Dexketoprofen Normon - დექსკეტოპროფენი-ნორმონი 25მგ 20 პაკეტი

გამოყენების ინსტრუქცია

დექსკეტოპროფენი ნორმონი/ Dexketoprofeno NORMON 25 მგ გრანულები პერორალური ხსნარისთვის დექსკეტოპროფენი ტრომეტამოლი

წაიკითხეთ ეს გამოყენების ინსტრუქცია მთლიანად ამ პრეპარატის მიღების დაწყებამდე, რადგანაც ის შეიცავს თქვენთვის მნიშვნელოვან ინფორმაციას.

- შეინახეთ ეს გამოყენების ინსტრუქცია. შეიძლება დაგჭირდეთ მისი კვლავ წაკითხვა.

- თუ გაქვთ რაიმე დამატებითი კითხვა, მიმართეთ თქვენს ექიმს ან ფარმაცევტს.

- ეს პრეპარატი მხოლოდ თქვენთვის არის დანიშნული. ნუ გადასცემთ მას სხვებს. ამან შეიძლება ზიანი მიაყენოს მათ, თუნდაც მათი ავადმყოფობის ნიშნები იგივე იყოს, რაც თქვენი.

- თუ განგივითარდებათ რაიმე გვერდითი მოვლენა,  გაესაუბრეთ თქვენს ექიმს ან ფარმაცევტს. ეს მოიცავს ყველა შესაძლო გვერდით მოვლენებს, რომელიც არ არის ჩამოთვლილი ამ გამოყენების ინსტრუქციაში.

რა არის ამ გამოყენების ინსტრუქციაში:

1. 
   რა არის და რისთვის გამოიყენება დექსკეტოპროფენი ნორმონი
2. რაუნდაიცოდეთ დექსკეტოპროფენი ნორმონისმიღებამდე
3. როგორმიიღება დექსკეტოპროფენი ნორმონი
4. შესაძლოგვერდითიმოვლენები
5. როგორინახება დექსკეტოპროფენი ნორმონი
6. პაკეტის შიგთავსი დასხვაინფორმაცია
7. რა არის და რისთვის გამოიყენება დექსკეტოპროფენი ნორმონი

დექსკეტოპროფენი ნორმონი არის ტკივილგამაყუჩებელი, მედიკამენტების ჯგუფიდან სახელწოდებით არასტეროიდული ანთების საწინააღმდეგო საშუალებები (აასს-ები). ის გამოიყენება მწვავე მსუბუქიდან ზომიერამდე ტკივილის ხანმოკლე სიმპტომური მკურნალობისთვის, როგორიცაა მაგალითად, კუნთების ან სახსრების მწვავე ტკივილი, მენსტრუალური ტკივილი (დისმენორეა), კბილის ტკივილი.

2. რა უნდა იცოდეთ დექსკეტოპროფენი ნორმონის მიღებამდე

არ მიიღოთ დექსკეტოპროფენი ნორმონი

- თუ თქვენ ალერგიული ხართ დექსკეტროპროფენი ტრომეტამოლის ან ამ პრეპარატის ნებისმიერი სხვა ინგრედიენტის მიმართ (იხ. ნაწილი 6);

- თუ თქვენ ალერგიული ხართ აცეტილსალიცილის მჟავას (ასპირინი) ან სხვა არასტეროიდული ანთების საწინააღმდეგო პრეპარატის მიმართ;

- თუ თქვენ გაქვთ ასთმა ან გქონიათ ასთმის შეტევები, მწვავე ალერგიული რინიტი (ცხვირის ლორწოვანის ანთების ხანმოკლე პერიოდი), ცხვირის პოლიპები (ალერგიით გამოწვეული ხორცოვანი წარმონაქმნები ცხვირის შიგნით), ურტიკარია (კანზე გამონაყარი), ანგიონევროზული შეშუპება (სახის, თვალების, ტუჩების ან ენის შეშუპება, ან სუნთქვის გაძნელება) ან ხიხინი გულმკერდში აცეტილსალიცილის მჟავას (ასპირინი) ან სხვა არასტეროიდული ანთების საწინააღმდეგო პრეპარატების მიღების შემდეგ;

