Asparkam - ასპარკამი 0.35 გ 50 ტაბლეტი

ასპარკამი
Asparcam

შემადგენლობა:
მოქმედი ნივთიერებები:
1 ტაბლეტი შეიცავს მაგნიუმის ასპარაგინატს – 0,175 გ;
კალიუმის ასპარაგინატს – 0,175 გ;
დამხმარე ნივთიერებები:
სიმინდის სახამებელი, პოლისორბატი-80, კალციუმის სტეარატი, ტალკი.

წამლის ფორმა: ტაბლეტები

ძირითადი ფიზიკო-ქიმიური თვისებები: თეთრი ფერის ტაბლეტები გლუვი ზედაპირით, ბრტყელცილინდრული, ნაჭდევით, სპეციფიური სუნით. ტაბლეტის ზედაპირზე დასაშვებია სიპრიალე.

ფარმაკოთერაპიული ჯგუფი.
მინერალური დანამატები. მაგნიუმის პრეპარატები.
ათქ კოდი: A12C.

ფარმაკოლოგიური თვისებები.
ფამრაკოდინამიკა
კალიუმის და მაგნიუმის იონები, როგორც უჯრედშიდა კათიონები, მონაწილეობენ მთელი რიგი ფემრენტების მუშაობაში, მაკრომოლეკულების სუბცელულარულ ელემენტებთან დაკავშირების პროცესში და კუნთების შეკუმშვის მექანიზმში მოლეკულურ დონეზე. კალიუმის იონების, კალციუმის, ნატრიუმის და მაგნიუმის კონცენტრაციების უჯრედშიდა და გარე თანაფარდობა გავლენას ახდენს მიოკარდიუმის შეკუმშვის უნარზე. ასპარტატი, როგორც ენდოგენური ნივთიერება წარმოადგენს კალიუმის და მაგნიუმის იონების გადამტანს, გააჩნია გამოხატული აფინობა უჯრედებთან, მისი მარილები განიცდიან დისოციაციას მხოლოდ უმნიშვნელოდ. შედეგად იონები აღწევენ უჯრედშიდა სივრცეში კომპლექსური შენაერთების სახით. მაგნიუმის ასპარტატი და ნატრიუმის ასპარტატი აუმჯობესებენ მიოკარდიუმის მეტაბოლიზმს. კალიუმის და მაგნიუმის ორგანიზმში არასაკმარისი რაოდენობა ზრდის არტერიული ჰიპერტენზიის, კორონარული სისხლძარღვების ათეროსკლეროზული დაზიანებების, გულის რითმის დარღვევის, მიოკარდიუმის პათოლოგიების განვითარების რისკს.

ფამრაკოკინეტიკა
არ შესწავლილა.

კლინიკური თვისებები
ჩვენებები:
დამატებითი თერაპია გულის ქრონიკული დაავადებების დროს (გულის უკმარისობისას, პოსტინფარქტულ პერიოდში), გულის რითმის დარღვევისას, უპირველეს ყოვლისა პარკუჭების არითმიების დროს.
დამატებითი თერაპია დიგიტალისის პრეპარატებით მკურნალობისას.
მდგომარეობებისას, რომლებსაც თან ახლავს ჰიპოკალიემია და ჰიპომაგნიემია (მათ შორის სალურეზული საშუალებებით ჭარბი დოზირებისას).

