Avodart - ავოდარტი 0.5მგ 30 კაფსულა

გამოყენების ინსტრუქცია
ავოდარტი 0.5 მგ რბილი კაფსულები
პერორალური გამოყენებისთვის

• აქტიური ნივთიერება: თითოეული რბილი კაფსულა შეიცავს 0.5 მგ დუტასტერიდს.
• დამხმარე ნივთიერებები: კაპრინის/კაპრილის მჟავას მონოდიგლიცერიდები, ბუტილის ჰიდროქსიტოლუენი (E321), ჟელატინი (საქონლისგან მიღებული), გლიცერინი, ტიტანის დიოქსიდი (E171), ყვითელი რკინის ოქსიდი (E172), ლეციტინი, საშუალო ჯაჭვის ტრიგლიცერიდები.

პრეპარატის გამოყენებამდე საჭიროა ინსტრუქციის ყურადღებით წაკითხვა, რადგან ის პაციენტისთვის მნიშვნელოვან ინფორმაციას შეიცავს
 საჭიროა ინსტრუქციის შენახვა. შესაძლოა წარმოიშვას მისი ხელახალი გაცნობის აუცილებლობა.
 დამატებითი კითხვების არსებობის შემთხვევაში, პაციენტმა უნდა მიმართოს მკურნალ ექიმს ან ფარმაცევტს.
 ეს პრეპარატი განკუთვნილია მხოლოდ პირადი მოხმარებისთვის. დაუშვებელია პრეპარატის სხვისთვის მიცემა.
 კლინიკაში ვიზიტისას ან ექიმთან კონსულტაციისას, პაციენტმა უნდა აცნობოს ექიმს ამ პრეპარატის გამოყენების შესახებ.
 პრეპარატის მიღება უნდა მოხდეს ინსტრუქციაში მოცემული წესით. დაუშვებელია რეკომენდებულზე მაღალი ან დაბალი დოზის გამოყენება.

ინსტრუქციაში მოცემულია:

1. რას წარმოადგენს ავოდარტი და რისთვის გამოიყენება იგი
2. რა უნდა იცოდეს პაციენტმა ავოდარტის გამოყენებამდე
3. ავოდარტის მიღების წესი
4. შესაძლო გვერდითი მოვლენები
5. ავოდარტის შენახვის წესი

სათაურები მოცემულია.

1. რას წარმოადგენს ავოდარტი და რისთვის გამოიყენება იგი

• ავოდარტი მიეკუთვნება 5-ალფა რედუქტაზას ინჰიბიტორთა ჯგუფის პრეპარატებს და გამოიყენება მამაკაცებში წინამდებარე ჯირკვლის კეთილთვისებიანი ჰიპერპლაზიის სამკურნალოდ.
• ავოდარტი წარმოადგენს ყვითელ, გაუმჭვირვალე, მოგრძო, რბილი ჟელატინის კაფსულებს, რომელთა ცალ მხარეს ამოტვიფრულია კოდი “GX ჩE2”. ავოდარტი გამოდის ფირფიტებში, თითოეულ ფირფიტაში 30 კაფსულით.

• წინამდებარე ჯირკვლის ზომაში ზრდამ შესაძლოა განაპირობოს ისეთი საშარდე პრობლემები, როგორიცაა შარდვის გაძნელება, შარდის გახშირება ან დისკომფორტის შეგრძნება შარდვის დროს. ასევე, შესაძლოა შემცირდეს შარდის ნაკადის სიჩქარე და ძალა. მკურნალობის გარეშე, აღნიშნული შესაძლოა პროგრესირდეს შარდის სრულ შეკავებაში (შარდის მწვავე შეკავება), რაც საჭიროებს გადაუდებელ სამედიცინო ჩარევას. ზოგიერთ შემთხვევაში, შესაძლოა საჭირო გახდეს ქირურგიული ოპერაცია წინამდებარე ჯირკვლის მოსაცილებლად ან მისი ზომის შესამცირებლად. ავოდარტი აქვეითებს დიჰიდროტესტოსტერონის წარმოქმნას, რაც განაპირობებს წინამდებარე ჯირკვლის ზომის შემცირებას და აუმჯობესებს სიმპტომებს. შედეგად, მცირდება შარდის მწვავე შეკავების განვითარების და შესაძლო ქირურგიული ოპერაციის საჭიროების რისკი.
• ზოგჯერ, ავოდარტი შესაძლოა გამოყენებულ იქნეს ტამსულოზინთან ერთად (პრეპარატი, რომელიც გამოიყენება წინამდებარე ჯირკვლის კეთილთვისებიანი ჰიპერპლაზიის სიმპტომების სამკურნალოდ).