- თუ თქვენ გქონიათ ფოტოელერგიული ან ფოტოტოქსიკური რეაქციები (მზის სინათლის ზემოქმედებით კანის გაწითლების ან წვის სპეციფიკური ფორმა), კეტოპროფენის (არასტეროიდული ანთების საწინააღმდეგო საშუალება) ან ფიბრატების (მედიკამენტები, რომლებიც გამოიყენება სისხლში ცხიმების დონის შესამცირებლად) მიღების დროს;

- თუ თქვენ გაქვთ ან გქონდათ წარსულში პეპტიური წყლული, კუჭიდან ან ნაწლავიდან სისხლდენა, ან თუ გაქვთ საჭმლის მონელების ქრონიკული პრობლემები (მაგალითად, მოუნელებლობა ან გულძმარვა);

- თუ წარსულში გქონიათ კუჭიდან ან ნაწლავიდან სისხლდენა ან პერფორაცია, გამოწვეული მანამდე ტკივილის გამო არასტეროიდული ანთების საწინააღმდეგო საშუალებების (აასს-ები) გამოყენებით;

- თუ თქვენ გაქვთ ნაწლავის ქრონიკული ანთებითი დაავადება (კრონის დაავადება ან წყლულოვანი კოლიტი);

- თუ თქვენ გაქვთ გულის მწვავე უკმარისობა, ზომიერიდან და მძიმემდე თირკმლის უკმარისობა ან ღვიძლის მძიმე უკმარისობა;

- თუ გაქვთ დარღვევები სისხლდენით ან სისხლის შედედების დარღვევები;

- თუ გაქვთ მძიმე დეჰიდრატაცია (დაკარგეთ ორგანიზმის სითხე დიდი რაოდენობით), ღებინების, დიარეის ან სითხის არასაკმარისი მიღების გამო;

- თუ თქვენ ხართ ორსულობის მესამე ტრიმესტრში ან ხართ მეძუძური;

- თუ ხართ 18 წლამდე ასაკის.

გაფრთხილებები და სიფრთხილის ზომები

დექსკეტოპროფენი ნორმონის მიღებამდე დაელაპარაკეთ თქვენს ექიმს ან ფარმაცევტს:

- თუ ხართ ალერგიული  ან წარსულში გქონდათ ალერგიული პრობლემები;

- თუ თქვენ გაქვთ თირკმლის, ღვიძლის ან გულის დაავადება (ჰიპერტენზია და/ან გულის უკმარისობა), ან სითხის შეკავება, ან წარსულში გქონიათ რომელიმე ეს პრობლემა;

- თუ თქვენ იღებთ დიურეტიკებს ან არ ღებულობთ საკმარის სითხეს და გაქვთ შემცირებული სისხლის მოცულობა სითხეების გადაჭარბებული დაკარგვის გამო (მაგ., ჭარბი შარდვის, დიარეის ან ღებინების გამო);

- თუ თქვენ გაქვთ გულის პრობლემები, ანამნეზში ინსულტი,  ან ფიქრობთ, რომ შესაძლოა იყოთ ამ დარღვევების რისკის ქვეშ (მაგალითად, თუ გაქვთ მაღალი სისხლის წნევა, დიაბეტი, მაღალი ქოლესტერინი ან ხართ მწეველი), უნდა განიხილოთ ეს მკურნალობა თქვენს ექიმთან ან ფარმაცევტთან. ისეთი მედიკამენტები, როგორიცაა დექსკეტოპროფენი ნორმონი, შეიძლება ასოცირდებოდეს გულის შეტევის („მიოკარდიუმის ინფარქტი“) ან ინსულტის („თავის ტვინის სისხლის მიმოქცევის მწვავე მოშლა“) ოდნავ უფრო მაღალ რისკთან. ეს რისკი უფრო სავარაუდოა მაღალი დოზების და ხანგრძლივი მკურნალობის შემდეგ. არ გადააჭარბოთ რეკომენდებულ დოზას ან მკურნალობის ხანგრძლივობას;

