Itam - იტამი 140მგ. 10 პლასტირი

პროდუქტის გამოყენებამდე ყურადღებით გაეცანით ინსტრუქციაში
მითითებულ ინფორმაციას.
პროდუქტი განკუთვნილია თვით-მკურნალობისთვის. იგი გამოიყენება
საშუალო სიმძიმის, დროებითი სიმპტომების სამკურნალოდ, როდესაც
სამედიცინო ჩარევა არ არის აუცილებელი.
პროდუქტის აფთიაქიდან გაცემა დასაშვებია ურეცეპტოდ, თუმცა მისი
გამოყენება უნდა მოხდეს სწორი დანიშნულებით, იმისათვის რომ პროდუქტი
იყოს ეფექტური და თავიდან იქნეს აცილებული გვერდითი მოვლენების
განვითარება.
 დამატებითი ინფორმაციის მისაღებად მიმართეთ თქვენს ექიმს.
 მკურნალობის დაწყებიდან მოკლე პერიოდში ეფექტის არქონის
შემთხვევაში მიმართეთ ექიმს.
შემადგენლობა
თითოეული სამკურნალო პლასტირი შეიცავს:
აქტიური ნივთიერება: ნატრიუმის დიკლოფენაკი 140 მგ
დამხმარე ნივთიერებები: ძირითადი ბუთილირებული მეტაკრილატის
თანაპოლიმერი; აკრილატის და ვინილის აცეტატის თანაპოლიმერი;
პოლიეთილენ გლიკოლ 12-ის სტეარატი; სორბიტის ოლეატი; პოლიესტერის
ქსოვილი; სილიკონით დაფარული ქაღალდი.
შეფუთვის ფორმა
იტამი წარმოადგენს სამკურნალო, კანზე დასაკრავ პლასტირს, რომლის
ზომებია 10 ხ 14 სმ.
პროდუქტი მოცემულია 5, 10, 15 პლასტირიან შეფუთვებში, სადაც თითოეულ
პლასტირს აქვს ინდივიდუალური შეფუთვა.
იტამი არის არასტეროიდული, ანთების საწინააღმდეგო სამკურნალო
საშუალება ადგილობრივი გამოყენებისთვის. იგი წარმოადგენს კუნთების და
სახსრების ტკივილგამაყუჩებელ საშუალებას.
სავაჭრო ნიშნის მფლობელი:
ფიდია ფარმაცეუტიჩი ს.პ.ა. - ვია პონტე დელა ფაბრიკა, 3/ა - 35031 აბანო
ტერმე (პდ)
მწარმოებელი და საბოლოო კონტროლის უზრუნველყოფა
სპა იტალიანა ლაბორატორი ბოუტი, ს.ს. 11 პადანა სუპერიორე კმ 160, კასინა
დე პეჩი (მი)
თერაპირული ჩვენება
გამოიყენება სახსრების, კუნთების, მყესების და იოგების რევმატიული ან
ტრავმული წარმოშობის ტკივილის და ანთების დროს.
უკუჩვენებები:
- დიკლოფენაკის, აცეტილსალიცილის მჟავას, სხვა ანთების
საწინააღმდეგო არასტეროიდების ან პროდუქტში შემავალი სხვა
ნივთიერებების მიმართ მომატებული მგრძნობელობა.
- აცეტილსალიცილის მჟავას ან სხვა არასტეროიდული
ანთებისსაწინააღმდეგო საშუალებების მიღების შემდეგ ასთმური
შეტევების, ქავილის ან მწვავე რინიტის განვითარების დროს.
- კანის დაზიანებული უბანი: ექსუდაციური დერმატიტი, ეგზემა,
ინფექციური ჭრილობები, ჭრილობები და დამწვრობები.
- ორსულობის მესამე ტრიმესტრი (იხ. „ორსულობა და ლაქტაცია“)
- პაციენტები აქტიური წყლულოვანი დაავადებებით.
ბავშვები და მოზარდები:
არ არის რეკომენდებული პროდუქტის დანიშვნა ბავშვებში და 16 წელზე
ნაკლები ასაკის მოზარდებში.
ორსულობა და ლაქტაცია
ორსულობის და ლაქტაციის დროს კონსულტაციისთვის მიმართეთ ექიმს.
იტამის გამოყენება დაშვებულია რისკების და სარგებლის შეფასების შემდეგ.
