Validol - ვალიდოლი 20 კაფსულა

გამოყენების  ინსტრუქცია

ვალიდოლი

VALIDOL

სავაჭრო დასახელება: ვალიდოლი

საერთაშორისო არაპატენტირებული დასახელება: -

ქიმიური დასახელება: α-მეთილ-2-(2-იზოპროპილ)ციკლოჰექსანოლი და [5-მეთილ-2-(2-პროპილ)ციკლოჰექსილი]-3-მეთილბუტანოატი.

სამკურნალო ფორმა: კაფსულები 100 მგ.

შემადგენლობა: ერთი კაფსულა შეიცავს: მენთოლის ხსნარი იზოვალერიანის მჟავას (ვალიდოლის) მენთოლის ეთერში - 100 მგ.

კაფსულის გარსის შემადგენლობა: ჟელატინი, გლიცერინი, გასუფთავებული წყალი, მეთილპარაჰიდროქსიბენზოატი, პროპილპარაჰიდროქსიბენზოატი.

აღწერილობა. რბილი ჟელატინის სფეროს ფორმის კაფსულები, ღია-ყვითელი ფერის.

კაფსულის შიგთავსი - გამჭვირვალე, უფერო ან ოდნავ მოყვითალო ან მოყვითალო-მომწვანო ზეთოვანი სითხე მენთოლის სუნით.

ფარმაკოთერაპიული ჯგუფი: გულის დაავადებების სამკურნალო სხვა კომბინირებული პრეპარატები.

კოდი ათქ: [C01EX].

გამოყენების ჩვენებები:

პრეპარატის გამოყენების მთავარ ჩვენებებს წარმოადგენს სტენოკარდიის, კარდიალგიის მსუბუქი შეტევები, „შექანების“ სინდრომი (ღებინება, გულისრევა ზღვისა და ჰაერის დაავადების დროს), ისტერია, ნევროზი, თავის ტკივილი, დაკავშირებული ნიტრატების მიღებასთან.

გამოყენების წესი და დოზები:

პრეპარატი მიირება სუბლინგვურად 1 კაფსულა (100 მგ) 2-ჯერ დღეში (კაფსულა უნდა გაიჩეროთ პირში, ენის ქვეშ, მის სრულ გაწოვამდე). საჭიროების შემთხვევაში დოზის გაზრდა შეიძლება 600 მგ-მდე დღეში.

მიღების ჯერადობა და ხანგრძლივობა განისაზღვრება მკურნალობის ეფექტურობის მიხედვით. მიღებიდან უახლოეს 5-10 წუთში თერაპიული ეფექტის არარსებობის ან არასაკმარისი გამოხატულობის დროს საჭიროა სხვა თერაპიის დანიშვნა.

განსაკუთრებული მითითებები:

სასურველი ეფექტის მიღწევის დასაჩქარებლად შეიძლება ვალიდოლის კაფსულის დაღეჭვა.

ურთიერთქმედება სხვა სამკურნალო საშუალებებთან:

გამოვლენილი არ არის.

გვერდითი მოქმედება:

პრეპარატის მიღებისას ერთეულ შემთხვევებში შესაძლებელია მსუბუქი ღებინება, ცრემლდენა, თავბრუსხვევა. ეს მოვლენები მალე თავისით გაივლის.

ჭარბი დოზირება:

სიმპტომები: აწ დაწევა, ცნს დათრგუნვა.

მკურნალობა: სიმპტომური, პრეპარატის მოხსნა.

უკუჩვენებები:

ჰიპერმგრძნობელობა.

ზეგავლენა ავტომობილის ტარების,მექანიზმებთან მუშაობის უნარზე

ზეგავლენას არ ახდენს.

გამოშვების ფორმა

10 კაფსულა კონტურულ უჯრედულ შეფუთვაში (ბლისტერში); 2 ბლისტერი კოლოფში. 

შენახვის პირობები

ინახება ნესტისა და სინათლისგან დაცულ ადგილას არა უმეტეს 15⁰C -  25⁰C ტემპერატურის პირობებში.

ინახება ბავშვებისათვის მიუწვდომელ ადგილას.

ვარგისობის ვადა

2 წელი. არ გამოიყენება შეფუთვაზე აღნიშნული ვარგისიანობის ვადის გასვლის შემდეგ.

გაცემის პირობები:

ფარმაცევტული პროდუქტის ჯგუფი III, გაიცემა რეცეპტის გარეშე.      

მწარმოებლის დასახელება და მისამართი:

უს „მინსკინტერკაფსი“, ბელარუსის რესპუბლიკა

220075, ქ. მინსკი, ს/ყ 112, ინჟინერნაიას ქ., სახლი 26