- თუ ხართ ხანდაზმული, შეიძლება იყოთ გვერდითი მოვლენების უფრო მეტი რისკის ქვეშ (იხ. ნაწილი 4). მათი განვითარების შემთხვევაში დაუყოვნებლივ მიმართეთ ექიმს;

- თუ თქვენ ხართ ფერტილობის პრობლემების მქონე ქალი (დექსკეტოპროფენი ნორმონმა შეიძლება შეამციროს თქვენი ფერტილობა, ამიტომაც არ უნდა მიიღოთ ის, თუ გეგმავთ დაორსულებას, ან გიტარდებათ ფერტილობის ტესტები);

- თუ თქვენ გაქვთ სისხლის წარმოქმნისა და სისხლის უჯრედების მხრივი დარღვევა;

- თუ თქვენ გაქვთ სისტემური  წითელი მგლურა ან შერეული შემაერთებელი ქსოვილის დაავადება (იმუნური სისტემის დაავადებები, რომლებიც ახდენენ ზემოქმედებას შემაერთებელ ქსოვილზე);

- თუ გაქვთ ან წარსულში გქონიათ ნაწლავის ქრონიკული ანთებითი დაავადება (წყლულოვანი კოლიტი, კრონის დაავადება);

- თუ გაქვთ ან წარსულში გქონიათ კუჭისა ან ნაწლავური დარღვევები;

- თუ თქვენ გაქვთ ჩუტყვავილა, რადგანაც გამონაკლის შემთხვევებში აასს-ებმა შეიძლება დაამძიმონ ინფექცია;

- თუ თქვენ ღებულობთ სხვა მედიკამენტებს, რომლებიც ზრდიან პეპტიკური წყლულის ან სისხლდენის განვითარების რისკს, მაგ. პერორალური კორტიკოსტეროიდები, ზოგიერთი ანტიდეპრესანტი (სუსი-ს ტიპის, სეროტონინის უკუმიტაცების სელექციური ინჰიბიტორები), საშუალებები, რომლებიც ხელს უშლიან შედედებას, როგორიცაა აცეტილსალიცილის მჟავა (ასპირინი) ან ანტიკოაგულანტები, როგორიცაა ვარფარინი ან აცენოკუმაროლი (სინტრომი). ამ შემთხვევებში, დაელაპარაკეთ ექიმს დექსკეტოპროფენი ნორმონის მიღებამდე: თქვენს ექიმს შეუძლია დანიშნოს დამატებითი მედიკამენტები თქვენი კუჭის დასაცავად (მაგალითად, მისოპროსტოლი ან სხვა მედიკამენტები, რომლებიც თრგუნავენ  კუჭის მჟავის წარმოქმნას).

ბავშვები და მოზარდები

არ მიიღოთ დექსკეტოპროფენი ნორმონი, თუ ხართ 18 წლამდე ასაკის.

სხვა პრეპარატები და დექსკეტოპროფენი ნორმონი

 აცნობეთ თქვენს ექიმს ან ფარმაცევტს, თუ იღებთ, ბოლო დროს მიიღეთ ან შეიძლება მიიღოთ ნებისმიერი სხვა პრეპარატები. არსებობს რამდენიმე პრეპარატი, რომლებიც არ უნდა იქნან მიღებული ერთად და სხვა პრეპარატები, რომლების ერთდროულად მიღებისას შეიძლება საჭირო გახდეს დოზის შეცვლა. ყოველთვის აცნობეთ ექიმს, სტომატოლოგს ან ფარმაცევტს, თუ იღებთ რომელიმე ქვემოთ ჩამოთვლილ პრეპარატს დექსკეტოპროფენი ნორმონზე დამატებით:

