Gastroprotect - გასტროპროტექტი 24 საღეჭი ტაბლეტი

წაიკითხეთ ინსტრუქცია სრულად მანამ, სანამ დაიწყებთ ამ პრეპარატის მიღებას, რადგან ის შეიცავს თქვენთვის მნიშვნელოვან ინფორმაციას.

ყოველთვის მიიღეთ ეს მედიკამენტი ზუსტად ისე, როგორც აღწერილია ინსტრუქციაში, ან თქვენი ექიმის ფარმაცევტის ან ექთნის მითითების შესაბამისად.

-         შეინახეთ ეს ინსტრუქცია, შესაძლოა დაგჭირდეთ მისი კიდევ ერთხელ წაკითხვა.

-         დამატებითი ინფორმაციისთვის ან რჩევისთვის მიმართეთ ექიმს ან ფარმაცევტს.

-         თუ აღმოაჩენთ რაიმე გვერდით გვერდით მოვლენას, ესაუბრეთ ექიმს, ფარმაცევტს ან მედდას. ეს მოიცავს ყველა შესაძლო გვერდით ეფექტს, რომელიც არ არის მოცემული ამ ინსტრუქციაში. იხ. თავი 4.

-         თუ თავს უკეთ არ გრძნობთ, ან თუ 15 დღის შემდეგ თავს უარესად გრძნობთ, უნდა გაესაუბროთ ექიმს.

ინსტრუქციის შინაარსი:

1.       რა არის გასტროპროტექტი და რისთვის გამოიყენება ის

2.       რა უნდა იცოდეთ გასტროპროტექტის მიღებამდე

3.       გასტროპროტექტის მიღების წესი

4.       შესაძლო გვერდითი მოვლენები

5.       გასტროპროტექტის შენახვის წესი

6.       შეფუთვის შემცველობა და სხვა ინფორმაცია

1.     რა არის გასტროპროტექტი და რისთვის გამოიყენება ის

სამკურნალო პროდუქტი გასტროპროტექტი არის სამი აქტიური ნივთიერების ერთობლიობა: ფამოტიდინი, რომელიც გამოიყენება კუჭის მჟავის შესამცირებლად, და ორი ფართოდ გამოყენებული ანტაციდული აგენტი (კუჭის მჟავის შემამცირებელი) - კალციუმის კარბონატი და მაგნიუმის ჰიდროქსიდი. გასტროპროტექტი განკუთვნილია დისპესიის ან კუჭის ჰიპერმგრძნობელობის სიმპტომების შემსუბუქების მიზნით. კომბინირებული პროდუქტი გასტროპროტექტი მოქმედებს ორი გზით: კალციუმის კარბონატი და მაგნიუმის ჰიდროქსიდი მუშაობენ კუჭში უკვე წარმოქმნილი ჭარბი მჟავების სწრაფად განეიტრალების გზით, ხოლო ფამოტიდინი ასრულებს უფრო უწყვეტ ეფექტს 12 საათის განმავლობაში მჟავიანობის შემცირების გზით, კუჭის მჟავების სეკრეციის თავიდან ასაცილებლად. ამ ორი მოქმედების ოპტიმალური კომბინაცია ეფექტურად ინარჩუნებს კუჭში არსებულ ნორმალურ მჟავიანობას, რაც საშუალებას იძლევა რომ კუჭის გაღიზიანებული და ანთებითი ამომფენი გაჯანსაღდეს.

გასტროპროტექტს იყენებენ საყლაპავის, კუჭისა და თორმეტგოჯა ნაწლავის გაღიზიანებისა და ანთების მოკლევადიანი სიმპტომური მკურნალობისთვის და კუჭის ფუნქციური სეკრეტორული დარღვევების დროს:

-         კუჭის დისკომფორტის შესამსუბუქებლად: კუჭის მჟავიანობა, წვის შეგრძნება, ტკივილი, სიმძიმე მუცელში, შებერილობა, გულისრევა და ა.შ. კუჭ-ნაწლავის მჟავების ჭარბი წარმოების შედეგად, მწვავე და ქრონიკული გასტრიტის შემთხვევაში, მჟავას რეფლუქსი, მათ შორის რეფლუქსი რომელიც გამოწვეულია არასწორი კვების შედეგად, ალკოჰოლის ბოროტად გამოყენება და თამბაქოს მოწევა ან ზოგიერთი მედიკამენტი.