მიმართეთ ექიმს თუ ეჭვობთ ორსულობას ან აპირებთ დაორსულებას.
ორსულობა
დიკლოფენაკის კონცენტრაცია ადგილობრივი გამოყენებისას დაბალია
პერორალურად მისაღებ დიკლოფენაკთან შედარებით. არასტეროიდული
ანთების საწინააღმდეგო საშუალებების გამოყენებისას საჭიროა შემდეგი
რეკომენდაციების გათვალისწინება:
პროსტაგლანდინების სინთეზის ინჰიბირებამ შესაძლებელია უარყოფითად
იმოქმედოს ორსულობაზე და ემბრიონის განვითარებაზე. ეპიდემილოგიური
კვლევების მხედვით ორსულობის ადრეულ ეტაპზე პროსტაგლანდინების
სინთეზის ინჰიბიტორების მიღების შემდეგ არსებობს ორსულობის შეწყვეტის,
გულის მანკების განვითარების რისკები. გულის მანკების განვითრების რისკი
მერყებოს 1%-დან 1.5%-მდე.
რისკის გაზრდა ასევე დამოკიდებულია თერაპიის ხანგრძლივობასა და
მიღებულ დოზებზე. ცხოველებში პროსტაგლანდინების სინთეზის
ინჰიბიტორების გამოყენებამ გამოიწვია იმპლანტატის დაკარგვა და
ემბრიონის დაღუპვა.
სხვადასხვა სახის მანკების განვითარების შემთხვევების მომატებას,
როგორიცაა გულ-სისხლძარღვთა მანკები, ადგილი ჰქონდა ცხოველებში
ორგანოების ჩამოყალიბების პერიოდში პროსტაგლანდინების სინთეზის
ინჰიბიტორების გამოყენების შემდეგ.
ორსულობის პირველ და მეორე ტრიმესტრებში დიკლოფენაკის მიღება
დაშვებულია მხოლოდ აუცილებლობის შემთხვევაში. იმ შემთხვევაში, თუ
დიკლოფენაკის მიღება მოხდება დაორსულების პერიოდში ან ორსულობის
პირველ და მეორე ტრიმესტრებში, მისი დოზა უნდა იყოს შეძლებისდაგვარად
მცირე და მკურნალობის ხანგრძლივობა მოკლე.
ორსულობის მესამე ტრიმესტრში პროსტაგლანდინების სინთეზის
ინჰიბიტორების მიღებამ შეიძლება გამოიწვიოს:
- ნაყოფის გულის და ფილტვების ტოქსიურობა (არტერიული სადინარის
ნაადრევი დახურვა და ფილტვის ჰიპერტენზია);
- ნაყოფის თირკმელების დისფუნქცია, რომელმაც შეიძლება გმოიწვიოს
ოლიგოჰიდრამნიონი;
ორსულობის ბოლო პერიოდში:
- სისხლდენის გახანგრძლივება და ანტი- აგრეგაციული ეფექტი, რაც
შეიძლება ძალიან მცირე დოზების მიღების შემთხვევაშიც
განვითარდეს.
- საშვილოსნოს შეკუმშვის ინჰიბირება, რომელმაც შეიძლება გამოიწვიოს
მშობიარობის გახანგრძლივება.
დიკლოფენაკის მიღება ორსულობის მესამე ტრიმესტრში არ არის
რეკომენდებული.
ლაქტაცია
დიკლოფენაკი მცირე რაოდენობით გადადის დედის რძეში. თუმცა, იტამის
თერაპიული დოზების მიღებას არ ექნება ჩვილზე მოქმედება.
კონტროლირებული კვლევების მიხედვით ლაქტაციის პერიოდში
დიკლოფენაკის მიღება რეკომენდებულია მხოლოდ ექიმის დანიშნულების
შემთხვევაში. ამის გამო, იტამის გამოყენება მკერდზე ან კანის დაზიანებულ
უბანზე ან ხანგრძლივი პერიოდის განმავლობაში დაუშვებელია ლაქტაციის
პერიოდში.
სიფრთხილის ზომები
დიკლოფენაკის სამკურნალო პლასტირების კანის დიდ უბანზე და
ხანგრძლივი პერიოდით გამოყენების დროს შეიძლება განვითარდეს
გვერდითი მოვლენები.