2. რა უნდა იცოდეს პაციენტმა ავოდარტის გამოყენებამდე

ავოდარტი არ გამოიყენება:

• თუ პაციენტი ალერგიულია დუტასტერიდის, სხვა 5-ალფა რედუქტაზას ინჰიბიტორების ან პრეპარატში შემავალი სხვა რომელიმე ნივთიერების მიმართ (ჩამონათვალი იხ. მე-6 პუნქტში);
• 18 წლამდე ასაკის პირებში;
• პრეპარატი განკუთვნილია მხოლოდ მამაკაცებისთვის. არ გამოიყენება ქალებში. შესაბამისად, არ გამოიყენება ორსულობის პერიოდში.
• თუ პაციენტს აქვს ღვიძლის მძიმე დაზიანება;
• ავოდარტი შეიცავს სოიოს ლეციტინს, რაც შესაძლოა შეიცავდეს სოიოს ზეთს. ავოდარტი არ გამოიყენება თუ პაციენტი ალერგიულია სოიოს ან მიწის თხილის მიმართ. პაციენტმა არ უნდა მიიღოს ავოდარტი ექიმის კონსულტაციის გარეშე თუ ფიქრობს, რომ რომელიმე ზემოთ მოცემული პუნქტი ეხება მას.

შემდეგ შემთხვევებში, ავოდარტის გამოყენებისას საჭიროა სიფრთხილე:

