Spasmolisin - სპაზმოლიზინი 40მგ სუპოზიტორია 10 ცალი

საერთაშორისო არაპატენტირებული დასახელება: დროტავერინის ჰიდროქლორიდი

სამკურნალწამლო ფორმის შემადგენლობა:
დროტავერინის ჰიდროქლორიდი – 40მგ, სანთლის ფუძე: ნახევრადსინთეზური გლიცრიდები.

გამოშვების ფორმა:
მოყვითალო ელფერის ან ღია-მოყვითალო ფერის, ცილინდრულ-კონუსური ფორმის რექტალური სანთლები. დასაშვებია სანთლების პრიალა ან არაპრიალა ზედაპირი. განაკვეთზე დასაშვებია ბუშტუკოვანი ან ფორისებური ღრუს, ან ძაბრისებრი ჩაღრმავების არსებობა.

ფარმაკოლოგიური ჯგუფი
ნაწლავთა ფუნქციის დარღვევის სამკურნალო პრეპარატები. პაპავერინი და მისი წარმოებულები.
ათქ კოდი: G03A D02.

ფარმაკოლოგიური თვისებები
ფარმაკოდინამიკა
დროტავერინი – სპაზმოლიზური საშუალება, იზოქინოლინის წარმოებული, მოქმედებს უშუალოდ გლუვ კუნთებზე, ფოსფოდიესთერაზას ინჰიბირების და ცამფ-ის უჯრედშიდა დაგროვების გზით, რაც იწვევს მიოზინის კინაზის მსუბუქი ჯაჭვის ინაქტივაციის ხარჯზე გლუვი კუნთების მოდუნებას. დროტავერინის სპაზმოლიზური მოქმედება არ არის დამოკიდებული ვეგეტაციური ინერვაციის ხასიათზე, პრეპარატი აქტიურია გასტროინტესტინალური, ბილიარული, უროგენიტალური და გულ-სისხლძარღვთA სისტემის გლუვ კუნთებთან მიმართებაში. სპაზმოლიზური მოქმედების გამოხატულებით და ხანგრძლივობით აჭარბებს პაპავერინს.
დროტავერინი სწრაფად აბსორბირდება საჭმლის მომნელებელი ტრაქტიტან.
შრატში მაქსიმალური კონცენტრაცია მიიღწევა პერორალური მიღებიდან 45-60 წუთის შემდეგ. ნახევარგამოყოფის პერიოდი შეადგენს 16-22 საათს. 72 საათში პრაქტიკულად მთლიანად გამოიყოფა ორგანიზმიდან, დაახლოებით 50% - შარდით, 30% განავლით. ძირითადად მეტაბოლიტების სახით. შარდში შეუცვლელი სახითYAაღმოჩენილი არ არის. დროტავერინი ან/და მისი მეტაბოლიტები პრაქტიკულად არ აღწევს პლაცენტურ ბარიერში.

ჩვენება
სანღვლე გზების დაავადებებით – ქოლელითიაზით, ქოლანგიოლითიაზით, ქოლეცისტიტით, პერიქოლეცისტიტით, ქოლანგიტით, პაპილიტით გამოწვეული გლუვი კუნთების სპაზმები; საშარდე გზების სპაზმები ნეფროლითიაზის, ურეთროლითიაზის, პიელიტის, ცისტიტის, შარდის ბუშტის ტენეზმების დროს. პრეპარატის გამოყენება დამხმარე საშუალების სახით შეიძლება საჭმლის მომნელებელი ტრაქტის გლუვი კუნთების სპაზმების თერაპიისას - კუჭის ან/და თორმეტგოჯა ნაწლავის პეპტიური წყლული, გასტროდუოდენიტი, ენტერიტი, სპასტიკური კოლიტი, კარდიული და პილორუსის სპაზმი, გაღიზიანებული მსხვილი ნაწლავის სინდრომი, სპასტიკური ყაბზობა, მეტეორიზმი, პანკრეატიტი, გინეკოლოგიური დაავადებები – დისმენორეა, ადნექსიტი, ძლიერი სამშობიარო მოქმედება, საშვილოსნოს ტეტანია, მოსალოდნელი აბორტი; სისხლძარღვოვანი გენეზის თავის ტკივილი.

უკუჩვენება
ჰიპერმგრძნობელობა პრეპარატის კომპონენტებზე.

უსაფრთხოების ზომები
საჭიროა სიფრთხილის დაცვა კორონარული სისხლძაღვების გამოხატული ათეროსკლეროზის მქონე ავადმყოფებში დანიშნვისას.
კუჭისა და თორმეტგოჯა ნაჭლავის წყლულოვანი დაავადების მკურნალობისას პრეპარატი გამოიყენება ქოლინოლიზურებთან ერთად.

ურთიერთქმედება სხვა სამკურნალ;ო საშუალებებთან
საჭიროა სიფრთხილის დაცვა სპაზმოლიზინის და ლევოდოპას ერთდროული გამოყენებისას., რადგანაც მცირდება ამ უკანასკნელის ანტიპარკინსონული ეფექტი და შეიმჩნევა ტრემორის და რიგიდობის გაძლიერება.

ორსულობა და ლაქტაცია
ორსუყლობის და ლაქტაციის დროს საჭიროა სიფრთხილის დაცვა.

გავლენა ტრანსპორტის და მექანიზმების მართვაზე
ყურადღების მომატებული კონცენტრაციის და სწრაფი ფსიქომოტორული რეაქციების მომთხოვნი, პოტენციურად საშიში ქმედების შესრულების საკითხი უნდა გადაწყდეს მხოლოდ პაციენტის პრეპარატზე ინდივიდუალური რეაქციის შეფასების შემდეგ.

გამოყენების მეთოდი და დოზირება
რექტალურად, ერთი სანთელი დღეში 2-3-ჯერ

ჭარბი დოზირება
ჭარბი დოზირების შემთხვევები გამოვლენილი არ არის.

გვერდითი ეფექტები
შესაძლებელია: თავბრუსხვევა, გულისცემის შეგრძნება, სიცხის შეგრძნება, ოფლის გამოყოფის გაძლიერება, ალერგიული რეაქციები.

შენახვის პირობები
ინახება მშრალ, სინათლისაგან დაცულ, ბავშვებისათვის მიუწვდომელ ადგილას 15-25°ჩ ტემპერატურაზე.

ვარგისიანობის ვადა
3 წელი. არ გამოიყენება ვარგისიანობის ვადის ამოწურვის შემდეგ.

შეფუთვა
40მგ დროტავერინის ჰიდროქლორიდის შემცველი რექტალური სანთლები, 5 სანთელი პვქ/პე-ის აპკის კონტურულ-უჯრედულ შეფუთვაში. 2 კონტურულ-უჯრედული შეფუთვა #5, გამოყენების ინსტრუქციასთან ერთად მოთავსებულია მუყაოს კოლოფში.

გაცემის რეჟიმი
ურეცეპტოდ

მწარმოებელი
FAღMAPღIM შღL
მდ 2028, მოლდოვის რესპუბლიკა, ქ. კიშინეუ, გ. ტუდორის ქ. 3