Ferrum Lek - ფერუმ ლეკი კუნთის 2მლ. 50 ამპულა
შემადგენლობა
ფერუმ ლეკის იზოტონური ხსნარის 2 მლ (1 ამპულა) შეიცავს 100მგ რკინის (III) ჰიდროქსიდის პოლიიზომალტოზატს.
ფარმაკოლოგიური თვისებები
პრეპარატი შეიცავს რკინას სამვალენტიანი რკინის ჰიდროქსიდის პოლიიზომალტოზური კომპლექსის სახით. ეს მაკრომოლეკულური კომპლექსი სტაბილურია და თავისუფალი იონების სახით რკინას არ გამოყოფს. სტრუქტურით კომპლექსი რკინის ბუნებრივი ნაერთის – ფერიტინის მსგავსია. პრეპარატის შემადგენლობაში შემავალი რკინა სწრაფად ანაზღაურებს ორგანიზმში ამ ელემენტის უკმარისობას (კერძოდ, რკინადეფიციტური ანემიის დროს), აღადგენს ჰემოგლობინის დონეს. პრეპარატით მკურნალობის დროს ხდება რკინის დეფიციტის კლინიკური (სისუსტე, დაღლილობა, თავბრუსხვევა, ტაქიკარდია, კანის სიმშრალე) და ლაბორატორიული სიმპტომების თანდათანობითი რეგრესია.
პრეპარატის კუნთში შეყვანის შემდეგ რკინა სწრაფად აღწევს სისტემურ სისხლის მიმოქცევაში: დოზის 15% –15 წუთში, 44% – 30 წუთში. ნახევარგამოყოფის ბიოლოგიური პერიოდი – 3-4 დღეს შეადგენს. რკინა ტრანსფერინთან კომპლექსში ორგანიზმის უჯრედებში აღწევს, სადაც გამოიყენება ჰემოგლობინის, მიოგლობინისა და ზოგიერთი ფერმენტის სინთეზისათვის. რკინის (III) ჰიდროქსიდის პოლიიზომალტოზასთან კომპლექსი საკმაოდ დიდი ზომისაა და ამიტომ თირკმლებით არ გამოიყოფა, შენაერთი სტაბილურია და ფიზიოლოგიურ პირობებში რკინის იონებს არ გამოყოფს.
ჩვენებები
რკინადეფიციტური მდგომარეობების ყველა ფორმის მკურნალობა, რომელთა დროს აუცილებელია რკინის დეფიციტის შევსება, კერძოდ:
- რკინის მძიმე დეფიციტი სისხლის დაკარგვის შედეფად,
- ნაწლავში რკინის აბსორბციის დარღვევა,
- მდგომარეობები, რომელთა დროს რკინის შიგნით მისაღები პრეპარატებით მკურნალობა არაეფექტურია ან შეუძლებელია.
მიღების წესები და დოზები
ფერუმ ლეკის შეყვანა შეიძლება მხოლოდ კუნთში. მისი ვენაში შეყვანა არ შეიძლება.
ფერუმ ლეკის პირველი თერაპიული დოზის შეყვანამდე თითოეულ პაციენტს უნდა გაუკეთდეს ტესტ-დოზა, რომელიც შეადგენს ფერუმ ლეკის ამპულის ¼-1/2-ს (25-50მგ რკინას) მოზრდილებისათვის და სადღეღამისო დოზის ნახევარს ბავშვებისათვის. 15 წუთის განმავლობაში გვერდითი რეაქციების არ გამოვლენის შემთხვევაში შეიძლება დარჩენილი სადღეღამისო დოზის შეყვანა.
ფერუმ ლეკის დოზების შერჩევა უნდა მოხდეს ინდივიდუალურად რკინის საერთო დეფიციტის შესაბამისად, რომელიც შემდეგი ფორმულით განისაზღვრება:
რკინის საერთო დეფიციტი(მგ) = სხეული წონა (კგ) x (ჰემოგლობინის დასაანგარიშებელი დონე (გ/ლ) – ჰემოგლობინის რეალური დონე (გ/ლ)) x 0.24 + დეპონირებული რკინა (მგ).