• ღვიძლის დაზიანების არსებობის შემთხვევაში, პაციენტმა უნდა მიმართოს ექიმს რათა დაადგინოს, დასაშვებია თუ არა მისთვის ავოდარტის გამოყენება. ავოდარტით მკურნალობის პერიოდში, შესაძლოა საჭირო გახდეს დამატებითი კვლევების ჩატარება.
• ვინაიდან ავოდარტში შემავალი აქტიური ნივთიერება შესაძლოა შეიწოვოს კანიდან, უნდა გამოირიცხოს ბავშვების, მოზარდების და ქალების კონტაქტი ავოდარტის ისეთ კაფსულებთან, რომელთა მთლიანობაც დარღვეულია. კანთან მსგავსი კონტაქტის შემთხვევაში, შესაბამისი მიდამო დაუყოვნებლივ უნდა ჩამოიბანოს საპონით და წყლით.
• სქესობრივი აქტის დროს საჭიროა პრეზერვატივის გამოყენება. დუტასტერიდი აღწევს სპერმაში. დუტასტერიდმა შესაძლოა უარყოფითად იმოქმედოს მამრობითი სქესის ნაყოფის ნორმალურ განვითარებაზე, ამრიგად, თუ პაციენტის პარტნიორი არის ორსულად ან შესაძლოა იყოს ორსულად, უნდა გამოირიცხოს მისი ექსპოზიცია სპერმასთან. დუტასტერიდი ამცირებს სპერმის როდენობას, მოცულობას და მობილობას. აღნიშნულმა შესაძლოა დააქვეითოს განაყოფიერების უნარი.
• ავოდარტმა შესაძლოა გამოიწვიოს სარძევე ჯირკვლების გადიდება და ტკივილი შეხების დროს. პაციენტმა უნდა მიმართოს ექიმს თუ მსგავსი ჩივილები ხდება შემაწუხებელი, შეიმჩნევა რბილი მასისებრი წარმონაქმნი სარძევე ჯირჯვლების მიდამოში ან გამონადენი დვრილიდან, ვინაიდან, აღნიშნული შესაძლოა წარმოადგენდეს საშიში მდგომარეობის, მაგ. სარძევე ჯირკვლის კიბოს ნიშნებს.
• წინამდებარე ჯირკვლის კიბოს მომატებული რისკის მქონე მამაკაცებში ჩატარებული კლინიკური კვლევის ფარგლებში, მამაკაცებში, რომლებიც ღებულობდნენ ავოდარტს შედარებით ხშირი იყო წინამდებარე ჯირკვლის საშიში ფორმის სიხშირე ვიდრე მამაკაცებში, რომლებიც არ ღებულობდნენ ავოდარტს.
• პროსტატის სპეციფიკური ანტიგენის (პსა) კვლევა სისხლის ანალიზია, რომლის საშუალებითაც, მკურნალმა ექიმმა შესაძლოა დაადგინოს პროსტატის დაავადების, მათ შორის პროსტატის კიბოს არსებობა. პროსტატის სპეციფიკური ანტიგენის მაღალი შემცველობა სისხლში შესაძლოა ასოცირებული იყოს პროსტატის კიბოს განვითარების მომატებულ რისკთან.
• პაციენტებმა, რომლებიც მკურნალობდნენ დუტასტერიდით სულ მცირე ბოლო 6 თვის განმავლობაში, არ უნდა ჩააბარონ სისხლი დონაციის მიზნით. აღნიშნული 6 თვიანი შეყოვნების პერიოდი საჭიროა, რათა გამოირიცხოს ორსული ქალის დუტასტერიდთან ექსპოზიცია სისხლის ტრანსფუზიის გამო.
• ავოდარტით მკურნალობის პერიოდში რეგულარულად უნდა განისაზღვროს პროსტატის სპეციფიკური ანტიგენის (პსა) რაოდენობა სისხლში. ავოდარტი ამცირებს პროსტატის სპეციფიკური ანტიგენის (პსა) რაოდენობას სისხლში. ამრიგად, წინამდებარე ჯირკვლის კიბოს რისკი შესაძლოა არსებობდეს მიუხედავად პროსტატის სპეციფიკური ანტიგენის (პსა) მცირე რაოდენობისა. ექიმმა შესაძლოა ხანგრძლივი პერიოდის განმავლობაში განაგრძოს პროსტატის სპეციფიკური ანტიგენის (პსა) ტესტირება, შეადაროს ყოველი მომდევნო ტესტის შედეგი წინას, წინამდებარე ჯირკვლის დეტექციის გაუმჯობესების მიზნით.
• მნიშვნელოვანია, რომ პრეპარატის გამოყენება მოხდეს მკურნალი ექიმის რეკომენდაციების მიხედვით. პრეპარატის არარეგულარულმა გამოყენებამ შესაძლოა შეცდომაში შეიყვანოს მკურნალი ექიმი პროსტატის სპეციფიკური ანტიგენის (პსა) მონიტორინგის პრიოცესში.

ავოდარტის გამოყენების შესახებ ნებისმიერი კითხვისთვის, პაციენტმა უნდა მიმართოს მკურნალ ექიმს ან ფარმაცევტს.
პაციენტმა უნდა მიმართოს ექიმს თუ ზემოთ მოცემულიდან რომელიმე ეხება მას ან ეხებოდა წარსულში.

ურთიერთქმედება საკვებთან და სასმელთან

ავოდარტის მიღება დასაშვებია როგორც უზმოზე, ასევე საკვებთან ერთად.

