Blemisin - ბლემისინი 15მგ 1 ფლაკონი

გამოყენების ინსტრუქცია

ბლემიცინი 15 მგ ლიოფილიზებული ფხვნილის შემცველი ფლაკონი

სტერილური, ციტოსტატიკური

განკუთვნილია ინტრავენური, ინტრამუსკულარული, ინტრაარტერიული, ინტრაპლევრალური, ინტრააბდომინალური გამოყენებისთვის, საჭიროებისას შესაძლებელია პირდპირ სიმსივნეში შეყვანა.

მოქმედი ნივთიერება: ერთი 6 მლ-იანი მინის ფლაკონი 15 მგ [15.000(15x103) ს.ე. ექვივალენტურ]ლიოფილიზებულ ბლეომიცინის სულფატს შეიცავს.
დამხმარე ნივთიერებები: არ შეიცავს.
აღნიშნული წამლის მიღებამდე გამოყენების ინსტრუქცია ყურადღებით წაიკითხეთ, რადგანაც ის თქვენთვის მნიშვნელოვან ინფორმაციას შეიცავს.

· აღნიშნული გამოყენების ინსტრუქცია შეინახეთ. შეიძლება განმეორებით გადაკითხვა დაგჭირდეთ.

· დამატებით კითხვების შემთხვევაში, გთხოვთ თქვენს ექიმს ანდა ფარმაცევტს მიმართოთ.

· აღნიშნული წამალი პირადად თქვენთვისაა გამოწერილი, სხვას არ მისცეთ.

· აღნიშნული წამლის გამოყენებისას თუ სხვა ექიმს ანდა საავადმყოფოს მიმართავთ, ექიმს მიაწოდეთ ინფორმაცია ამ წამლის მოხმარების შესახებ.

· წამლის გამოყენების ინსტრუქცია ზუსტად შეასრულეთ. თქვენთვის რეკომენდირებული დოზის გარდა მაღალი ანდა დაბალი დოზა არ მიიღოთ.

გამოყენების ინსტრუქცია შეიცავს შემდეგი სათაურების მომცველ მონაცემებს:

რა არის და რისთვის გამოიყენება ბლემიცინი?
ბლემიცინის გამოყენებამდე რას უნდა მივაქციოთ ყურადღება?
როგორ გამოიყენება ბლემიცინი?
რა სახის შესაძლო გვერდითი ეფექტები შეიძლება გამოვლინდეს?
ბლემიცინის შენახვა
 1.რა არის და რისთვის გამოიყენება ბლემიცინი?

ბლემიცინი, სიმსივნის რამდენიმე სახეობის სამკურნალოდ გამოიყენება. ბლემიცინი მიიღება Streptomyces verticillus-ის სახელით ცნობილი ბაქტერიის განსაკუთრებული სახეობიდან წარმოებული პროტეინიდან.
ბლემიცინი, ანტინეოპლაზიური პრეპარატების სახელით ცნობილი წამლის ჯგუფში შედის, ბლემიცინი ციტოტოქსიური ანტიბიოტიკია, რომელიც სიმსივნის უჯრედებში (სიმსივნური ქსოვილი) შეღწევით მათ ზრდას აფერხებს. აღნიშნული მდგომარეობის გამო ბლემიცინი, სიმსივნის მკურნალობაში ეფექტურ წამლად ითვლება.
ბლემიცინი, გამოიყენება ბრტყელუჯრედოვანი სიმსივნის სახელით ცნობილი პირის ღრუს, ცხვირის, კანის, საშვილოსნოს ყელის და გარეთა სასქესო ორგანოების სიმსივნეების სამკურნალოდ.
ბლემიცინი, ჰოჩკინის დაავადების ჩათვლით, სხვა მალიგნირებული ლიმფომების, მუცლის ღრუს სხვადასხვა სიმსივნეების, სათესლე ჯირკვლების სიმსივნეების სამკურნალოდ გამოიყენება.
ბლემიცინი, დამატებით მალიგნირებული მელანომის (კანის სიმსივნის სახეობა), ფარისებრი ჯირკვლის, ფილტვების და შარდის ბუშტის სიმსივნეების სამკურნალოდაც გამოიყენება.
ბლემიცინი, სხვა სიმსივნის სამკურნალო წამლებთან ერთად კომბინაციაშიც გამოიყენება.
ბლემიცინის გამოყენებამდე რას უნდა მივაქციოთ ყურადღება?
ბლემიცინი არ გამოიყენება ქვემოთ მოცემული მდგომარეობების დროს:

თუ,ბლემიცინის მოქმედი ნივთიერების, ბლეომიცინის ანდა პროდუქტის შემადგენლობაში არსებული რომელიმე ნივთიერების მიმართ მომატებული მგრძნობელობა გაქვთ,
გულმკერდის მძიმე ინფექცია გაქვთ,
ფილტვების ფუნქციების მნიშვნელოვან დონეზე დაქვეითება გაქვთ,
თირკმლების ფუნქციების მნიშვნელოვან დონეზე დაქვეითება გაქვთ,
გულის ფუნქციების მნიშვნელოვან დონეზე დაქვეითება გაქვთ,
გულმკერდის და გულმკერდის ირგვლივ მიდამოში რადიაციული მკურნალობაა ჩატარებული.
ბლემიცინი ქვემოთ მოცემული მდგომარეობების დროს სიფრთხილით გამოიყენეთ:

