Dexamethasone - დექსამეტაზონი თვალის წვეთები 0.1% 5მლ

პრეპარატის სავაჭრო დასახელება: დექსამეტაზონი

მოქმედი ნივთიერება: დექსამეტაზონი

წამლის ფორმა: ხსნარი (თვალის წვეთები)

 შემადგენლობა:

ერთი ტუბი-საწვეთურა შეიცავს

აქტიურ ნივთიერებას: დექსამეტაზონის ნატრიუმის ფოსფატს - 0,1გ.

დამხმარე ნივთიერებები: ბორის მჟავა, ნატრიუმის ტეტრაბორმჟავა∙10 H₂O, დინატრიუმის ედეტატი, ბენზალკონიუმის ქლორიდი, საინექციო წყალი.

 აღწერილობა: უფერო, გამჭვირვალე სითხე

 ფარმაკოტერაპიული ჯგუფი: გლუკოკორტიკოიდი.

ათქ კოდი: S01BA01

 ფარმაკოთერაპიული თვისებები:

დექსამეტაზონი - სინთეზური ფტორირებული გლუკოკორტიკოსტეროიდი. ახდენს ანთების საწინააღმდეგო, ალერგიის საწინააღმდეგო, იმუნოდეპრესიულ მოქმედებას, გააჩნია ანტიექსუდაციური და ანტიფიბრობლასტოგენური თვისებები, პრაქტიკულად არ ახდენს მინერალოკორტიკოსტეროიდულ მოქმედებას. დექსამეტაზონი აინჰიბირებს ცილების გენების ექსპრესიას, რომლებიც მონაწილეობენ ანთებითი რეაქციების განვითარებაში. ეწინააღმდეგება ანთების მედიატორების გამოთავისუფლებას ეოზინოფილებიდან და ღრუბლოვანი უჯრედებიდან. აფერხებს ჰიალურონიდაზის, კოლაგენაზისა და პროტეაზის აქტიურობას. თრგუნავს ფიბრობლასტების აქტივობას და კოლაგენის წარმოქმნას. ამცირებს კაპილარების განვლადობას, ასტაბილურებს უჯრედოვან მემბრანებს, ახშობს ციტოკინების გამოთავისუფლებას ლიმფოციტებიდან და მაკროფაგებიდან.

 ჩვენება

მწვავე და ქრონიკული ალერგიული და ანთებითი პროცესები: თვალის წინა ნაწილის ანთება (კონიუნქტივიტი, კერატოკონიუნქტივიტი, ღრმა კერატიტი ეპითელიუმის დაზიანების გარეშე, ირიტი, ირიდოციკლიტი, ეპისკლერიტი, სკლერიტი და სხვადასხვა გენეზის უვეიტები), თვალის უკანა სეგმენტის ანთება (ქორიოდიტი, ქორიორეტინიტი, მხედველობითი ნერვის ნევრიტი), სიმპათიკური უვეიტი; ტრამვების და თვალის ქირურგიული ოპერაციების შემდგომი ანთებითი მოვლენების მკურნალობა და პროფილაქტიკა; თვალის თერმული და ქიმიური დამწვრობები დაგვიანებულ პერიოდში.

 გამოყენების წესი და დოზები

მოზრდილებში და ბავშვებში 12 წელზე ზევით, წვთების ჩაწვეთების სიხშირე და მკურნალობის ხანგრძლივობა დამოკიდებულია დაავადების სიმძიმეზე და მკურნალობის შედეგზე. მძიმე ანთებითი პროცესებისას საჭიროა დექსამეტაზონის 1-2 წვეთის ჩაწვეთება კონიუქტივურ პარკში ყოველ 30-60 წუთში მკურნალობის მაქსიმალურ შედეგამდე. მიმდინარე თერაპიაზე დადებითი რეაქციისას რეკომენდირებულია დოზირების შემცირება 1 წვეთამდე ყოველ 4 საათში ერთხელ.