-         კუჭის წვენის ჰიპერქლორჰიდია.

-         დისპეფსია (არა წყლულოვანი დისპეფსია), კუჭ-ნაწლავის ტრაქტის გასათავისუფლებლად.

2.     რა უნდა იცოდეთ გასტროპროტექტის მიღებამდე

არ მიიღოთ გასტროპროტექტი:

-        თუ თვენ ალერგიული ხართ ფამოტიდინის, მაგნიუმის ჰიდროქსიდის, კალციუმის კარბონატის ან ნებისმიერი ამ მედიკამენტში შემავალი ნივთიერების მიმართ (ჩამოთვლილია მე-6 თავში).

-        თუ ალერგიული ხართ მჟავას შემამცირებელი სხვა პრეპარატების მიმართ (მაგალითად, რანიტიდინი, ციმეტიდინი და ა.შ.);

-        თუ გაქვთ თირკმლის უკმარისობა;

-        16 წლამდე ასაკის ბავშვებმა და მოზარდებმა არ უნდა მიიღონ გასტროპროტექტი;

-        თუ ხართ ორსულად ან გაქვთ ლაქტაციის პერიოდი.

გაფრთხილებები და უსაფრთხოების ზომები

გასტროპროტექტის მიღებამდე ესაუბრეთ ექიმს ფარმაცევტს ან მედდას.

ზოგიერთი სიმპტომი შეიძლება მიუთითებდეს სერიოზულ პრობლემებზე, ამიტომ დაუყოვნებლივ უნდა მიმართოთ სამედიცინო დახმარებას, თუ გაქვთ:

-        გულმკერდის ან მხრის ტკივილი და სუსტი სუნთქვა, ოფლიანობა, ტკივილი რომელიც ვრცელდება მკლავებზე კისერსა და მხრებზე, ყბის ტკივილი (განსაკუთრებით პრობლემურ სუნთვასთან ერთად);
-        რთული და მტკივნეული ყლაპვა;
-        თავბრუსხვევა, გულისრევა, ღებინება;
-        ღებინება, რომელიც არის სისხლიანი ან გამოიყურება, როგორც ყავის ნალექი;
-        სისხლდენა ან სისხლი განავალში, შავი განავალი;
-        გულძმარვა 3 თვეზე მეტი ხნის განმავლობაში;
-        გულძმარვა, რომელიც კომბინაციაშია ტკივილთან, თავბრუსხვევასთან, ოფლიანობასა და სიმსუბუქესთან.
-        მუცლის მუდმივი ტკივილი;
-        თუ თქვენ ხართ 40 წელზე უფროსი ასაკის, და ახლახან განიცადეთ დისპეფსიისა და გულძმარვის ახალი ან შეცვლილი სიმპტომები;
-        აუხსნელი წონის კარგვა;

გასტროპროტექტი უნდა იქნას გამოყენებული სიფრთხილით.

გაესაუბრეთ ექიმს, თუ ჩამოთვლილთაგან რომელიმე გეხებათ თქვენ:

