Endometrin - ენდომეტრინი 100მგ 30 ვაგინალური ტაბლეტი აპლიკატორით

გამოყენების ინსტრუქცია

ენდომეტრინი

ENDOMETRIN

შემადგენლობა:
მოქმედი ნივთიერება: პროგესტერონი;
1 ტაბლეტი შეიცავს 100მგ მიკრონიზებულ პროგესტერონს;
დამხმარე ნივთიერებები: ლაქტოზას მონოჰიდრატი; სიმინდის პრეჟელატინიზებული სახამებელი; ადიპინის მჟავა; ნატრიუმის ბიკარბონატი; პოვიდონი; მაგნიუმის სტეარატი; ნატრიუმის ლაურილსულფატი; სილიციუმის კოლოიდური დიოქსიდი უწყლო.

სამკურნალწამლო ფორმა: ვაგინური ტაბლეტები.

ფარმაკოთერაპიული ჯგუფი. გესტაგენები. პროგესტერონი. ათქ კოდი G03DA04

კლინიკური მახასიათებლები
ჩვენება.
პროგესტერონით დამატებითი ან ჩანაცვლებითი თერაპია:
- დიზოვულაცია;
- უნაყოფობის მკურნალობა ქალებში;
- ხელოვნური განაყოფიერება;
- ჩვეული აბორტის ან სპონტანური აბორტის საფრთხის პროფილაქტიკა და მკურნალობა;
- ნაადრევი მშობიარობის საფრთხე პროგესტერონული უკმარისობისას.

უკუჩვენება.
- მომატებული მგრძნობელობა პროგესტერონის ან პრეპარატის რომელიმე კომპონენტის მიმართ.
- არადიაგნოსტირებული ვაგინალური სისხლდენები.
- საშვილოსნოსგარე ან არასიცოცხლისუნარიანი ორსულობის შემთხვევები.
- ღვიძლის მძიმე დაავადებები.
- სარძევე ჯირკვლის და რეპროდუქციული ორგანოების ავთვისებიანი სიმსივნეები ან მათზე ეჭვი.
- არტერიული ან ვენური თრომბოემბოლიის ან მწვავე თრომბოფლებიტის აქტიური ფაზა, აგრეთვე ანამნეზში ეს მდგომარეობები.
- პორფირია.

გამოყენების მეთოდი და დოზირება.
ენდომეტრინი გამოიყენება ვაგინურად, ზურგზე მწოლიარე მდგომარეობაში პლასტმასის აპლიკატორის საშუალებით. პროგესტერონის საშუალო დოზა შეადგენს 1 ტაბლეტს დღეში 2-ჯერ ან 3-ჯერ.
ლუთეინური ფაზის ნაწილობრივი უკმარისობისას: 1 ტაბლეტი ორჯერ დღეში 10 დღის განმავლობაში (ციკლის მე-17-დან 26-ე დღემდე).
ლუთეინური ფაზის სრული უკმარისობისას: პროგესტერონის დოზა შეადგენს 100მგ-ს დილით და საღამოს ციკლის მე-15-დან 25-ე დღემდე. 26-ე დღიდან, ორსულობის ადრეული დიაგნოსტიკის შემთხვევაში პროგესტერონის დოზა იზრდება დღეში 100მგ-მდე, მაქსიმალური დოზა შეადენს დღეში 300მგ, რომელსაც სამ მიღებაზე ანაწილებენ. დოზირების ამ რეჟიმის დაცვა საჭიროა მე-60 დღემდე.
დამხმარე რეპროდუქციული თერაპიის გამოყენებისას: 1 ტაბლეტი 2-ჯერ ან 3-ჯერ დღეში, ემბრიონის იმპლანტაციის დღიდან.

აბორტის საფრთხე ან ჩვეული აბორტის პროფილაქტიკა და ნაადრევი მშობიარობის საფრთხე პროგესტერონის უკმარისობის ფონზე: 1 ტაბლეტი 2-3 ჯერ დღეში, პროგესტერონის სტაბილური სეკრეციის დადგენამდე.