სამკურნალო პლასტირის გამოყენება უნდა მოხდეს დაუზიანებელ, ჯანმრთელ
კანზე; დაუშვებელია მისი გამოყენება კანის დაზიანებულ უბანზე ან ღია
ჭრილობებზე. დაუშვებელია პლასტირის თვალში ან ლორწოვან გარსზე
მოხვედრა, ასევე მისი შიგნით მიღება.
გვერდითი მოვლენების განვითარების მინიმუმამდე დაყვანა შესაძლებელია
მცირე დოზების გამოყენებით და მკურნალობის მოკლე პერიოდით.
არ გამოიყენოთ ოკლუზიური სახვევი, იმისათვის რომ ხელი არ შეუშალოთ
ჰაერის მოძრაობას.
იტამის გამოყენება დაუშვებელია პაციენტებში არასტეროიდული ანთების
საწინააღმდეგო საშუალებების მიმართ ჰიპერმგრძნობელობისას, როგორიცაა
ასთმის შეტევები, კანზე გამონაყარი, მწვავე ალერგიული რინიტი და
ანაფილაქტოიდური რეაქციები. ასთმიანი პაციენტები, რომლებსაც აწუხებთ
ფილტვების ქრონიკული ობსტრუქცია, ალერგიული რინიტი ან ცხვირის
ლორწოვანი გარსის ანთება (ცხვირის პოლიპი) უფრო ხშირად უვითარდებათ
ასთმური შეტევები, კანის ან ლორწოვანი გარსის ადგილობრივი ანთება
(კვინკეს ედემა) ან ქავილი არასტეროიდული ანთების საწინააღმდეგო
საშუალებების მიმართ, ვიდრე სხვა პაციენტებს.
იტამის მიღება უნდა შეწყდეს ქალებში ნაყოფიერებასთან დაკავშირებული
პრობლემების ან მათი დიაგნოსტიკის დროს.
სამკურნალო პლასტირის გამოყენებისას კანზე გამონაყარის განვითრების
შემთხვევაში აუცილებელია პროდუქტის გამოყენების შეწყვეტა.
მკურნალობის დროს არ გამოიყენოთ დიკლოფენაკის შემცველი სხვა
არასტეროიდული ანთების საწინააღმდეგო საშუალებები.
თირკმლის, გულის ან ღვიძლის დაავადებების, წყლულების, ნაწლავური
ანთებების ან სისხლმდენი დაავადებების დროს პლასტირის გამოყენება უნდა
მოხდეს სიფრთხილით. ასევე სიფრთხილით უნდა მოხდეს არასტეროიდული
ანთების საწინააღმდეგო საშუალებების გამოყენება ასაკოვან პაციენტებში.
ფოტომგრძნობელობის განვითარების თავიდან ასაცილებლად მოერიდეთ
მზის პირდაპირ სხივებს სამკურნალო პლასტირის მოცილებიდან ერთი დღის
მანძილზე მაინც.
ურთიეთქმედება სხვა მედიკამენტებთან
სამკურნალო პლასტირის ფორმით დიკლოფენაკის განოყენებას აქვს ძალიან
დაბალი სისტემური აბსორბცია და შესაბამისად კლინიკურად მნიშვნელოვანი
ურთიერთქმედების განვითარებაც სხვა მედიკამენტებთან უმნიშვნელოა.
პრეპარატის მაღალი დოზების მიღებისას ან მისი ხანგრძლივი პერიოდით
გამოყენების ან სხვა მედიკამენტების მიღების შემთხვევაში მიმართეთ ექიმს ან
ფარმაცევტს. დაუშვებელია დიკლოფენაკის შემცველი სხვა ადგილობრივი და
სისტემური მედიკამენტების ან სხვა არასტეროიდული ანთების
საწინააღმდეგო საშუალებების ერთდროულად მიღება.
ადგილობრივად გამოსაყენებელი პროდუქტების ხანგრძლივი დროით მიღებამ
შეიძლება გამოიწვიოს მგრძნობელობის მომატება. ასეთ შემთხვევაში საჭიროა
მკურნალობის შეწყვეტა. მსგავსი პროდუქტების ხანგრძლივად გამოყენება არ
არის რეკომენდებული. მკურნალობის მოკლე პერიოდში ეფექტის არქონის
შემთხვევაში მიმართეთ ექიმს. იტამის მიღება არ მოქმედებს ავტომობილის ან
სხვა მექანიზმების მართვის უნარზე.