სხეულის წონა 35 კმ-მდე: ჰემოგლობინის დასაანგარიშებელი დონე = 130გ/ლ და დეპონირებული რკინა = 15 მგ სხეულის წონის კგ-ზე.
სხეულის წონა 35 კმ-ზე მეტი: ჰემოგლობინის დასაანგარიშებელი დონე = 150გ/ლ და დეპონირებული რკინა = 500 მგ.
ფაქტორი 0.24 = 0.0034 x 0.07 x 1000.
(რკინის შემცველობა ჰემოგლობინში=0.34%; სისხლის საერთო მოცულობა = სხეულის წონის 7%-ს, ფაქტორი 1000 - გ-დან მგ-ში გადაყვანა).
მაგალითი: პაციენტის სხეულის წონა: 70კგ.
ჰემოგლობინის რეალური კონცენტრაცია: 80გ/ლ.
რკინის საერთო დეფიციტი = 70 x (150 – 80) x 0.24 +500 = 1700 მგ რკინას.
ფერუმ ლეკის აუცილებლად შესაყვანი ამპულების საერთო რაოდენობა
საერთო დეფიციტი (მგ)/100მგ ანუ 1700მგ/100მგ=17 ამპულა
ცხრილი: ფერუმ ლეკის აუცილებლად შესაყვანი ამპულების საერთო რაოდენობის გაანგარიშება ჰემოგლობინის რეალური კონცენტრაციისა და სხეულის წონის საფუძველზე:
| სხეული წონა (კგ) | ფერუმ ლეკის აუცილებლად შესაყვანი ამპულების საერთო რაოდენობა | |||
|---|---|---|---|---|
| Hb 60გ/ლ | Hb 75გ/ლ | Hb 90გ/ლ | Hb 105გ/ლ | |
| 5 | 1.5 | 1.5 | 1.5 | 1.0 |
| 10 | 3.0 | 3.0 | 2.5 | 2.0 |
| 15 | 5.0 | 4.5 | 3.5 | 3.0 |
| 20 | 6.5 | 5.5 | 3.5 | 4.0 |
| 25 | 8.0 | 7.0 | 6.0 | 5.5 |
| 30 | 9.5 | 8.5 | 7.5 | 6.5 |
| 35 | 12.5 | 11.5 | 10.0 | 9.0 |
| 40 | 13.5 | 12.0 | 11.0 | 9.5 |
| 45 | 15.0 | 13.0 | 11.5 | 10.0 |
| 50 | 16.0 | 14.0 | 12.0 | 10.5 |
| 55 | 17.0 | 15.0 | 130 | 11.0 |
| 60 | 18.0 | 16.0 | 13.5 | 11.0 |
| 65 | 19.0 | 16.5 | 14.5 | 12.0 |
| 70 | 20.0 | 17.5 | 15.0 | 12.5 |
| 75 | 21.0 | 18.5 | 16.0 | 13.0 |
| 80 | 22.5 | 19.5 | 16.5 | 13.5 |
| 85 | 23.5 | 20.5 | 17.0 | 14.0 |
| 90 | 24.5 | 21.5 | 18.0 | 14.5 |
თუ ფერუმ ლეკის აუცილებლად შესაყვანი ამპულების რაოდენობა აღემატება მაქსიმალურ სადღეღამისო დოზას, იგი რამდენიმე დღეზე უნდა დაიყოს (იხ. მაქსიმალური სადღეღამისო დოზები და მითითებები გამოყენებისა და შეყვანის შესახებ).
თუ ფერუმ ლეკის შეყვანის დაწყებიდან 1-2 კვირაში ჰემატოლოგიური პარამეტრები არ იცვლება, დასმული დიაგნოზი უნდა დაზუსტდეს.
საერთო დოზის გაანგარიშება სისხლის დაკარგვის შედეგად რკინის დეფიციტის ასანაზღაურებლად:
ფერუმ ლეკის ამპულების საჭირო რაოდენობის გამოანგარიშება რკინის პოსტჰემორაგიული დეფიციტის კომპენსაციის მიზნით შემდეგი ფორმულით ხდება:
- თუ დაკარგული სისხლის რაოდენობა ცნობილია: 200 მგ-ს (ფერუმ ლეკის 2 ამპულა) კუნთში შეყვანა იწვევს ჰემოგლობინის დონის მომატებას, რომელიც სისხლის 1 ერთეულის (400 მლ სისხლის 150გ/ლ ჰემოგლობინის შემცველობით) ექვივალენტურია.