უკუჩვენებები:
- პრეპარატების კომპონენტების მიმართ ჰიპერმგრძნობელობა;
- თირკმლის მწვავე და ქრონიკული უკმარისობა;
- ადისონის დაავადება;
- ჰიპერკალიემია, ჰიპერმაგნიემია;
- II–III ხარისხის ატრიოვენტრიკულური ბლოკადა;
- კარდიოგენური შოკი (აწ

უსაფრთხოების განსაკუთრებული ზომები
პრეპარატის ხანგრძლივი გამოყენებისას აუცილებელია კალიუმის და მაგნიუმის დონის კონტროლი სისხლში, ასევე აუცილებელია ელექტრონული ჰემოსტაზის და ეკგ მონაცემების მაჩვენებლების რეგულარული მონიტორინგი.
ასპარკამი როგორც პრეპარატი, რომელიც შეიცავს კალიუმს და მაგნიუმს, აუცილებელია სიფრთხილით გამოიყენებოდეს პაციენტებში, რომლებსაც აღენიშნებათ მიასთენია გრავისი; ისეთი მდგომარეობებისას, რომელთაც შეუძლიათ გამოიწვიონ ჰიპერკალემია, ისეთების როგორიცაა დეჰიდრატაცია, ქსოვილების გავრცელებული დაზიანება, კერძოდ ძლიერი დამწვრობებისას. პაციენტების მოცემული კატეგორიისთვის რეკომენდებულია სისხლის შრატში ელექტროლიტების კონცენტრაციის რეგუალრული შემოწმება.
დაუშვებელია ასპარკამის დანიშვნა პაციენტებში გასტროდუოდენალური წყლულებით ან ობსტრუქციით.

ურთიერთქმედება სხვა სამკურნალო საშუალებებთან და სხვა სახის ურთიერთქმედება.
პრეპარატის შემადგენლობაში კალიუმის იონების არსებობის გამო ასპარკამის გამოყენებისას კალიუმის დამზოგველ დიურეზულებთან , აგფ-ინჰიბიტორებთან, ბეტა-ადრენობლოკატორებთან, ციკლოსპორინთან იზრდება ჰიპერკალემიის განვითარების რისკი (აუცილებელია სისხლის პლაზმაში კალიუმის დონის კონტროლი) და ძლიერდება ნაწლავის პერისტალტიკაზე დამთრგუნველი გავლენა.
პრეპარატი აჩერებს ტეტრაციკლინის, რკინის მარილების და ნატრიუმის ფტორიდის პერორალური ფორმების შეწოვას (აუცილებელია მიღებებს შორის სამსაათიანი ინტერვალების დაცვა).
აპსარკამი აძლიერებს სამკურნალო საშუალებების ეფექტს, რომლებიც ასტიმულირებს მიოკარდიუმში ტროფიკულ პროცესებს; ხელს უშლის ჰიპოკალემიის განვითარებას, რომელიც განპირობებულია სალურეტიკების, კორტიკოსტეროიდების, საგულე გლიკოზიდების გამოყენებით. ასპარკამი ამცირებს საგულე გლიკოზიდების კარდიოტოქსიკურ მოქმედებას.
ანტიმადეპოლარიზებელ მიორელაქსაციურ საშუალებებთან ერთად გამოყენებისას ძლიერდება ნერვ-კუნთოვანი ბლოკადა, სანარკოზე საშუალებებთან (კეტამინი, ჰექსანალი, ფტოროტანი) – ითრგუნება ცენტრალური ნერვული სისტემა.
ასპარკამს შეუძლია შეამციროს ნეომიცინის, პოლიმიქსინი B-ს, ტეტრაციკლინისა და სტრეპტომიცინის ეფექტურობა.

გამოყენების თავისებურებები.
გამოყენება ორსულობის ან ლაქტაციის პერიოდში
ორსულობის ან ლაქტაციის დროს პრეპარატის უარყოფითი ზეგავლენის შესახებ მონაცემები არ არსებობს. თუმცა, პრეპარატის მიღება შესაძლებელია თუ ექიმის აზრით მოსალოდნელი სარგებელი დედისთვის აჭარბებს ნაყოფის ან ბავშისთვის რისკს.

ზემოქმედება ავტოტრანსპორტის ან სხვა მექანიზმების მართვისას რეაქციების სისწრაფეზე.
ასპარკამი არ მოქმედებს ავტოტრანსპორტის ან სხვა მექანიზმების მართვისას რეაქციების სისწრაფეზე.

