* - იმ პაციენტებისთვის, რომლებიც 25 მგ რევოლეიდს იღებენ დღეში ერთხელ, უმჯობესი იქნება დღიური 12.5 მგ დოზის მიღებას ერთხელ დღეში ან ალტერნატივის სახით 25 მგ ყოველ მეორე დღეს.

შეწყვეტა

HCV-ის 1/4/6 გენოტიპის მქონე პაციენტებში, ინტერფერონით თერაპიის გაგრძელებისა გადაწყვეტილების მიუხედავად, იმ პაციენტებში, რომლებიც მე-12 კვირაზე ვერ აღწევენ ვირუსულ პასუხს, რეკომენდებულია რევოლეიდით მკურნალობის შეწყვეტა. თუ მკურნალობის 24 კვირის შემდეგ HCV-RNA-ი კვლავ აღმოჩნდება, რევოლეიდით მკურნალობა უნდა შეწყდეს.

რევოლეიდით მკურნალობა უნდა შეწყდეს, როდესაც წყდება ანტივირუსული თერაპია. თრომბოციტების ჭარბი რაოდენობის პასუხმა, როგორც ეს მითითებულია 2 ცხრილში, ან ღვიძლის შემოწმებისას გამოვლენილმა ანომალიებმა შეიძლება განაპირობოს რევოლეიდით მკურნალობის შეწყვეტა (იხილეთ პარაგრაფი "გაფრთხილებები და სიფრთხილის ზომები").

ბავშვები

რევოლეიდის უსაფრთხოება და ეფექტურობა ქრონიკული HCV-ის მქონე ბავშვებში დადგენილი არ არის.

მწვავე აპლასტური ანემია

მოზრდილები

საწყისი დოზის მიღება

დაიწყეთ რევოლეიდის მიღება დღიური 50მგ დოზით.

აღმოსავლეთ აზიის მოსახლეობის (როგორიცაა, ჩინელები, იაპონელები, ტაივანელები, კორეელები ან ტაილანდელები)SAA პაციენტებისთვის, რევოლეიდის საწყისი დღიური დოზა უნდა იყოს 25 მგ (იხილეთ პარაგრაფი"კლინიკური ფარმაკოლოგია და პარაგრაფი"სპეციალური პოპულაციები").

მონიტორინგი და დოზის კორექტირება

ჰემატოლოგიური პასუხი საჭიროებს დოზის ტიტრირებას, ჩვეულებრივ, 150მგ-მდე, რასაც შეიძლება დაჭირდეს რევოლეიდის მიღების დაწყებიდან 16 კვირამდე პერიოდი (იხილეთ პარაგრაფი"კლინიკური კვლევები"). რევოლეიდის დოზა დაარეგულირეთ 50მგ-იანი დანამატებით ყოველ 2 კვირაში, რაც საჭიროა თრომბოციტების სამიზნე რაოდენობის ≥ 50,000/მკლ-მდე მისაღწევად. დღიური დოზა არ უნდა აღემატებოდეს 150 მგ-ს. რევოლეიდით თერაპიის განმავლობაში რეგულარულად შეამოწმეთ კლინიკური ჰემატოლოგია და ჩაიტარეთ ღვიძლის მონიტორინგი და შეცვალეთ რევოლეიდის მიღების გრაფიკი თრომბოციტების რაოდენის მიხედვით, როგორც ეს მითითებულია ცხრილში 3.

ცხრილი 3     რევოლეიდის დოზის კორექტირება მწვავე აპლასტური ანემიის მქონე პაციენტებში

დოზის ეტაპობრივი შემცირება სამხაზოვანი (სისხლის თეთრი უჯრედები, სისხლის წითელი უჯრედები და თრომბოციტები) მოპასუხეებისთვის