ასანაზღაურებელი რკინა (მგ) = სისხლის დაკარგულ ერთეულთა რაოდენობა x 200 ან ფერუმ ლეკის ამპულების საჭირო რაოდენობა = სისხლის დაკარგულ ერთეულთა რაოდენობა x 2.
- თუ ჰემოგლობინის დაწეული დონე ცნობილია: გამოიყენება შემდეგი ფორმულა, იმის გათვალისწინებით, რომ დეპონირებული რკინის ანაზღაურება საჭირო არ არის. ასანაზღაურებელი რკინა (მგ) = სხეულის წონა (კგ) x (ჰემოგლობინის დასაანგარიშებელი დონე (გ/ლ) – ჰემოგლობინის რეალური დონე (გ/ლ)) x 0.24.
პაციენტს სხეულის წონით 60 კგ და ჰემოგლობინის დეფიციტით 10გ/ლ უნდა აუნაზღაურდეს 150მგ რკინა, რაც შეადგენს ფერუმ ლეკის ამპულის 1 ½-ს.
ფერუმ ლეკის ნორმალური დოზები: ბავშვები: 0.06მლ ფერუმ ლეკი/სხ.წკგ/დღე (3 მგ რკინა/კგ/დღე).
მოზრდილი და ხანდაზმული პაციენტები: ფერუმ ლეკის 1-2 ამპულა ჰემოგლობის დონის მიხედვით.
ფერუმ ლეკის სადღეღამისო მაქსიმალური დოზები: ბავშვები: 0.14მლ ფერუმ ლეკი/სხ.წ.კგ/დღე (7მგ რკინა/კგ/დღე).
მოზრდილი: 4მლ (2 ამპულა) ფერუმ ლეკი.
მითითებები გამოყენების და უსაფრთხოების ზომების სესახებ: ამპულების არასწორად შენახვისას შესაძლებელია ნალექის წამოქმნა. ასეთი ამპულების გამოყენება არ შეიძლება. თუ ამპულებში ნალექი გაჩნდა ან შენახვის ვადა ამოიწურა, ისინი უნდა განადგურდეს.
გახსნილი ამპულა დაუყოვნებლივ უნდა იქნას გამოყენებული.
ფერუმ ლეკის ამპულების შიგთავსის სხვა წამლებთან შერევა არ შეიძლება.
რომ არ მოხდეს ტკივილის განვითარება და კანის ფერის შეცვლა კუნთში ინექციები ფრთხილად და სწრაფად უნდა გაკეთდეს. ფერუმ ლეკის კუნთში შესაყვანი ინექციები მხოლოდ კუნთში კეთდება (არავითარ შემთხვევაში ვენაში!) ღრმად დუნდულაში, მონაცვლეობით მარჯვენა და მარცხენაში. აუცილებელია კუნთში ღრმად შეყვანა (ნემსი 5-6 სმ სიგრძის), ასევე ინექციის წინ, კანის დეზინფექციის შემდეგ, საჭიროა კანქვეშა ქსოვილების ქვემოთ 2 სმ-ით დაწევა, რათა არ მოხდეს ინექციის შემდეგ პრეპარატის გადმოდინება. პრეპარატის შეყვანის შემდეგ კანქვეშა ქსოვილები უნდა გათავისუფლდეს, ხოლო ნანემსარზე მოხდეს ზეწოლა 1 წუთის განმავლობაში.
გვერდითი მოვლენები
არტერიული ჰიპოტენზია, ტკივილები სახსრებში, ლიმფური ჯირკვლების გადიდება, სხეულის ტემპერატურის მომატება, თავის ტკივილი, თავბრუსხვევა, დარღვევები კუჭ-ნაწლავის ტრაქტის მხრივ, ღებინება, გულისრევა, ანაფილაქსიური რეაქციები, ანთება ინექციის ადგილას.