თუ, ღვიძლის პრობლემები გაქვთ, ბლემიცინის გვერდითი ეფექტების გამოვლინების მხრივ, სიფრთხილეა საჭირო,
თირკმლების პრობლემები გაქვთ,
ფილტვების ფუნქციების დარღვევა გაქვთ,
გულის მძიმე დაავადება გაქვთ,
60 წლის ანდა მეტი ასაკი გაქვთ,
ჩუტყვავილა გაქვთ,
წარსულში ანდა ახლო პერიოდში გულმკერდის მიდამოში რადიაციული მკურნალობა გაქვთ ჩატარებული, ამ დროს გვერდითი ეფექტების გამოვლინების რისკი მატულობს.
თუ, აღნიშნული გაფრთხილებები წარსულის ნებისმიერ მომენტში ანდა ამჟამად თქვენთან ვლინდება, გთხოვთ, ექიმს აცნობეთ.

ბლემიცინის გამოყენება საკვებთან და სასმელთან ერთად

როგორც ყველა წამლის შემთხვევაში, ბლემიცინის მიღების დროს ალკოჰოლი არ უნდა იქნას მიღებული.

ორსულობა

წამლის მიღებამდე გთხოვთ, თქვენს ექიმს ანდა ფარმაცევტს მიმართეთ.

ბლემიცინი, ორსულობის დროს არ უნდა იქნას გამოყენებული. აღნიშნული მიზეზის გამო, ავადმყოფები გაფრთხილებული უნდა იყვნენ, რომ მკურნალობის პერიოდში ეფექტური ჩასახვის საწინააღმდეგო მეთოდი უნდა იქნას გამოყენებული.

თუ მკურნალობის პერიოდში ორსულობას გამოავლენთ, სასწრაფოდ ექიმს ანდა ფარმაცევტს მიმართეთ.

ძუძუთი კვება-ლაქტაცია

წამლის გამოყენებამდე გთხოვთ, თქვენს ექიმს ანდა ფარმაცევტს მიმართეთ.

ბლემიცინი, ძუძუთი კვებაზე მყოფ ქალებში არ უნდა იქნას გამოყენებული. თუ, წამლის გამოყენება იძულებითი საჭიროებითაა განპირობებული, მკურნალობის დროის განმავლობაში, ძუძუთი კვება შეჩერებული უნდა იქნას.

ავტომობილისა და მექანიზმების მართვის უნარზე ზემოქმედება

ავტომობილისა და მექანიზმების მართვასთან დაკაშირებით კვლევა არ არსებობს.

ბლემიცინის შემადგენლობაში არსებული ზოგიერთი დამხმარე ნივთიერების შესახებ ინფორმაცია

ბლემიცინი დამხმარე ნივთიერებას არ შეიცავს.

სხვა მედიკამენტებთან ერთად გამოყენება

ბლეომიცინის ფენიტოინთან (გამოიყენება ეპილეფსიის დროს) ანდა კლოზაპინთან (ანტიფსიქოზური)ერთად გამოყენებას უნდა მოერიდოთ.

ბლემიცინის ცისპლატინთან (სხვა სიმსივნის სამკურნალო წამალი)ერთად გამოყენების დროს დაფიქსირებულია გვერდითი ეფექტების გამოვლინება, უფრო მეტად ფილტვების მხრივ.

ბლემიცინის, სხვა ქიმიოთერაპიულ პრეპარატთან, სათესლე ჯირკვლების სიმსივნის სამკურნალოდ გამოყენებულ- ვინკას ალკალოიდებთან ერთად გამოყენებისას, ვლინდება სხეულის პერიფერიული მიდამოების, მაგ. თითების ანდა ცხვირის სისხლის მიმოქცევის შემცირება,რაც განაპირობებს ქსოვილის დაზიანება(ნეკროზს). ბლემიცინის, სხვა ქიმიოთერაპიულ პრეპარატებთან ერთად გამოყენებისას, შეიძლება საჭირო გახდეს დოზის შემცირება.

ბლეომიცინის ხსნარი არ უნდა შეურიეოთ ესენციურ ამინომჟავების (პროტეინების ხსნარები), რიბოფლავინის (ვიტ.B12), ასკორბინის მჟავას (ვიტ. C), დექსამეტაზონის (კორტიკოსტეროიდის ერთერთი სახეობა), ამინოფილინის (გამოიყენება სუნთქვის გასაუმჯობესებლად) ანდა ფუროსემიდის (შარდმდენი) ხსნარებთან.

გულმკერდის და ირგვლივ მიდამოში რადიოთერაპიასთან ერთად ბლემიცინის მიღებისას, სერიოზული ინტერსტიციალური პნევმონია ანდა პულმონალური ფიბროზი შეიძლება განვითარდეს. ამიტომ, წამლის გამოყენებისას სიფრთხილეა საჭირო.