მას შემდეგ, რაც თრომბოციტების რაოდენობა> 50,000/მკლ-ს, ჰემოგლობინი> 10 გ/დლ იქნება სისხლის წითელი უჯრედების (RBC) გადასხმის გარეშე, ხოლო აბსოლუტური ნეიტროფილი (ANC) > 1 x 109/ლ იქნება 8 კვირაზე მეტ ხანს, რევოლეიდის დოზა უნდა შემცირდეს 50%-ით. თუ შემცირებულ დოზაზე თრომბოციტების რაოდენობა სტაბილურად შენარჩუნდება, მაშინ შეწყვიტეთ რევოლადის მიღება და შეამოწმეთ სისხლის უჯრედები. თუ თრომბოციტების რაოდენობა დაეცემა < 30,000/მკლ-მდე, ჰემოგლობინი < 9 გ/დლ-მდე ან ANC < 0.5 x 109/ლ-მდე, რევოლეიდის მიღება უნდა განახლდეს წინა დოზით.

შეწყვეტა

თუ რევოლეიდით თერაპიის დაწყებიდან 16 კვირის შემდეგ არ გამოვლინდება ჰემატოლოგიური პასუხი, შეწყვიტეთ თერაპია. თუ ახალი ციტოგენური ანომალიები არ განვითარედება, რეკომენდებულია რევოლეიდის შეწყვეტა (იხილეთ პარაგრაფი"გვერდითი რეაქციები"). თრომბოციტების ჭარბი რაოდენობის (როგორც ეს მითითებულია ცხრილში 3) ან ღვიძლის შემოწმებისას მნიშვნელოვანი ანომალიების გამოვლენის შემთხვევაში, ასევე საჭირო იქნება რევოლეიდის მიღების შეწყვეტა (იხილეთ პარაგრაფი"გაფრთხილებები და სიფრთხილის ზომები").

ბავშვები

რევოლეიდის უსაფრთხოება და ეფექტურობა SAA-ის მქონე ბავშვებში, შესწავლილი არ არის.

სხვა პოპულაციები (ყველა ჩვენება)

ხანდაზმულები

მცირე მონაცემები არსებობს რევოლეიდის მოხმარებასთან დაკავშირებით 65 და მეტი ასაკის პაციენტებში. რევოლეიდით თერაპიის კლინიკურ კვლევებში, კლინიკურად მნიშვნელოვანი სხვაობები რევოლეიდის უსაფრთხოებასთან დაკავშირებით არ გამოვლენილა 65 წლის და ახალგაზრდა პაციენტებში. არც სხვა კლინიკური პრაქტიკის მონაცემებში დაფიქსირებულა კონკრეტული განსხვავებები ხანდაზმულ და შედარებით ახალგზარდა პაციენტებში, მაგრამ არ შეიძლება გამოვრიცხოთ მომატებული მგრძნობელობა ზოგიერთ ხანდაზმულ სუბიექტში (იხილეთ პარაგრაფი"კლინიკური ფარმაკოლოგია, სპეციალური პოპულაციები").

თირკმლის უკმარისობა

დოზის კორექტირება საჭირო არ არის თირკმლის უკმარისობის მქონე პაციენტებში. თუმცა, შეზღუდული კლინიკური გამოცდილების გამო, თირკმლის უკმარისობის მქონე პაციენტებმა სიფრთხილით და ხშირი მონიტორინგის ფონზე უნდა მიიღონ რევოლეიდი (იხილეთ პარაგრაფი"კლინიკური ფარმაკოლოგია" და პარაგრაფი"სპეციალური პოპულაციები").

ღვიძლის უკმარისობა

ღვიძლის ცეროზით დაავადებულმა ITP პაციენტებმა (ღვიძლის უკმარისობა, Child-Pugh ქულა ≥ 5) რევოლეიდი სიფრთხილითა და ხშირი მონიტორინგის ფონზე უნდა მიიღონ (იხილეთ პარაგრაფი"გაფრთხილებები და სიფრთხილის ზომები", პარაგრაფი"კლინიკური ფარმაკოლოგია" ფა პარაგრაფი "სპეციალური პოპულაციები").

თუ რევოლეიდის მიღება აუცილებელია ღვიძლის უკმარისობის მქონე ITP პაციენტებისთვის, საწყისი დღიური დოზა უნდა იყოს 25 მგ. რევოლეიდის საწყისი დოზის მიღების შემდეგ, ღვიძლის უკმარისობის მქონე პაციენტებმა უნდა მოიცადონ 3 კვირა დოზის გაზრდამდე.

