Citizen 500 - ციტიზენი 500მგ 20 ტაბლეტი

ციტიზენი-500

CITIZEN -500

(ციტიკოლინი ტაბლეტები)

შემადგენლობა:

გარსით დაფარული ერთი ტაბლეტი შეიცავს:

ციტიკოლინს 500 მგ-ს.

ფარმაკოლოგიური მოქმედება

ფარმაკოდინამიკური თვისებები

ციტიკოლინის ფარმაკოლოგიური მოქმედება განპირობებულია ფოსფოლიპიდების მეტაბოლიზმის    სტიმულაციით.    ციტიკოლინის    მეტაბოლიტებია    -    ქოლინი, მეთიონინი, ბეტაინი და ციტიდინისგან წარმოებული ნუკლეოტიდები. ქოლინერგული  ნერვული  გადაცემის  ბიოქიმიური  მარკერები  ვლინდება  ისეთი მდგომარეობების   დროს,   რომლებსაც   თან   ახლავს   ქოლინერგული   ნეირონების დეგენერაცია,       მაგ.,       ალცჰეიმერის       დაავადება.       ციტიკოლინი,       როგორც აცეტილქოლინის  წინამორბედი,  აუმჯობესებს  ალცჰეიმერის   დაავადების   დროს თავის ტვინის შემეცნებით ფუნქციას. თავის ტვინი ქოლინს იყენებს აცეტილქოლინის სინთეზისთვის,      რომელმაც      შეიძლება      შეამციროს      ფოსფოტიდილქოლინის წარმოქმნისთვის საჭირო ქოლინის რაოდენობა. ციტიკოლინი გამოიყენება პაციენტებში ინსულტის მკურნალობის დროს. მას გააჩნია მოქმედების სამი მექანიზმი: ფოსფოტიდილქოლინის სინთეზის გაზრდის გზით აღადგენს ნეორენების მემბრანების სტრუქტურას. აცეტილქოლინის წარმოების პოტენცირების გზით აღადგენს დაზიანებულ ქოლინერგულ ნეირონებს. ნერვის დაზიანებულ მონაკვეთზე ამცირებს თავისუფალი ცხიმოვანი მჟავების რაოდენობას. ციტიკოლინი იცავს ქოლინერგულ     ნეირონებს     აუტოფაგიისაგან,    როდესაც     ხდება     მემბრანული  ფოსფოლიპიდების კატაბოლიზმი, რომ უზრუნველყოფილი იყოს აცეტილქოლინის სინთეზისათვის საჭირო ქოლინის წარმოება. ეს ხდემა ქოლინის მარაგის შემცირებისას, როდესაც ნეიროტრანსმისიის შესანარჩუნებლად გამოიყენება მემბრანული ფოსფოლიპიდები. ციტიკოლინი, როგორც აცეტილქოლინის სინთეზისათვის საჭირო ქოლინის ეგზოგენური წყარო, ზოგავს მემბრანების ფოსფოლიპიდებს (კერძოდ ფოსფატიდილქოლინს) და ხელს უშლის ნეირონების სიკვდილს.

ფარმაკოკინეტიკური თვისებები

ციტიკოლინი  არის  წყალში  ხსნადი  ნაერთი,  რომლის    ბიოშეღწევადობაა  90%-ზე მეტი. ჯანმრთელ   ადამიანებში   ჩატარებულმა   კლინიკურმა   კვლევებმა   აჩვენა,    რომ ციტიკოლინი სწრაფად ადსორბირდება; 1%-ზე ნაკლები გამოიყოფა ფეკალურ მასებთან ერთან. პლაზმაში პიკური კონცენტრაციები ორფაზიანია: პირველი პიკი აღინიშნება მიღებიდან 1 სთ-ის შემდეგ, რომელსაც მოყვება მეორე უფრო დიდი პიკი - მიღებიდან 24 სთ-ის შემდეგ. ციტიკოლინი მეტაბოლიზდება ნაწლავის კედელსა და ღვიძლში. ეგზოგენური ციტიკოლინის ჰიდროლიზის შედეგად ნაზლავის კედელში წარმოიქმნება მისი ორი წარმოებული - ქოლინი და ციტიდინი. აბსორბციის შემდეგ ქოლინი და ციტიდინი სისხლის მიმოქცევის სისტემის მეშვეობით ნაწილდებიან მთელს  ორგანიზმში,  მონაწილეობენ  ბიოსინთეზის  სხვადასხვა  პროცესებში, გაივლიან ჰემატოენცეფალურ ბარიაერს და მონაწილეობენ თავის ტვინში ციტიკოლინის რესინტეზში. ციტიკოლინის ფარმაკოკინეტიკურმა კვლევებმა აჩვენეს, რომ ციტიკოლინი C¹⁴ გამოიყოფა ძირითადად სასუნთქი გზებით CO₂ -თან ერთად და შარდით, ორ ეტაპად, ორფაზიანი  პლაზმური  პიკის  შესაბამისად.  პლაზმური  კონცენტრაციის  საწყისი პიკის შემცირება საკმაოდ სწრაფად ხდება, შემდეგ კონცენტრაცია თანდათან მცირდება 4-10 სთ-ის განმავლობაში. მეორე ფაზაში 24 სთ-იანი პლაზმური პიკის შემცირება შედარებით ნელა ხდება. CO₂-თან ერთად გამოყოფის დროს T½ პერიოდი არის 56 საათი, ხოლო თირკმლებიდან გამოყოფის დროს - 71 საათი.