-        თუ გაქვთ კუჭისა და თორმეტგოჯა ნაწლავის წყლული, ავთვისებიანობა გამორიცხული უნდა იყოს.
-        თუ თქვენ იყენებთ სხვა მედიკამენტებს კუჭის ჰიპერმგრძნობელობის სამკურნალოდ;
-        თუ იღებთ არასტეროიდულ ანთების საწინააღმდეგო საშუალებებს;
-        თუ წარსულში გქონდათ წყლული ან გართულებები;
-        თუ დადასტურებული ჰიპერკალციემია გაქვთ, რადგან პროდუქტი შეიცავს კალციუმს;
-        თუ დადასტურებული ჰიპოფოსფატემია გაქვთ, რადგან პროდუქტმა შეიძლება გააუარესოს ეს მდგომარეობა;
-        თუ დადასტურებული ჰიპერკალციურია გაქვთ, ან გქონდათ თირკმლის ან საშარდე გზების ქვები;
-        თუ თირკმლის უკმარისობა გაქვთ, პროდუქტი უნდა დაინიშნოს მხოლოდ სამედიცინო მეთვალყურეობის ქვეშ, და უნდა ჩატარდეს კალციუმისა და მაგნიუმის შრატების დონის მონიტორინგი;
-        ღვიძლის ან თირკმლის ფუნქციის დარღვევის შემთხვევაში, გასტროპროტექტი სიფრთხილით უნდა იქნას გამოყენებული;
-        მკურნალობის დროს განსაკუთრებით სხვა კაციუმ შემცველი მედიკამენტების და/ან ვიტამინი D-ს შემცველი მედიკამენტების ხანგრძლივი გამოყენება შეგიქმნით საფრთხეს სისხლში კალციუმის მომატებული დონის შედეგად, თირკმლის უკმარისობის შემდგომი განვითარებით.

თუ სიმპტომები არ გაქრება 15 დღიანი უწყვეტი მკურნალობის შემდეგ ან თუ ისინი გაუარესდება, უნდა გაესაუბროთ ექიმს.

ბავშვები და მოზარდები

16 წლამდე ასაკის ბავშვებმა და მოზარდებმა არ უნდა მიიღონ გასტროპროტექტი

სხვა მედიკამენტები და გასტროპროტექტი

უთხარით თქვენს ექიმს ან ფარმაცევტს თუ თქვენ იღებთ, ახლახან იღებდით ან შესაძლოა მიიღოთ რომელიმე სხვა მედიკამენტი.

თუ თქვენ იღებთ ამ მედიკამენტს თქვენი ექიმის მეთვალყურეობის ქვეშ, თქვენი ექიმი ან ფარმაცევტი გათვიცნობიერებული იქნება ყველა შესაძლო მედიკამენტური ურთიერთქმედების შესახებ და ის მოგაწვდით ინფორმაციას ამის შესახებ. არ დაიწყოთ ან დაასრულოთ მედიკამენტის მიღება ან არ შეცვალოთ მედიკამენტის მიღების დოზა მანამ, სანამ არ დაელაპარაკებით თქვენს ექიმს ან ფარმაცევტს.

როგორც სიფრთხილე, რეკომენდებულია გასტროპროტექტის ცალკე მიღება, სხვა სამკურნალო საშუალებების მიღებიდან მინიმუმ ორი საათის შემდეგ, ხოლო მინიმუმ ოთხი საათის შემდეგ კვინოლონის ანტიბიოტიკების მიღებიდან.

ამ პრეპარატის გამოყენებამდე აცნობეთ თქვენს ექიმს ან ფარმაცევტს ყველა იმ სამკურნალო საშუალების შესახებ, რომელსაც თქვენ იღებთ, დანიშნულებისამებრ ან მის გარეშე, ან მცენარეულ პროდუქტებზე, განსაკუთრებით თუ იღებთ რომელიმე მათგანს: ამფეტამინები, ატაზანავირი, სოკოს საწინააღმდეგო საშუალებები (მაგალითად, იტრაკონაზოლი, კეტოკონაზოლი) , ბიფოსფონატები (მაგალითად, ალენდრონატი), დაზატინიბი, ტეტრაციკლინის ანტიბიოტიკები (მაგ. დოქსიციკლინი, ტეტრაციკლინი), ქინოლონის ანტიბიოტიკები (მაგ. ციპროფლოქსაცინი, ლევოფლოქსაცინი), ფარისებრი ჯირკვლის დაავადებების სამკურნალო მედიკამენტები (მაგ. ლევოთიროქსინი), კალციუმის არხის ბლოკატორები (დილთიაზემი, ვერაპამილი) ქუინიდინი, დელავირდინი, დიგოქსინი, ნატრიუმის პოლისტიროლის სულფონატი, ფოსფორის დანამატები (მაგალითად, კალიუმის ფოსფატი).