გვერდითი რეაქციები
კლასიფიკაცია ორგანოთა სისტემების მიხედვით
ხშირი
(≥ 1/100 და < 1/10) ნაკლებად ხშირი
(≥1/1000 და <1/100) უცნობია
ნერვული სისტემის მხრივ თავის ტკვილი თავბრუსხვევა, უძილობა მომატებული დაღლილობა
კუჭ-ნაწლავის ტრაქტის მხრივ მუცლის შებერილობა, მუცლის ტკივილი, გულისრევა დიარეა, შეკრულობა ღებინება
კანის და კანქვეშა ქსოვილის მხრივ ჭინჭრის ციება, გამონაყარი ჰიპერმგრძნობელობის რეაქციები
დარღვევები რეპროდუქციული სისტემის და სარძევე ჯირკვლების მხრივ საკვერცხეების ჰიპერსტიმულაციის სინდრომი, საშვილოსნოს კუნთების სპაზმი* ვულვოვაგინური დისკომფორტი, ვაგინური წვა, ვაგინალური გამონადენი, ვულვოვაგინური სიმშრალე, ვაგინური სისხლდენა*, ვაგინური მიკოზი, სარძევე ჯირკვლების ტკივილი, მგრძნობელობა და შეშუპება, გენიტალური ქავილი
ინფექციური და პარაზიტული დაავადებები შარდის გამომყოფი სისტემის ინფექციები
ზოგადი დარღვევები პერიფერიული შეშუპება

*დამხმარე რეპროდუქციული თერაპიის ჩატარებისას პროგესტერონით მკურნალობისას შეიძლება აღინიშნებოდეს ხასიათის უეცარი ცვლილება, გაღიზიანება და ძილიანობა.

დოზის გადაჭარბება
დოზის გადაჭარბება ნაკლებსავარაუდოა
მკურნალობა: სიმპტომური და დამხმარე თერაპია.

გამოყენება ორსულობის და ძუძუთი კვების პერიოდში
ორსულობა.
ენდომეტრინი გამოიყენება ორსულობის შენარჩუნებისთვის ენდოგენური პროგესტერონის არასაკმარისი გამომუშავების დროს. პლაცენტის მიერ პროგესტერონის საკმარისი სეკრეციისას ენდომეტრინის მიღება აუცილებელი არ არის.
ორსულობის დროს ჩვეული აბორტის პროფილაქტიკისთვის ან ლუთეინური უკმარისობისას აბორტის საფრთხის დროს პროგესტაგენების გამოყენებისას არსებობს ჰიპოსპადიის განვითარების რისკის მონაცემები, რაც აუცილებლად უნდა ეცნობოს პაციენტს.
ძუძუთი კვების პერიოდი.
გამოკვლევისას რეგისტრირდება პროგესტერონის რძეში შეღწევა. ამიტომ თავი უნდა შეიკავონ ძუძუთი კვების პერიოდში პრეპარატის გამოყენებისგან.

ბავშვები
პრეპარატი განკუთვნილი არ არის პედიატრიულ პრაქტიკაში გამოყენებისთვის.
არ არსებობს ბავშვებში პრეპარატის გამოყენების კლინიკური მონაცემები.

გამოყენების თავისებურებები
ექიმმა ყურადღება უნდა გაამახვილოს მიოკარდიუმის ინფარქტის, ცერებროვასკულური დარღვევების, არტერიული და ვენური თრომბოემბოლიის (ვენური თრომბოემბოლია და ფილტვის არტერიის თრომბოემბოლია), თრომბოფლებიტის და ბადურას სისხლძარღვების თრომბოზის ადრეული ნიშნების შესაძლო გამოვლინებას. თუ არსებობს ეჭვი ნებისმიერ ამ მდგომარეობაზე ენდომეტრინის მიღება უნდა შეწყდეს.
სიფრთხილით უნდა გამოიყეონ პაციენტებში, რომლებსაც აღენიშნებათ ღვიძლის ფუნქციის მსუბუქი ან მძიმე დარღვევები.
ანამნეზში დეპრესიული მდგომარეობის არსებობისას საჭიროა პაციენტზე ინტენსიური დაკვირვება და დეპრესიის მძიმე გამოვლენისას პრეპარატი უნდა მოიხსნას.
რადგან პროგესტერონი გარკვეულწილად ხელს უწყობს სითხის შეკავებას აუცილებელია იმ მდგომარეობის სისტემური კონტროლი, რომლის პროვოცირებაც ამ ფაქტორით ხდება (მაგ. ეპილეფსია, შაკიკი, ბრონქული ასთმა, გულის ან თირკმლის უკმარისობა).
ზოგიერთ შემთხვევაში აღინიშნა გლუკოზისადმი ტოლერანტობის დაქვეითება. ესტროგენ-გესტაგენური კომბინირებული პრეპარატების გამოყენებისას ამ ეფექტის მექანიზმი უცნობია. ამიტომ მკურნალობის პერიოდში საჭიროა იმ პაციენტებზე დაკვირვება, რომლებსაც ანამნეზში აღენიშნებათ შაქრიანი დიაბეტი. სასქესო სტეროიდების გამოყენებამ შეიძლება აგრეთვე გაზარდოს ბადურას სისხლძარღვების დაზიანების რისკი.
სიფრთხილით გამოყენება საჭიროა 35 წელზე უფროსი ასაკის პაციენტებში, მწეველებში და იმ პირებში, რომლებსაც აღენიშნებათ ათეროსკლეროზის განვითარების რისკი.
გამოყენება უნდა შეწყდეს ტრანზიტორული იშემიური მოვლენებისას, თავის უეცარი ძლიერი ტკივილისას ან მხედველობის დარღვევისას, რომელიც დაკავშირებულია პაპილარულ შეშუპებასთან ან ბადურაში სისხლჩაქცევასთან.
პრეპარატის უეცარმა მოხსნამ შეიძლება გამოიწვიოს შფოთვის, ნევროზულობის მომატება და კრუნჩხვები.