ჩვენებები:

ციტიზენი-500 გამოიყენება შემდეგი ჩვენებების დროს:

• იშემიური ინფარქტის მწვავე და  აღდგენითი პერიოდები (მაგ.,  ინსულტით გამოწვეული იშემია).
• კოგნიტიური დარღვევები დეგენერაციული დაავადებების (მაგ.ალცჰეიმერის დაავადება) და ცერებროვასკულარული დაავადების დროს.
• ქალა-ტვინის ტრავმით გამოწვეული ცერებრული უკმრისობა (მაგ.,თავბრუხვევა, მეხსიერების დაკარგვა, კონცენტრაციის დარღვევა, დეზორიენტაცია).
• ყურადღების დეფიციტი ან ჰიპერაქტიურობა, გლაუკომა.

უკუჩვენება:

ციტიზენი-500 უკუნაჩვენებია შემდეგი მდგომარეობის დროს:

პარასიმპათიკური ნერვული სისტემის ტონუსის მომატება.

დოზირება და მიღების წესი:

ასაკობრივი  ცვლილებებით  გამოწვეული  აზროვნების  უნარის  შემცირების  დროს ინიშნება 1000-2000 მგ ციტიკოლინი დღეში. თავის       ტვინის       სისხლძრღვოვანი       დაავადებების       დროს       (ქრონიკული ცერებროვასკულარული დაავადება) ინიშნება 600 მგ ციტიკოლინი დღეში. თრომბოზით მიმდინარე მწვავე იშემიური ინსულტის მკურნალობისას ინსულტიდან 24 საათის შემდეგ ინიშნება 500-2000 მგ ციტიკოლინი დღეში.

მიღების წესი: მიიღება პერორალურად.

გაფრთხილებები და სიფრთხილის ზომები:

ციტიკოლინის მაღალი დოზებით გამოყენებამ შეიძლება გამოიწვიოს თავის ტვინში სისხლის მიმოქცევის გაზრდა და პერსისტენტული ქალასშიდა სისხლჩაქცევების განვითარება. არ გამოიყენოთ რეკომენდებულ პერიოდზე მეტი ხნის განმავლობაში. ციტიკოლინმა შეიძლება გამოიწვიოს თავბრუხვევა და ძილიანობა, ამიტომ მკურნალობის მთელი კურსის განმავლობაში თავი უნდა შეიკავოთ ნებისმიერი სახის მექანიზმების მართვისაგან.

გვერდითი მოვლენები:

ჰიპოტენზია, ტაქიკარდია, ბრადიკარდია, ტკივილი მუცლის არეში, დიარეა, უძილობა, თავის ტკივილი, გულისრევა, მხედველობის დაბინდვა, ტკივილი გულმკერდის არეში და სხვა.

ორსულობა და ლაქტაცია:

ორსულობისა და ძუძუთი კვების პერიოდში ციტიკოლინის უსაფრთხოების შესახებ საკმარისი მონაცემები არ მოიპოვება.

ორსულობის და ძუძუთი კვების პერიოდში ციტიკოლინის გამოყენება შეიძლება მხოლოდ მაშინ, როდესაც დედისათვის მოსალოდნელი სარგებელი აღემატება ნაყოფისათვის ან ბავშვისთვის მოსალოდნელ რისკს.

არ გამოიყენება ბავშვებში.

ურთიერთქმედება სხვა პრეპარატებთან:

პრეპარატის  გამოყენება   არ   არის   რეკომენდებული  მეკლოფენოქსატის  შემცველ სამკურნალო საშუალებებთან ერთად.

გაცემის წესი:  ფარმაცევტული პროდუქტის ჯგუფი II, გაიცემა ფორმა N3 რეცეპტით.

შენახვა: ინახება მშრალ, სინათლისაგან დაცულ ადგილას, არა უმეტეს 25℃ ტემპერატურაზე. ინახება ბავშვებისთვის მიუწვდომელ ადგილას.

მწარმოებელი:

შპს  „ZEE LABORATORIES“

47 ინდასტრიალ არეა,

პაონტა საჰიბი-173025