სხვა სიმსივნის საწინააღმდეგო აგენტების და რადიოთერაპიული მკურნალობის ერთად განხორციელებისას, ინტერსტიციალური პნევმონია ანდა პულმონალური ფიბროზის მსგავსი სერიოზული დაზიანების ნიშნები შეიძლება გამოვლინდეს, ამიტომ მათი კომბინაციის დროს სიფრთხილეა საჭირო.

ბლემიცინის, თავისა და კისრის მიდამოში რადიოთერაპიასთან ერთად გამოყენებისას, შეიძლება გამოვლინდეს სტომატიტი ანდა კუთხოვანი სტომატიტი. იშვიათად შეიძლება გამოვლინდეს ხახის ლორწოვანის ჩირქოვანი ანთება და ხმის ჩახლეჩა.

თუ რეცეპტით დ ან რეცეპტის გარეშე ნებისმიერ წამალს ღებულობთ ანდა ბოლო პერიოდში მიიღეთ, გთხოვთ, აღნიშნულის შესახებ თქვენს ექიმს ანდა ფარმაცევტს აცნობეთ.

როგორ გამოიყენება ბლემიცინი?
სწორი გამოყენება და დოზები/გამოყენების სიხშირე და მითითებები:
ბლემიცინი, ყოველთვის ექიმის მიერ მოცემული მითითებების შესაბამისად მიიღეთ, თუ დარწმუნებული არა ხართ რომელიმე საკითხში, თქვენს ექიმს ანდა ფარმაცევტს მიმართეთ. ექიმი, თქვენთან საჭირო სამკურნალო დოზას, მკურნალობის ხანგრძლივობას და მკურნალობის ფორმას განსაზღვრავს.

თქვენთვის საჭირო ბლემიცინის სამკურნალო დოზის განსაზღვრის შემდეგ, ფხვნილის სახით არსებული პროდუქტი 0.9% ნატრიუმის ქლორიდის იზოტონურ ხსნარში უნდა გაიხსნას. მომზადებული ხსნარი, სიმსივნის ტიპის მიხედვით ძირითადად კუნთებში კეთდება, თუმცა შესაძლებელია მისი ინჟექტირება ვენაში, გულმკერდის ღრუში ანდა მუცლის ღრუში.

მკურნალობა, ძირითადად კვირაში 2 ანდა 3 დღე მიმდინარეობს და საჭიროებისას, შემდგომ კვირებშიც შეიძლება განმეორდეს. ზოგიერთ შემთხვევებში, მკურნალობა ზედიზედ 5 ანდა 10 დღის განმავლობაში შეიძლება განმეორდეს.

თქვენთვის საჭირო ბლემიცინის დოზა, განხორციელების სიხშირე და მკურნალობის ხანგრძლივობა განისაზღვრება სხეულის წონის, ჯანმრთელობის მდგომარეობის და მკურნალობაში გამოყენებული სხვა პრეპარატების გათვალისწინებით. თუ, სხვა სამედიცინო პრეპარატებით მკურნალობა უკვე ჩატარებული გაქვთ, ან რადიოთერაპიული მკურნალობა გაქვთ ჩატარებული, თირკმლების უკმარისობა ანდა თირკმლების ფუნქციის დარღვევა გაქვთ, თქვენთვის საჭირო ბლემიცინის დოზა შეიძლება შემცირებული იქნას.

თუ, მკურნალობის პერიოდში მშრალი ხველა, სუნთქვის გაძნელება, ხშირი სუნთქვა ანდა ფილტვებზე მოქმედი სხვა მდგომარეობა გამოვლინდება, საჭიროა გულმკერდის რადიოლოგიური შეფასება-ფილტვების რენტგენოგრაფიული კვლევა, ასევე ამ დროს შეიძლება საჭირო გახდეს მკურნალობის 4 კვირის განმავლობაში შეჩერება ანდა სრულად შეწყვეტა.

მიცემის გზა და მეთოდი:
ბლემიცინი, ძირითადად კუნთებში კეთდება, ამავე დროს შეიძლება ინტრავენური შეყვანა(ბოლუსის სახით ანდა ხანგრძლივი ინფუზიის სახით), ასევე არტერიაში, გულმკერდის ღრუში ანდა მუცლის ღრუში, ბლემიცინი ნატრიუმის ქლორიდის იზოტონურ ხსნარში იხსნება და ინჟექტირდება ინექციის სახით. გარდა ამისა, ლოკალურად, პირდაპირ სიმსივნეშიც შესაძლებელია ინექციის სახით შეყვანა.

სხვადასხვა ასაკობრივი ჯგუფები:

ბავშვებში გამოყენება:

ბავშვებისთვის შესაბამისი დოზა, სხეულის წონის და ზედაპირის ფართის შესაბამისად გამოითვლება. მკურნალობა სიმსივნის მკურნალობაში სპეციალიზებულ სამედიცინო ცენტრში უნდა განხორციელდეს.

ხანდაზმულებში გამოყენება:

ხანდაზმულებისთვის საჭირო დოზა, დაავადების ტიპის და ავადმყოფის ასაკის შესაბამისად განისაზღვრება.

