Ruferon-RN - რუფერონი-RN 250000სე 10 რექტალური სუპოზიტორია

რუფერონინფორმაცია პაციენტებისთვის

სამკურნალო საშუალების დასახელება:
სავაჭრო დასახელება: რუფერონი-რნ
საერთაშორისო არადაპატენტებული დასახელება: Interferon alfa-2b.

სამკურნალწამლო ფორმა: სანთელი.

აღწერა: ტორპედოს ფორმის სანთლები, მოყვითალო-თეთრი ფერის, ერთგვაროვანი კონსისტენციის. დასაშვებია შეფერილობის არაერთგვაროვნება მარმარილოსებრი სახით, ძაბრისებრი ჩაღრმავების არსებობა, ჰაეროვანი ან ფოროვანი ღრუ.

სამკურნალო საშუალების შემადგენლობა:
1 სანთელი რუფერონი-რნ 150000სე შეიცავს:
აქტიური კომპონენტი: ადამიანის რეკომბინანტული ალფა-2ბ ინტერფერონი 150000სე აქტივობით, დამხმარე ნივთიერებები: ასკორბინის მჟავა, გლიცერინის მონოსტეარატი, მყარი ცხიმი.
1 სანთელი რუფერონი-რნ 250000 სე შეიცავს:
აქტიური კომპონენტი: ადამიანის რეკომბინანტული ალფა-2ბ ინტერფერონი 250000სე აქტივობით, დამხმარე ნივთიერებები: ასკორბინის მჟავა, გლიცერინის მონოსტეარატი, მყარი ცხიმი.

ფარმაკოთერაპიული ჯგუფი:
იმუნომოდულატორები, ინტერფერონები.

მიღების ჩვენება
რუფერონი-რნ გამოიყენება ბავშვებში სხვადასხვა ინფექციურ-ანთებითი დაავადებების თერაპიისთვის: მწვავე რესპირატორული ვირუსული ინფექციები, გრიპი, მათ შორის ბაქტერიული ინფექციით გართულებული, პნევმონია (ბაქტერიული, ვირუსული, ქლამიდიური), სეფსისი, საშვილოსნოსშიდა ინფექცია.

გამოყენების მეთოდი და დოზირება:
რუფერონი-რნ სანთლები გამოიყენება რექტალურად.
ძუძუთი კვებაზე მყოფ ბავშვებში ინფექციურ-ანთებითი დაავადებების კომპლექსურ თერაპიაში: 150000 სე დღეში 2-ჯერ 5 დღის განმავლობაში.
ვირუსული და ბაქტერიული ინფექციების კომპლექსურ თერაპიაში: 1-7 წლის ბავშვებში - 250 000 სე 2-ჯერ დღეში 5 დღის განმავლობაში.
6 თვემდე ასაკის ბავშვებში გამოკვლევები არ ჩატარებულა.
აუცილებლობისას კურსი შეიძლება გამეორდეს 5 დღის ინტერვალის დაცვით.

გვერდითი მოქმედება:
იშვიათ შემთხვევებში - ალერგიული რეაქციები, კერძოდ - კანის გამონაყარი და ქავილი. მოცემული მოვლენები შექცევადია და ქრება პრეპარატის მიღებიდან 72 საათის შემდეგ.

უკუჩვენება:
- ჰიპერმგრძნობელობა ინტერფერინ ალფა-2ბ-ს ან პრეპარატის სხვა კომპონენტების მიმართ;
- ალერგიული და აუტოიმუნური დაავადებები, გამწვავების სტადიაში;
- მძიმე ბრონქოობსტრუქციული სინდრომი, რაც საჭიროებს გლუკოკორტიკოიდების კურსის ჩატარებას;
- ქრონიკული დაავადებები დეკომპენსაციის სტადიაში, აგრეთვე განვითარების თანდაყოლილი მანკები, ნივთიერებათა ცვლის დაავადებები, მემკვიდრული დაავადებები;
- ფარისებრი ჯირკვლის დაავადებები;
- თირკმლის, ღვიძლის ფუნქციის მძიმე დარღვევები;
- გულ-სისხლძარღვთა მძიმე დაავადებები;
- ეპილეფსია და ცნს-ის სხვა დაავადებები.
- აივ ინფექცია, თანდაყოლილი იმუნოდეფიციტი;
- სისხლის წარმოქმნის მიელოიდური ზრდის დათრგუნვა: ნეითროპენია, თრომბოციტოპენია.

ჭარბი დოზირება:
აღწერილი არ არის.

