Aldoderma - ალდოდერმი მალამო 30გ

მოქმედი ნივთიერება: ტრიამცინოლონის აცეტონიდი/ფრამიცეტინის სულფატი

რა არის ალდოდერმი 1 მგ/3.5მგ/გ მალამო და რისთვის გამოიყენება იგი.

ალდოდერმი შეიცავს ძლიერ ადგილობრივ კორტიკოსტეროიდს ტრიამცინოლონის აცეტონიდს, რომელიც კომბინირებულია ფართო სპექტრის ანტიბიოტიკთან ფრამიცეტინთან, რომელიც სპეციალურად  ინფექციური დაავადებების  მკურნალობისას გამოიყენება. დამტკიცებულია, რომ ტრიამცინოლონის აცეტონიდი ჰიდროკორტიზონსა და სხვა კორტიკოსტეროიდებზე ბევრად უფრო ძლიერმოქმედი  ნივთიერებაა. ფრამიცეტინი გამოიყენება მხოლოდ და მხოლოდ გარეგანი მოხმარებისათვის და იგი თავისი თვისებებით იდეალურია კანის დაავადებათა სამკურნალოდ, ვინაიდან იშვიათად იწვევს მის გაღიზიანებას.

ალდოდერმი არ ტოვებს ლაქებს და ადვილად შეიწოვება.

იგი ინიშნება კანის კანისა და სწორი ნაწლავის ანთებითი პროცესების სამკურნალოდ. პიოდერმატოზი, ალერგიული დერმატოზი, კონტაქტური ეგზემა, იმპეტიგინიზირებული ეგზემასაფენისმიერი დერმატიტი, ქრონიკული ინფექციური დერმატიტი, სებორიული დერმატიტი, დერმატოზი, ქრონიკული მარტივი ლიქენი,  ექსფოლიატური დერმატიტი, ნეიროდერმატიტი,  სებორიული დერმატიტი ახალშობილებში, ჭრილობები, მსუბუქი დამწვრობები, ფსორიაზი, აკნე, სასქესო ორგანოების ქავილი, ანალური ბზარი-ფიზურა, ჰემოროიდები, ვარიკოზული წყლულები, მზისგან მიღებული დამწვრობები, მწერების ნაკბენი, გარეგანი ოტიტი.

ალდოდერმი 1 მგ/3.5მგ/გ მალამოს გამოყენებამდე.

არ გამოიყენოთ ალდოდერმი:

თუ ხართ ალერგიური (ჰიპერმგრძნობიარე) მასში შემავალი კომპონენტების მიმართ.

თუ გაქვთ კანის ტუბერკულოზი, მარტივი ჰერპესი ან ჩუტყვავილა.

განსაკუთრებული ყურადღება გამოიჩინეთ ალდოდერმი 1 მგ/3.5მგ/გ მალამოს მოხმარებისას:

ტოპიკური კორტიკოსტეროიდების ხანგრძლივმა გამოყენებამ შესაძლოა გამოიწვიოს კანის, ლორწოვანი გარსისა და კანქვეშა ქსოვილის  ატროფია. ასევე მისმა დიდი დოზით ხანგრძლივმა გამოყენებამ შესაძლოა გამოიწვიოს სისტემური ეფექტების გამოვლენა.

სხვა მედიკამენტების გამოყენება:

ყოველთვის აცნობეთ ექიმს თუ იღებთ ან ახლო წარსულში მიიღეთ რაიმე მედიკამენტი, მათ შორის ისეთი, რომლის შეძენაც რეცეპტის გარეშეა სესაძლებელი.

პრეპარატის გამოყენება ბავშვებში:

ბავშვებში ტოპიკური კორტიკოსტეროიდების გამოყენება მკაცრად უნდა იქნას გადანაწილებული დროის მოკლე პერიოდებში პროდუქტის მინიმალური ოდენობის მიღებით.

ორსულობა და ძუძუთი კვება:

მიმართეთ თქვენს ექიმს ან ფარმაცევტს ნებისმიერი მედიკამენტის გამოყენებამდე.

