Dimedrol - დიმედროლი 1% 1მლ 10 ამპულა

დიმედროლი

DIMEDROL

პრეპარატის სავაჭრო დასახელება: დიმედროლი

მოქმედი ნივთიერება (საერთაშორისო არაპატენტირებული დასახელება):  დიფენჰიდრამინი

სამკურნალო ფორმა: საინექციო ხსნარი

შემადგენლობა:

აქტიური ნივთიერება: დიმედროლი 10 გ.

დამხმარე ნივთიერება: საინექციო წყალი 1 ლ-მდე.

აღწერა: გამჭვირვალე უფერო სითხე

ფარმაკოთერაპიული ჯგუფი: ალერგიის საწინააღმდეგო საშუალება

კოდი ათქ: R06AA02

ფარმაკოლოგიური თვისებები

პირველი თაობის H1 - ჰისტამინური რეცეპტორების ბლოკატორი, ხსნის ჰისტამინის ეფექტებს, რომლებიც ვლინდება ამ ტიპის რეცეპტორების მეშვეობით. ცნს-ზე მოქმედება განპირობებულია ტვინის H3-ჰისტამინური რეცეპტორების ბლოკადით და ცენტრალური ქოლინერგული სტრუქტურის დათრგუნვით. ახასიათებს გამოხატული ანტიჰისტამინური აქტივობა, ამცირებს ან ხელს უშლის ჰისტამინისგან გამოწვეულ გლუვი მუსკულატურის სპაზმის განვითარებას, კაპილარების გამტარობის მომატებას, ქსოვილების შეშუპებას, ქავილს ან ჰიპერემიას. იწვევს ადგილობრივი ანესთეზიის ეფექტს (შიგნით მიღებისას ვითარდება პირის ღრუს ლორწოვანის ხანმოკლე დაბუჟება), აბლოკირებს განგლიების ქოლინორეცეპტორებს (აქვეითებს არტერიულ წნევას) და ცნს, ახდენს სედაციურ, საძილე, ანტიპარკინსონულ და ღებინების საწინააღმდეგო ეფექტს. ჰისტამინთან ანტაგონიზმი ვლინდება უფრო მეტად ადგილობრივ სისხლძარღვოვან რეაქციასთან მიმართებაში ანთებისა და ალერგიის დროს, ვიდრე სისტემურად, ანუ არტერიული წნევის დაქვეითებით. თუმცა, პარენტერალური შეყვანით პაციენტებში მოცირკულირე სისხლის მოცულობის ნაკლოვანებით, შესაძლებელია წნევის დაქვეითება და არსებული ჰიპოტონიის გაძლიერება განგლიომაბლოკირებელი მოქმედების გამო. ტვინის ლოკალური დაზიანებისას და ეპილეფსიის დროს პრეპარატი (მცირე დოზებშიც კი) ააქტიურებს ეპილეფსიურ მუხტს ელექტრო ენცეფალოგრამაზე და შეიძლება მოახდინოს ეპილეფსიური შეტევის პროვოცირება. უფრო მეტად ეფექტურია ბრონქოსპაზმის დროს, რომელიც გამოწვეულია ჰისტამინის ლიბერატორებით (ტუბოკურარინი, მორფინი), და ნაკლებად - ალერგიული ბუნების ბრონქოსპაზმისას. სედაციური და საძილე ეფექტი უფრო გამოხატულია განმეორებითი მიღების დროს.

ფარმაკოკინეტიკა

კავშირი პლაზმის ცილებთან -  98-99 %. უმეტესი ნაწილი მეტაბოლიზდება ღვიძლში, უფრო ნაკლები გამოიყოფა შარდით შეუცვლელი სახით 24 საათში. ნახევარგამოყოფის პერიოდი (T1/2) შეადგენს 1-4 საათს. სწრაფად ნაწილდება ორგანიზმში, აღწევს ჰემატოენცეფალურ ბარიერში.

ძირითადათ მეტაბოლიზდება ღვიძლში, ჰიდროქსილირების და გლუკურონის კონიუგირების გზით, ბიოტრანსფორმაციის პროდუქტები ელიმინირდება შარდის საშუალებით. გამოიყოფა დედის რძეში და შესაძლოა გამოიწვიოს სედაციური ეფექტი ახალშობილთა ასაკში. მაქსიმალური აქტივობა ვითარდება 1 საათის შემდეგ, მოქმედების ხანგრძლივობა - 4 დან 6 საათამდე.

