წითელი მოცვის ფოთოლ 50გ

პარასამკურნალო საშუალების გამოყენების ინსტრუქცია

წითელი მოცვის ფოთოლი
FOLIA VITIS - IDAEA

წამლის ფორმა: წითელი მოცვის ფოთოლი.

შემადგენლობა: წითელი მოცვის ფოთოლი შეიცავს ფენოლგლიკოზიდებს, მთრიმლავ ნივთიერებებს, ფლავონოიდებს და სხვა ბიოლოგიურად აქტიურ ნივთიერებებს.

ფარმაკოლოგიური ჯგუფი: მცენარეული წარმოშობის შარდმდენი საშუალება.

ფარმაკოლოგიური მოქმედება: წითელი მოცვის ფოთლებს აქვს შარდმდენი, ანტიმიკრობული, ანთების საწინააღმდეგო მოქმედება.

გამოყენება მედიცინაში: გამოიყენება კომბინირებული თერაპიის შემადგენლობაში: პიელონეფრიტის, პროსტატიტის, გონორეის, შეშუპების სინდრომის, ორსულთა ნეფროპათიის, მარილების დაგროვების, ართრიტის, სპონდილოზის, ნაღველ-კენჭოვანი დაავადების და ქოლელითიაზის, პნევმონიის, ბრონქოექტაზიური დაავადების, ბრონქიტის, პაროდონტოზის, სტომატიტის, ტონზილიტის, გინგივიტის, პირის ღრუს წყლულოვანი დაზიანებების, გასტრიტის, ჰეპატიტის მკურნალობის დროს.

მომზადების წესი: 1 სუფრის კოვზს ნედლეულს ათავსებენ ემალირებულ ჭურჭელში, ასხამენ 200მლ (1 ჩაის ჭიქა) ადუღებულ წყალს, ახურავენ თავსახურს და აცხელებენ მდუღარე წყლის აბაზანაში 15 წუთის განმავლობაში. შემდეგ გადმოდგამენ, აციებენ და ფილტრავენ. დარჩენილ მასას წურავენ. მიღებულ ნაყენს უმატებენ ანადუღარ წყალს საწყისი მოცულობის (200მლ) მიღებამდე.

მიღების წესი: მივიღოთ ინჰალაციისას ან გამოსავლებად ხსნარის სახით (1:10). შეშუპების დროს – 15-30მლ 3-4-ჯერ დღეში.

უკუჩვენებები: მომატებული მგრძნობელობა მცენარეული საშუალების მიმართ.

ურთიერთქმედება სხვა სამკურნალო საშუალებებთან: შესაძლებელია გამოყენება სხვა სამკურნალო საშუალებებთან კომპლექსში.

გამოყენება ორსულობის და ლაქტაციის პერიოდში: პრეპარატის გამოყენების წინ საჭიროა კონსულტაციის გავლა ექიმთან.

გავლენა ავტოტრანსპორტის მართვის ან სხვა მექანიზმებთან მუშაობისას: არ ახდენს ზემოქმედებას.

ჭარბი დოზა: არ არის დაფიქსირებული.

გვერდითი მოვლენები: ცალკეულ შემთხვევებში შეიძლება გამოვლინდეს ალერგიული რეაქციები.

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისობის ვადა: 2 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში ნედლეულის გამოყენება დაუშვებელია.

აფთიაქიდან გაცემის წესი: III, გაიცემა რეცეპტის გარეშე.

გამოშვების ფორმა: 50გ მცენარეული ნედლეული მოთავსებულია პოლიეთილენის პარკში და მუყაოს კოლოფში.

მწარმოებელი: შპს ,,ფარკონი”.
საქართველო, 4600,
ქ. ქუთაისი, თამარ მეფის ქ. 51,
ტელ: +995 (431) 214 504
e-mail: farconi.ge@gmail.com