უკუჩვენება
- ჰიპერმგრძნობელობა პრეპარატის კომპონენტების მიმართ,
- ანემია, რომელიც არ არის გამოწვეული რკინის დეფიციტით,
- რკინით გადატვირთვა (ჰემოქრომატოზი, ჰემოსიდეროზი),
- რკინის ჰემოგლობინში ჩართვის დარღვევა (ანემია გამოწვეული ტყვიით მოწამვლით, სიდეროაქრესტული ანემია),
- ორსულობის პირველი ტრიმესტრი (იხ. ორსულობა და ლაქტაცია).
სიფრთხილის ზომები:
რკინის პრეპარატების პარენტერალურად შეყვანამ შეიძლება გამოიწვიოს ალერგიული ან ანაფილაქტოიდური რეაქციები. სუსტი ალერგიული რეაქციების დროს უნდა დაინიშნოს ანტიჰისტამინური პრეპარატები. ანაფილაქსიური რეაქციის დროს აუცილებელია სასწრაფოდ ადრენალინის შეყვანა.
ალერგიული და ანაფილაქსიური რეაქციების განვითარების განსაკუთრებული რისკის ჯგუფს შეადგენენ პაციენტები ბრონქული ასთმით და პროგრესირებადი ქრონიკული პოლიართრიტით, ასევე ავადმყოფები რკინის შეერთების სუსტი უნარით და/ან ფოლის მჟავას დეფიციტით.
ორსულობა და ლაქტაცია
პრეპარატი უკუნაჩვენებია ორსულობის პირველ ტრიმესტრში. მეორე და მესამე ტრიმესტრებში და ლაქტაციის დროს ფერუმ ლეკის ინექციები კუნთში ინიშნება მხოლოდ ექსტრემალურ შემთხვევებში, როდესაც მოსალოდნელი სარგებელი აღემატება ნაყოფზე უარყოფითი ზემოქმედების რისკს.
განსაკუთრებული მითითებები
ფერუმ ლეკის ინექციები ინიშნება მხოლოდ მკაფიოდ განსაზღვრული ჩვენებების მიხედვით. აუცილებელია ლაბორატორიული ანალიზების ჩატარება: სისხლის საერთო კლინიკური ანალიზი და შრატის ფერიტინის განსაზღვრა. აბსორბციის დარღვევაზე ეჭვის შემთხვევაში დამატებით უნდა ჩატარდეს ტესტი რკინის აბსორბციაზე.
ჭარბი დოზირება
რკინის პრეპარატების ჭარბმა დოზამ შეიძლება გამოიწვიოს რკინით მწვავე გადატვირთვა და ჰემოსიდეროზი. რკინით გადატვირთვის დროს მკურნალობა სიმპტომატურია. ანტიდოტად ინიშნება დეფეროქსამინი: მძიმე მოწამვლის შემთხვევაში ბავშვებში ვენაში ნელა შეიყვანება 15მგ/კგ/სთ (არაუმეტეს 80მგ/კგ/დღეში), მსუბუქი მოწამვლისას კანქვეშ – 50მგ/კგ/დღეში.
სხვა წამლებთან ურთიერთქმედება
როგორც პარენტერალურად შესაყვანი რკინის სხვა პრეპარატების, ასევე ფერუმ ლეკის გამოყენება პერორალური გამოყენების პრეპარატებთან ერთად არ შეიძლება. პერორალური ფორმებით მკურნალობა უნდა დაიწყოს არანაკლებ 5 დღის შემდაგ ფერუმ ლეკის ბოლო ინექციიდან.
შენახვის პირობები და ვადები
ინახება ბავშვებისათვის მიუწვდომელ ადგილას არაუმეტეს 25oC ტემპერატურაზე. გაყინვა არ შეიძლება.
ვარგისიანობის ვადა: 5 წელი.
ვარგისიანობის ვადის გასვლის შემდეგ გამოყენება არ შეიძლება.
აფთიაქში გაცემის წესი
გამოიყენება მხოლო სტაციონარის პირობებში.
| Units | 50 |
|---|---|
| Is Online? | არა |
ქვემოთ მოცემული ინფორმაცია საჭიროა სოციალური ავტორიზაციისთვის
შესვლა
Create New Account