შეამოწმეთ რას შეიცავს მედიკამენტები, რომლებსაც იღებთ, ვინაიდან ისინი შესაძლოა შეიცავდნენ ასპირინს ან ასპირინის მსგავს არასტეროიდულ ანთების საწინააღმდეგო მედიკემენტებს (მაგ: იბუპროფენი, ნაპროქსენი) რამაც შეიძლება გამოიწვიოს კუჭის გაღიზიანება. ჰკითხეთ ექიმს ამ მედიკამენტების უსაფრთხო გამოყენების შესახებ.

ექიმის მიერ დადგენილი დაბალი დოზით ასპირინის გამოყენება გულის შეტევის ან ინსულტის თავიდან ასაცილებლად (ჩვეულებრივ, დოზით 81 ÷ 125 მგ დღეში) არ უნდა შეწყდეს.

გასტროპროტექტი და ფამოტიდინის მსგავსი მჟავების ბლოკატორები (მაგ. ციმეტიდინი, რანიტიდინინი) არ უნდა მიიღოთ ერთდროულად.

ამ ინსტრუქციაში არ არის ჩამოთვლილი ყველა შესაძლო ნარკოლოგიური ურთიერთქმედება. სწორედ ამიტომ, ამ პროდუქტის გამოყენებამდე აცნობეთ თქვენს ექიმს ან ფარმაცევტს ყველა იმ პროდუქტის შესახებ, რომელსაც იყენებთ.

დამატებითი ინფორმაციისთვის გთხოვთ, მიმართოთ თქვენს ფარმაცევტს ან ექიმს, სანამ დაიწყებთ ამ პრეპარატის მიღებას.

ორსულობა, ლაქტაცია და ნაყოფიერება

თუ ორსულად ხართ ან ხართ ლაქტაციის პერიოდში, ფიქრობთ, რომ შეიძლება ორსულად იყოთ, ან გეგმავთ ბავშვის გაჩენას, ამ პრეპარატის მიღებამდე მიმართეთ ექიმს ან ფარმაცევტს. მან უნდა გაითვალისწინოს მკურნალობის სარგებელი და რისკები პროდუქტ გასტპროპროტექტთან კომბინაციაში.

ფამოტიდინი შეიძლება გადავიდეს დედის რძეში მცირე რაოდენობით. მაგნიუმის მარილები ასევე შეიძლება გადავიდეს დედის რძეში, რომელიც ახალშობილებში იწვევს დიარეას. ამ მიზეზის გამო, დედებისთვის რეკომენდებულია ძუძუთი კვების შეწყვეტა, როდესაც ისინი იყენებენ ამ მედიკამენტს.

ავტომობილის მართვა და მექანიზმების გამოყენება

თავბრუსხვევის შესაძლო გაჩენის გამო, თავიდან უნდა იქნას აცილებული ზოგიერთი პოტენციურად საშიში მოქმედებები, როგორიცაა ავტომობილის მართვა და მექანიზმების გამოყენება.

3.     გასტროპროტექტის გამოყენების წესი

ყოველთვის მიიღეთ ეს მედიკამენტი ზუსტად ისე, როგორც აღწერილია ამ ინსტრუქციაში ან ისე, როგორც გითხრათ ექიმმა ფარმაცევტმა ან ექთანმა. თუ რაიმეში არ ხართ დარწმუნებული გადაამოწმეთ თქვენს ექიმთან ან ფარმაცევტთან.

რეკომენდირებული დოზა არის:

16 წელს ზემოთ მოზრდილებსა და ზრდასრულებში.

სიმპტომების შესამსუბუქებლად დაღეჭეთ ერთი სრული ტაბლეტი. არ გადაყლაპოთ მთლიანი საღეჭი ტაბლეტი.

გულძარვის პრევენციისთვის დაღეჭეთ ერთი ტაბლეტი 15-60 წუთით ადრე სანამ მიიღებთ საკვებს ან ნებისმიერ სითხეს წყლის გარდა რაც შესაძლოა იყოს დისპეფსიის გამომწვევი.  

არ გადააჭარბოთ ორ საღეჭი ტაბლეტის დღიურ დოზას.

მკურნალობის ხანგრძლივობაა 2 კვირა (იხ. ნაწილი 2: გასტროპროტექტის მიღებამდე); არ მიიღოთ ეს წამალი ორ კვირაზე მეტხანს.