გამოყენების განსაკუთრებული მდგომარეობები:
თირკმლების/ღვიძლის უკმარისობა:

თირკმლების და ღვიძლის უკმარისობის დროს, შეიძლება საჭიროა გახდეს დოზის შემცირება. ექიმი, თქვენი დაავადების სიმძიმის მიხედვით საჭირო დოზას განსაზღვრავს და მკურნალობას განახორციელებს.

თუ ფიქრობთ, რომ ბლემიცინის ეფექტი ძალიან ძლიერი ანდა სუსტია, გაესაუბრეთ თქვენს ექიმს ანდა ფარმაცევტს.

თუ, ბლემიცინის საჭიროზე მეტი დოზა მიიღეთ:

თუ, ბლემიცინის საჭიროზე მეტი დოზა მიიღეთ, თქვენს ექიმს ანდა ფარმცევტს აცნობეთ.

ბლემიცინის დოზის გადაჭარბებისთვის დამახასიათებელი მწვავე რეაქციებია: სისხლის დაბალი არტერიული წნევა, ცხელება,პულსის გახშირება და შოკი. მკურნალობა ძირითადად, სიმპტომურია. აღნიშული სიმპტომების გამოვლენის შემთხვევაში, ექიმი შესაბამის მხარდამჭერ მკურნალობას განახორციელებს.

თუ, ბლემიცინის გამოყენება დაგავიწყდებათ:

ექიმი, გამოტოვებული დოზის გაკეთების დროს განსაზღვრავს. მომდევნო დოზის გაკეთების დროსთან დაკაშირებული ექიმის მითითებები გაითვალისწინეთ.

დავიწყებული დოზის აღდგენისთვის ორმაგი დოზა არ მიიღოთ.

გვერდითი ეფექტები, რომელიც ბლემიცინით მკურნალობის დასრულების შემდეგ შეიძლება განვითარდეს:

ბლემიცინით მკურნალობის ხანგრძლივობას ექიმი განსაზღვრავს. იმის მიუხედავად, რომ თავს კარგად გრძნობთ, ექიმის რეკომენდაციის გარეშე მკურნალობა ნაადრევად არ შეწყვიტოთ. ამ წამლის გამოყენებასთან დაკაშირებით დამატებითი კითხვების არსებობის შემთხვევაში, თქვენს ექიმს ანდა ფარმაცევტს მიმართეთ.

რა შეიძლება იყოს შესაძლო გვერდითი ეფექტები:
როგორც ყველა წამლის შემთხვევაში, ბლემიცინში არსებული ნივთიერების მიმართაც შეიძლება გამოვლინდეს მგრძნობელობა და გვერდითი ეფექტები.

თუ, ქვემოთ ჩამოთვლილი ნიშნებიდან რომელიმე თქვენთან გამოვლინდება, ბლემიცინის მიღება შეწყვიტეთ და სასწრაფოდ თქვენს ექიმს აცნობეთ ანდა ყველაზე ახლო საავადმყოფოს სასწრაფოს განყოფილებას მიმართეთ:

ძლიერი სუნთქვის გაძნელება
პნევმონია(ნიშნები:ცხელება, შემცივნება, სუნთქვის გაძნელება, და ხველა)
ძლიერი ალერგიული რეაქციები. ამ დროს შეიძლება გამოვლინდეს: გამონაყარი ქავილით(ჭინჭრის ციება), ხელებზე, ფეხებზე, კოჭებზე, სახეზე, ტუჩებზე, პირის ღრუში ანდა ხახაში შეშუპება, (რაც სუნთქვის და ყლაპვის გაძნელებას იწვევს), გონების დაკარგვის შეგრძნება.
ყველა ჩამოთვლილი სერიოზული გევრდითი ეფექტებია. თუ, ჩამოთვლილთაგან რომელიმე თქვენთან ვლინდება, ეს ნიშნავს, რომ თქვენ შეიძლება ბლემიცინის მიმართ სერიზოული ალერგია გაქვთ. ამ დროს სასწრაფო სამედიცინო ჩარევა ანდა საავადმყოფოში დაწოლა შეიძლება დაგჭირდეთ.

ეს ძალიან სერიოზული გვერდითი ეფექტები საკმაოდ იშვიათად ვლინდება.

თუ, ქვემოთ ჩამოთვლილთაგან რომელიმე თქვენთან გამოვლინდება, სასწრაფოდ ექიმს აცნოებთ ანდა თქვენთან ყველაზე ახლო საავადმყოფოს ემერჯენსის განყოფილებას მიმართეთ:

გვერდითი ეფექტები კატეგორიების მიხედვით ქვემოთაა მოცემული:

ძალიან გავრცელებული:10 ავადმყოფიდან სულ ცოტა 1 ავადმყოფთან ვლინდება.

გავრცელებული:10 ავადმყოფიდან <1 ავადმყოფთან ვლინდება, მაგრამ 100 ავადმყოფიდან >1 ავადმყოფთან შეიძლება გამოვლინდეს.

ნაკლებად გავრცელებული: 100 ავადმყოფიდან <1 ავადმყოფთან ვლინდება, მაგრამ 1.000 ავადმყოფიდან >1 ავადმყოფთან შეიძლება გამოვლინდეს.