უსაფრთხოების ზომები:
პირველადი და მორეციდივე ჰერპესული ინფექციის მკურნალობისას
სამკურნალო პრეპარატი რუფერონი-რნ რექტალური სანთლები რეკომენდებული არ არის შემდეგ შემთხვევებში:
- ჰერპესული ინფექციის გავრცელებული, ატიპიური და გენერალიზებული ფორმების დროს
- ატოპიური დერმატიტის, ეკზემის, სებორეული დერმატიტის, გუჟერო-ჰეილის კეთილთვისებიანი ოჯახური პემფიგუსის კლინიკური ნიშნების არსებობისას;
- კანის სიმსივნებისას;
- ფსიქიკური დარღვევებისას, რაც საჭიროებს ანტიდერპესანტებით, ტრანკვილიზატორებით მკურნალობას ან ჰოსპიტალიზაციას;
- ჰერპესული ინფექციის გავრცელებული, ატიპიური და გენერალიზებული ფორმების დროს;
- 1,5 * 109/მკლ-ზე ნაკლები ნეითროპენიისას.
- 90 000/მკლ-ზე ნაკლები თრომბოპენიისას;
- იმუნური სისტემის დარღვევებთან დაკავშირებული დაავადებების დროს.

გამოყენება ორსულობის და ლაქტაციის პერიოდში:
არ გამოიყენება.

გამოყენება ხანდაზმულებში:
არ გამოიყენება.

გამოყენება ოპერატიული მოქმედებების გამომწევ პირებში და მძღოლებში:
არ გამოიყენება.

განსაკუთრებული მითითებები:
რუფერონი-რნ სანთლების ხანგრძლივი გამოყენებისას ტარდება პერიფერიული სისხლის, ღვიძლის, თირკმლის, ფარისებრი ჯირკვლის ფუნქციის ბიოქიმიური მარკერების მაჩვენებლების კონტროლი.

ურთიერთქმედება სხვა სამკურნალო საშუალებებთან:
რუფერონი-რნ, რექტალური სანთლები შეთავსებადია და კარგად ეთანხმება უმრავლეს სამკურნალო საშუალებებს, რომლებიც გამოიყენება პრეპარატის ჩვენებებში ჩამოთვლილი დაავადებების მკურნალობისთვის (ანტიბიოტიკები, გლუკოკორტიკოსტეროიდები, იმუნოსუპრესანტები და სხვ).
ინტერფერონ ალფა -2ბ-ს შეუძლია ციტოქრომ Р-450 აქტივობის დაქვეითება და ამის შედეგად ციმეტიდინის, ფენიტოინის, კურანტილის, თეოფილინის დიაზეპამის, პროპრანოლოლის, ვარფარინის, ზოგიერთი ციტოსტატიკის მეტაბოლიზმზე გავლენა. შედეგად შეიძლება გაძლიერდეს მითითებული სამკურნალო საშუალებების ნეიროტოქსიური, მიელოტოქსიური ან კარდიოტოქსიკური მოქმედება.
სიფრთხილით უნდა გამოიყენონ ნარკოტიკულ, საძილე და სედაციურ საშუალებებთან ერთად.
ინტერფერონები შეიძლება გავლენას ახდენდეს ჟანგვით მეტაბოლურ პროცესებზე. ეს უნდა გაითვალისწინონ იმ პრეპარატებთან ერთად გამოყენებისას, რომლებიც მეტაბოლიზდება დაჟანგვის გზით (მათ შორის ქსანტინის წარმოებულები-ამინოფილინი და თეოფილინი). თეოფილინთან ერთად გამოყენებისას აცუილებელია შრატში მისი კონცენტრაციის კონტროლი და აუცილებლობისას დოზირების რეჟიმის კორექცია.

შენახვის პირობები:
ინახება სინათლისგან დაცულ ადგილას, 2 ºС -8 ºС ტემპერატურაზე.
ინახება ბავშვებისთვის მიუწვდომელ ადგილას!

ვარგისიანობის ვადა:
1 წელი. გამოყენება არ შეიძლება შეფუთვაზე მითითებული ვარგისიანობის ვადის გასვლის შემდეგ.

გაცემის პირობები: ფარმაცევტული პროდუქტის ჯგუფი III, გაიცემა რეცეპტის გარეშე

შეფუთვა:
5 სანთელი ბლისტერში. ორი ბლისტერი გამოყენების ინსტრუქციასთან ერთად მუყაოს კოლოფში.

მწარმოებელი:
შპს “რუბიკონი”, რბ 210002, ქ. ვიტებსკი, მ.გორკის ქუჩა 62 ბ
ტელ/ფაქსი: +375 (212( 34-06-29, ელ-ფოსტა: secretar@rubikon.by