მრავალძარღვას ფოთოლი 40გ

პარასამკურნალო საშუალების გამოყენების ინსტრუქცია

მრავალძარღვას ფოთლები
FOLIA PLANTAGINIS MAJORIS

წამლის ფორმა: მრავალძარღვას ფოთლები.

შემადგენლობა: მრავალძარღვას ფოთლებში შედის ლორწო, მწარე და მთრიმლავი ნივთიერებები, ასკორბინის მჟავა, ვიტამინი K, გლიკოზიდი აუკუბინი, ფლავონოიდები,

ფარმაკოლოგიური ჯგუფი: მცენარეული წარმოშობის ამოსახველებელი საშუალება.

ფარმაკოლოგიური მოქმედება: მრავალძარღვას ფოთოლი გამოიყენება როგორც დამხმარე საშუალება და აქვს ამოსახველებელი, ანთების საწინააღმდეგო, სისხლის შემადედებელი, ანტიმიკრობული, ტკივილგამაყუჩებელი მოქმედება. ასევე ხელს უწყობს ჭრილობის შეხორცებას.

გამოყენება მედიცინაში: გამოიყენება შინაგანი მოხმარებისთვის – როგორც ამოსახველებელი საშუალება ზედა სასუნთქი გზების ინფექციების დროს (ბრონქიტი, ყივანახველა, ფილტვის ფიბროზი, ფილტვების ტუბერკულოზი), კუჭის წვენის მჟავიანობის ასამაღლებლად (ანაციდური გასტრიტის და ქრონიკული კოლიტის) დროს.
გარეგანი მოხმარებისთვის – როგორც ჭრილობის შემახორცებელი საშუალება.

მომზადების წესი: 10გ (2 სუფრის კოვზი) ნედლეული მოვათავსოთ ემალირებულ ჭურჭელში, დავასხათ 200მლ (1 ჩაის ჭიქა) ადუღებული წყალი. დავახუროთ თავსახური და გავაცხელოთ მდუღარე წყლის აბაზანაში 15 წუთის განმავლობაში.
შემდეგ გადმოვდგათ, გავაციოთ 45 წუთის განმავლობაში და გავფილტროთ. დარჩენილი მასა გავწუროთ. მიღებულ ნაყენს დავუმატოთ ანადუღარი წყალი საწყისი მოცულობის (200მლ) მიღებამდე.
მომზადებული ნაყენი ვარგისია 48 საათის განმავლობაში.

მიღების წესი: მიიღება (მოზრდილებში) თბილი სახით 1/3 ჩაის ჭიქა 3-ჯერ დღეში ჭამის წინ 10-15 წუთით ადრე.
გარეგანი მოხმარებისას (ჭრილობისთვის) ნაყენში დასველებულ საფენს აფენენ კანის დაზიანებულ ადგილებზე.

უკუჩვენებები: ინდივიდუალური მგრძნობელობა მცენარის მიმართ, გასტრიტი, კუჭის წყლული და მაღალი მჟავიანობა.

ურთიერთქმედება სხვა სამკურნალო საშუალებებთან: დასაშვებია გამოყენება სხვა
პრეპარატებთან ერთად კომპლექსურ თერაპიაში.

განსაკუთრებული მითითებები: არ არის დადგენილი.

გამოყენება ორსულობის და ლაქტაციის პერიოდში: მრავაძარღვასFფოთლის
გამოყენება ორსულობის და ლაქტაციის პერიოდში დასაშვებია მხოლოდ მკურნალ
ექიმთან შეთანხმებით.

გავლენა ავტოტრანსპორტის მართვის ან სხვა მექანიზმებთან მუშაობისას: არ ახდენს ზემოქმედებას.

ჭარბი დოზა: ჭარბი დოზირების შემთხვევაში განვითარებული გვერდითი მოვლენები საშიში არ არის.

გვერდითი მოვლენები: მითითებული დოზის მიღებისას გვერდითი რეაქციები არ
შეინიშნება.

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისობის ვადა: 2 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში ნედლეულის გამოყენება დაუშვებელია.

აფთიაქიდან გაცემის წესი: ფარმაცევტული პროდუქტის ჯგუფი - III, გაიცემა
ურეცეპტოდ.

გამოშვების ფორმა: 40გ მცენარეული ნედლეული მოთავსებულია პოლიეთილენის პარკში და მუყაოს კოლოფში.
2,5გ ნედლეული დაფასოებულია ერთჯერადი გამოყენების ფილტრ-პაკეტებში. #20 ფილტრ-პაკეტი მოთავსებულია მუყაოს კოლოფში.

მწარმოებელი: შპს ,,ფარკონი”.
საქართველო, 4600,
ქ. ქუთაისი, თამარ მეფის ქ. 51,
ტელ: +995 (431) 214 504
e-mail: farconi.ge@gmail.com