იშვიათი:1.000 ავადმყოფიდან <1 ავადმყოფში ვლინდება, მაგრამ 10.000 ავადმყოფიდან >1 ავადმყოფთან შეიძლება გამოვლინდეს.

ძალიან იშვიათი: 10.000 ავადმყოფიდან <1 ავადმყოფთან შეიძლება გამოვლინდეს.

უცნობი: ხელთ არსებული მონაცემებით ვარაუდი შეუძლებელია.

ძალიან გავრცელებული:

მკურნალობის დღეს განვითარებული ცხელება
უმადობა და წონის დაკლება
გულისრევა და ღებინება
ფილტვების ჩირქოვანი ანთება
პირის ღრუს იარები და პირის ღრუში წყლულები
ინექციის ადგილას ტკივილი, შესივება, სიწითლე და ან მგრძნობელობის მომატება
კანის გამუქება, რასაც თან ახლავს ქავილი
თითის წვერების გამკვრივება, გასქელება, სიწითლე, მგრძნობელობა და ან
შეშუპება, თმის ცვენა

თმის ცვენა
ფრჩხილების ამობურცვა, სახსრის(მუხლის) მსგავს ზეწოლის მიდამოებში შეშუპება
თითებსა და ცხვირის წვეროზე სისხლის მიმოქცევის შემცირება
გავრცელებული:

დაღლილობა თავის ტკივილი დალურჯებები სისხლდენა
კანზე გამონაყარი, კანის სიწითლე პირის ღრუს კედლების დაზიანება ნაკლებად გავრცელებული:სისხლის არტერიული წნევის დაცემა(ფეხზე წამოდგომისას ანდა საწოლიდან წამოდგომისას შეიძლება თავბრუ დაგეხვათ ანდა გონების დაკარგვის შეგრძნება გქონდეთ)
შარდვის გაძნელება, შარდვის დროს ტკივილი
ინფექციის ადვილად განვითარება (სისხლის თეთრი უჯრედების რაოდენობის დაქვეითება)
ღვიძლის ფუნციების დარღვევა
სისხლძარღვების სტრუქტურული ცვლილება(შევიწროება ანდა გაგანიერება)
დიარეა ინექციის მიდამოში ანდა სიმსივნის ლოკალიზაციის ადგილას ტკივილი, შეშუპება, სიწითლე ანდა მგრძნობელობის მომატება.
უცნობი ინფექციის გამომწვევი მიკრობის სისხლში გადასვლა
სისხლის ყველა უჯრედის რაოდენობის შემცირება, სისხლში თრომბოციტების რაოდენობის სშმცირება, ანემია, სისხლის ფრაგმენტირებული უჯრედების რაოდენობის შემცირება
ტკივილი მკერდში
მიოკარდიუმის ინფარქტი
ხელისა და ფეხის თითებში სისხლის მიმოქცევის შემცირება (რეინოს სინდრომი)
სისხლძარღვების თრომბით დახშობა
ვენური თრომბოზი ანდა გულის სისხლძარღვების თრომბოზი
თითის წვერების სისხლის მიმოქცევის შემცირება.
გვერდი ეფექტების შესახებ მოხსენება

ნებისმიერი გვერდითი ეფექტის გამოვლინების შემთხვევაში, რომელიც არის ანდა არ არის ხსენებული წამლის გამოყენების ინსტრუქციაში, მიმართეთ თქვენს ექიმს, ექთანს ანდა ფარმაცევტს. ასევე, გამოვლენილი გვერდითი ეფექტების შესახებ აცნობეთ შემდეგ ელექტრონულ მისამართზე: www.titck.gov.tr ,,წამლის გვერდითი ეფექტის შესახებ შეტყობინების’’ გრაფაში დაკლიკებით ანდა დარეკეთ ტელეფონის ნომერზე:0 800 314 00 08 თურქეთის ფარმაკოლოგიის სააგენტოს ცენტრს(TUFAM). გამოვლენილი გვერდითი ეფექტების შეტყობინებით წვლილს შეიტანთ გამოყენებული მედიკამენტის შესახებ უფრო მეტი ინფორმაციის მიღებასა და უსაფრთხოებაზე.

ნებისმიერი გვერდითი ეფექტის გამოვლინების შემთხვევაში, რომელიც არ არის ხსენებული წამლის გამოყენების ინსტრუქციაში, მიმართეთ თქვენს ექიმს ანდა ფარმაცევტს.

ბლემიცინის შენახვა
ბლემიცინი, ბავშვებისგან შორს, მიუწვდომელ ადგილას შეფუთვაში შეინახეთ.

ბლემიცინი, შეინახეთ 20C -80C ტემპერატურაზე, მაცივარში და სინათლისგან დაცულ ადგილას, შეფუთვაში.

