ხეჭრელის ქერქი 50გ

პარასამკურნალო საშუალების გამოყენების ინსტრუქცია

ხეჭრელას ქერქი
CORTEX FRANGULAE

წამლის ფორმა: ხეჭრელას ქერქი.

შემადგენლობა: ხეჭრელას ქერქი შეიცავს ანტრაგლიკოზიდებს, საპონინებს, მთრიმლავ ნივთიერებებს.

ფარმაკოლოგიური ჯგუფი: მცენარეული წარმოშობის საფაღარათო საშუალება.

ფარმაკოლოგიური მოქმედება: ხეჭრელას ქერქის საფაღარათო მოქმედება გამოწვეულია მასში ანტრაგლიკოზიდების შემცველობით, რომლებიც იწვევენ მსხვილი ნაწლავის ლორწოვანი გარსის რეცეპტორების გაღიზიანებას. მიღებიდან 8-12 საათის შემდეგ ვითარდება საფაღარათო ეფექტი.

გამოყენება მედიცინაში: ხეჭრელას ქერქი გამოიყენება ნაწლავის ატონიის, ქრონიკული შეკრულობის დროს.

მომზადების წესი: 20გ ნედლეულს ათავსებენ ემალირებულ ჭურჭელში, ასხამენ 200მლ (1 ჩაის ჭიქა) ადუღებულ წყალს, ახურავენ თავსახურს და აცხელებენ მდუღარე წყლის აბაზანაში 30 წუთის განმავლობაში. შემდეგ გადმოდგამენ, აციებენ 10 წუთის განმავლობაში და ფილტრავენ. დარჩენილ მასას წურავენ. მიღებულ ნაყენს უმატებენ ანადუღარ წყალს საწყისი მოცულობის (200მლ) მიღებამდე.

მიღების წესი: მოზრდილებში მიიღება თბილი ნაყენი 1/2 ჩაის ჭიქა ძილის წინ. მიღების წინ რეკომენდირებულია ნაყენი შევანჯღრიოთ.

უკუჩვენებები: მომატებული მგრძნობელობა მცენარეული საშუალების მიმართ, ენტერიტი, კოლიტი, მეტრორაგია, ორსულობა.

ურთიერთქმედება სხვა სამკურნალო საშუალებებთან: არ არსებობს მონაცემები.

გამოყენება ორსულობის და ლაქტაციის პერიოდში: ორსულობისა და ლაქტაციის პერიოდში ხეჭრელას ქერქის გამოყენება არ შეიძლება.

გავლენა ავტოტრანსპორტის მართვის ან სხვა მექანიზმებთან მუშაობისას: არ ახდენს ზემოქმედებას.

ჭარბი დოზა: დოზის გადაჭარბების დროს ვიტარდება დიარეა, ჩხვლეტითი ხასიათის ტკივილები მუცლის არეში, გულისრევა, ღებინება.
აღნიშნულ შემთხვევებში აუცილებელია სიმპტომური მკურნალობის ჩატარება.

გვერდითი მოვლენები: შეიძლება გამოიწვიოს ტკივილი მუცლის არეში, დისპეფსიური მოვლენები, შარდის ყვითლად შეფერვა, ალერგიული რეაქციები.

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისობის ვადა: 2 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში ნედლეულის გამოყენება დაუშვებელია.

აფთიაქიდან გაცემის წესი: III, გაიცემა რეცეპტის გარეშე.

გამოშვების ფორმა: 50გ მცენარეული ნედლეული მოთავსებულია პოლიეთილენის პარკში და მუყაოს კოლოფში.

მწარმოებელი: შპს ,,ფარკონი”.
საქართველო, 4600,
ქ. ქუთაისი, თამარ მეფის ქ. 51,
ტელ: +995 (431) 214 504
e-mail: farconi.ge@gmail.com