რეაქციის სისწრაფეზე გავლენა ავტოტრანსპორტის მართვის ან სხვა მექანიზმებთან მუშაობის დროს
ენდომეტრინი შეიძლება უმნიშვნელო გავლენას ახდენდეს რეაქციის სისწრაფეზე ავტოტრანსპორტის ან სხვა მექანიზმების მართვისას. პროგესტერონმა შეიძლება გამოიწვიოს ძილიანობა და/ან თავბრუსხვევა.

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები
ენდომეტრინის სხვა სამკურნალო საშუალებებთან ურთიერთქმედების ოფიციალური კვლევები არ ჩატარებულა. ღვიძლის ციტოქრომ Р450 3А4-ის სისტემის ცნობილი ინდუქტორები (როგორიცაა მაგ. კარბამაზეპინი) შეიძლება ზრდიდეს პროგესტერონის გამოყოფას. პროგესტერონ ენდომეტრინის მოქმედებაზე სხვა ვაგინალური პრეპარატების თანხმლები გამოყენების გავლენა შესწავლილი არ არის. სხვა ვაგინალურ პრეპარატებთან (როგორიცაა სოკოს საწინააღმდეგო საშუალებები) ერთად ენდომეტრინის გამოყენება რეკომენდებული არ არის, რადგან ეს შეიძლება გავლენას ახდენდეს ვაგინალური ტაბლეტებიდან პროგესტერონის გამოთავისუფლებასა და მის შეწოვაზე.

ფარმაკოლოგიური თვისებები.
ფარმაკოდინამიკა.
პროგესტერონი არის ბუნებრივი სტეროიდი, რომელიც გამომუშავდება საკვერცხეებში, პლაცენტაში და თირკმელზედა ჯირკვლებში. ესტროგენების საკმარისი რაოდენობით არსებობისას პროგესტერონი განაპირობებს ენდომეტრიუმის პროლიფერაციულიდან სეკრეტორულ ფაზაში გადასვლას. პროგესტერონი აუცილებელია ემბრიონის იმპლანტაციისთვის ენდომეტრიუმის მიმღებლობის გაზრდისთვის. ემბრიონის იმპლანტაციის შემდეგ პროგესტერონი უზრუნველყოფს ორსულობის ხელშეწყობასა და შენარჩუნებას.

ფარმაკოკინეტიკა.
შეწოვა. ენდომეტრინის ვაგინალური ტაბლეტების მიღების შემდეგ შრატში პროგესტერონის კონცენტრაცია იზრდებოდა პრემენოპაუზურ ასაკში მყოფ 12 ჯანმრთელ ქალში. 100მგ პროგესტერონის ვაგინალური შეყვანის შემდეგ საშუალო Сმახ - 17,0 ნგ/მლ-ს ქალების ჯგუფში, რომლებიც ენდომეტრინს იღებდნენ დღეში ორჯერ, და - 19,8ნგ/მლ-ს ქალების ჯგუფში, რომლებიც ენდომეტრინს იღებდნენ დღეში სამჯერ. მრავალჯერადი გამოყენებისას წონასწორული კონცენტრაცია მიიღწეოდა პრეპარატის მიღების დაწყებიდან ერთი დღის შემდეგ. ენდომეტრინის მიღების ორივე რეჟიმისას გამოყენების მე-5 დღეს შრატში პროგესტერონის კონცენტრაცია 10ნგ/მლ-ზე მაღალია.
შრატში პროგესტერონის საშუალო ფარმაკოკინეტიკური პარამეტრები წარმოდგენილია ცხრილში.

