Alores - ალორესი სიროფი 150მლ

ალორესი  2,5მგ/5მლ სიროფი, 150 მლ

სავაჭრო დასახელება: ალორესი  ALORES

საერთაშორისო დასახელება (აქტიური ნივთიერება): დესლორატადინი, Desloratadine

გამოშვების ფორმა: 2,5მგ/5მლ სიროფი150 მლ , ქარვისფერი ბოთლი  #1  საზომ კოვზთან ერთად შეფუთვაში.

შემადგენლობა: ყოველი 5 მლ (ერთი კოვზი)  სიროფი შეიცავს 2,5 მგ დესლორატადინს.

დამხმარე ნივთიერებები: პროპილენ გლიკოლი, სორბიტოლი 70%, ლიმონმჟავას მონოჰიდრატი, ნატრიუმის ციტრატი, ნატრიუმის ბენზოატი, ნატრიუმის ედეტატი, საქაროზა, მარწყვის არომატიზატორი ,,მარწყვი“, ყვითელი  საღებავი FDC #6, ნატრიუმის ჰიდროქსიდი, გასუფთავებული  წყალი.     პრეპარატის ათქ კოდი RO6AX27

კლინიკურ-ფარმაკოლოგიური ჯგუფი: სისტემური გამოყენების ანტიჰისტამინური საშუალებები. H1 - ჰისტამინური რეცეპტორების ბლოკატორი.

ფარმაკოლოგიური თვისებები: ალორესს გააჩნია ანტიჰისტამინური, ანტიალერგიული და ანთების საწინააღმდეგო მოქმედება, არ იწვევს ძილიანობას.

ფარმაკოდინამიკა

შიგნით მიღებისას დესლორატადინი, ლორატადინის პირველადი აქტიური მეტაბოლიტი, სელექტიურად აბლოკირებს პერიფერიულ H1 ჰისტამინურ რეცეპტორებს. იგი თრგუნავს ციტოსტატიკურ რეაქციათა კასკადს: ანთების საწინააღმდეგო ციტოკინების გამოყოფას, მათ შორის ინტერლეიკინ-4-ის, ინტერლეიკინ-6-ის, ინტერლეიკინ-8-ის, ინტერლეიკინ-13-ის, RANTES ტიპის ანთების საწინააღმდეგო ჰემოკინების გამოყოფას, ასევე თრგუნავს სუპეროქსიდური ანიონების პროდუქციას აქტივირებული პოლიმორფულბირთვული ნეიროფილებით, თრგუნავს ეოზინოფილების ადგეზიასა და ჰემოტაქსისს, ადგეზიის მოლეკულათა ექსპრესიას, მათ შორის R - სელექტინის, lgE შუალედური ჰისტამინის და D2 პროსტაგლანდინისა და C4 ლეიკოტრიენის გამოყოფას.

ფარმაკოკინეტიკა

პრეპარატს ახასიათებს კარგი აბსორბცია კუჭ-ნაწლავის ტრაქტიდან. პლაზმაში მაქსიმალური კონცენტრაცია მიიღწევა დაახლოებით 3 საათში. ნახევარგამოყოფის პერიოდი დაახლოებით 27 საათს შეადგენს. ბიოშეღწევადობა მიღებული დოზის პროპორციულია (დოზის დიაპაზონი მერყეობს 5 მგ-დან 20 მგ-მდე). იგი არ გადის ჰემატოენცეფალურ ბარიერს და პრაქტიკულად არ მეტაბოლიზდება ღვიძლში. აღწევს პლაცენტარულ ბარიერს და გადადის დედის რძეში.

გამოყენების ჩვენება:

- სეზონური  და წლის განმავლობაში არსებული ალერგიული რინიტი (ცემინების, ცხვირიდან გამონადენის, ცხვირის  გაჭედვის  და ქავილის, ცრემლდენის, თვალების ქავილის და ჰიპერემიის მოხსნის ან შემსუბუქების მიზნით)

- ქრონიკული ურტიკარია (ქრ.იდიოპათური ჭინჭრის ციება ), კანის ქავილის და გამონაყარის

შემცირებისა და გაქრობის მიზნით.

დოზირების რეჟიმი:

6-დან  11 თვემდე ასაკის ბავშვებში ინიშნება  სიროფის 2 მლ (1 მგ ) ერთხელ დღე-ღამეში.