კომბინაციები, რომლებიც თავიდან უნდა იქნას აცილებული:

- აცეტილსალიცილის მჟავა (ასპირინი), კორტიკოსტეროიდები და სხვა ანთების საწინააღმდეგო პრეპარატები;

- ვარფარინი ან აცენოკუმაროოლი (სინტრომი), ჰეპარინი და სხვა პრეპარატები, რომლებიც გამოიყენება შედედების პრევენციისათვის;

- ლითიუმი, რომელიც გამოიყენება განწყობის გარკვეული დარღვევების სამკურნალოდ;

- მეტოტრექსატი, რომელიც გამოიყენება რევმატოიდული ართრიტისა და კიბოსათვის;

- ჰიდანტოინები და ფენიტოინი, რომლებიც გამოიყენება ეპილეფსიისთვის;

- სულფამეტოქსაზოლი, რომელიც გამოიყენება ბაქტერიული ინფექციებისათვის;

კომბინაციები, რომლებიც საჭიროებენ სიფრთხილეს:

- აგფ ინჰიბიტორები, დიურეტიკები, ბეტა-ბლოკერები და ანგიოტენზინ II ანტაგონისტები, რომლებიც გამოიყენება მაღალი სისხლის წნევისა და გულის პრობლემების გასაკონტროლებლად;

- პენტოქსიფილინი და ოქსპენტიფილინი, რომლებიც გამოიყენება ქრონიკული ვენური წყლულების სამკურნალოდ;

- ზიდოვუდინი, რომელიც გამოიყენება ვირუსული ინფექციების სამკურნალოდ;

- ამინოგლიკოზიდური ანტიბიოტიკები, რომლებიც გამოიყენება ბაქტერიული ინფექციების სამკურნალოდ;

- ქლორპროპამიდი და გლიბენკლამიდი, რომლებიც გამოიყენება დიაბეტისათვის;

კომბინაციები, რომლებიც უნდა იქნას გათვალისწინებული:

- ქინოლონები (მაგ. ციპროფლოქსაცინი, ლევოფლოქსაცინი), რომლებიც გამოიყენება ბაქტერიული ინფექციების სამკურნალოდ;

- ციკლოსპორინი ან ტაკროლიმუსი, რომლებიც გამოიყენება იმუნური სისტემის დაავადებების სამკურნალოდ და ორგანოთა ტრასნპლანტაციის დროს;

- სტრეპტოკინაზა და სხვა თრომბოლიზური და ფიბრინოლიზური პრეპარატები; ანუ პრეპარატები, რომლებიც გამოიყენება სისხლის კოლტების დასაშლელად;  

 - პრობენეციდი, რომელიც გამოიყენება პოდაგრისათვის;

- დიგოქსინი, რომელიც გამოიყენება გულის ქრონიკული უკმარისობის სამკურნალოდ;

- მიფეპრისტონი, რომელსაც იყენებენ როგორც ნაყოფის გამომძევებელს (ორსულობის შესაწყვეტად);

 - სეროტონინის უკუმიტაცების სელექტიური ინჰიბიტორი (სუსი) ანტიდეპრესანტები;

- ანტითრომბოციტური საშუალებები, რომლებიც გამოიყენება თრომბოციტების აგრეგაციისა და შედედების შემცირების მიზნით.
თუ თქვენ გაქვთ ეჭვი დექსკეტოპროფენი ნორმონთან ერთად სხვა პრეპარატების მიღებასთან დაკავშირებით, მიმართეთ თქვენს ექიმს ან ფარმაცევტს.

დექსკეტროპროფენი ნორმონი საკვებთან, სასმელთან და ალკოჰოლთან ერთად

მწვავე ტკივილის შემთხვევაში, მიიღეთ საშეტები უზმოზე ანუ, ჭამამდე მინიმუმ 15 წუთით ადრე, რადგანაც ეს ხელს უწყობს პრეპარატის უფრო სწრაფ მოქმედებას.