ორსულობა

პრეპარატის მიღებამდე პაციენტმა კონსულტაცია უნდა გაიაროს ექიმთან ან ფარმაცევტთან. ქალები, რომლებიც არიან (ან შესაძლოა იყვნენ) ორსულად, არ უნდა შეეხონ დაზიანებულ (მჟონავ) კაფსულებს. დუტასტერიდე იწოვება კანიდან და შესაძლოა უარყოფითად იმოქმედოს მამრობითი სქესის ნაყოფის ნორმალურ განვითარებაზე. აღნიშნული რისკი განსაკუთრებით მნიშვნელოვანია ორსულობის პირველი 16 კვირის განმავლობაში.
სქესობრივი აქტის დროს საჭიროა პრეზერვატივის გამოყენება. დუტასტერიდი აღწევს სპერმაში. დუტასტერიდმა შესაძლოა უარყოფითად იმოქმედოს მამრობითი სქესის ნაყოფის ნორმალურ განვითარებაზე, ამრიგად, თუ პაციენტის პარტნიორი არის ორსულად ან შესაძლოა იყოს ორსულად, უნდა გამოირიცხოს მისი ექსპოზიცია სპერმასთან.
კაფსულის შეიგთავსთან კონტაქტის შემთხვევაში, ორსულმა უნდა მიმართოს ექიმს.

მამაკაცის ფერტილობა

დუტასტერიდი ამცირებს სპერმის როდენობას, მოცულობას და მობილობას. თუმცა, არ არის დადასტურებული, რომ აღნიშნული გავლენას ახდენს მამაკაცის ფერტილობაზე.

ძუძუთი კვება

პრეპარატის მიღებამდე პაციენტმა უნდა მიმართოს მკურნალ ექიმს ან ფარმაცევტს. ავოდარტი არ გამოიყენება ქალებში.

ავტომობილის და სხვა მექანიზმების მართვა

ავოდარტის გავლენა ავტომობილის და სხვა მექანიზმების მართვის უნარზე ნაკლებ სავარაუდოა. ნებისმიერ გაურკვეველ საკითხზე, პაციენტმა უნდა მიმართოს მკურნალ ექიმს.

მნიშვნელოვანი ინფორმაცია ავოდარტის ზოგიერთი ინგრედიენტის შესახებ

ავოდარტი შეიცავს სოიოს ლეციტინს, რაც შესაძლოა შეიცავდეს სოიოს ზეთს. ავოდარტი არ გამოიყენება თუ პაციენტი ალერგიულია სოიოს ან მიწის თხილის მიმართ.

ურთიერთქმედება სხვა პრეპარატებთან

ზოგიერთმა პრეპარატმა შესაძლოა გავლენა იქონიოს ავოდარტის მოქმედებაზე და გაზარდოს გვერდითი მოვლენების განვითარების რისკი:
აღნიშნული პრეპარატები მოიცავს შემდეგს:

• ვერაპამილი ან დილტიაზემი (გამოიყენება არტერიული ჰიპერტენზიის სამკურნალოდ);
• რიტონავირი ან ინდინავირი (გამოიყენება აივ-ინფექციის სამკურნალოდ);
• იტრაკონაზოლი, კეტოკონაზოლი (გამოიყენება სოკოვანი ინფექციების სამკურნალოდ);
• ნეფაზოდონი (ანტიდეპრესანტი (პრეპარატები, რომლებიც გამოიყენება გუნებ-განწყობის დარღვევების სამკურნალოდ));
• ალფა-ბლოკატორები (გამოიყენება წინამდებარე ჯირკვლის ჰიპერპლაზიის ან არტერიული ჰიპერტენზიის სამკურნალოდ).

პაციენტმა უნდა აცნობოს მკურნალ ექიმს იმ პრეპარატების შესახებ, რომლებსაც იღებს ან იღებდა უახლოეს წარსულში, მათ შორის ურეცეპტოდ გასაცემ მედიკამენტებზე.

3. ავოდარტის მიღების წესი

• სწორი გამოყენების ინსტრუქციები და დოზირება/მიღების სიხშირე:

პრეპარატის მიღება უნდა მოხდეს ექიმის მითითებების მიხედვით. მკურნალობის ხანგრძლივობის ან დოზირების შესახებ ნებისმიერ გაურკვეველ საკითხზე, პაციენტმა უნდა მიმართოს ექიმს ან ფარმაცევტს.
სტანდარტულ დოზას შეადგენს ერთი კაფსულა (0.5 მგ ავოდარტი) ერთხელ დღეში, რაც მიიღება შიგნით, საკვებთან ერთად ან მის გარეშე. კაფსულები მიიღება მთლიანად, გახსნის ან დაღეჭვის გარეშე.