თუ მიიღეთ გასტროპროტექტის ჭარბი დოზა

მიმართეთ სამედიცინო დახმარებას, თუ მიიღეთ რეკომენდირებულ დოზაზე მეტი.

არ გადააჭარბოთ ორ საღეჭი ტაბლეტის დღიურ დოზას (24 საათის განმავლობაში).

თუ დაგავიწყდათ დოზის მიღება

თუ თქვენ რეგულარულად იღებთ გასტროპროტექტს, მაგრამ გამოტოვებთ დოზის მიღებას ჩვეულ დროს, მიიღეთ გამოტოვებული საღეჭი ტაბლეტი, როგორც კი გაგახსენდებათ.

არ მიიღოთ ორმაგი დოზა დავიწყებული დოზის საკომპენსაციოდ.

4.     შესაძლო გვერდითი მოვლენები

ყველა მედიკამენტის მსგავსად, ამ მედიკამენტმაც შესაძლოა გამოიწვიოს გვერდითი მოვლენები, თუმცა ყველას არ ემუქრება ეს.

გასტპროპროექტის საღეჭი ტაბლეტების გვერდითი მოვლენები იშვიათია. ისინი ჩვეულებრივ სუსტია, სწრაფად აღმოიფხვრება და შექცევადია როდესაც პროდუქტის მიღება შეწყდება.

ყველაზე ხშირად გამოვლენილი არასასურველი რეაქციები მედიკამენტის მიღების დროს არის თავის ტკივილი, გულისრევა და დიარეა.

არასასურველი მოქმედების რეაქციების სიხშირე შემდეგნაირად კლასიფიცირდება: ძალიან ხშირი: (მეტი ვიდრე 1/10 დაავადებული პაციეტი); ხშირი: (1-დან 10-მდე/100 პაციენტი); არახშირი: (1-დან 10-მდე/1000 პაციენტი); იშვიათი: (1-დან 10-მდე/10 000 პაციენტი); ძალიან იშვიათი (ნაკლები ვიდრე 1/10 000); უცნობი სიხშირის: (ვერ ვლინდება არსებული მონაცემებით).

ნერვული სისტემის დარღვევები:

ხშირი: თავის ტკივილი

არახშირი: მოუსვენრობა, თავბრუსხვევა

კუჭ-ნაწლავის ტრაქტი:

არახშირია: გულისრევა, დიარეა, გაზებით გამოწვეული შებერილობა, დისპეფსია, გულზიდვა, პირის სიმშრალე, წყურვილი.

ძვალკუნთოვანი, შემაერთებელი ქსოვილისა და ძლების დარღვევები:

არახშირი: დაბუჟება, ყურებში ხმაური (ქინძისთავები და ნემსები) ხელებსა და ფეხებში (პარესთეზია).

სხვა დარღვევები:

არახშირი: მუცლის შებერილობა, მუცლის ტკივილი, გემოვნების პერვერსია.

იზოლირებულ შემთხვევებში გამოვლენილია რამდენიმე უარყოფითი გავლენა

უცნობი სიხშირით:

-        კანი: კანის გამონაყარი, ქავილი, ჭინჭრის ციება და სხვა H2– ანტაგონისტებთან ერთად: კანის ბუშტუკებთან დაკავშირებული მძიმე მდგომარეობა (ტოქსიკური ეპიდერმული ნეკროლიზი).

-        ჰიპერმგრძნობელობა: მძიმე ალერგიული რეაქცია, რომელიც იწვევს სუნთქვის გაძნელებას ან თავბრუსხვევას (ანაფილაქსია), მძიმე ალერგიული რეაქცია, რომელიც იწვევს სახის ან ყელის შეშუპებას (ანგიოედემა), სუნთქვის გაძნელებას ან ხიხინს (ბრონქოსპაზმი).

-        ღვიძლის დაავადებები, ღვიძლის ქოლესტაზის ჩათვლით (ნაღვლის დაქვეითება) და ცვლილებები სისხლის ანალიზში, რომლებიც გვიჩვენებს ცვლილებებს ღვიძლის ფუნქციონირებაში (შრატის ტრანსამინაზების ზრდა), გამა-GT, ტუტე ფოსფატაზა და ბილირუბინი.