ორსულობა, ძუძუთი კვება და ნაყოფიერება

თუ ხართ ორსული და მეძუძური, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე მიმართეთ ექიმს რჩევისათვის, რადგანაც დექსკეტოპროფენი ნორმონი შეიძლება არ იყოს შესაფერისი თქვენთვის.
- არ მიიღოთ დექსკეტოპროფენი ნორმონი ორსულობის მესამე ტრიმესტრში ან ძუძუთი კვების დროს.

- ნუ მიიღებთ დექსკეტროპროფენი ნორმონს, თუ ხართ მეძუძური.  მიმართეთ რჩევისათვის ექიმს.

მანქანის მართვა და მექანიზმებთა მუშაობა

დექსკეტოპროფენი ნორმონმა შეიძლება მცირეს იმოქმედოს თქვენს მიერ მანქანების მართვისა და მექანიზმებთან მუშაობის უნარზე, რადგანაც მან შეიძლება გამოიწვიოს ძილიანობა ან ვერტიგო, როგორც მკურნალობის გვერდითი მოვლენები. თუ ამ ეფექტებს შეამჩნევთ, არ იმუშათ მექანიზმებთან და არ მართოთ მანქანა  ამ სიმპტომების გაქრობამდე. მიმართეთ თქვენს ექიმს რჩევისათვის.

დექსკეტოპროფენი ნორმონი შეიცავს საქაროზას და „სანსეთ ყვითელს FCF (E-110)“.

 ეს პრეპარატი შეიცავს საქაროზას. თუ ექიმს უთქვამს, რომ გაქვთ ზოგიერთი შაქრის მიმართ აუტანლობა, ამ პრეპარატის მიღებამდე დაუკავშირდით ექიმს.

ამ მედიკამენტმა შეიძლება გამოიწვიოს ალერგიული რეაქციები, რადგანაც ის შეიცავს „სანსეთ ყვითელს FCF (E-110)“. მან შეიძლება გამოიწვიოს ასთმა, განსაკუთრებით იმ პაციენტებში, რომლებსაც ალერგიულები არიან აცეტილსალიცილის მჟავას მიმართ.

3. როგორ მიიღება დექსკეტოპროფენი ნორმონი

ყოველთვის მიიღეთ ეს პრეპარატი ზუსტად ისე, როგორც დაგინიშნათ ექიმმა.

მიმართეთ თქვენს ექიმს ან ფარმაცევტს, თუ არა ხართ დარწმუნებული.

დექსკეტოპროფენი ნორმონის თქვენთვის საჭირო დოზა შეიძლება განსხვავდებოდეს ტკივილის ტიპის, სიმძიმისა და ხანგრძლივობის მიხედვით. თქვენი ექიმი გეტყვით რამდენი საშეტი მიიღეოთ დღეში და რამდენ ხანს.

ზოგადად, რეკომენდებული დოზაა 1 საშეტი (25 მგ დექსკეტროპროფენი) ყოველ 8 საათში, დღეში არაუმეტეს 3 საშეტი (75 მგ).

თუ ხართ ხანდაზმული ან გაქვთ თირკმლის ან ღვიძლის დაავადებები, რეკომენდებული საწყისი დოზაა მაქსიმუმ 2 საშეტი დღეში (50 მგ).

ხანდაზმულ პაციენტებში ეს საწყისი დოზა შემდგომში შეიძლება გაიზარდოს ზოგადი რეკომენდებული დოზის შესაბამისად (75 მგ დექსქტოპროფენი), თუ დექსკეტოპროფენი ნორმონი კარგად აიტანება.
თუ თქვენი ტკივილი ინტენსიურია და საჭიროებს სწრაფად გაყუჩებას, მიიღეთ საშეტები უზმოზე (ჭამამდე მინიმუმ 15 წუთით ადრე), რადგან ისინი უფრო ადვილად შეიწოვება  (იხ. ნაწილი 2 „დექსკეტოპროფენი ნორმონი საკვებთან და სასმელთან ერთად“).

