Sintomicin liniment - სინტომიცინის ლინიმენტი 10% 25გ

სინტომიცინი

Syntomycin

(10%-იანი ლინიმენტი)

სავაჭრო დასახელება: სინტომიცინი

წამლის ფორმა: ლინიმენტი

საერთაშორისო არაპატენტური დასახელება: ქლორამფენიკოლი (Chloramphenicol)

გამოშვების ფორმა: 10%-იანი 25გ ლინიმენტი

შემადგენლობა 100გ ლინიმენტზე გადაანგარიშებით:

აქტიური ნივთიერება - ქლორამფენიკოლი - 10გ.

დამხმარე ნივთიერებები – აბუსალათინის ზეთი, ემულგატორი, სორბინის მჟავა, ნატრიუმის კარმელოზა, გასუფთავებული წყალი.

ათქ კოდი: D06AX02

ფარმათერაპიული ჯგუფი: ანტიბიოტიკები და ქიმიოთერაპიულები დერმატოლოგიაში გამოსაყენებლად, ანტიბიოტიკები ადგილობრივი გამოყენებისათვის

ფარმაკოლოგიური თვისებები

ქლორამფენიკოლი ფართო სპექტრის მქონე ანტიბიოტიკია. ანტიმიკრობული  მოქმედების მექანიზმი დაკავშირებულია მიკროორგანიზმების უჯრედის ცილების სინთეზის დარღვევასთან. მოქმედებს ბაქტერიოსტატურად. აქტიურია გრამდადებით ბაქტერიებთან: Staphylococcus spp., Streptococcus spp. და გრამუარყოფით ბაქტერიებთან: Neisseria gonorrhoeae, Neisseria meningitidis, Escherichia coli, Haemophilus influenzae, Salmonella spp., Shigella spp., Klebsiella spp., Serratia spp., Yersinia spp., Proteus spp., Rickettsia spp., აქტიურია აგრეთვე სპიროქეტებთან და ზოგიერთ მსხვილ ვირუსებთან მიმართებაში.

ქლორამფენიკოლი მოქმედებს იმ მიკროორგანიზმების შტამებზე, რომლებიც მდგრადია პენიცილინის, სტრეპტომიცინის, სულფანილამიდებისადმი.

მიკროორგანიზმების რეზისტენტობა ქლორამფენიკოლისადმი შედარებით ნელა ვითარდება.

ჩვენებები

ნაჩვენებია ფურუნკულების, კარბუნკულების, კანის ჩირქოვან–ანთებითი პროცესების, ხანგრძლივად შეუხორცებელი ტროფიკული წყლულების, ინფიცირებული დამწვრობისა (I და III ხარისხის) და ძუძუს კერტების დაზიანებისას ლაქტაციის პერიოდში.

მიღების წესები და დოზები

პრეპარატი ინიშნება გარეგანი (ადგილობრივი) გამოყენებისათვის.

მარლას გაჟღინთავენ ლინიმენტით, ან ამ უკანასკნელს წაისმევენ უშუალოდ დაზიანების უბანზე ან ჭრილობაზე და ზემოდან აფიქსირებენ დამცავ ნახვევს, პერგამენტის ან კომპრესულ ქაღალდს. გადახვევას აწარმოებენ ჩვენების მიხედვით 1–3 დღის, ხანდახან 4–5 დღის შემდეგ, ჭრილობის საბოლოო შეხორცებამდე.

მელოგინე დედის ძუძუს კერტების დახეთქვისას ყველა კვების შემდეგ ძუძუს კეტრები ჩამობანილი უნდა იქნას ნიშადურის სპირტის 0,25% ხსნარით, შემდეგ კი დახეთქილ ადგილებზე იფენენ ლინიმენტის ფენით დაფარულ სტერილურ დოლბანდს. მკურნალობის კურსი გრძელდება 2–5 დღეს.

უკუჩვენება

მომატებული მგრძნობელობა აქტიური სუბსტანციის  ან პრეპარატის სხვა კომპონენტების მიმართ; ფსორიაზი; ეგზემა; კანის სოკოვანი დაავადებები, ორსულობა.

გვერდითი მოვლენები

იშვიათად კანზე ადგილობრივი ალერგიული რეაქციები.

განსაკუთრებული მითითებები:

სინტომიცინის ლინიმენტი არ გამოიყენება წამლის რომელიმე კომპონენტზე ალერგიის ან მომეტებული მგრძნობელობისას. ასევე, არ შეიძლება პრეპარატის გამოყენება ხანგრძლივად სენსიბილიზაციისა და რეზისტენტული მიკროორგანიზმების წარმოშობისაგან თავის არიდების მიზნით.

ექიმის კონსულტაციის გარეშე არ შეიძლება 5 დღეზე მეტ ხანს გამოყენება.

ძუძუს კერტების დახეთქვისას მეძუძურ დედებს შეუძლიათ გააგრძელონ ბავშვის კვება.

შეფუთვა

25 გ ლინიმენტი ალუმინის ტუბში ხრახნიანი თავსახურით, ტუბი მოთავსებულია მუყაოს კოლოფში გამოყენების ინსტრუქციასთან ერთად.

შენახვის პირობები: ინახება 25°C ტემპერატურაზე ბავშვებისათვის მიუწვდომელ ადგილას.

ვარგისობის ვადა: 2 წელი

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი: შპს „ოფიცინა“ (საქართველო)