ქონიკული მდგომარეობისას გამოიყენება 1-2 წვეთი 2-ჯერ დღეღამეში რამოდენიმე კვირის განმავლობაში. პრეპარატის გამოყენების მაქსიმალური ხანგრძლივობა შეადგენს 4 კვირას.

ოპერაციის ან ტრამვის შემდგომ პერიოდში პრეპარატი გამოიყენება სიელმის, ბადურას აშრევების, კატარაქტის ექსტრაქციის ოპერაციიდან მერვე დღეს და ტრამვისას 1-2 წვეთი 2-4-ჯერ დღეღამეში 2-4 კვირის განმავლობაში. გლაუკომის საწინააღმდეგო მფილტრავი ოპერაციისას - ოპერაციის დღეს ან ოპერაციის შედეგ დღეს.

6-დან 12 წლამდე ასაკის ბავშვებში:  ალერგიული და ანთებითი მდგომარეობების სამკურნალოდ პრეპარატის 1 წვეთს აწვეთებენ 2-3-ჯერ დღე-ღამეში 7-10 დღის განმავლობაში, აუცილებლობის შემთხვევაში მკურნალობა გრძელდება (მე-10 დღეს რქოვანას მდგომარეობის გამოკვლევის შემდეგ).

ტუბი-საწვეთურას გამოყენების რეკომენდაციები: სამკურნალო საშუალების გამოყენებამდე მოხსენით ტუბი-საწვეთურას დამცავი თავსახური, მაკრატლით მოჭერით კორპუსის წვერის მემბრანა, ისე რომ არ დააზიანოთ ხრახრიანი ნაწილი. გადაატრიალეთ ტუბი-საწვეთურას კორპუსი წვერით ქვემოთ და მსუბუქი მოძრაობით დააწექით ტუბი-საწვეთურას კორპუსს, გამოიყენეთ პიპეტის სახით. ტუბი-საწვეთურას შემადგენლობის ინფიცირების თავიდან ასაცილებლად უთავსახურო ტუბის წვერით არ  უნდა შეეხოთ თვალს ან სხვა ნებისმიერ ზედაპირს. თუ ნებისმიერ შემთხვევაში სამკურნალო საშუალების წვეთი ჩაწვეთებისთანავე გადმოედინება კონიუნქტივალური პარკიდან აუცილებელია გაიმეოროთ ჩაწვეთება კიდევ ერთხელ. ექიმის დანიშნულებით რეკომენდირებული დოზის ან გამოყენების ინსტრუქციაში მითითებული დოზის გამოყენების შემდეგ, ტუბი-საწვეთურას კორპუსი ამოატრიალეთ ხრახნიანი წვერით ზევით  და ჩამოაცვით დამცავი თავსახური.

გვერდითი მოქმედებები

უშუალოდ ჩაწვეთების შედეგ შესაძლებელია ხანმოკლე დროით წვის შეგრძნება, ცრემლდენა, ჰიპერემია, კონიუნქტივიტი, გემოვნების ცვლილება. შესაძლებელია გამოვლინდეს ალერგიული რეაქციები. თვალის წვეთების ხანგრძლივი გამოყენებისას (3 კვირაზე მეტ ხანს) შესაძლებელია  თვალის შიდა წნევის მატება, გლაუკომის განვითარება მხეველობითი ნერვის დარღვევით, მხედველობის სიმკვეთრის დაქვეითება, მხედველობის არის დარღვევა, ასევე უკანა სუბკაფსულური კატარაქტის ფორმირება, ასევე შესაძლებელია რქოვანას გარსის გათხელება და პერფორაცია; ძალიან იშვიათად - ჰერპესული და ბაქტერიული ინფექციის გავრცელება. პაციენტებში ჰიპერმგრძნობელობით დექსამეტაზონის ან ბენზალკონიუმის ქლორიდის (კონსერვანტი) მიმართ - ალერგიული კონიუნქტივიტი და ბლეფარიტი.