სწორი გამოყენების ინსტრუქციები

გახსენით საშეტის მთლიანი შიგთავსი ჭიქა წყალში, მოურიეთ, რომ კარგად გაიხსნას. მიღებული ხსნარი უნდა იქნას მიღებული დაუყოვნებლივ მისი განზავების შემდეგ.

თუ მიიღეთ საჭიროზე მეტი დექსკეტოპროფენი ნორმონი:

თუ მიიღეთ ზედმეტი რაოდენობით პრეპარატი, დაუყოვნებლივ აცნობეთ თქვენს ექიმს ან ფარმაცევტს ან წადით უახლოესი საავადმყოფოს გადაუდებელი დახმარების განყოფილებაში. გთხოვთ გახსოვდეთ, რომ თან წაიღოთ პრეპარატის კოლოფი ან გამოყენების ინსტრუქცია.

დოზის გადაჭარბების ან შემთხვევითი მიღებისას, დაუყოვნებლივ მიმართეთ კონსულტაციისთვის თქვენს ექიმს ან ფარმაცევტს, ან დარეკეთ “Servicio de Información Toxicológica” -ში (ტოქსიკოლოგიის საინფორმაციო სამსახური), ტელ: 91 562 04 20, და  დააკონკრეტეთ პრეპარატი  და მიღებული რაოდენობა.

თუ დაგავიწყდათ დექსკეტოპროფენი ნორმონის მიღება:

 ნუ მიიღებთ ორმაგ დოზას დავიწყებული დოზის შესავსებად. მიიღეთ შემდეგი დოზა  შესაბამის დროს (მე -3 ნაწილის მიხედვით).

თუ თქვენ გაქვთ რაიმე კითხვები ამ პრეპარატის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

 ყველა პრეპარატის მსგავსად, დექსკეტოპროფენი ნორმონმა შეიძლება გამოიწვიოს გვერდითი მოვლენები, თუმცა ყველას არ განუვითარდება ისინი.

შესაძლო გვერდითი მოვლენები ჩამოთვლილია ქვემოთ მათი სიხშირის მიხედვით. რადგანაც ჩამონათვალი ნაწილობრივ დამყარებულია დექსკეტოპროფენის ტაბლეტების გამოყენებისას დაფიქსირებულ გვერდით მოვლენებზე, და დექსკტოპროფენის გრანულები უფრო სწრაფად შეიწოვება ტაბლეტებთან შედარებით, გვერდითი მოვლენების (კუჭ-ნაწლავის) რეალური სიხშირე შეიძლება უფრო მაღალი იყოს დექსკეტოპროფენის გრანულების შემთხვევაში. ქვემოთ ცხრილში მოცემულია, თუ რამდენ პაციენტს შეიძლება განუვითარდეს ეს გვერდითი მოვლენები:

ხშირი გვერდითი მოვლენები:

 გულისრევა და/ან ღებინება, კუჭის ტკივილი, დიარეა, საჭმლის მონელების დარღვევები (დისპეფსია).

არა-ხშირი გვერდითი მოვლენები:

 ტრიალის შეგრძნება (ვერტიგო), თავბრუსხვევა, გაბრუება, ძილის დარღვევები, ნევროტულობა, თავის ტკივილი, გულის ფრიალი, ალები, კუჭის პრობლემები, ყაბზობა, პირის სიმშრალე, შებერილობა, კანზე გამონაყარი, დაღლილობა, ტკივილი, ცხელება და კანკალი, საერთო სისუსტე.

