Vagymin - ვაგიმინი 500მგ 10 ვაგინალური სანთელი

გამოყენებამდე ყურადღებით წაიკითხეთ მოცემული დანართი ფურცელი. დამატებითი ინფორმაციისათვის მიმართეთ ექიმს.

ვაგიმინი
VAGYMIN

ვაგინალური სუპოზიტორია
(მეტრონიდაზოლი 500 მგ, მიკონაზოლის ნიტრატი 100 მგ, Lაცტობაცილლუს აციდოპჰილუს 50 მგ)

შემადგენლობა:
ყოველი სუპოზიტორია შეიცავს:
მეტრონიდაზოლი 500 მგ.
მიკონაზოლის ნიტრატი 100 მგ.
Lაცტობაცილლუს აციდოპჰილუს 50 მგ.

დამხმარე საშუალებები:
მყარი ნახევრადსინთეზური გლიცერიდები.

ჩვენებები:
- ვაგიმინი არის კომბინირებული ფართო სპექტრის სოკოს საწინააღმდეგო პრეპარატი, რომელიც აგრეთვე ავლენს აქტივობას თრიცჰომონას სპპ.-ს მიმართ. ვაგიმინი ნაჩვენებია კანდიდოზური ვაგინიტის და შერეული ვაგინალური ინფექციების სამკურნალოდ, რომლებიც გამოწვეულია გრამ(+) და გრამ(-) ბაქტერიებით. Lაცტობაცილლუს სპპ. აღადგენს საშოს ფიზიოლოგიურ მიკროფლორას.

დოზირება და მიღების წესი:
- ერთი ვაგინალური სუპოზიტორია დღეში, სასურველია ღამით, ორი კვირის განმავლობაში.

* არ შეიძლება პერორალურად მიღება. ეს პრეპარატი გამოიყენება მხოლოდ რეცეპტით.

უკუჩვენებები:
- მომატებული მგრძნობელობა მეტრონიდაზოლის, მიკონაზოლის ნიტრატის და Lაცტობაცილლუს აციდოპჰილუს-ის ან ვაგინალური სუპოზიტორიების რომელიმე კომპონენტის მიმართ.

გვერდითი ეფექტები:
- იშვიათად პაციენტებში შეიძლება აღინიშნოს ზომიერი ადგილობრივი წვა ან გაღიზიანება ვაგინალური სუპოზიტორიის შეყვანისთანავე.
- იშვიათად აღინიშნებოდა მომატებული მგრძნობელობის რეაქციები.
- პრეპარატის გამოყენებასთან დაკავშირებული ნებისმიერი არასასურველი რეაქციის განვითარებისთანავე მიმართეთ ექიმს.

სპეციალური გაფრთხილებები და სიფრთხილის ზომები გამოყენებისას:
- დისულფირამის მსგავსი რეაქცია ალკოჰოლის მიმართ აღინიშნა პერორალური მეტროდნიდაზოლის გამოყენებისას. ამიტომ, მეტრონიდაზოლით მკურნალობისას პაციენტები უნდა მოერიდონ ალოჰოლის მიღებას.
- მკურნალობის ხანგრძლივობა უნდა იყოს შეზღუდული რეზისტენტული მიკროორგანიზმების სელექციის საშიშროების და ამ მიკროორგანიზმებით გამოწვეული სუპერინფექციის რისკის გამო.

გაფრთხილება:
- არ შეწყვიტოთ მკურნალობა მენსტრუაციის პერიოდშიც კი.

- არ მიიღოთ შხაპი ექიმის მითითების გარეშე. შხაპის მიღებამ შეიძლება დაარღვიოს საშოს მიკროფლორის ფიზიოლოგიური ბალანსი.

- შხაპის, აბაზანის ან ცურვის შემდეგ კარგად გაიმშრალეთ საშოს გარეთა უბანი. გამოიცვალეთ სველი საცურაო კოსტიუმი ან სველი ტანსაცმელი რაც შეიძლება მალე.

ურთიერთქმედება სხვა სამკურნალო საშუალებებთან:
- მეტრონიდაზოლი აძლიერებს ვარფარინისა და კუმარინის წარმოებულების ანტიკოაგულაციურ ეფექტს, რაც იწვევს პროთრომბინის დროის გახანგრძლივებას.

- ლითიუმის შედარებით მაღალ დოზებზე სტაბილიზებულ პაციენტებში მეტრონიდაზოლით ხანმოკლე თერაპია ასოცირებული იყო შრატში ლითიუმის დონის მომატებასთან და ზოგ შემთხვევაში, ლითიუმის ტოქსიკურობის ნიშნებთან.

- მიკონაზოლმა შეიძლება გაზარდოს ფენიტოინის პლაზმური კონცენტრაცია და დაარღვიოს ფენიტოინის მეტაბოლიზმი ღვიძლში.

- მიკონაზოლმა შეიძლება გაზარდოს პერორალური ანტიკოაგულაციური საშუალებების (კუმარინი და ვარფარინი) ეფექტი.

- ვაგიმინით მკურნალობისას მოერიდეთ სხვა ადგილობრივი პრეპარატების გამოყენებას, ვინაიდან გამორიცხული არ არის ურთიერთქმედებების განვითარება.

გამოყენება ორსულობისა და ლაქტაციის დროს:
- ორსულ ქალებში გამოყენების საკითხი საჭიროებს გულდასმით განხილვას. ვაგიმინი მიიღება მხოლოდ აშკარა აუცილებლობისას.

ზემოქმედება ავტომობილებისა და მექანიზმების მართვის უნარზე:
- ვაგიმინს არ გააჩნია მნიშვნელოვანი ეფექტები ავტომობილებისა და მექანიზმების მართვის უნარზე.

ჭარბი დოზირება:
- მიკონაზოლის ნიტრატის, მეტრონიდაზოლის და Lაცტობაცილლუს აციდოპჰილუს-ის შემცველი ვაგინალური სუპოზიტორიების გამოყენებისას ჭარბი დოზირების შემთხვევები დღემდე ცნობილი არ არის.

შენახვის ვადა:
- 36 თვე წარმოების თარიღიდან.

შენახვის პირობები:
- ინახება 250ჩ-მდე ტემპერატურაზე, მშრალ, სინათლისაგან დაცულ ადგილას.

გამოშვების ფორმა:
ვაგიმინი #10 სუპოზიტორია
5 სუპოზიტორია ბლისტერში, 2 ბლისტერი კოლოფში.

პრეპარატი შეინახეთ ბავშვებისათვის მიუწვდომელ ადგილას.
პრეპარატი გაიცემა მხოლოდ რეცეპტით.
დამატებითი ინფორმაციისათვის მიმართეთ ექიმს.

ვაგიმინი არის NOVATOR PHARMA" LLP”-ს, დიდი ბრიტანეთი სავაჭრო ნიშანი.
მწარმოებელი: "FULTON MEDICINALI " S. P. A (მილანი), იტალია