ავტომობილის მართვა და მანქანა-დანადგარებთან მუშაობა:

ნაკლებად შესაძლებელია ალდოდერმმა გამოიწვიოს რაიმე ხელისშემშლელი ეფექტი ავტომობილის მართვისას ან მანქანა-დანადგარებთან მუშაობისას.

მნიშვნელოვანი ინფორმაცია ალდოდერმი 1 მგ/3.5მგ/გ მალამოს შემადგენლობაში მყოფი ზოგიერთი კომპონენტის შესახებ:

ამ პრეპარატმა შესაძლოა გამოიწვიოს კანზე ადგილობრივი რეაქციები (როგორიცაა კონტაქტური დერმატიტი), რადგანაც შეიცავს სტერილურ სპირტს. ასევე შესასძლებელია ალერგიული რეაქციების (შენელებული რეაქციები) გამოწვევა, მეთილის პარაჰიდროქსიბენზოატის შემცველობის (E-218) გამო.

3.როგორ გამოვიყენოთ ალდოდერმი 1 მგ/3.5მგ/გ მალამო.

ინსტრუქციები პრეპარატის სწორი გამოყენებისათვის:

ზუსტად დაიცავით თქვენი ექიმის მიერ მითითებული ალდოდერმის გამოყენების ინსტრუქცია. რაიმე ეჭვის გაჩენის შემთხვევაში, მიმართეთ თქვენს ექიმს ან ფარმაცევტს.

ტუბს აქვს პლომბი, რომელიც ინსტრუქციის შესაბამისად უნდა გაიხსნას:

დაატრიალეთ საცობი (თავსახური).

გადაადგილეთ ისე, რომ დაემთხვეს კუთხვილს და ნაზად მოუჭირეთ გახვრეტამდე. ყურადღებით იყავით და არ მოუჭიროთ ტუბს მაგრად, რათა თავიდან იქნას აცილებული მალამოს ამაო კარგვა.

ალდოდერმი გამოიყენება კანზე წასასმელად.

კანზე წაისვით მცირე ოდენობით ალდოდერმი დღეში 3-4-ჯერ. მის გამოყენებამდე ნაზი საპნით დაიბანეთ დაზიანებული ადგილი. დავაფროთ და მსუბუქი მასაჟით დაიმუშავეთ კანის ზედაპირი მალამოს სრულად შეწოვამდე.

პრობლემის გაქრობის შემდეგ  მკურნალობა უნდა გაგრძელდეს რამდენიმე დღის განმავლობაში.

ფსორიაზისა და სხვა ანთებითი სახის ინფექციების შემთხვევაში, შესაძლებელია გამოყენებულ იქნას ოკლუზიური სახვევით დაფარვის ტექნიკა.

ალდოდერმი 1 მგ/3.5მგ/გ მალამოს ჭარბი ოდენობით გამოყენების შემთხვევაში:

კანის მეშვეობით პრეპარატის შეწოვით გამოწვეული ინტოქსიკაცია ზალიან იშვიათია და მისი გამოვლენის შემთხვევაში, საჭიროა პრეპარატის გამოყენების შეწყვეტა. ნორმალური მკურნალობის პირობებში, ინტოქსიკაციის ფაქტი პრაქტიკულად ფიქსირდება.

გადაჭარბებული დოზის მიღებისა ან ორგანიზმში პრეპარატის მოხვედრის შემთხვევაში, მიმართეთ თქვენს ექიმს ან ფარმაცევტს, ან დაუკავშირდით ტოქსიკოლოგიური ინფორმაციის სამსახურს ტელეფონის ნომერზე: 915620420, აცნობებთ რა მოხმარებული პრეპარატისა და დოზის შესახებ.

იმ შემთხვევაში თუ დაგავიწყდათ ალდოდერმი 1 მგ/3.5მგ/გ მალამოს გამოყენება:

არ გამოიყენოთ ორმაგი დოზა გამოტოვებული დოზის შესავსებად.

