Glucosa-Seem - გლუკოზა-სეემი 5% 500მლ

გამოყენების ინსტრუქცია
გლუკოზა – სეემი
პრეპარატის სავაჭრო დასახელება: გლუკოზა – სეემი
აქტიური ნივთიერება (სად): დექსტროზა
პრეპარატის ფორმა: საინფუზიო ხსნარი

შემადგენლობა:
ხსნარის 1000მლ შეიცავს:
აქტიური ნივთიერება: გლუკოზა მშრალ გლუკოზაზე გადათვლით – 50გ.
დამხმარე ნივთიერებები: საინექციო წყალი – 1ლ-მდე.

აღწერილობა: გამჭვირვალე, უფერო ან ოდნავ მოყვითალო ფერის, უსუნო და მოტკბო გემოს მქონე ხსნარი.

ფარმაკოთერაპიული ჯგუფი: ნახშირწყლოვანი კვების საშუალება.
ათქ კოდი: B05CX01

ფარმაკოლოგიური თვისებები
გლუკოზა ორგანიზმში აძლიერებს მჟავა-აღდგენით პროცესებს, აუმჯობესებს ღვიძლის ანტიტოქსიკურ ფუნქციას, ფარავს ორგანიზმიდან გახარჯული ენერგიის ნაწილს, რადგან წარმოადგენს ადვილად ათვისებადი ნახშირწყლების წყაროს.
გლუკოზის 5%-იანი ხსნარი არის იზოტონური. გლუკოზის მეტაბოლიზმის დროს ქსოვილებში გამოიყოფა ენერგიის მნიშვნელოვანი რაოდენობა, რაც აუცილებელია ორგანიზმის სასიცოცხლო ფუნქციონირებისათვის.
ხსნარი სწრაფად გამოიდევნება სისხლძრღვებიდან და მხოლოდ დროებით ზრდის სითხის მოცულობას, რომელიც ცირკულირებს სისხლძარღვებში, გააჩნია დეზინტოქსიკაციური მოქმედება.

ფარმაკოკინეტიკა
ორგანიზმი ითვისებს მთლიანად, არ გამოიყოფა თირკმელების საშუალებით (მისი შარდში გამოვლინება ითვლება პათოლოგიის ნიშნად).

მიღების ჩვენებები
ჰოპოგლიკემია, ინფექციური დაავადებები, ღვიძლის დაავადებები (ჰეპატიტი, დისტროფია და ღვიძლის ატროფია), გულის ფუნქციის დეკომპენსაცია, ფილტვების შეშუპება, ტოქსიკური ინფექციები, სხვადასხვა სახის ინტოქსიკაციები (ნარკოტიკებით, ციანმჟავით ან მისი მარილებით, ნახშირბადის ოქსიდით, ანილინით, დარიშხანის წყალბადით, ფოსგენის და სხვა ნივთიერებებით მოწამვლა), ჰემორაგიული დიათეზი. გლუკოზის იზოტონური ხსნარი (5%) გამოიყენება სითხის მოცულობის შესავსებად უჯრედოვანი და ზოგადი დეჰიდრატაციის დროს.

გამოყენების წესი და დოზირება
გლუკოზის იზოტონური ხსნარი (5%) შეჰყავთ კანქვეშ 300-500მლ, ვენაში (წვეთობით) მაქსიმალური სიჩქარით 7.5მლ-მდე (150წვ/წთ (400მლ/სთ), რექტალურად, ოყნით შეიყვანება ხსნარის 300-2000მლ დღეღამეში; ინტრავენურად - 10-50მლ.
ნივთიერებათა ცვლის ნორმალური მდგომარეობის მქონე მოზრდილებში შეყვანილი დექსტროზის დღეღამური დოზა არ უნდა აღემატებოდეს 4-6გ/კგ/დღეში. რაც წარმოადგენს დაახლოებით 250-450გ/დღეში (ნივთიერებათა ცვლის შემცირების შემთხვევაში დღეღამურ დოზას ამცირებენ 200-300გ-მდე), რა დროსაც შესაყვანი სითხის მოცულობა შეადგენს 30-40მლ/კგ/დღეში.
ბავშვებში ზონდით კვების შემთხვევაში, ცხიმებთან და ამინომჟავებთან ერთად, პირველ დღეს შეჰყავთ 6გ დექსტროზა/კგ/დღეში, შემდგომ – 15გ/კგ–მდე დღეღამეში. დექსტროზის დოზის გამოთვლის შემთხვევაში, გლუკოზის 5%-იანი იზოტონური ხსნარის შეყვანისას უნდა იქნას გათვალისწინებული შესაყვანი სითხის დასაშვები მოცულობა: ბავშვებში სხეულის მასით 2-10კგ - 100 165მლ/კგ/დღეში, ბავშვებში სხეულის მასით 10-40კგ 45-100 მლ/კგ/დღში.
შეყვანის სიჩქარე: ნივთიერებათა ცვლის ნორმალური მდგომარეობის დროს შეყვანის მაქსიმალური სიჩქარეა 0.25-0.5 გ/კგ/სთ (ნივთიერებათა ცვლის ინტენსიური დაწევის შემთხვევაში დღეღამურ დოზას ამცირებენ 0.125-0.25გ/კგ-მდე საათში). ბავშვებში ხსნარის შეყვანა არ უნდა აჭარბებდეს 0.5 გ/კგ/სთ; რაც 5%-იანი ხსნარისთვის შეადგენს 10მლ/წთ - 200 წვეთი/წთ (20 წვეთი = 1მლ).
ორგანიზმის მკვეთრი გაუწყლოების შემთხვევაში შესაძლებელია 3-5 ლ დექტროზის იზოტონური ხსნარის შეყვანა.