-        ნევროლოგიური დარღვევები: ცრუ აღქმა (ჰალუცინაციები), დაბნეულობა, უძილობა, კრუნჩხვები, ძილიანობა, შფოთვა, დეპრესია. ეს დარღვევები შექცევადია მკურნალობის შეწყვეტისთანავე.

-        სისხლის დაავადებები, როგორიცაა თრომბოციტების დაბალი რაოდენობა, სისხლდენის ან სისხლჩაქცევების მომატებული რისკით (თრომბოციტოპენია), სისხლის თეთრი უჯრედების დაბალი რაოდენობა, რაც ზრდის ინფექციის (ლეიკოპენია) განვითარების პოტენციურ რისკს, სისხლის თეთრი უჯრედების რაოდენობის მკვეთრ შემცირებას ინფექციის გაზრდის რისკით (აგრანულოციტოზი) და ყველა სისხლის უჯრედების რაოდენობის მკვეთრი შემცირება, რამაც შეიძლება გამოიწვიოს სისუსტე, სისხლჩაქცევები ან ინფექციის რისკის მომატება (პანციტოპენია)

-        ძვალკუნთოვანი დარღვევები: კუნთების კრუნჩხვები

-        სხვა დარღვევები: მაგ. იმპოტენცია, ლიბიდოს დაქვეითება

ანტაციდის შემცველი სამკურნალო პროდუქტები, როგორიცაა მაგნიუმი და კალციუმი, შეიძლება გამოიწვიოს ცვლილებები კუჭის მოქმედების სიხშირესა და თანმიმდევრულობაში, შებერილობა და სისრულის შეგრძნება.

თუ ზემოთ ჩამოთვლილ რომელიმე გვერდითი ეფექტს შეამჩნევთ, აცნობეთ ექიმს.

გვერდითი მოვლენების შესახებ ინფორმაცია

თუ თქვენ გაქვთ რაიმე გვერდითი მოვლენა, ესაუბრეთ ექიმს, ფარმაცევტს ან მედდას. ეს მოიცავს ყველა შესაძლო გვერდითი ეფექტს, რომელიც არ არის ჩამოთვლილი ამ ინსტრუქციაში. თქვენ ასევე შეგიძლიათ აცნობოთ გვერდითი მოვლენები უშუალოდ:

5.     გასტროპროტექტის შენახვის წესი

შეინახეთ არაუმეტეს 25°C.

შეინახეთ ეს მედიკამენტი ბავშვებისთვის მიუწვდომელ ადგილას.

ინახება ორიგინალ შეფუთვაში.

არ გამოიყენოთ ეს მედიკამენტი ვარგისიანობის ვადის გასვლის შემდეგ, რომელიც მითითებულია მუყაოს ყუთზე. ვარგისიანობის ვადა გულისხმობს მითითებული თვის ბოლო დღეს.

არ გადააგდოთ მედიკამენტები ჩამდინარე წყლების ან საყოფაცხოვრებო ნარჩენების საშუალებით. ჰკითხეთ თქვენს ფარმაცევტს, თუ როგორ უნდა გადააგდოთ მედიკამენტები, რომელსაც აღარ იყენებთ. ეს ზომები ხელს შეუწყობს გარემოს დაცვას.

6.     შეფუთვის შემცველობა და სხვა ინფორმაცია

რას შეიცავს გასტროპროტექტი

-         აქტიური ნივთიერებებია ფამოტიდინი 10მგ, მაგნიუმის ჰიდროქსიდი 165 მგ, და კალციუმის კარბონატი 800 მგ.

-         სხვა ნივთიერებებია: დექსტრატესი, ნატრიუმის სახამებლის გლიკოლატი, ნატრიუმის ციკლამატი, პიტნის არომატი, მაგნიუმის სტეარატი, წინასწარ ჟელატინირებული სახამებელი და სიმინდის სახამებელი.

როგორ გამოიყურება გასტროპროტექტი და შეფუთვის შემცველობა

საღეჭი ტაბლეტები არის თეთრი ან თითქმის თეთრი, მრგვალი, ბრტყელი წახნაგებით.