ცხრილი
ფარმაკოკინეტიკური პარამეტრი (ერთეულები) ენდომეტრინი 100მგ ორჯერ დღეში ენდომეტრინი 100მგ სამჯერ დღეში
(N = 6) (N = 6)
ერთჯერადი გამოყენება
Cmax(ნგ/მლ) 17,0 ± 6,5 19,8 ± 7,2
Tmax (სთ) 24,0 ± 0,0 17,3 ± 7,4
AUC0-24(ნგ.სთ/მლ) 217 ±113 284 ± 143

მრავალჯერადი გამოყენება, მე-5 დღე
Cmax (ნგ/მლ) 18,5 ± 5,5 24,1 ± 5,6
Tmax (სთ 18,0 ± 9,4 18,0 ± 9,4
Cmin (ნგ/მლ) 8,9 ± 4,5 10,9 ± 6,5
Cavg (ნგ/მლ) 14,0 ± 4,8 15,9 ± 4,3
AUC0-24(ნგ.სთ/მლ) 327 ± 127 436 ± 106
Cmax (ნგ/მლ)- შრატში პროგესტერონის მაქსიმალური კონცენტრაცია.
Tmax (სთ) – შრატში პროგესტერონის მაქსიმალური კონცენტრაციის მიღწევის დრო.
Cmin (ნგ/მლ)-შრატში პროგესტერონის მინიმალური კონცენტრაცია.Cavg(ნგ/მლ)-შრატში პროგესტერონის საშუალო კონცენტრაცია.
AUC0-24(ნგ.სთ/მლ)-“კონცენტრაცია-დროის” მრუდი გამოყენების შემდეგ 0-24 საათის ინტერვალით.
განაწილება. პროგესტერონი დაახლოებით 96-99%-ით უკავშირდება პლაზმის ცილებს, ძირითადად პლაზმის ალბუმინს და კორტიკოსტეროიდდამაკავშირებელ გლობულინს.

მეტაბოლიზმი. პროგესტერონი უპირატესად ღვიძლში მეტაბოლიზდება, ძირითადად პრეგნანდიოლებად და პრეგნანოლონებად. პრეგნანდიოლები და პრეგნანოლონები ღვიძლში კონიუგირდება მეტაბოლიტებთან-გლუკურონიდებთან და სულფატებთან. ნაღველში გამოყოფილი პროგესტერონის მეტაბოლიტები შეიძლება დეკონიუგირდეს და შემდგომში მათი მეტაბოლიზმი მოხდეს ნაწლავში აღდგენის, დეჰიდროქსილირების ან ეპიმერიზაციის გზით.

გამოყოფა. პროგესტერონი გამოიყოფა შარდით და ნაღვლით. დანიშნული პროგესტერონის ინექციის შემდეგ მეტაბოლიტების 50-60% გამოიყოფა შარდით, დაახლოებით 10%-ნაღვლით და განავლით. საერთოდ გამოიყოფა შეყვანილი დანიშნული დოზის 70%. ნაღველთან ერთად გამოიყოფა უცვლელი პროგესტერონის მხოლოდ უმნიშვნელო ნაწილი.

ფარმაცევტული მახასიათებლები.
ძირითადი ფიზიკურ-ქიმიური თვისებები: ოვალური, წაგრძელებული, უსუნო, თეთრი ან ოდნავ მოყვითალო უგარსო ტაბლეტები, ოდნავ პრიალა ზედაპირით.

ვარგისობის ვადა. 5 წელი.

შენახვის პირობები. ინახება არაუმეტეს 25°С ტემპერატურაზე ორიგინალურ კონტეინერში, ბავშვებისთვის მიუწვდომელ ადგილას.

შეფუთვა. 6 ან 30 ტაბლეტი კონტეინერში (აპლიკატორით ინტრავაგინალური შეყვანისთვის), მუყაოს კოლოფში.

გაცემის რეჟიმი:
ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი.
შპს ბენ-შიმონ ფლორის, ისრაელი/Ben-Shimon Floris Ltd., Israel.

ადგილმდებარეობა.
ინდუსტრიალ პარკი, მისგევი, 20174, ისრაელი/Industrial Park, Misgav, 20174, Israel.