 უკუჩვენება

ჰიპერმგრძნობელობა, ბავშვთა ასაკი (6 წლამდე). თვალების მკურნალობისას (დამატებით): თვალების ვირუსული და სოკოვანი დაავადებები, თვალის ჩირქოვანი დაავადებები (თანმხლები ანტიმიკრობული თერაპიის გარეშე), ტრაქომა, გლაუკომა, რქოვანას ეპითელიუმის მთლიანობის დაზიანება (მათ შორის რქოვანას უცხო სხეულის მოცილების შემდგომი მდგომარეობა); თვალების ტუბერკულოზი. სიფრთხილით: ორსულობა, ლაქტაციის პერიოდი (დაშვებულია თერაპია არაუმეტეს 7-10 დღის განმავლობაში).

 მედიკამენტოზური ურთიერთქმედება

ხანგრძლივი გამოყენებისას იოდოქსურიდინთან შესაძლებელია დესტრუქციული პროცესების გაძლიერება რქოვანას ეპითელიუმში. ინფექციური პროცესის განვითარებისას შესაძლებელია პრეპარატის ერთდროული გამოყენება ანტიბაქტერიულ საშუალებებთან ერთად.

 განსაკუთრებული მითითებები

პრეპარატის გამოყენებამდე აუცილებელია მოიხსნათ რბილი კონტაქტური ლინზები და კვლავ ჩაისვათ ისინი მხოლოდ 15-20 წუთის შემდეგ.

 გამოყენება ორსულობისას და ლაქტაციის პერიოდში

დაიშვება პრეპარატის გამოყენება ორსულობისას და ლაქტაციის პერიოდში 7-10 დღის განმავლობაში (არაუმეტეს), თუ სავარაუდო სარგებელი დედისათვის აღემატება ნაყოფის პოტენციურ რისკს.

ზეგავლენა სატრანსპორტო საშუალებებისა და მექანიზმების მართვის უნარზე

რეკომენდებული არ არის პრეპარატის გამოყენება უშუალოდ სატრანსპორტო საშუალების მართვის წინ ან მექანიზმებთან მუშაობის დაწყებამდე, ვინაიდან შესაძლებელია  მხედველობის ხანმოკლე დაბინდვა, ცრემლდენა პრეპარატის ჩაწვეთების შემდეგ.

სიფრთხილის ზომები: ხანგრძლივი გამოყენებისას საჭიროა რქოვანასა და თვალის შიდა წნევის კონტროლი.

პრეპარატით მკურნალობამ შესაძლებელია შენიღბოს ბაქტერიული ან სოკოვანი ინფექციის სურათი, ამიტომ თვალის ინფექციური დაავადებების მკურნალობისას პრეპარატი უნდა შეთავსებულ იქნეს ადექვატურ ანტიმიკრობულ თერაპიასთან.

პრეპარატი არ გამოიყენება ვარგისიანობის ვადის ამოწურვის შემდეგ და ინახება ბავშვებისათვის ხელმიუწვდომელ ადგილას.

 ჭარბი დოზირება

სიმპტომები: ადგილობრივი გამოყენებისას დექსამეტაზონის დოზის გადაჭარბების შემთხვევაში შესაძლებელია გვერდითი მოქმედების გარღმავება.

მკურნალობა: პრეპარატი შესაძლებელია მოიხსნას და დაინიშნოს სიმპტომური თერაპია. სპეციფიკური ანტიდოტი არ არის.

 გამოშვების ფორმა

5 მლ ფლაკონებში. 1 ფლაკონი გამოყენების ინსტრუქციასთან ერთად ათავსებენ მუყაოს კოლოფში.

 შენახვის პირობები

სინათლისაგან დაცულ ადგილას 8 ⁰ C -დან  15⁰ C-მდე  ტემპერატურაზე.

არ გაყინოთ.

 ვარგისიანობის ვადა

2 წელი

 გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.

 მწარმოებელი

კს „Dentafill Plyus“, 100209, uzbekeTis respublika, ქ. ტაშკენტი, სერგელიისკის რაიონი, ჩორტოკ-მაგრიბის ქუჩების კვეთა, სახლი #1,