სეფაპროქსი 200მგ 10 ტაბლეტი
სეფაპროქსი ტაბლეტი
ცეფპოდოქსიმის პროქსეტილი ტაბლეტები USP 200 მგ
შემადგენლობა:
თითოეული შემოგარსული ტაბლეტი შეიცავს:
ცეფპოდოქსიმის პროქსეტილს USP
200მგ ცეფპოდოქსიმის ექვივალენტური,
დამხმარე ნივთიერებები,
ფერი: ტიტანის დიოქსიდი BP
ფარმაკოლოგიური კლასიფიკაცია:
ცეფალოსპორინის ჯგუფის ანტიბიოტიკი
ფარმაკოლოგიური ჯგუფი:
მესამე თაობის ცეფალოსპორინები. J01DD13
ფარმაკოლოგიური მოქმედების მექანიზმი:
ცეფპოდოქსიმის პროქსეტილი არის ბეტა-ლაქტამური ანტიბიოტიკი, მესამე თაობის პერორალური ცეფალოსპორინი. ეს არის ცეფპოდოქსიმის წინამორბედი წამალი. ბეტა-ლაქტამაზას ფერმენტის არსებობის შემთხვევაში ცეფპოდოქსიმი მდგრადია. შედეგად, ბევრი ბაქტერია, რომლებიც პენიცილინების და ცეფალოსპორინების მიმართ რეზისტენტულია, ბეტა-ლაქტამაზას წარმოქმნის გამო შესაძლოა ცეფპოდოქსიმზე მგრძნობიარენი იყვნენ. ცეფპოდოქსიმი ინაქტივირდება ზოგიერთი ფართო სპექტრის ბეტა-ლაქტამაზებით. ცეფპოდოქსიმის ბაქტერიციდალური მოქმედება გამოწვეულია უჯრედის კედლის სინთეზის ინჰიბიციით.
ფარმაკოკინეტიკა:
შეწოვა: მედიკამენტი სწრაფად და კარგად შეიწოვება (50%). შეწოვას აძლიერებს საკვების არსებობა და კუჭის დაბალი pH.
გადანაწილება: მედიკამენტი ფართოდ ნაწილდება მთელს ორგანიზმში და თერაპიულ კენცენტრაციას აღწევს უმეტეს ქსოვილებში და სხეულის სითხეებში, როგორიცაა სინოვიალური, პერიკარდიული, პლევრალური და პერიტონეალური სითხე; ნაღველი, ჩირქი და შარდი; ძვალი, მიოკარდიუმი, ნაღვლის ბუშტი, კანი და რბილი ქსოვილები. ცეფპოდოქსიმის დაახლოებით 18-23% უკავშირდება პლაზმის ცილებს.
მეტაბოლიზმი: ცეფპოდოქსიმის პროქსეტილი ესტერიფიკაციას გადის კუჭ-ნაწლავის ტრაქტში აქტიური მეტაბოლიტის ცეფპოდოქსიმის მიმართ.
გამოყოფა: ცეფპოდოქსიმის დოზის დაახლოებით 53% გამოიყოფა შარდის საშუალებით ხოლო 43 % ფეკალური მასის საშუალებით.
ნახევრად დაშლის პერიოდი: ნახევრად დაშლის პერიოდი არის 2,1-3,3 საათი ზრდასრულებში, ნორმალური თირკმლის ფუნქციით.
ჩვენებები:
ცეფპოდოქსიმის პროქსეტილი გამოიყენება სტრეპტოკოკული ფარინგიტის და ტონზილიტის, მწვავე საზოგადოებაში შეძენილი პნევმონიის, ქრონიკული ბრონქიტის მწვავე ბაქტერიული გართულებების, გაურთულებელი გონორეა (ქალებში და მამაკაცებში) და რექტალური გონოკოკური ინფექციების (ქალებში), კანის და კანის სტრუქტურის, მწვავე მაქსილარული სინუსიტის, გაურთულებელი შარდ-სასქესო გზების ინფექციის და მწვავე შუა ყურის ანთების სამკურნალოდ ბავშვებში.
უკუჩვენებები:
უკუნაჩვენებია პაციენტებში რომელთაც აღენიშნებათ ჰიპერმგრძნობელობა ცეფპოდოქსიმის მიმართ, ასევე მასში შემავალი სხვა კომპონენტების ან სხვა ცეფალოსპორინების მიმართ.
განსაკუთრებითი უსაფრთხოების ზომები და გაფრთხილებები:
ალერგია პენიცილინზე: სიფრთხილით გამოიყენეთ პაციენტებში, ვისაც ანამნეზში აღნიშნული ალერგია პენიცილინზე, განსაკუთრებით IgE-თი მიმდინარე რეაქციები (მაგ: ანაფილაქსიური რეაქცია, ანგიოედემა, ურტიკარია).