იშვიათი გვერდითი მოვლენები:

პეპტიკური წყლული, პეპტიკური წყლულის პერფორაცია ან სისხლდენა (რაც შეიძლება გამოვლინდეს პირნაღებში სისხლით ან შავი განავალით), გულის წასვლა, სისხლის მაღალი წნევა, ნელა სუნთქვა, სითხის შეკავება და პერიფერიული შეშუპება (მაგ. კოჭების შეშუპება), მადის დაკარგვა (ანორექსია) , პათოლოგიური შეგრძნება, გამონაყარი ქავილით, აკნე, მომატებული ოფლიანობა, ზურგის ქვედა ნაწილის ტკივილი, ხშირი შარდვა, მენსტრუალური პრობლემები, პროსტატის პრობლემები, ღვიძლის ფუნქციის პათოლოგიური ტესტები (სისხლის ტესტები), თირკმელების ფუნქციის შეფერხება (თირკმელების მწვავე უკმარისობა).

ძალზე იშვიათი:

 ანაფილაქსიური რეაქცია (ჰიპერმგრძნობელობის რეაქცია, რამაც შეიძლება ასევე გამოიწვიოს კოლაფსიც), წყლულები კანზე, პირის ღრუში, თვალებსა და სასქესო ორგანოებზე  (სტივენს-ჯონსონის სინდრომი და ლაილის სინდრომი), სახის ან ტუჩების და ყელის შეშუპება (ანგიონევროზული შეშუპება), სუნთქვის გაძნელება სასუნთქი გზების შევიწროვების (ბრონქოსპაზმი) გამო, ქოშინი, ტაქიკარდია, დაბალი  სისხლის წნევა, პანკრეასის ანთება, ღვიძლის უჯრედების დაზიანება (ჰეპატიტი), მხედველობის დაბინდვა, ყურებში ხმაური (ტინიტუსი), სინათლისადმი მგრძნობიარე კანი, ქავილი, თირკმელების პრობლემები. ლეიკოციტების რაოდენობის შემცირება (ნეიტროპენია), თრომბოციტების რაოდენობის შემცირება (თრომბოციტოპენია).
დაუყოვნებლივ აცნობეთ თქვენს ექიმს, თუ შეამჩნევთ რაიმე გვერდით მოვლენას კუჭ-ნაწლავის მხრივ მკურნალობის დაწყებისას (მაგ. მუცლის ტკივილი, გულძმარვა ან სისხლდენა), ან თუ ადრე გქონიათ რომელიმე ეს გვერდითი მოვლენა ანთების საწინააღმდეგო საშუალებებთით ხანგრძლივი მკურნალობის გამო, განსაკუთრებით თუ ხართ ხანდაზმული.
დაუყოვნებლივ შეწყვიტეთ დექსკეტოპროფენის ნორმონის მიღება, თუ შეამჩნევთ კანზე გამონაყარის, ან პირის ღრუში ან სასქესო ორგანოებზე ნებისმიერი დაზიანების, ან ალერგიის ნებისმიერ სხვა ნიშანის გაჩენას.

არასტეროიდული ანთების საწინააღმდეგო საშუალებებით მკურნალობის დროს აღინიშნა სითხის შეკავება და შეშუპება (განსაკუთრებით კოჭებსა და ფეხებზე), სისხლის წნევის მომატება და გულის უკმარისობა.
ისეთი პრეპარატები როგორიცაა დექსკეტოპროფენი ნორმონი, შეიძლება ასოცირდებოდეს გულის შეტევის („მიოკარდიუმის ინფარქტი“) ან ინსულტის („თავის ტვინის სისხლის მიმოქცევის მწვავე მოშლა“) ოდნავ უფრო მაღალ რისკთან.

პაციენტებში იმუნური სისტემის დარღვევებით, რომლებიც აზიანებენ შემაერთებელ ქსოვილს (სისტემური წითელი მგლურა ან შერეული შემაერთებელი ქსოვილის დაავადება), ანთების საწინააღმდეგო პრეპარატებმა იშვიათად შეიძლება გამოიწვიოს სიცხე, თავის ტკივილი და კისრის რიგიდობა.
თუ რომელიმე გვერდითი მოვლენა გახდება სერიოზული, ან თუ შეამჩნევთ რაიმე გვერდით მოვლენას, რომელიც არ არის ჩამოთვლილი ამ გამოყენების ინსტრუქციაში, გთხოვთ აცნობოთ თქვენს ექიმს ან ფარმაცევტს.