ავოდარტით მკურნალობა ხანგძლივია. ზოგიერთ შემთხვევაში, სიმპტომების გაუმჯობესება შეიმჩვნევა ადრევე. თუმცა, ზოგჯერ, ეფექტის მიიღწევად შესაძლოა საჭირო გახდეს მკურნალობის 6 თვიანი პერიოდი. ავოდარტით მკურნალობა უნდა გაგრძელდეს ექიმის რეკომენდაციის შესაბამისად.

• მიღების გზა და მეთოდი:
ავოდარტის კაფსულები მიიღება წყალთან ერთად. დაუშვებელია კაფსულების გახსნა ან დაღეჭვა.
კაფსულის შიგთავსთან კონტაქტმა შესაძლოა გამოიწვიოს პირის ღრუს ან ხახის ტკივილი.

• სხვადასხვა ასაკობრივი ჯგუფები:
გამოყენება ბავშვებში: პრეპარატი არ გამოიყენება ბავშვთა ასაკში.
გამოყენება ხანდაზმულ პაციენტებში: არ საჭიროებს განსაკუთრებულ მითითებებს. შესაძლოა ზემოთ მოცემული დოზების გამოყენება.

გამოყენება განსაკუთრებული მდგომარეობების დროს:

თირკმელების უკმარისობა/ ღვიძლის უკმარისობა:

თირკმელების უკმარისობის დროს დოზის კორექცია საჭირო არ არის. ღვიძლის მსუბუქი ან საშუალო სიმძიმის უკმარისობის დროს, პრეპარატი გამოიყენება განსაკუთრებული სიფრთხილით.
დუტასტერიდი არ გამოიყენება ღვიძლის მძიმე უკმარისობის შემთხვევაში.

პაციენტმა უნდა მიმართოს მკურნალ ექიმს ან ფარმაცევტს თუ ფიქრობს, რომ დუტასტერიდის მოქმედება არასათანადოდ სუსტი ან ზედმეტად ძლიერია.

დოზის გადაჭარბების შემთხვევაში

ჭარბი რაოდენობის კაფსულების მიღების შემთხვევაში, პაციენტმა უნდა მიმართოს მკურნალ ექიმს ან მიაკითხოს უახლოესი საავადმყოფოს გადაუდებელი დახმარების განყოფილებას. პაციენტმა თან უნდა იქონიოს პრეპარატის შეფუთვა რათა სამედიცინო პერსონალის ინფორმირების მიზნით.

დოზის გადაჭარბების შემთხვევაში, პაციენტმა უნდა მიმართოს მკურნალ ექიმს ან ფარმაცევტს.

დოზის გამოტოვების შემთხვევაში

დოზის გამოტოვების შემთხვევასი პაციენტი არ უნდა აღელდეს. შემდეგი დოზის მიღება უნდა მოხდეს ჩვეულ დროს და მკურნალობა უნდა გაგრძელდეს გეგმის მიხედვით. გამოტოვებული დოზის ასანაზღაურებლად ორმაგი დოზის მიღება არ უნდა მოხდეს.

შესაძლო გვერდითი მოვლენები ავოდარტით მკურნალობის შეწყვეტის შემდეგ

ავოდარტით მკურნალობა უნდა გაგრძელდეს ექიმის მიერ დადგენილი ვადით. ექიმისგან დამოუკიდებლად ავოდარტით მკურნალობა არ უნდა შეწყდეს. სათანადო ეფექტის დადგომას შესაძლოა დაჭირდეს 6 თვე ან უფრო ხანგრძლივი პერიოდი.

4. შესაძლო გვერდითი მოვლენები

სხვა პრეპარატების მსგავსად, ავოდარტმა შესაძლოა გამოიწვიოს გვერდითი მოვლენები პაციენტებში, რომლებიც მგრძნობიარენი არიან პრეპარატში შემავალი ნივთიერებების მიმართ.