ქრონიკული HCV-ი მქონეპაციენტებმა ღვიძლის უკმარისობით ან მწვავე აპლასტური ანემიის მქონე პაციენტებმა ღვიძლის უკმარისობით, რევოლეიდის მიღება უნდა დაიწყონ 25 მგ დოზით დღეში ერთხელ (იხილეთ პარაგრაფი"კლინიკური ფარმაკოლოგია" და პარაგრაფი "სპეციალური პოპულაციები").

უკუჩვენებები

არცერთი.

გაფრთხილებები და სიფრთხილის ზომები

რევოლეიდის ეფექტურობა და უსაფრთხოება სხვა თრომბოციტოპენიურ პირობებში, ქიმიოთერაპიით ინდუცირებული თრომბოციტოპენიისა და მიელოდისპლაზიური სინდრომების (MDS) ჩათვლით, დადგენილი არ არის.

ჰეპატოტოქსიკურობა: რევოლეიდის მიღებამ შეიძლება გამოიწვიოს გადახრები ჰეპატობილიარული ლაბორატორიული მაჩვენებლებიდან, მწვავე ჰეპატოტოქსიკურობა და ღვიძლის პოტენციურად ფატალური დაზიანება.

მოზრდილებისა და პედიატრიული სუბიექტების კლინიკურ კვლევებში (1-დან 17 წლამდე ასაკი) ქრონიკული ITP-ით, რომლებიც იღებდნენ რევოლეიდს, გამოვლინდა შრატის ალანინამინოტრანსფერაზას (ALT), ასპარაგინ-ამინოტრანსფერაზასა (AST) დაარაპირდაპირი ბილირუბინის მომატება (იხილეთ პარაგრაფი"გვერდითი რეაქციები")

ეს მონაცემები ძირითადად ზომიერი (ხარისხი 1-2), შექცევადი ხასიათის იყო, კლინიკურად  მნიშვნელოვანი სიმპტომების გარეშე, რაც მიანიშნებდა ღვიძლის ფუნქციის უკმარისობაზე. ქრონიკული ITP-ის მქონე მოზრდილების ორ პლაცებო კონტროლირებად კვლევაში, ALT-ის მომატების გვერდითი რეაქციები გამოვლინდა რევოლეიდითა და პლაცებოთი ნამკურნალები სუბიექტების 5.7% და 4.0%-ში. ქრონიკული ITP-ის მქონე პედიატრიული სუბიექტების (1-დან 17 წლამდე) ორ პლაცებო კონტროლირებად კვლევაში, ALT³3-ჯერ აღემატებოდა ნორმალურ ზღვარს (x ULN)და ეს შედეგები დაფიქსირდა რევოლეიდითა და პლაცებოთი ნამკურნალები ჯგუფების 4.7% და 0%-ში.

ტრომბოციტოპენიური სუბიექტების 2 კონტროლირებად კლინიკურ კვლევაში, HCV, ALT ან AST³3xULN დაფიქსირდა რევოლეიდისა და პლაცებო ჯგუფების 34% და 38%-ში. რევოლეიდის მიღება პეგინტერფერონ/რიბავირინის თერაპიასთან კომბინაციაში, დაკავშირებულია არაპირდაპირ ჰიპერბილირუბინემიასთან. ჯამში, საერთო ბილირუბინი ≥1.5xULN აღინიშნა რევოლეიდისა და პლაცებოს ჯგუფების 76% და 50%-ში.