გაუხსნელი ფლაკონი: 20C-80C ტემპერატურაზე გაუხსნელი ფლაკონის შენახვისას, გამოყენების ვადა შეადგენს 24 თვეს.
გახსნილი ფლაკონი: მაშინვე უნდა გაზავდეს.
NaCl 9% ხსნარში გაზავების შემდეგ: რეკონსტრუქციის (აღდგენის) შემდეგ ქიმიური და ფიზიოლოგიური გამოყენების ვადა: 250C შეადგენს 24 საათს. მიკრობიოლოგიური თვალსაზრისით, პროდუქტი აღდგენისთანავე უნდა იქნას გამოყენებული. თუ, პროდუქტი აღდგენის შემდეგ მაშინვე არ იქნება გამოყენებული, წამლის გამოყენების ხანგრძლივობის და პირობების დაცვის პასუხისმგებლობა პრეპარატის მომხმარებელ /ინექციის გამკეთებელ პირს ეკუთვნის.
ბლემიცინი, გამოყენების ბოლო ვადის შესაბამისად გამოიყენეთ.

შეფუთვაზე მითითებული გამოყენების ბოლო ვადის შემდეგ ბლემიცინი არ გამოიყენოთ.

თუ, პროდუქტზე და/ანდა შეფუთვაზე დაზიანებას შეამჩნევთ, ბლემიცინი არ გამოიყენოთ.

ვადა გადასული ანდა გამოუყენებლი წამლები ნაგავში არ ჩააგდოთ, გარემოს დაცვისა და ურბანიზაციის სამინისტროს მიერ განსაზღვრულ შემკრებ სისტემას ჩააბარეთ.

ადამიანების სამკურნალოდ ციტოტოქსიური და ციტოსტატიკური სამედიცინო პროდუქტების გამოყენების შედეგად დაცლილი შიგა შეფუთვის ნარჩენები საშიში ნარჩენებია და მათი მართვა 29314-ე ოფიციალურ გაზეთში გამოქვეყნებული ნარჩენების მართვის რეგულაციის შესაბამისად უნდა მოხდეს.

ქვემოთ მოცემული ინფორმაცია განკუთვნილია იმ სამედიცინო პერსონალისთვის, ვინც ამ წამლის ინექციას გააკეთებს

ბლემიცინი, სიმსივნის სამკურნალოდ ქიმიოთერაპიულ ჩარევებში სპეციალიზებული ექიმის მიერ ანდა ამ ექიმების დაკვირვების ქვეშ უნდა გაკეთდეს.

დოზირება/გაკეთების სიხშირე და ხანგრძლივობა:

რეკომენდირებული დოზების სქემა ქვემოთაა მოცემული:

სკვამოზურ უჯრედოვანი კარცინომა და სათესლე ჯირკვლის ტერატომა:
მხოლოდ ერთი პრეპარატის-ბლემიცინის გამოყენების დროს ნორმალური დოზაა: 15x103 IU (1 ფლაკონი) 3-ჯერ კვირაში, 30x103 IU (2 ფლაკონი) 2-ჯერ კვირაში ინტრამუსკულარული (კუთებში) ანდა ინტრავენური (ვენაში) გამოყენებით. მკურნალობის გაგრძელება შემდგომ კვირებშიც შესაძლებელია ანდა კეთდება ზოგადი ჯამური კუმულაციური დოზა- 500x103 IU-მდე 3-4 კვირიანი ინტერვალით. სათესლე ჯირკვლის სიმსივნის მქონე ახალგაზრდა მამაკაცებში დოზის ამ რაოდენობის ტოლერაცია (ატანა, ათვისება) იშვიათად, ორჯერ შეიძლება. უწყვეტი ინტრავენური ინფუზია 10 დღემდე, ყოველ 24 საათში 15x103 IU (1 ფლაკონი)დოზა კეთდება ანდა 5 დღემდე, ყოველ 24 საათში 30x103 IU (2 ფლაკონი) დოზა კეთდება, ამ დოზამ შეიძლება სწრაფი თერაპიული ეფექტი მოახდინოს. მაქსიმალური თერაპიული პასუხის და ტოლერანტობის არსებობის მაჩვენებელი მნიშვნელოვანი მდგომარეობაა სტომატიტის განვითარება. ბლეომიცინის, ქიმიოთერაპიასთან კომბინირებული გამოყენებისას შეიძლება საჭირო გახდეს დოზის რეგულაცია. ხანდაზმულებსა და ბავშვებში გამოყენებისთვის იხილეთ ნაწილი- განსაკუთრებულ ასაკობრივ ჯგუფებთან (პოპულაციებთან) დაკაშირებული დამატებითი მონაცემები. პედიატრიული პოპულაცია, გერიატრიული პოპულაცია.

მალიგნირებული ლიმფომები:
ბლემიცინის ლიმფომით დაავადებულებში გამოყენებისას, ანაფილაქსიური რეაქციის განვითარების ალბათობის თავიდან აცილების მიზნით, პირველი ორი დოზის სახით 15x103 IU ანდა უფრო დაბალი დოზა კეთდება.

თუ, მწვავე რეაქციები არ გამოვლინდება, საჭირო დოზირების სქება ქვემოთაა მოცემული:

მხოლოდ ერთი პრეპარატის-ბლემიცინის გამოყენების დროს რეკომენდირებული დოზაა: ინტრამუსკულარულად 15x103 IU (1 ფლაკონი) 1-ჯერ ანდა 2-ჯერ კვირაში, ჯამური დოზაა 225x103 IU (15 ფლაკონი). გერიატრიულ (ხანდაზმულ) ავადმყოფებში დოზა შემცირებული უნდა იქნას. ბლეომიცინის, ქიმიოთერაპიასთან კომბინირებული გამოყენებისას, შეიძლება საჭირო გახდეს დოზის რეგულაცია. ხანდაზმულებში და ბავშვებში გამოყენებისთვის იხილეთ ნაწილი- განსაკუთრებულ ასაკობრივ ჯგუფებთან (პოპულაციებთან) დაკაშირებული დამატებითი მონაცემები. პედიატრიული პოპულაცია, გერიატრიული პოპულაცია.