მიღების წესი
განკუთვნილია მხოლოდ გარეგანი გამოყენებისთვის.
დოზირება
პროდუქტის გამოყენება უნდა მოხდეს ჯანმრთელ, დაუზიანებელ კანზე. მისი
გამოყენება დაუშვებელია აბაზანის ან შხაპის მიღების დროს.
დიკლოფენაკის სამკურნალო პლასტირის გამოყენება დასაშვებია მხოლოდ
რეკომენდებული დოზებით მოკლე პერიოდის განმავლობაში.
მოზრდილები
ინიშნება დღეში 2 პლასტირი.
გაფრთხილება: არ გადააჭარბოთ რეკომენდებულ დოზას ექიმის
დანიშნულების გარეშე.
გამოიყენეთ ერთი პლასტირი ყოველ 12 საათში ერთხელ კანის მტკივნეულ
უბანზე. გამოიყენეთ 14 დღის მანძილზე.
რეკომენდებული დროით და დოზებით მიღებისას ეფექტის არქონის
შემთხვევაში მიმართეთ ეიქმს. (იხ. „სიფრთხილის ზომები).
ბავშვები და 16 წლამდე ასაკის მოზარდები:
სამკურნალო პლასტირის გამოყენება ბავშვებში და 16 წლამდე ასაკის
მოზარდებში არ არის რეკომენდებული, რადგან არ არსებობს სათანადო
მონაცემები პრეპარატის ეფექტურობის და უსაფრთხოების შესაფასებლად.
16 წლის ზემოთ ასაკის მოზარდებში 7 დღეზე მეტ ხანს პროდუქტის
გამოყენებისას სიმპტომების გაუარესების შემთხვევაში მიმართეთ ექიმს.
ასაკოვანი პაციენტები
ასაკოვან პაციენტებში პროდუქტის გამოყენება ხდება სიფრთხილის ზომების
დაცვით.
თირკმლის ან ღვიძლის ფუნქციის დარღვევა
დიკლოფენაკის სამკურნალო პლასტირის გამოყენების შესახებ ინფორმაცია
თირკმლის ან ღვიძლის ფუნქციის დარღევევისას იხილეთ „სიფრთხილის
ზომები“.
გაფრთხილება: არ გადააჭარბოთ რეკომენდებულ დოზებს ექიმის
დანიშნულების გარეშე.
გამოიყენება მხოლოდ მოკლე პერიოდის განმავლობაში.
გამოყენების წესები:
1. მოაჭერით შეფუთვას ყუა წერტილოვან ადგილას და ამოიღეთ
სამკურნალო პლასტირი.
პლასტირის გამოყენების წესი
2. მოაცალეთ პლასტირს ორი დამცავი ფენიდან ერთ-ერთი.
3. დაიფინეთ მტკივნეულ ადგილას და შემდეგ მოაცალეთ დარჩენილი
დამცავი ფენაც.
4. ხელით ოდნავ დააჭირეთ პლასტირს მისი კანზე უკეთ
დასაფიქსირებლად.
პლასტირის მოცილების წესი
5. დაასველეთ პლასტირი წყლით, მისი კიდე აწიეთ ზემოთ და ფთხილად
მოაცალეთ კანს.
6. პროდუქტის კანზე ნარჩენის შემთხვევაში დაამუშავეთ კანის უბანი
წყლით, თითების ფრთხილი, წრიული მოძრაობებით.
ადგილობრივად გამოსაყენებელი დიკლოფენაკის მიღებისას შეგიძლიათ
გამოიყენოთ არა-ოკლუზიური სახვევები; დაუშვებელია ოკლუზიური
სახვევების გამოყენება. პლასტირი უნდა გამოიყენოთ მთლიანად.
ჭარბი დოზირება
არ არსებობს ინფორმაცია დიკლოფენაკის სამკურნალო პლასტირის
გამოყენებისას ჭარბი დოზირების შესახებ. რომელიმე გვერდითი მოვლენის
განვითარების შემთხვევაში ჭარბი დოზირების ან პროდუქტის არასწორად
გამოყენების შემთხვევაში მიმართეთ სათანადო ზომებს ინტოქსიკაციის
შესამცირებლად.