რევოლეიდის მიღების დაწყებამდე გაზომეთ შრატის ALT, AST და ბილირუბინი, დოზის კორექტირების ფაზაში ყოველ 2 კვირაში და სტაბილური დოზის დადგენის შემდეგ - ყოველთვიურად. თუ ბილირუბინი მომატებულია, მოახდინეთ ფრაქციონირება. 3-5 დღეში კიდევ გაიმეორეთ ღვიძლის შრატის ტესტი. თუ გადახრები დადასტურდება, აკონტროლეთ ღვიძლის შრატის ტესტი მანამ, სანამ არ აღმოიფხვრება, დასტაბილურდება აღნიშნული გადახრები და არ დაუბრუნდება საქყის დონეს. შეწყვიტეთ რევოლეიდის მიღება, თუ ALTდონეები მოიმატებს (³3xULN) ღვიძლის ნორმალური ფუნქციის მქონე პაციენტებში, ან ³3x საწყისი დონის მქონე (ან >5xULN, რომელიც უფრო დაბალი იქნება) პაციენტებში, რომლებსაც მკურნალობის დაწყებამდე აღენიშნებოდათ ტრანსმინაზების მომატება და რომლებიც:

• პროგრესულია, ან
• უცვლელია ≥4 კვირის განმავლობაში, ან
• ახლავს პირდაპირი ბილირუბინის მომატება, ან
• ახლავს ღვიძლის დაზიანების კლინიკური სიმპტომები ან ღვიძლის დეკომპენსაციის ნიშნები

სიფრთხილით უნდა მოხდეს რევოლეიდის მიღება ღვიძლის დაავადების მქონე პაციენტებისთვის. ITP და SAA პაციენტებში თირკმლის უკმარისობით, გამოიყენეთ რევოლეიდის დაბალი საწყისი დოზა (იხილეთ პარაგრაფი "დოზა და მიღების წესი").

ღვიძლის დეკომპენსაცია (ინტერფერონთან ერთად გამოყენება):

ქრონიკული HCV პაციენტები ციროზის დიაგნოზით, შეიძლება იყვნენ ღვიძლის დეკომპენსაციის რისკის ქვეშ, რაც ალფა ინტერფერონის თერაპიის პერიოდში, შესაძლოა ზოგჯერ ფატალური შედეგებით დასრულდეს. 2 კონტროლირებად კლინიკურ კვლევაში თრომბოციტოპენიურ HCV სუბიექტებში, სადაც რევოლეიდი გამოიყენებოდა თრომბოციტების სამიზნე რაოდენობამდე მისაღწევად, რაც აუცილებელი იყო ანტივირუსული თერაპიის დასაწყებად, უსაფრთხოების შესახებ მონაცემები, რომლებიც მიუთითებდა ღვიძლის დეკომპენსაციაზე, უფრო მეტი სიხშირით დაფიქსირდა რევოლეიდის ჯგუფში (13%), ვიდრე პლაცებოს ჯგუფში (7%). სუბიექტები ალბუმინის დაბალი დონით (<3.5გ/დლ) ან საწყის ეტაპზე ღვიძლის დაავადების ბოლო სტადიის მოდელის (MELD) ³10 შკალით, ღვიძლის დეკომპენსაციის სერიოზული რისკის ქვეშ იყვნენ. ამ მახასიათებლების მქონე პაციენტებმა უნდა გაიარონ დეტალური შემოწმება ღვიძლის დეკომპენსაციის ნიშნებსა და სიმპტომებზე. პრეპარატის მიღების შეწყვეტის კრიტერიუმებისთვის იხილეთ ინტერფერონის შესაბამისი გამოყენების ინსტრუქცია. ღვიძლის დეკომპენსაციის გამო ანტივირუსული თერაპიის შეწყვეტის შემთხვევაში, უნდა შეწყდეს რევოლეიდის მიღება.

თრომბოზული/თრომბოემბოლური გართულებები:

ნორმალურ ზღვარზე მეტი თრომბოციტების რაოდენობა თეორიულ რისკს წარმოადგენს თრომბოზული/თრომბოემბოლური გართულებებისათვის. რევოლეიდის კლინიკურ კვლევებში იმუნურ იდიოპათიურ თრომბოციტოპენიურ პურპურაში (ITP)თრომბოემბოლური გართულებები დაფიქსირდა თრომბოციტების დაბალ და ნორმალურ რაოდენობაზე.