მალიგნირებული ეფუზიები(გაჟონვები):
მალიგნიზაციური პროცესის ზემოქმედების ქვეშ არსებული სეროზული ღრუების დრენაჟის შემდეგ, ბლემიცინი შეიყვანება შესაბამის სეროზულ ღრუებში დრენაჟის ნემსით ანდა კანიულის საშუალებით შემდეგი დოზირებით: ბლემიცინი 60x103 IU(4 ფლაკონი) დოზა იხსნება 100 მლ ფიზიოლოგიურ (0.9% ნატრიუმის ქლორიდის ხსანრში)ხსნარში. ინსტილაციის (ღრუში შეყვანის) შემდეგ დრენაჟის ნემსი ანდა კანიულა გადაგდებული უნდა იქნას. 500x103 IU -ჯამურ კუმულაციური დოზამდე მიღწევისთვის იგივე ჩარევა შეიძლება განმეორებით გაკეთდეს (დაახლოებით 33 ფლაკონი). ხანდაზმულებში და ბავშვებში გამოყენებისთვის იხილეთ ნაწილი- განსაკუთრებულ ასაკობრივ ჯგუფებთან (პოპულაციებთან) დაკაშირებული დამატებითი მონაცემები. პედიატრიული პოპულაცია, გერიატრიული პოპულაცია.

კომბინირებული მკურნალობა:
ბლეომიცინი, კომბინაციური თერაპიის სახით, ძირითადად გამოიყენება რადიოთერაპიასთან ერთად თავისა და კისრის მიდამოს სიმსივნეების სამკურნალოდ. მკურნალობის ორივე ფორმის სრული დოზების ერთად განხორციელებისას, ლორწოვანის რეაქციების მატების ალბათობა დიდია, ამიტომ შეიძლება საჭირო გახდეს ბლემიცინის დოზის შემცირება. (მაგ.კვირაში 5 დღე ყოველი რადიაციული ფრაქციის დროს 5x103 IUდოზა). ბლემიცინი, ეს არის პრეპარატი, რომელიც ხშირად გამოიყენება კომბინირებული ქიმიოთერაპიული მკურნალობის დროს (მაგ.სკვამოზურ უჯრედოვანი კარცინომის, სათესლე ჯირკვლის ტერატომის, ლიმფომის). ბლემიცინის კომბინირებული ქიმიოთერაპიულ რეჟიმებში გამოყენებისას, წამლის და დოზის შერჩევისას, გათვალისწინებული უნდა იქნას ორივე პრეპარატისთვის დამახასიათებელი ლორწოვანზე ტოქსიური ზემოქმედების პოტენციალი.

გაკეთების (შეყვანის) ფორმა: ბლემიცინი, ძირითადად ინტრამუსკულარულად კეთდება, თუმცა განკუთვნილია ინტრავენური (ბოლუსის სახით ანდა ხანგრძლივი ინფუზია), ინტრაარტერიული, ინტრაპლევრალური დ ან ინტრაპერიტონეალური გამოყენებისთვისაც, პრეპარატი 0.9% ნატრიუმის ქლორიდის ხსნარში იხსნება.

გარდა ამისა, პირდაპირ ლოკალურად, სიმსივნეში ინექციის გაკეთებაც შესაძლებელია.

მითითებები მომზადებისთვის:

ბლემიცინი, ქიმიოთერაპიული აგენტების უსაფრთხო გამოყენებაში გამოცდილი და დატრენინგებული პროფესიონალი პირების მიერ უნდა მომზადდეს და გაკეთდეს.

წამლის მომზადების და ინჟექტორში გადატანის პროცესი ასეპტიკურ პირობებში, ციტოტოქსიური პრეპარატებისთვის გამოყოფილ სპეციალურ სივრცეში უნდა გაკეთდეს და ამ ჩარევების განმახორციელებელი პერსონალი უნდა ატარებდეს დამცავ ტანისამოსს, ხელთათმანს, სათვალეს და პირბადეს.

ორსული პერსონალი ქიმიოთერაპიული აგენტების გამოყენებასთან არ უნდა მუშაობდეს.

ხსნარის მომზადება:

ინტრამუსკულარული შეყვანა

ინტრამუსკულარული (კუნთში) ინექციისთვის 15-30 მგ ბლეომიცინის სულფატი 5 მლ-მდე 0.9% ნატრიუმის ქლორიდის მსგავს ხსნარებში იხსნება. თუ, ინექციის ადგილას ტკივილი განვითარდება, გამხსნელის სახით შეიძლება გამოყენებული იქნას 1% ლიდოკაინის ხსნარი.