სუპერინფექცია: მედიკამენტის ხანგრძლივმა გამოყენებამ შესაძლოა გამოიწვიოს სოკოვანი ან ბაქტერიული სუპერინფექცია, ისევე როგორც C. difficile-სთან ასოცირებული დიარეა (CDAD) და ფსევდო მემბრანული კოლიტი.
კუჭ-ნაწლავის ტრაქტის დაავადების დროს: სიფრთხილით უნდა გამოიყენოთ პაციენტებში, რომლებსაც ანამნეზში კუჭ-ნაწლავის ტრაქტის დაავადება აღენიშნებათ, განსაკუთრებით კოლიტი.
ორსულობა: ორსულობის კატეგორია B. არ არის ცნობილი ცეფპოდოქსიმი გადის თუ არა პლაცენტარულ ბარიერს. ორსულობის დროს მისი გამოყენება შეიძლება მხოლოდ ზუსტად განსაზღვრული საჭიროების დროს.
ლაქტაცია: ცეფპოდოქსიმი გადადის დედის რძეში. არ არის რეკომენდებული მეძუძური დედებისთვის.
პედიატრიული გამოყენება: უსაფრთხოება და ეფექტურობა 2 თვეზე პატარა ასაკის ჩვილებში დადგენილი არ არის.
თირკმლის უკმარისობა: სიფრთხილით გამოიყენეთ პაციენტებში ვისაც თირკმლის უკმარისობა აქვთ; შეცვალეთ დოზა მძიმე უკმარისობის შემთხვევაში, როდესაც კრეატინინის კლირენსი 30 მლ/წთ-ზე ნაკლებია: მიიღეთ 24 საათში ერთხელ. ჰემოდიალიზი: 3 ჯერ კვირაში დიალიზის შემდეგ.
ღვიძლის უკმარისობა: ციროზის მქონე პაციენტებში დოზის კორექცია საჭირო არ არის.
დოზირება და გამოყენების წესები:
ზრდასრულები და მოზარდები (12 წლის ასაკის ბავშვები და ზევით)
|
ინფექციის ტიპი |
მთლიანი დღიური დოზა |
დოზის სიხშირე |
ხანგრძლივობა |
|
ფარინგიტი და/ან ტონზილიტი |
200 მგ |
100 მგ 12 საათში ერთხელ |
5-10 დღე |
|
მწვავე საზოგადოებრივად შეძენილი პნევმონია |
400 მგ |
200 მგ 12 საათში ერთხელ |
14 დღე |
|
ქრონიკული ბრონქიტის მწვავე ბაქტერიული გართულება |
400 მგ |
200 მგ 12 საათში ერთხელ |
10 დღე |
|
გაურთულებელი გონორეა (ქალები და კაცები) და რექტალური გონოკოკური ინფექცია (ქალებში) |
200 მგ |
ერთჯერადი დოზა |
|
|
კანი და კანის სტრუქტურები |
800 მგ |
400 მგ 12 საათში ერთხელ |
7-14 დღე |
|
მწვავე მაქსილარული სინუსიტი |
400 მგ |
200 მგ 12 საათში ერთხელ |
10 დღე |
|
შარდ-სასქესო გზების ინფექცია გაურთულებელი |
200 მგ |
100 მგ 12 საათში ერთხელ |
7 დღე |
ჩვილები და პედიატრიული პაციენტები ( 2 თვიდან 12 წლამდე)
|
ინფექციის ტიპი |
მთლიანი დღიური დოზა |
დოზის სიხშირე |
ხანგრძლივობა
|
|
შუა ყურის მწვავე ანთება |
10მგ/კგ/დღე (მაქს 400მგ/დღე) |
5 მგ/კგ 12 საათში ერთხელ (მაქს 200მგ/დოზა) |
5 დღე |
|
ფარინგიტი და/ან ტონზილიტი |
10მგ/კგ/დღე (მაქს 200მგ/დღე) |
5 მგ/კგ 12 საათში ერთხელ (მაქს 100მგ/დოზა) |
5-10 დღე |
|
მწვავე მაქსილარული სინუსიტი |
10მგ/კგ/დღე (მაქს 400მგ/დღე) |
5 მგ/კგ 12 საათში ერთხელ (მაქს 200მგ/დოზა) |
10 დღე |
გვერდითი მოვლენები:
კუჭ-ნაწლავის სისტემის დარღვევები: დიარეა და იშვიათად ანტიბიოტიკთან ასოცირებული კოლიტი, რომელიც მოიცავს ასევე ფსევდომემბრანულ კოლიტს, გულისრევა.