გამოყენების ჩვენებები

ანაფილაქსიური შოკი, ჭინჭრის ციება, თივის ცხელება, შრატისმიერი დაავადება, ჰემორაგიული ვასკულიტი (კაპილაროტოქსიკოზი), პოლიმორფული ექსუდაციური ერითემა, კვინკეს შეშუპება, ქავანა დერმატოზი, ქავილი, ალერგიული კონიუქტივიტი და თვალის ალერგიული დაავადებები, სამკურნალო საშუალებების მიღებასთან დაკავშირებული ალერგიული რეაქციები, ქორეა, მენიერის დაავადება, პოსტოპერაციული ღებინება.

გამოყენების წესი და დოზირება

მოზრდილებში პრეპარატი ინიშნება ინტრამუსკულარულად და ინტრავენურად წვეთოვნად. პრეპარატი არ შეყავთ კანქვეშ გამაღიზიანებელი მოქმედების გამო.

ინტრამუსკულარული შეყვანისას ერთჯერადი დოზა შეადგენს 10-50  მგ (1-5 მლ), მაქსიმალური ერთჯერადი დოზა შეადგენს 50  მგ (5 მლ), მაქსიმალური სადღეღამისო დოზა შეადგენს 150  მგ (15 მლ). ინტრავენურად პრეპარატი შეყავთ წვეთოვნად დოზით  20-50 მგ (2-5 მლ) დიმედროლი გახსნილი 100 მლ 0,9 %-იან ნატრიუმის ქლორიდის ხსნარში. მკურნალობის ხანგრძლივობა დამოკიდებულია მიღწეულ ეფექტზე და პრეპარატის ამტანობაზე.

გვერდითი მოქმედება

ცენტრალური ნერვული სისტემისა და გრძნობათა ორგანოების მხრივ: საერთო სისუსტე, დაღლილობა, სედაციური მოქმედება, ყურადღების დაქვეითება, თავბრუსხვევა, ძილიანობა, თავის ტკივილი, მოძრაობების კოორდინაციის დარღვევა, ფსიქომოტორული რეაქციების სიჩქარის დაქვეითება, შფოთვა, მომატებული აგზნებადობა, გაღიზიანება, ნერვიულობა, უძილობა, ეიფორია, სიკვდილის შიში, გონების დაბინდვა, ტრემორი, ნევრიტი, კრუნჩხვები, პარესთეზია; გუგების გაფართოება, თვალშიდა წნევის მომატება, მხედველობის დარღვევა, დიპლოპია, მწვავე ლაბირინთიტი, შუილი ყურებში. ტვინის ლოკალური დაზიანებისას და ეპილეფსიის დროს პრეპარატი (მცირე დოზებშიც კი) ააქტიურებს ეპილეფსიურ მუხტს ელექტრო ენცეფალოგრამაზე და შეიძლება მოახდინოს ეპილეფსიური შეტევის პროვოცირება.

                გულ-სისხლძარღვთა სისტემის მხრივ: არტერიული წნევის დაქვეითება, აჩქარებული გულისცემის შეგრძნება, ტაქიკარდია, ექსტრასისტოლია.

            სისხლის სისტემის მხრივ: აგრანულოციტოზი, თრომბოციტოპენია, ჰემოლიზური ანემია.

            კუჭ-ნაწლავის ტრაქტის მხრივ: სიმშრალე პირის ღრუში, პირის ღრუს ლორწოვანი გარსის ხანმოკლე დაბუჟება, ანორექსია, გულისრევა, ტკივილი ეპიგასტრიუმის არეში, ღებინება, დიარეა, ყაბზობა.

            შარდ-სასქესო სისტემის მხრივ: ხშირი ან/და გაძნელებული შარდვა, შარდვის შეკავება, ნაადრევი მენსტრუაციები.

            სასუნთქი სისტემის მხრივ: ცხვირისა და ყელის ლორწოვანი გარსის სიშრალე, ცხვირის შეშუპება, ბრონქული სეკრეტის შედედება, შეკუმშვის შეგრძნება გულმკერდის არეში, გაძნელებული სუნთქვა, ქოშინი.

            კანისა და მისი წარმოებულების მხრივ: ჰიპერემია, ქავილი, პოლიმორფული გამონაყარი, კანისა და ლორწოვანი გარსის ციანოზი.

            ალერგიული რეაქციები: გამონაყარი, ჭინჭრის ციება, ანაფილაქსიური შოკი.