ინტრავენური შეყვანა

ინტრავენური ინექციისთვის 15-30 მგ ბლეომიცინის სულფატი 5-200 მლ-მდე 0.9% ნატრიუმის ქლორიდის ხსნარში იხსნება და მომზადებული ხსნარი ნელ-ნელა ვენაში შეიყვანება ანდა ინტრავენური ინფუზიის ხსნარში შეერევა, დაემატება. მაღალი ტემპერატურის (ცხელების) დროს დოზა 5 მგ ანდა უფრო მეტად შემცირდება.

ინტრაარტერიული შეყვანა:

ძირითდად, ზრდასრულებში, 5-15 მგ ბლეომიცინის სულფატი 5 მლ 0.9% ნატრიუმის ქლორიდის ხსნარში ანდა დექსტროზის ხსნარში იხსნება, პრეპარატი არტერიაში (ინტრაარტერიულად) ერთჯერადი შეყვანით ინექციის გზით ანდა უწყვეტი ინტრაარტერიული ინფუზიით შეიყვანება.

განსაკუთრებულ პოპულაციებთან დაკაშირებული დამატებით მონაცემები:

თირკმლების უკმარისობა:

თუ, სისხლის შრატში კრეატინინის მაჩვენებელი 2-4მგ% დონეზეა, რეკომენდირებულია ზემოთ მოცემული დოზების განახევრება. თუ, სისხლის შრატში კრეატინინის მაჩვენებელი 4მგ% ანდა მეტია, დოზა უფრო მეტად უნდა შემცირდეს.

ღვიძლის უკმარისობა: ღვიძლის უკმარისობის ბლეომიცინის ფარმაკოკინეტიკაზე ზემოქმედების ეფქტები არ არის შეფასებული.

პედიატრიული პოპულაცია:

ბავშვები, რომელთა თირკმლების ფუნქცია ნორმალური აქვთ, ბლეომიცინის სისხლის პლაზმაში კონცენტრაცია ზრდასრულების მსგავსად ორჯერ მცირდება. ბლეომიცინის ნახევრადდაშლის პერიოდი და გავრცელების ფართი ზრდასრულებთან შედარებით თითქმის მსგავსია.

გერიატრიული პოპულაცია: 60 წლის და მეტი ასაკის ავადმყოფებში ინტერსტიციული პნევმონიის ანდა პულმონალური ფიბროზის განვითარების ალბათობა მაღალია, ამიტომ ეს წამალი სიფრთხილით უნდა იქნას გამოყენებული.

(ინტერსტიციალური პნევმონიის ანდა პულმონალური ფიბროზის მსგავსი სერიოზული ფილტვების დაავადებების გამოვლენის სიხშირე 50 წლამდე ასაკის ავადმყოფებში 5.9%, 50 -60 წლამდე ასაკის ავადმყოფებში-8.1%, 60-70-წლის ასაკის ავადმყოფებში 10.9%, 70 წლის და მეტი ასაკის ავადმყოფებში კი 15.5%-მდე მატულობს).

შენახვის პირობები:

გაუხსნელი ფლაკონი: 20C-80C ტემპერატურაზე გაუხსნელი ფლაკონის შენახვისას, გამოყენების ვადა შეადგენს 24 თვეს.
გახსნილი ფლაკონი: გახსნილი პრეპარატი მაშინვე უნდა გაზავდეს.
NaCl 9% ხსნარში გაზავებისას: რეკონსტრუქციის (აღდგენის) შემდეგ ქიმიური და ფიზიოლოგიური გამოყენების ვადა 250C შეადგენს 24 საათს. მიკრობიოლოგიური თვალსაზრისით, პროდუქტი აღდგენისთანავე უნდა იქნას გამოყენებული. თუ, პროდუქტი აღდგენის შემდეგ მაშინვე არ იქნება გამოყენებული, წამლის გამოყენების ხანგრძლივობის და პირობების დაცვის პასუხისმგებლობა პრეპარატის მომხმარებელ /ინექციის გამკეთებელ პირს ეკუთვნის.
კონტამინაცია

ბლემიცინის კანთან, თვალთან ანდა ლორწოვანთან კონტაქტის შემთხვევაში, საჭიროა ამ მიდამოების წყლით კარგად ჩამობანა, ჩამორეცხვა. თვალთან კონტაქტის შემთხვევაში, თუ ხსნარი გადაიყლაპა ანდა ჩასუნთქული იქნა, სამედიცინო დახმარებისთვის ექიმს მიმართეთ.

განადგურება: როგორც, სამედიცინო პროდუქტის ნარჩენები, ასევე გაზავებისთვის ანდა ინფუზიისთვის გამოყენებული ხსნარი, საავადმყოფოს ციტოლოგიურ ნივთიერებებზე მოქმედი სტანდარტული პროცედურების შესაბამისად და საშიში ნარჩენების განადგურებისთვის მოქმედი კანონის თანახმად უნდა განადგურდეს. გამოუყენებელი პროდუქტები ანდა ნარჩენი მასალა ,,სამედიცინო ნარჩენების კონტროლის რეგულაციის’’ და ,,შეფუთვების და შეფუთვების ნარჩენების კონტროლის რეგულაციის’’ შესაბამისად უნდა განადგურდეს.