5. როგორ ინახება დექსკეტოპროფენი ნორმონი

შეინახეთ ეს პრეპარატი ბავშვებისთვის დაფარულ და მიუწვდომელ ადგილას.

არ გამოიყენოთ ეს პრეპარატი ვარგისიანობის ვადის გასვლის შემდეგ, რომელიც მითითებულია კონტეინერზე CAD- ის შემდეგ. ვადის გასვლის თარიღი ეხება მითითებული თვის ბოლო დღეს.

შეინახეთ 30°C- ზე დაბალ ტემპერატურაზე

დაუშვებელია პრეპარატის გადაგდება საკანალიზაციო წყალში ან საყოფაცხოვრებო ნაგავში. ნებისმიერი გამოუყენებელი შეფუთვა ან პრეპარატი უნდა განთავსდეს აფთიაქებში არსებულ  SIGRE  სიმბოლოთი აღნიშნულ ადგილას. თუ პაციენტი არ არის დარწმუნებული, ნებისმიერი გამოუყენებელი პრეპარატის და კონტეინერის განადგურების შესახებ ინფორმაციის მისაღებად უნდა მიმართოს ფარმაცევტს. აღნიშნული ღონისძიებები ემსახურება გარემოს დაცვას.
6. პაკეტის შიგთავსი და სხვა ინფორმაცია

რას შეიცავს დექსკეტოპროფენი ნორმონი

- აქტიური ნივთიერებაა დექსკეტოპროფენი. თითოეული საშეტი შეიცავს 36,90 მგ დექსკეტოპროფენ ტრომეტამოლს, რაც 25 მგ დექსკეტროპროფენის ექვივალენტია.

- სხვა ინგრედიენტებია: კოლოიდური სილიციუმი, ფორთოხლის ესენცია, ქსანტანის ფისი, საღებავი „სანსეთ ყვითელი (E-110)“ და საქაროზა.

როგორ გამოიყურება დექსკეტოპროფენი ნორმონი და პაკეტის შიგთავსი

დექსკეტოპროფენი ნორმონი 25 მგ წარმოდგენილია როგორც ყვითელი-ნარინჯისფერი გრანულები პერორალური ხსნარისთვის.

 თითოეული პაკეტი შეიცავს 20 საშეტს.

სავაჭრო ლიცენზიის მფლობელი და მწარმოებელი:

LABORATORIOS NORMON, S.A.

Ronda de Valdecarrizo, 6 - 28760 Tres Cantos– Madrid (Spain )

ლაბორატორიოს ნორმონ, ს.ა.

რონდა დე ვალდეკარიზო, 6 - 28760 ტრეს კანტოსი - მადრიდი (ესპანეთი)

სხვა ფარმაცევტული ფორმები:

დექსკეტოპროფენი ნორმონი 12.5 მგ აპკიანი გარსით დაფარული ტაბლეტები

დექსკეტოპროფენი ნორმონი 25 მგ  აპკიანი გარსით დაფარული ტაბლეტები

დექსკეტოპროფენი ნორმონი 50 მგ/2 მლ საინექციო ხსნარი ან კონცენტრატი საინფუზიო ხსნარის მოსამზადებლად

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.          

ეს გამოყენების ინსტრუქცია ბოლოს შესწორდა 2012 წლის დეკემბერში

დეტალური ინფორმაცია ამ პრეპარატის შესახებ შეგიძლიათ ნახოთ „ესპანეთის მედიკამენტებისა და ჯანდაცვის პროდუქტების სააგენტოს“ (AEMPS) ვებსაიტზე: http://www.aemps.gob.es/