ევკალიპტის წნელისებური ფოთოლი 50გ

პარასამკურნალო საშუალების გამოყენების ინსტრუქცია

წნელისებური ევკალიპტის ფოთოლი
FOLIA EUCALYPTI VIMINALIS

წამლის ფორმა: ევკალიპტის ფოთოლი.

შემადგენლობა: ევკალიპტის ფოთოლი შეიცავს ეთეროვან ზეთს (3%-მდე), რომლის შემადგენლობაში შედის ცინეოლი (80%-მდე), მირტენოლი, პინენი, ალდეჰიდები, შეიცავს მთრიმლავ და მწარე ნივთიერებებს, ორგანულ მჟავებს და სხვა ბიოლოგიურად აქტიურ ნივთიერებებს.

ფარმაკოლოგიური ჯგუფი: მცენარეული წარმოშობის ანთების საწინააღმდეგო, ანტისეპტიკური საშუალება.

ფარმაკოლოგიური მოქმედება: ევკალიპტის ფოთოლს აქვს ანთების საწინააღმდეგო, ანტისეპტიკური, ამოსახველებელი მოქმედება. მოქმედებს გრამდადებით და გრამუარყოფით მიკრობებზე, სოკოებზე, უმარტივესებზე, ოქროსფერ სტაფილოკოკზე, ეშერიხიაზე, ტუბერკულოზის მიკობაქტერიაზე, დიზენტერიის გამომწვევ ამებაზე, მუცლის ტიფის ჩხირზე, ტრიქომონადებზე.

გამოყენება მედიცინაში: გამოიყენება როგორც დამხმარე საშუალება ზედა სასუნთქი გზების დაავადებების, ლარინგიტების, პლევრიტების, პნევმონიების, ახლად ინფიცირებული ჭრილობების, დამწვრობების, ფლეგმონების, ტროფიკული წყლულების, საშვილოსნოს ყელის ეროზიების დროს.

მომზადების წესი: 2 სუფრის კოვზ ნედლეულს დავასხათ 200მლ (1 ჩაის ჭიქა) მდუღარე წყალი და ვადუღოთ წყლის აბაზანაზე 30 წუთის განმავლობაში. შემდეგ გავაციოთ, გავფილტროთ და დარჩენილი მასა გავწუროთ. მიღებულ ნაყენს დავუმატოთ ანადუღარი წყალი საწყისი მოცულობის (200მლ) მიღებამდე.

მიღების წესი: ნაყენი გამოიყენება ინჰალაციისთვის და გარეგანი ხმარებისთვის.

უკუჩვენებები: მომატებული მგრძნობელობა მცენარის მიმართ, ინჰალაციის დროს – ბრონქიალური ასთმა, ბრონქოსპაზმი, ყივანახველა.

ურთიერთქმედება სხვა სამკურნალო საშუალებებთან: შესაძლებელია გამოყენება სხვა სამკურნალო საშუალებებთან კომპლექსში.

გამოყენება ორსულობის და ლაქტაციის პერიოდში: ორსულობის და ლაქტაციის პერიოდში არ არის რეკომენდირებული ევკალიპტის ფოთლების გამოყენება.

გავლენა ავტოტრანსპორტის მართვის ან სხვა მექანიზმებთან მუშაობისას: არ ახდენს ზემოქმედებას.

ჭარბი დოზა: ჭარბი დოზირების შემთხვევები არ დაფიქსირებულა.

გვერდითი მოვლენები: შესაძლებელია განვითარდეს ალერგიული რეაქციები.

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისობის ვადა: 1 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში ნედლეულის გამოყენება დაუშვებელია.

აფთიაქიდან გაცემის წესი: ფარმაცევტული პროდუქტის ჯგუფი - III, გაიცემა
ურეცეპტოდ.

გამოშვების ფორმა: 50გ მცენარეული ნედლეული მოთავსებულია პოლიეთილენის პარკში და მუყაოს კოლოფში.
2,5გ ნედლეული დაფასოებულია ერთჯერადი გამოყენების ფილტრ-პაკეტებში. #20 ფილტრ-პაკეტი მოთავსებულია მუყაოს კოლოფში.

მწარმოებელი: შპს ,,ფარკონი”.
საქართველო, 4600,
ქ. ქუთაისი, თამარ მეფის ქ. 51,
ტელ: +995 (431) 214 504
e-mail: farconi.ge@gmail.com