თრომბოემბოლიზმის ცნობილი რისკ ფაქტორების მქონე პაციენტებში რევოლეიდის დანიშვნა სიფრთხილით უნდა მოხდეს (მაგ.,V ლაიდენის ფაქტორი, ATIII უკმარისობა, ანტიფოსფოლიპიდური სინდრომი). საჭიროა თრომბოციტების რაოდენობის მონიტორინგი და რევოლეიდის დოზის შემცირება ან მიღების შეწყვეტა, თუ თრომბოციტების რაოდენობა აღემატება სამიზნე დონეს (იხილეთ პარაგრაფი"დოზა და მიღების წესი").

მოზრდილებში ITP კვლევებისას 446 სუბიექტიდან 17 პაციენტს (3,8%) გამოუვლინდა თრომბოემბოლური/თრომბოზული გართულების 21 შემთხვევა. TEE-ი მოიცავდა: ემბოლიას ფილტვების ემბოლიის ჩათვლით, ღრმა ვენების თრომბოზს, მიკრო ინსულტს, მიოკარდიუმის ინფარქტს, იშემიურ ინსულტს და საეჭვოდგახანგრძლივებულ შექცევად იშემიურ ნევროლოგიურ უკმარისობას.

რევოლეიდის გამოყენება არ არის რეკომენდებული ღვიძლის უკმარისობის მქონე პაციენტებში (Child-Pugh ქულა ≥ 5), თუ მოსალოდნელი სარგებელი პორტალური ვენის თრომბოზის დადგენილ რისკს აჭარბებს. შესაბამისი მკურნალობის დადგენის შემდეგ, რევოლეიდი სიფრთხილით უნდა დაენიშნოს ღვიძლის უკმარისობის მქონე პაციენტებს (იხილეთ პარაგრაფი"დოზა და მიღების წესები და გვერდითი რეაქციები").

HCV-ის მქონეტრომბოციტოპენიური სუბიექტების 2 კონტროლირებად კვლევაში, რომლებიც გადიოდნენ ინტერფერონზე დაფუძნებულ თერაპიას, 995 სუბიექტიდან 31 (3%)-ს, რომლებიც მკურნალობდნენ რევოლეიდით, აღენიშნათ TEE, ხოლო პლაცებო ჯგუფის484 სუბიექტიდან 5-ს (1%) აღმოაჩნდა TEE-ი. პორტალური ვენების თრომბოზი ყველაზე ხშირი TEE იყო მკურნალობის ორივე ჯგუფში (სუბიექტების 1%, რომლებიც მკურნალობდნენ რევოლეიდით vs პლაცებო ჯგუფის < 1% წინააღმდეგ). მკურნალობის დაწყებასა და TEE-ის გამოვლენას შორის რაიმე კონკრეტული დროებითი კავშირი დადგენილი არ არის. TEE-ის შემთხვევების უმეტესობა მოგვარდა და არ გამოუწვევია ანტივირუსული თერაპიის შეწყვეტა.

ღვიძლის ქრონიკული დაავადების მქონე თრომბოციტოპენიური სუბიექტების კონტროლირებად კვლევაში (n = 288, უსაფრთხოების პოპულაცია), რომლებიც გადიოდნენ შერჩევით ინვაზიურ პროცედურებს, პორტალური ვენების თრომბოზის რისკი გაიზარდა იმ პაციენტებში, რომლებიც მკურნალობას გადიოდნენ 75 მგ რევოლეიდით დღეში ერთხელ 14 დღის განმავლობაში. ღვიძლის ქრონიკული დაავადების მქონე 143 მოზრდილი პაციენტიდან, რომლებიც იღებდნენ რევოლეიდს, ექვსს (4%) განუვითარდა TEE-ი (მთელი პორტალური ვენების სისტემის მასშტაბით), ხოლო პლაცებო ჯგუფის 145 პაციენტიდან ორს (1%) განუვითარდა TEE-ი (ერთს პორტალური ვენების სისტემაში და მეორეს - მიოკარდიუმის ინფარქტი). რევოლეიდით ნამკურნალებ ხუთ პაციენტს TEE-ით, განუვითარდათ გართულებები რევოლეიდის დასრულებიდან 14 დღის