გამოყენების წესი და დოზები.
ჩვეულებრივი სადღეღამისო დოზა მოზრდილებში შეადგენს 1-2 ტაბლეტს 3-ჯერ დღეში. დოზის გაზრდა შესაძლებელია 3 ტაბლეტამდე 3-ჯერ დღეში. კუჭის წვენს შეუძლია შეამციროს პრეპარატის ეფექტურობა, ამიტომ რეკომენდებულია ტაბლეტების მიღება ჭამის შემდეგ.
მკურნალობის კურსს განსაზღვრავს ექიმი.

ბავშვები
პრეპარატის ბავშვებში გამოყენების გამოცდილება არ არსებობს.

ჭარბი დოზირება
ამ დროისთვის ჭარბი დოზირების შემთხვევები არ დარეგისტრირებულა. თეორიულად ჭარბი დოზირებისას შეიძლება განვითარდეს ჰიპერკალემიის სიმპტომები (გულისრევა, ღებინება, დიარეა, მუცლის ტკივილი, პირში მეტალის გემო, ბრადიკარდია, სისუსტე, დეზორიენტაცია, კუნთების დამბლა, კიდურების პარესთეზიები) და ჰიპერმაგნიემია (სახის კანის გაწითლება, წყურვილი, არტერიული ჰიპოტენზია, ჰიპორეფლექსია, ნერვ-კუნთოვანი გადაცემის დარღვევა, სუნთქვის დათრგუნვა, არითმია, კრუნჩხვები). ეკგ-ზე რეგისტრირდება თ- კბილის მომატება, P – კბილის შემცირება, Qღშ კომპლექსის გაფართოვება.
მკურნალობა: პრეპარატის მოხსნა, სიმპტომური თერაპია (კალციუმის ქლორიდის ხსნარის ინტრავენურად შეყვანა დოზით 100 მგ/წთ), აუცილებლობის შემთხვევაში – ჰემოდიალიზი.

გვერდითი რეაქციები.
გვერდითი რეაქციები ვითარდება ძალიან იშვიათად:
საჭმლის მომნელებელი ტრაქტის მხრივ: გულისრევა, ღებინება, დიარეა, მუცლის ტკივილი, დისკომფორტის შეგრძნება ან წვა ეპიგასტრიუმის არეში, კუჭ-ნაწლავიდან სისხლდენა, საჭმლის მომნელებელი ტრაქტის ლორწოვანი გარსის წყლული, პირის სიმშრალე;
გულ-სისხლძაღვთა სისტემის მხრივ: მიოკარდიუმის გამტარობის დარღვევა, არტერიული წნევის შემცირება, ავ-ბლოკადა;
ცენტრალური და პერიფერული ნერვული სისტემის მხრივ: შესაძლებელია პარესთეზიები, ჰიპორეფლექსია, კრუნჩხვები;
ალერგიული რეაქციები: ქავილი, სახის კანის გაწითლება, გამონაყარი;
სასუნთქი სისტემის მხრივ: შესაძლებელია სუნთქვის დათრგუნვა (განპირობებული ჰიპერმაგნიემიით);
სხვა: სიცხის შეგრძნება.

ვარგისიანობის ვადა: 3 წელი.

შენახვის პირობები:
ორიგინალ შეფუთვაში არაუმეტეს 25°ჩ ტემპერატურაზე.
ინახება ბავშვებისთვის მიუწვდომელ ადგილას.

შეფუთვა:
50 ტაბლეტი ბლისტერზე; 50 ტაბლეტი ბლისტერზე, 1 ბლისტერი კოლოფში.

გაცემის კატეგორია.
ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:
სსს “გალიჩფარმი”.

მწარმოებლის მისამართი და მისი საქმიანობის განხორციელების მისამართი.
უკრაინა, 79024, ქ. ლვოვი, ოპრიშკოვსკაიას ქ. 6/8.

ბოლო შემოწმების თარიღი. 16.01.2017