გვერდითი მოვლენები
იონური ბალანსის მოშლა, იშვიათ შემთხვევაში – ჰიპერგლიკემია, ცხელება, ჰიპერვოლემია, მარცხენა პარკუჭის მწვავე უკმარისობა. შეყვანის ადგილის ინფიცირება, თრომბოფლებიტი.

უკუჩვენებები
ჰიპერგლიკემია, შაქრიანი დიაბეტი, ჰიპერჰიდრატაცია, ოპერაციის შემდგომ გლიუკოზის უტილიზაციის მოშლა, ჰიპეროსმოლარული კომა, ჰიპერლაქტაციდემია.
სიფრთხილით გულის მძიმე უკმარისობის, ფილტვების შეშუპების, ოლიგურიის, ანურიის, ჰიპონატრიემიის დროს.

სხვა პრეპარატებთან ურთიერთქმედება
პრეპარატი არ შეიძლება ოყოს გამხსნელი იმ პრეპარატებისთვის, რომლებიც იშლებიან მჟავე გარემოში.
სხვა პრეპარატებთან კომბინაციის შემთხვევაში აუცილებელია ვიზუალურად შემოწმდეს თავსებადობა.

განსაკუთრებული გაფრთხილებები
დექსტროზის სრული შეწოვისათვის, დიდი დოზებით შეყვანის შემთხვევაში, მასთან ერთად ნიშნავენ ინსულინს შემდეგი გამოთვლით: 1 ერთეული ინსულინი 4-5 გ დექსტროზაზე.
ხანგრძლივად პრეპარატის ინტრავენური გამოყენებისას აუცილებელია სისხლში შაქრის დონის კონტროლი.
პრეპარატი ინახება ბავშვებისათვის მიუწვდომელ ადგილას და არ გამოიყენება ვადის გასვლის შემდეგ.

დოზის გადაჭარბება
შესაძლოა ჰიპერგლიკემის და ჰიპერჰიდრატაციის განვითარება. ამ დროს პაციენტებს აღენიშნებათ კანის და ლორწოვანი გარსის სიმშრალე, თვალის კაკლის დაძაბვის შემცირება, ხშირი ზედაპირული სუნთქვა აცეტონის სუნის გარეშე, გულის აჩქარება, არითმია, შესაძლო გონების დაკარგვა, სხეულის ტემპერატურის მომატება. პრეპარატის ჭარბი დოზირების შემთხვევაში ინიშნება სიმპტომური მკურნალობა და ჩვეულებრივი ინსულინის შეყვანა დოზით 0.1 ერთ/კგ, კუნთში ან ინტრავენურად.

გამოშვების ფორმა
5%-იანი საინექციო ხსნარი 100მლ, 250მლ, 500მლ ფლაკონებში.

შენახვის პირობები
ინახება მშრალ, სინათლისაგან დაცულ ადგილას, არაუმეტეს 25ჩ ტემპერატურის პიობებში.

ვარგისობის ვადა
2 წელი.

აფთიაქიდან გაცემის პირობები
ფარმაცევტული პროდუქტის ჯგუფი II, გაიცემა ფორმა N3 რეცეპტით.