            რეაქციები შეყვანის ადგილას: ლოკალური ნეკროზი კანში და კანქვეშ შეყვანის დროს.

            სხვა: მომატებული ოფლიანობა, ციება, ცხელება, ჰიპერთერმული სინდრომი, ფოტოსენსიბილიზაცია.

უკუჩვენებები

მომატებული მგრძნობელობა პრეპარატის მიმართ. ბრონქული ასთმის შეტევა, ფეოქრომოციტომა, ეპილეფსია, თანდაყოლილი გახანგრძლივებული QT-სინდრომი ან პრეპარატების ხანგრძლივი მიღება, რომლებმაც შეიძლება გაახანგრძლივონ QT-ინტერვალი, დახურულკუთხოვანი გლაუკომა, პროსტატის ჰიპერპლაზია, კუჭის გასავლის სტენოზი კუჭისა და თორმეტგოჯა ნაწლავის წყლულოვანი დაავადების დროს, შარდის ბუშტის ყელის სტენოზი, ბრადიკარდია, გულის რითმის დარღვევა. პორფირია, ორსულობა, ლაქტაციის პერიოდი, ბავშვები.

სამკურნალო ურთიერთქმედება

დიმედროლი აძლიერებს ნარკოზისათვის განკუთვნილი საშუალებების, საძილე, სედაციური საშუალებების, ნარკოტიკული ანალგეტიკების და ადგილობრივი ანესთეტიკების ეფექტს. ტრიციკლურ ანტიდეპრესანტებთან მიღების დროს შესაძლებელია ცენტრალურ ნერვულ სისტემაზე ანტიქოლინერგული და დამთრგუნველი მოქმედების გაძლიერება. ანალეპტიკებთან ერთად გამოყენების დროს შესაძლებელია კრუნჩხვების განვითარება. მაო ინჰიბიტორების და დიმედროლის ერთდროულმა გამოყენებამ შეიძლება გამოიწვიოს არტერიული წნევის მომატება, და აგრეთვე ზემოქმედება მოახდინოს ცენტრალურ ნერვულ სისტემაზე და სასუნთქ სისტემაზე. დიმედროლის გამოყენებამ ჰიპოტენზიურ პრეპარატებთან ერთად, შეიძლება გააძლიეროს დაღლილობის შეგრძნება. პრეპარატი აძლიერებს ეთანოლის მოქმედებას, ამცირებს აპომორფინის ეფექტურობას როგორც პირღებინების საშუალებისა მოწამლვის მკურნალობის დროს. არ უნდა დაინიშნოს ერთდროულად პრეპარატებთან, რომლებიც შეიცავენ დიმედროლს, მათ შორის ადგილობრივი გამოყენებისათვის.

შეუთავსებლობა: დაუშვებელია სხვა სამკურნალო საშუალებებთან შერევა ერთ ჭურჭელში. უნდა გამოყენებულ იქნას მხოლოდ რეკომენდებული გამხსნელი.

განსაკუთრებული მითითებები

არ არის რეკომენდებული კანქვეშა შეყვანისათვის. რადგან დიმედროლს გააჩნია ატროპინის მსგავსი მოქმედება, იგი სიფრთხილით გამოიყენება ანამნეზში რესპირატორული დაავადებების (ასთმის ჩათვლით), მომატებული თვალშიდა წნევის მქონე პაციენტებში, ჰიპერთირეოზის დროს, სისხლძარღვთა სისტემის დაავადებებისას, არტერიული ჰიპოტენზიის დროს. შეიძლება გააუარესოს ფილტვების ობსტრუქციული დაავადებების, სისხლძარღვთა სისტემის დაავადებების, ილეუსის მიმდინარეობა, მდგომარეობა სანაღვლე გზების ობსტრუქციის დროს. დიმედროლმა შეიძლება გამოიწვიოს რეაქციების შენელება, აგრეთვე აგზნებადობა და ჰალუცინაციები, კრუნჩხვები, განსაკუთრებით ჭარბი დოზირების დროს. სიფრთხილით გამოიყენება 60 წელზე მეტი ასაკის პაციენტებში, რადგან იზრდება თავბრუსხვევის, სედატაციის და არტერიული ჰიპოტენზიის განვითარების ალბათობა.

სიფრთხილით ინიშნება პაციენტებში ღვიძლისა და თირკმლის ფუნქციის დარღვევით.