შემდეგი გვერდითი მოვლენებიდან რომელიმეს განვითარების შემთხვევაში, პაციენტმა დაუყოვნებლივ უნდა შეწყვიტოს ავოდარტის მიღება და მიმართოს ექიმს ან მიაკითხოს უახლოესი საავადმყოფოს გადაუდებელი დახმარების განყოფილებას.

ალერგიული რეაქციები:
• გამონაყარი კანზე (შესაძლოა ქავანა);
• ურტიკარია (ჭინჭრის ციება);
• ქუთუთოების, სახის, ტუჩების, მკლავების ან ფეხების შეშუპება (ანგიონევროზული შეშუპება);
• გულისწასვლა (კოლაფსი).

ყველა აღნიშნული პოტენციურად საშიში გვერდითი მოვლენა ძალიან იშვიათია. მათგან ნებისმიერის განვითარების შემთხვევაში, პაციენტმა დაუყოვნებლივ უნდა შეწყვიტოს ავოდარტის მიღება და დაუკავშირდეს მკურნალ ექიმს.

გვერდითი მოვლენები მოცემულია განვითარების სიხშირის მიხედვით:
ძალიან ხშირი: მათი განვითარება მოსალოდნელია 10-დან 1-ზე მეტ შემთხვევაში
ხშირი: მათი განვითარება მოსალოდნელია 10-დან 1-ზე ნაკლებ და 100-დან 1-ზე მეტ შემთხვევაში
ნაკლებად ხშირი: მათი განვითარება მოსალოდნელია 100-დან 1-ზე ნაკლებ და 1000-დან 1-ზე მეტ შემთხვევაში
იშვიათი: მათი განვითარება მოსალოდნელია 1000-დან 1-ზე ნაკლებ და 10 000-დან 1-ზე მეტ შემთხვევაში
ძალიან იშვიათი: მათი განვითარება მოსალოდნელია 10 000-დან 1-ზე ნაკლებ შემთხვევაში
უცნობი სიხშირის: არსებული მონაცემების საფუძველზე სიხშირის დადგენა ვერ ხერხდება

ხშირი:

• ერექციის მიღწევის ან შენარჩუნების შეუძლებლობა (იმპოტენცია)*;
• სქესობრივი ლტოლვის დაქვეითება;
• ეაკულაციის გაძნელება, მათ შორის სქესობრივი კავშირის დროს გამოყოფილი სპერმის რაოდენობის შემცირება*;
• სარძევე ჯირკვლების გადიდება მამაკაცებში (გინეკომასტია) ან ტკივილი შეხებისას;
• თავბრუსხვევა ტამსულოსინთან ერთად გამოყენებისას.

*აღნიშნული გვერდითი მოვლენები შესაძლოა გაგრძელდეს ავოდარტით მკურნალობის შეწყვეტის შემდეგ.

ნაკლებად ხშირი:

• გულის უკმარისობა (გულის ორგანიზმის სისხლით მომარაგების უნარის დაქვეითება. შესაძლოა განვითარდეს ისეთი სიმპტომები, როგორიცაა ქოშინი, ძლიერი დაღლილობა და კოჭების და ფეხების შეშუპება);
• თმის ცვენა (განსაკუთრებით სხეულის მიდამოში) ან ჭარბთმიანობა.

უცნობი სიხშირის:
• დეპრესია;
• სათესლე ჯირკვლების შეშუპება და ტკივილი.

ისეთი გვერდითი მოვლენების განვითარების შემთხვევაში, რომლებიც არ არის მოცემული ამ ინსტრუქციაში, პაციენტმა უნდა მიმართოს მკურნალ ექიმს ან ფარმაცევტს.

