Natacin - ნატაცინი 100მგ 3 ვაგინალურო სუპოზიტორია

ბელარუსის რესპუბლიკის ჯანდაცვის სამინისტრო

სამკურნალო საშუალების სამედიცინო გამოყენების

ინსტრუქცია

ნატაცინი

Natacin

სამკურნალო საშუალების სახელწოდება:

სავაჭრო სახელწოდება: ნატაცინი

საერთაშორისო არაპატენტირებული სახელწოდება: Natamycin

აღწერა: თეთრი მოყვითალო შეფერილობიდან ღია ყვითელი ყავისფერ შეფერილობამდე ტორპედოსმაგვარი ფორმის სუპოზიტორია. დაიშვება ძაბრისებრი სიღმის არსებობა.

ერთი სუპოზიტორის შემადგენლობა:

აქტიური ნივთიერება: ნატამიცინი 100 მგ;

დამხმარე ნივთიერებები: ცეტილის სპირტი, სორბიტან ტრიოლეატი, პოლისორბატ 80, ადიპინის მჟავა, ნატრიუმის ჰიდროკარბონატი, მყარი ცხიმი. წამლის ფორმა: ვაგინალური სუპოზიტორიები.

ფარმაკოთერაპიული ჯგუფი: ანტიმიკრობული და ანტისეპტიკური საშუალებები, გარდა კორტიკოსტეროიდებთან კომბინაციებისა. ანტიბიოტიკები.

ათქ კოდი: G01AA02.

ფარმაკოლოგიური თვისებები:

ფარმაკოდინამიკა

მაკროლიდების ჯგუფის ანტიმიკრობული პოლიენური ანტიბიოტიკი მოქმედების ფართო სპექტრით. გააჩნია ფუნგიციდური მოქმედება. ნატამიცინი ბოჭავს უჯრედის მემბრანების სტეროლებს, მათი მთლიანობისა და ფუნქციის დარღვევით იწვევს მიკროორგანიზმების სიკვდილს. ნატამიცინის მიმართ მგრძნობიარეა პათოგენური საფუარი სოკოების უმეტესობა. განსაკუთრებით Candida albicans. ნაკლებად მგრძნობიარეა დერმატოფიტები. ნატამიცინის მიმართ რეზისტენტობა კლინიკურ პრაქტიკაში არ გვხვდება.

ფარმაკოკინეტიკა

ნატამიცინი არ შეიწოვება საჭმლის მომნელებელ ტრაქტში, დაზიანებულ კანსა და ლორწოვან გარსში.

ჩვენებები:

ძირითადად Candida სოკოებით გამოწვეული ვაგინიტები, ვულვიტები, ვულვოვაგინიტები.

გამოყენების წესი და დოზები:

ვაგინიტების, ვულვიტების, ვულვოვაგინიტების დროს ნიშნავენ 1 ვაგინალურ სუპოზიტორიას 3-6 დღის განმავლობაში. სუპოზიტორია შეჰყავთ საშოში დაწოლილ მდგომარეობაში, რაც შეიძლება ღრმად, დღე-ღამეში ერთხელ ღამით.

გვერდითი მოქმედება:

ადგილობრივი რეაქციები: შესაძლოა მსუბუქი გაღიზიანება, წვის შეგრძნება.

უკუჩვენებები:

• მომატებული მგრძნობელობა პრეპარატის კომპონენტებისადმი;

• 14 წლამდე ასაკი.

დოზის გადაჭარბება:

არ არის აღწერილი.

დოზის გადაჭარბების შემთხვევაში მიმართეს ექიმს!

განსაკუთრებული მითითებები:

ვაგინალური სუპოზიტორიები სხეულის ტემპერატურის ზემოქმედების ქვეშ სწრაფად იხსნება და წარმოქმნის მოცულობით გავრცელებულ ქაფიან მასას, რაც ხელს უწყობს აქტიური სუბსტანციის თანაბრად განაწილებას.

ცეტილის სპირტმა, რომელიც შედის ვაგინალური სუპოზიტორიების შემადგენლობაში, შესაძლოა ალერგიული რეაქცია გამოიწვიოს. მენსტრუაციის დროს თერაპიას წყვეტენ. სუპოზიტორიების გამოყენების დროს არ არის სქესობრივი კონტაქტების გამორიცხვის აუცილებლობა.

გამოყენება ორსულობისა და ლაქტაციის დროს:

ნატაცინის დანიშვნა შესაძლებელია ორსულობისა და ლაქტაციის პერიოდში.

პრეპარატის გავლენა ავტოტრანსპორტის მართვისა და სხვა მექანიზმებთან მუშაობის უნარზე:

პრეპარატი არ ახდენს გავლენას მექანიკური საშუალებების მართვისა და მოძრავი მექანიზმების მომსახურების უნარზე.

სხვა სამკურნალო საშუალებებთან ურთიერთქმედება:

ნატამიცინის სამკურნალო ურთიერთქმედება არ არის აღწერილი. მჟანგავი თვისებების მქონე ნივთიერებებს, როგორიცაა პეროქსიდები, პერმანგანატი, იოდი, ჰიპოქლორიტები და

• შ., შეუძლია გამოიწვიოს ნატამიცინის ინაქტივაცია.

პედიატრიაში გამოყენება:

სამკურნალო საშუალება არ გამოიყენება 14 წლამდე ბავშვთა ასაკში. შენახვის პირობები: ტემპერატურაზე არაუმეტეს 25°C.

შეინახეთ ბავშვებისთვის მიუწვდომელ ადგილას!

ვარგისიანობის ვადა: 2 წელი. ნუ გამოიყენებთ ვარგისიანობის ვადის გასვლის შემდეგ!

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

შეფუთვა: 3 სუპოზიტორია კონტურულ უჯრედულ შეფუთვაში. 1 ან 2 კონტურული უჯრედული შეფუთვა მუყაოს კოლოფში გამოყენების ინსტრუქციასთან ერთად.

მწარმოებელი:

შპს ”რუბიკონი”, ბელარუსის რესპუბლიკა, 210002, ქ. ვიტებსკი, მ. გორკის ქუჩა, 62-ბ, ტელ./ფაქსი: +375 (212) 34-06-29, www.rubikon.by, e-mail: secretar@rubikon.by