ადგილობრივად გამოსაყენებელი დიკლოფენაკის დაბალი აბსორბციის გამო
ჭარბი დოზირება თითქმის გამორიცხულია. თუმცა, გვერდითი მოვლენები
ტაბლეტირებული დიკლოფენაკის მიღებისას განვითრებულ გვერდით
მოვლენებს ჰგავს, თუ ადგილობრივად გამოსაყენებელი დიკლოფენაკის
მიღება მოხდება შემთხვევით შიგნით ( 1 ყუთი 10 სამკურნალო პლასტირით
შედგება 1.4 გ-ის ექვივალენტური ნატრიუმის დიკლოფენაკისგან).
შემთხვევით გადაყლაპვის შემთხვევაში უნდა მოხდეს მკურნალობა, რომელიც
ზოგადად ტარდება არასტეროიდული ანთების საწინააღმდეგო საშუალებებით
ინტოქსიკაციის დროს.
ამ დროს უნდა მოხდეს კუჭის ამორეცხვა და აქტივირებული ნახშირის მიღება .
ასევე საჭიროა მიმართოთ ექიმს.
გვერდითი მოვლენები
პრეპარატის ხანგრძლივი დროით კანის დიდ უბანზე გამოყენებისას , აქტიური
ნივთიერების დიდი რაოდენობით აბსორბციის გამო, არ შეიძლება
გამოირიცხოს სისტემური გვერდითი მოვლენების განვითარების ალბათობა,
განსაკუთრებით კუჭ-ნაწლავის ტრაქტის მხრივ.
გვერდითი მოვლენები (ცხრილი 1) ჩამოთვლილია სიხშირის მიხედვით ,
დაწყებული ყველაზე ხშირიდან : ხშირი (≥1/100, <1/10), არცისე ხშირი (≥1/1000,
<1/100), იშვიათი (≥1/10000, <1/1000); ძალიან იშვიათი (<1/10000); უცნობი:
არსებული მონაცემების მიხედვით შეუძლებელია სიხშირის დადგენა.
ცხრილი 1
ინფექციები და ინვაზიები
ძალიან იშვიათად - გამონაყარი
იმუნური სისტემა
ძალიან იშვიათად - ჰიპერმგრძნობელობა (ქავილის ჩათვლით),
ანგიონევროზული ედემა, ანაფილაქტოიდური რეაქციები.
სასუნთქი სისტემა, გულმკერდის და შუასაყრის პათოლოგიები
ძლიან იშვიათად - ასთმა.
კანის და კანქვეშა ქსოვილების პათოლოგიები
არცისე ხშირი - გამონაყარი, ეგზემა, ერითემა, დერმატიტი (ალერგიული
დერმატიტის და კონტაქტური დერმატიტის ჩათვლით), ქავილი.
იშვიათად - ბულოზური დერმატიტი (მაგ. ბულეზური ერითემა), კანის
სიმშრალე.
ძალიან იშვიათად - ფოტომგრძნობელობის რეაქციები
სისტემური პათოლოგიები გამოყენების ადგილას
ხშირი - რექციები გამოყენების ადგილას.
პრეპარატის გამოყენებამ დიკლოფენაკის შემცველ სხვა მედიკამენტებთან
ერთად შეიძლება გამოიწვიოს კანის რეაქციები ( სტივენ -ჯონსონის
სინდრომი, ლაილას სინდრომი).
პრეპარატის გამოყენების ინსტრუქციაში მითითებული წესების დაცვის
შემთხვევაში მინიმუმამდე მცირდება გვერდითი მოვლენების განვითარების
რისკი.
რაიმე სახის გვერდითი მოვლენის განვითრების შემთხვევაში მიმართეთ ექიმს.
გვერდითი მოვლენების დასაფიქსირებლად მოითხოვეთ აფთიაქში შესავსებად
ფორმა B.
შენახვის პირობები
მიაქციეთ ყურადრება კოლოფზე მითითებულ ვარგისიანობის ვადას.
ვარგისიანობის ვადა ეხება მხოლოდ გაუხსნელ, სათანადო პირობებში
შენახულ პროდუქტს.
შეინახეთ არაუმეტეს 30°ჩ ტემპერატურაზე.
გაფრთხილება: დაუშვებელია პროდუქტის გამოყენება კოლოფზე
მითითებული ვარგისიანობის ვადის გასვლის შემდეგ.
შეინახეთ ბავშვებისთვის მიუწვდომელ ადგილას.
შეინახეთ გამოყენების ინსტრუქცია მკურნალობის განმავლობაში.