გვერდითი მოვლენების შეტყობინება
ნებისმიერი გვერდითი მოვლენის განვითარების შესახებ, პაციენტმა უნდა აცნობოს მკურნალ ექიმს ან ფარმაცევტს. გვერდითი მოვლენების შეტყობინება ასევე შესაძლებელია თურქეთის ფარმაკოუსაფრთხოების ცენტრის (თÜFAM) მეშვეობით, ვებ-გვერდზე არსებულ “ღეპორტინგ Dრუგ შიდე Eფფეცტს” გრაფაზე მიყოლით ან სატელეფონო ზარით ნომერზე - 0 800 314 00 08.
გვერდითი მოვლენების შეტყობინებით, თითოეულ პაციენტს შეუძლია მონაწილეობა მიიღოს ამ პრეპარატის უსაფრთხოების შესახებ დამატებითი ცნობების შეგროვებაში.

5. ავოდარტის შენახვის წესი

ინახება ბავშვებისთვის მიუწვდომელ ადგილას, თავისივე კოლოფში.
ინახება არაუმეტეს 30C ტემპერატურაზე.
გამოიყენება შენახვის ვადის გასვლამდე.
დაუშვებელია პრეპარატის გამოყენება შენახვის ვადის გასვლის შემდეგ. შენახვის ვადა მითითებულია კოლოფზე. ავოდარტის გამოუყენებელი კაფსულები არ უნდა გადაიყაროს საყოფაცხოვრებო ნაგავში ან კანალიზაციაში. ნარჩენების უტილიზაციის შესახებ ინფორმაციის მისაღებად უნდა მიემართოს ფარმაცევტს. აღნიშნული ზომები ემსახურება გარემოს დაცვას.
დაუშვებელია გამოუყენებელი ან ვადაგასული პრეპარატის გადაგდება! ნარჩენები უნდა ჩაბარდეს გარემოსა და ურბანიზაციის სამინისტროს მიერ გამოყოფილ სპეციალურ პუნქტში.

ლიცენზიის მფლობელი:
GlaxoSmithKline İlaçları San. ve Tic. A.S.,
1. ლევენტ პლაზა, B ბლოკი
34394, 1. ლევენტი/სტამბული
ტელ: ნო: 0 212 339 44 00
ფაქს: ნო: 0 212 339 45 00

წარმოების ადგილი:

GlaxoSmithKline İlaçları San. ve Tic. A.S., პოზნანი, პოლონეთი

ინსტრუქციის დამტკიცების თარიღი: 02.10.2018
2018 GშK ჯგუფის კომპანიები

ინფორმაცია მეორად შეფუთვაზე

კოლოფი

1. პროდუქტის დასახელება

ავოდარტი 0.5 მგ რბილი კაფსულები
დუტასტერიდი

2. აქტიური ნივთიერება

თითოეული რბილი კაფსულა შეიცავს 0.5 მგ დუტასტერიდს.

3. დამხმარე ნივთიერებების სია

შეიცავს ტიტანის დიოქსიდს (E171) და ყვითელი რკინის ოქსიდს (E172).
დამატებითი ინფორმაციისთვის გაეცანით გამოყენების ინსტრუქციას.

4. ფარმაცევტული ფორმა და შემადგენლობა

30 რბილი კაფსულა, 0.5 მგ

5. მიღების წესი და მეთოდი

პერორალური მიღებისთვის.
გამოყენებამდე დაკვირვებით გაეცანით ინსტრუქციას.

6. განსაკუთრებული მითითება, რომ პრეპარატი უნდა ინახებოდეს ბავშვებისთვის მიუწვდომელ ადგილას.

ინახება ბავშვებისთვის მიუწვდომელ ადგილას, თავისივე კოლოფში.

7. შენახვის ვადა:

EXP:

8. შენახვის განსაკუთრებული პირობები:

ინახება ოთახის (არაუმეტეს 30C) ტემპერატურაზე, მშრად ადგილას.
დაუშვებელია დაზიანებული ან გახსნილი შეფუთვის ყიდვა. ნებისმიერი უეცარი გვერდითი მოვლენის განვითარების შემთხვევაში, პაციენტმა უნდა მიმართოს მკურნალ ექიმს.

9. წარმოების ლიცენზიის მფლობელი

GlaxoSmithKline İlaçları San. ve Tic. A.S.,

ლევენტი/სტამბული