პრეპარატის მოხმარებასთან დაკავშირებული რაიმე ეჭვის გაჩენის შემთხვევაში, მიმართეთ თქვენს ექიმს ან ფარმაცევტს.

შესაძლო გვერდითი ეფექტები.

ისევე როგორც ყველა მედიკამენტმა, ალდოდერმმაც შესაძლოა გამოიწვიოს  გვერდითი ეფექტები, თუმცა ეს არ ხდება ყველა მომხმარებლის შემთხვევაში.

ფრამიცეტინის მიმართ რაიმე სახის მცირედი ალერგიული რეაქციისა ან ჰიპერმგრძნობელობის გარდა, თითქმის არ ფიქსირდება გვერდითი მოვლენები.

ოკლუზიური სახვევით დაფარვის ტექნიკის გამოყენების შემთხვევაში, შესაძლოა უკეთ მოხდეს ტრიამცინოლონის შეწოვა კანის მეშვეობით.

თუ მიიჩნევთ, რომ რომელიმე გამოვლენილი გვერდითი ეფექტი სერიოზულია ან  გამოვლინდა ისეთი გვერდითი მოვლენები, რომლებიც არ არის აღწერილი აღნიშნულ ანოტაციაში, აცნობეთ ამის შესახებ თქვენს ექიმს ან ფარმაცევტს.

ალდოდერმი 1 მგ/3.5მგ/გ მალამოს შენახვის წესი.

შეინახეთ ბავშვებისათვის ხელმიუწვდომელ ადგილას.

არ შეინახოთ 30⁰  C -ზე მაღალ ტემპერატურაზე. შეინახეთ თავისსავე ტუბში.

ვარგისიანობა: 

არ გამოიყენოთ ალდოდერმი  ტუბზე  მითითებული ვარგისიანობის ვადის ამოწურვის შემდეგ. მოქმედების ვადა განისაზღვრება იმ თვის ბოლო დღით, რომელიც აღნიშნულია.

არ შეიძლება მედიკამენტებისა და მათი შეფუთვების ნაგავში გადაგდება. ჰკითხეთ თქვენს ფარმაცევტს, თუ როგორ გაანადგუროთ არა საჭირო მედიკამენტები და მათი შეფუთვები. ამით თავიდან ავიცილებთ გარემოს დაბინძურებას.

დამატებითი ინფორმაცია.

ალდოდერმი 1 მგ/3.5მგ/გ მალამოს შემადგენლობა:

ძირითად აქტიურ ნივთიერებებს წარმოადგენენ ტრიამცინოლონის აცეტონიდი და ფრამიცეტინის სულფატი. ყოველი 100 გრ. შეიცავს 0.1 გრ. ტრიამცინოლონის აცეტონიდს და ფრამიცეტინის სულფატს 0.35 ფრამიცეტინის შემცველობით.

სხვა კომპონენტებია: pH მჟავას ინერტული გამხსნელი, რომელიც შემადგენლობაშია: ცეტილური სპირტი, სტერილური სპირტი, თეთრი ვაზელინი, თხევადი ვაზელინი, ცეტომაკროგოლი 1000, გლიცერინი,ლიმონმჟავა, ნატრიუმის ციტრატი,მეთილის პარაჰიდროქსიბენზოატი (E218) და არაიონიზებული წყალი.

პროდუქტის გარეგნული სახე და შეფუთვა:

ალდოდერმი თეთრი ფერის მალამო, რომელიც წარმოდგენილია 30 გრ-იანი ტუბით,  საცობით.

კომერციალიზაციის ნებართვის მფლობელი და წარმოებაზე პასუხისმგებელი:

შპს „ლაბორატორია ალდო-უნიონი“

ესპანეთი, 08950 ესპლუგეს დე ლიობრეგატი (ბარსელონა), ბარონესა დე მალდას 73.

ეს ანოტაცია დამტკიცებულ იქნა 2008 წლის მაისში.   

გაცემის წესი:  

ფარმაცევტული პროდუქტის ჯგუფი III, გაიცემა რეცეპტის გარეშე.