1-დან 5 წლამდე ასაკის ბავშვებში ინიშნება  სიროფის 2,5 მლ (1,25 მგ )    1-ჯერ დღე-ღამეში.

6-დან 11 წლამდე ასაკის ბავშვებში – სიროფის  5 მლ  (2,5 მგ)  1-ჯერ  დღე-ღამეში.

მოზრდილებში და 12 წლის ასაკზე უფროს მოზარდებში – სიროფის 10 მლ (5 მგ)   1-ჯერ  დღე-ღამეში.

მკურნალობის კურსი და მიღების ხანგრძლივობა განისაზღვრება დაავადების ხასიათიდან გამომდინარე, რომელსაც მკურნალი ექიმი განსაზღვრავს.

 სეზონური პოლინოზის მკურნალობისას პრეპარატის მიღებას წყვეტენ სიმპტომების გაქრობის შემდგომ. წლის განმავლობაში არსებული ალერგიული რინიტის მკურნალობისას პრეპარატს  იღებენ განუწყვეტლივ, ალერგენთან კონტაქტის მთელი პერიოდის მანძილზე.

ურტიკარიის დროს მკურნალობის ხანგრძლივობა უნდა მკურნალმა ექიმმა განსაზღვროს .

მიღების გზა და მეთოდი:

სიროფის დოზის გადაყლაპვის შემდგომ უნდა დააყოლოთ წყალი.

ჭარბი დოზირების შემთხვევაში 

საჭიროა ექიმთან კონსულტაცია. 

დოზის გამოტოვების შემთხვევაში, მისი მიღება გრძელდება პირველივე შესაძლებლობისას დადგენილი სქემით, მაგრამ გამოტოვებული დოზის ასანაზღაურებლად ორმაგი დოზის მიღება არ შეიძლება.

პრეპარატის საკვებთან ერთად მიღება გავლენას არ ახდენს ორგანიზმში დესლორატადინის განაწილებაზე.

დესლორატადინი არ აძლიერებს ცენტრალურ ნერვულ სისტემაზე ალკოჰოლის მოქმედებას.

პრეპარატის გამოყენება პედიატრიაში:

გამოიყენება ექიმის დანიშნულებით.

გვერდითი მოვლენები:

დაღლილობა, იშვიათად - თავის ტკივილი და  პირის სიმშრალე.

ძალიან იშვიათად - ტაქიკარდია, გულისცემის შეგრძნება, ღვიძლის ფერმენტების აქტივობის  მომატება, ალერგიული რეაქციები, ანაფილაქსიის და გამონაყრის ჩათვლით.

უკუჩვენება: 

მომატებული მგრძნობელობა პრეპარატის კომპონენტების ან ლორატადინის  მიმართ. ორსულობა და ლაქტაციის პერიოდი*.

გამოყენება ორსულობის და ლაქტაციის დროს:

არ არის კლინიკური მონაცემები ორსულობის დროს დესლორატადინის გამოყენების უსაფრთხოების შესახებ, ამიტომ ორსულობის დროს პრეპარატის გამოყენება შეთანხმებული უნდა იყოს ექიმთან. დესლორატადინი აღწევს დედეის რძეში, ამიტომ საჭიროა ექიმთან კონსულტაცია ალორესის გამოყენების შესაძლებლობის შესახებ ძუძუთი კვების დროს.

განსაკუთრებული მითითებები:  პრეპარატი სიფრთხილით გამოიყენება თირკმლის უკმარობის მწვავე ფორმის დროს.

ავტომობილისა და სხვა მექანიზმების მართვის უნარზე გავლენა:

რეკომენდებული დოზით მიღებისას დესლორატადინი არ მოქმედებს ავტომობილის მართვისა და ისეთ სამუშაოთა შესრულების უნარზე, რომელიც მოითხოვს სწრაფ ფსიქომოტორულ რეაქციას.

სხვა წამლებთან ურთიერთქმედებისას   რაიმე სახის ცვლილებები ცნობილი არ არის.

შენახვის პირობები და ვადები:

შეინახეთ ბავშვებისათვის მიუწვდომელ ადგილას, 25^◦C-მდე ტემპერატურის პირობებში.

არ გამოიყენოთ ვარგისიანობის ვადის გასვლის შემდეგ.

აფთიაქში გაცემის წესი:

ფარმაცევტული პროდუქტის ჯგუფი III (გაიცემა რეცეპტის გარეშე).

მწარმოებელი: Berko İlaç ve Kimya San. A.Ş. Istanbul, Turkey