ცენტრალური ნერვული სისტემის დარღვევები: თავის ტკივილი, თავბრუსხვევა, ნერვიულობა, უძილობა, დაღლილობა.
კარდიოვასკულარული სისტემის დარღვევები: გულის შეგუბებითი უკმარისობა, შაკიკი, პალპიტაცია, სისხლძარღვთა გაფართოება, ჰემატომა, ჰიპერტენზია, ჰიპოთენზია.
ჰემატოლოგიური და ლიმფატური სისტემა: ანემია.
მეტაბოლური და კვებითი სისტემა: დეჰიდრატაცია, ნიკრისის ქარი (პოდაგრა), პერიფერიული შეშუპება, წონის მომატება.
ჩონჩხ-კუნთოვანი სისტემა: მიალგია.
კანი: ჭინჭრის ციება, სოკოვანი დერმატიტი, სიწითლე და ქავილი.
სასუნთქი სისტემა: ასთმა, ხველა, ცხვირიდან სისხლდენა, რინიტი, ხიხინი, ბრონქიტი, დისპნოე, პლევრალური გამონაჟონი, პნევმონია, სინუსიტი.
მგრძნობელობის ორგანოები: გემოვნების ცვლილება, თვალების გაღიზიანება, გემოს დაკარგვა, ყურებში შუილი.
შარდსასქესო სისტემა: ჰემატურია, საშარდე გზების ინფექცია, სისხლდენა საშვილოსნოდან (მეტრორაგია), დიზურია, გახშირებული შარდვა, ნოქტურია, პენისის ინფექცია, პროტეინურია, ვაგინალური ტკივილი.
წამალთაშორისი ურთიერთქმედება:
ამინოგლიკოზიდები: ცეფალოსპორინებმა (მე-3 თაობა) შესაძლოა ამინოგლიკოზიდების ნეფროტოქსიკური ეფექტი გააძლიერონ.
H2-ანტაგონისტები: შეიძლება შეამციროს ცეფპოდოქსიმის აბსორბცია.
ანტაციდები: შეიძლება შეამციროს ცეფპოდოქსიმის შრატში კონცენტრაცია.
პრობენეციდი: შესაძლოა გაზარდოს ცეფალოსპორინების შრატში კონცენტრაცია.
ანტიკოაგულანტები: ცეფალოსპორინები საკმაოდ ძლიერად ზრდიან კუმარინების ანტიკოაგულანციურ ეფექტს.
კონტრაცეპტივები: შესაძლებელია შემცირდეს ესტროგენების კონტრაცეპტული ეფექტი.
გადაჭარბებული დოზირება:
სიმპტომები: ტოქსიკური სიმპტომები, რომელიც მოსდევს ბეტა-ლაქტამაზა ანტიბიოტიკების გადაჭარბებულ დოზირებას, შეიძლება მოიცავდეს გულისრევას, ღებინებას, ეპიგასტრალურ დისკომფორტს და დიარეას.
მკურნალობა: იმ შემთხვევაში თუ გადაჭარბებული დოზის გამო გამოვლინდა სერიოზული ტოქსიკური რეაქცია, ჰემოდიალიზი ან პერიტონეალური დიალიზის დახმარებით შესაძლებელია გამოვდევნოთ ცეფპოდოქსიმის გადაჭარბებული დოზა ორგანიზმიდან, განსაკუთრებით მაშინ, როდესაც თირკმლის ფუნქცია შეფერხებულია.
შეფუთვა:
1X10 ტაბლეტი ალუმინის შეფუთვის ბლისტერში.
შენახვის ინსტრუქციები:
შეინახეთ მშრალ ადგილას 30 °C -ზე დაბალ ტემპერატურაზე.
სინტლისაგან დაცულ ადგილას.
შენახვის ვადა:
24 თვე
გაცემის წესი:
ფარმაცევტული პროდუქტის ჯგუფი II, გაიცემა ფორმა N3 რეცეპტით.
წარმოებულია:
Syren Healthcare, ინდოეთი -სათვის
ელ-ფოსტა: info@syrenhealthcare.om
წარმოებულია:
შპს Syren Healthcare-ს მიერ
Block No. – 10-13, Sarkhej-Bavla Highway,
Changodar, Dist – Ahmedabad – 382 213.
გუჯარატი, ინდოეთი
| Units | 10 |
|---|---|
| Is Online? | არა |
ქვემოთ მოცემული ინფორმაცია საჭიროა სოციალური ავტორიზაციისთვის
შესვლა
Create New Account