პრეპარატით მკურნალობის დროს მოერიდეთ ულტრაიისფერ გამოსხივებას და ეთანოლის გამოყენებას. პაციენტმა უნდა აცნობოს ექიმს ამ პრეპარატის გამოყენების შესახებ: ღებინების საწინააღმდეგო მოქმედებამ შეიძლება გაართულოს აპენდიციტის დიაგნოსტიკა და სხვა სამკურნალო საშუალებების ჭარბი დოზირების სიმპტომების ამოცნობა.

გამოყენება ორსულობის და ლაქტაციის პერიოდში

დიმედროლი უკუნაჩვენებია ორსულობის პერიოდში, რადგან არ არის ადექვატური მონაცემები მისი გამოყენების უსაფრთხოებისა და ეფექტურობის შესახებ.

პრეპარატის გამოყენების აუცილებლობის შემთხვევაში უნდა შეწყდეს ძუძუთი კვება.

ბავშვები: პრეპარატი არ გამოიყენება პედიატრიულ პრაქტიკაში.

რეაქციის სისწრაფეზე ზეგავლენის უნარი ავტოტრანსპორტის მართვის დროს ან სხვა მექანიზმებთან მუშაობისას

რადგან დიმედროლს გააჩნია სედაციური და საძილე ეფექტი, პრეპარატით მკურნალობის პერიოდში აუცილებელია სიფრთხილის დაცვა ისეთი პოტენციურად საშიში სახეობების საქმიანობის შესრულებისას, რომლებიც მოითხოვს მომატებულ ყურადღებას და ფსიქომოტორული რეაქციების სისწრაფეს.

პრეპარატი არ გამოიყენება ვარგისიანობის ვადის ამოწურვის შემდეგ და ინახება

ბავშვებისათვის მიუწვდომელ ადგილას.

ჭარბი დოზირება

სიმპტომები: პირის სიმშრალე, სუნთქვის დათრგუნვა, სტაბილური მიდრიაზი, სახის სიწითლე, ცენტრალური ნერვული სისტემის დათრგუნვა ან აგზნება, დეპრესია, გონების დაბინდვა, ჰიპერკინეზია, კრუნჩხვები, ბოდვა, ტაქიკარდია, არითმია. აღწერლია რაბდომიოლიზის განვითარების შემთხვევა დიმედროლის ჭარბი დოზირების შემდეგ.

            მკურნალობა:  სიმპტომური და შემანარჩუნებელი თერაპია სუნთქვითი ფუნქციის და არტერიული წნევის გულმოდგინე კონტროლით. პლაზმის შემცვლელი სითხეების ინტრავენური წვეთოვანი შეყვანა, ოქსიგენოთერაპია. დაუშვებელია ეპინეფრინისა და ანალეპტიკების მიღება. დიფენილჰიდრამინის ჰიდროქლორიდის ჭარბი დოზირებისას როგორც ანტიდოტი შეიძლება დაინიშნოს ფიზოსტიგმინი ინტრავენურად (0,02-0,06 მგ/კგ სხეულის მასაზე გადაანგარიშებით) რამდენჯერმე, თუ ანტიქოლინერგული სიმპტომები იზრდება. ფიზოსტიგმინის ჭარბი დოზირების შემთხვევაში რეკომენდებულია ატროპინის შეყვანა. კრუნჩხვებისა და ცენტრალური ნერვული სისტემის აგზნების სიმპტომების განვითარებისას პარენტერალურად შეყავთ დიაზეპამი.

გამოშვების ფორმა

საინექციო ხსნარი 1 %. 1 მლ და 2 მლ ამპულებში. 10 ამპულა გამოყენების ინსტრუქციასთან და ამპულის გასახსნელ დანასთან ან ამპულის სკარიფიკატორთან ერთად მოთავსებულია მუყაოს ყუთში.

შენახვის პირობები

ინახება არა უმეტეს 25°C ტემპერატურაზე სინათლისგან დაცულ ადგილას.

შენახვის ვადა

2 წელი.

აფთიაქიდან გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით (გადაუდებელი დახმარებისას გაიცემა რეცეპტის გარეშე).

მწარმოებელი:

კს „Dentafill Plyus“, 100209, uzbekeTis respublika, ქ. ტაშკენტი, სერგელიისკის რაიონი, ჩორტოკ-მაგრიბის ქუჩების კვეთა, სახლი #1, ტელ.:(+998 71) 218-67-45 www.dentafill.uz