Aqualor Throat - აქვალორი ყელის ალოე და გვირილა 150მლ

აღწერა

საირიგაციო და ყელის სავლები საშუალებაა ბავშვებისა და მოზრდილებისათვის.

აქვალორი ყელისალოე ვერა და რომაული გვირილით 150მლ - აეროზოლია ლითონის ბალონში, რომელიც აღჭურვილია ანატომიური გამფრქვევი მოწყობილობით. ჭურჭლის შიგთავსი  წარმოადგენს გამჭვირვალე, უფერო სითხეს გვირილის სუნით, მარილის გემოთი. იგი შეიცავს ზღვის წყლის სტერილურ ხსნარს (100 მლ შეიცავს 70-77 მლ ნატურალურ ზღვის წყალს), NaCl ჰიპერტონული კონცენტრაციით და ალოე ვერას (0,025% ხსნარი) და რომაული გვირილის (0,025% ხსნარი) ექსტრაქტებს.

ჰიპერტონული ზღვის წყლის ხსნარი ოსმოსური წნევის სხვაობის შედეგად, უჯრედშორისი სივრციდან ჭარბი სითხის მოცილების გზით, ამცირებს პირის ღრუსა და ხახის ლორწოვანი გარსის შეშუპებას.

ალოე ვერას და რომაული გვირილის ექსტრაქტებს  ანთების საწინააღმდეგო, ანტისეპტიკური და აღმდგენი ეფექტი გააჩნია.

არ შეიცავს კონსერვანტებს. არ არის სამკურნალო პროდუქტი.

განკუთვნილია 6 თვიდან ბავშვებისთვის და მოზრდილებისთვის.

ტექნიკური სპეციფიკაცია

ტექნიკური და ფუნქციური მახასიათებლები

სამედიცინო მოწყობილობის დანიშნულება

საირიგაციო და ყელის სავლები საშუალება ბავშვებისა და მოზრდილებისათვის -  აქვალორი ყელის მინი ალოე ვერა და რომაული გვირილით და აქვალორი ყელის ალოე ვერა და რომაული გვირილით, გამოიყენება პირის ღრუს და ყელის მწვავე და ქრონიკული ანთებითი დაავადებების (ინფექციური, ალერგიული, ატროფიული) პროფილაქტიკისა და კომპლექსური მკურნალობისთვის, პირის ღრუსა და ყელის ქირურგიული ჩარევის შემდეგი მდგომარეობებისას.

პროდუქტი ასევე გამოიყენება ყელის დასატენიანებლად და პირის ღრუს და ყელის ლორწოვანი გარსის ზედაპირიდან პათოლოგიური ნადების მოსაცილებლად; სასარგებლო გავლენა გააჩნია  პირის ღრუსა და ყელის ლორწოვან გარსზე, ხელს უწყობს პირის ღრუსა და ყელის დისკომფორტის და სიმშრალის შემცირებას.

პროდუქტის  პირის ღრუსა და ყელში გამოვლების შემდეგ, იზრდება პირის ღრუსა და ყელის ლორწოვან გარსზე დატანილი წამლების თერაპიული ეფექტურობა, მცირდება რესპირატორული დაავადებების ხანგრძლივობა.

გამოყენების პირობები

ინდივიდუალური გამოყენებისთვის და გამოიყენება სამედიცინო დაწესებულებებში.

გამოყენების ჩვენებები

*პირის ღრუს და ყელის მწვავე და ქრონიკული ანთებითი დაავადებების პროფილაქტიკა და კომპლექსური მკურნალობა (ინფექციური, ალერგიული, ატროფიული):

- მწვავე და ქრონიკული ფარინგიტი;

- მწვავე ტონზილიტი (ანგინა);

- ქრონიკული ტონზილიტი;

- ლარინგიტი;

- სტომატიტი;

- გინგივიტი;

- პაროდონტიტი.

* რესპირატორული ინფექციების (გრიპი, SARS და სხვ.) პროფილაქტიკა და კომპლექსური მკურნალობა;

* პირის ღრუსა და ყელის ქირურგიული ჩარევის შემდგომი მდგომარეობა.

უკუჩვენებები

• ინდივიდუალური აუტანლობა ბალონის შიგთავსის კომპონენტების მიმართ.

სპეციალური მითითებები

• ორსულობა და ლაქტაცია არ არის უკუჩვენება.

• გადაყლაპვა უსაფრთხოა!

გამოყენების  წესი

-  გამფრქვევი მოათავსეთ ბალონზე;

- გამფრქვევი მიმართეთ ანთებით ადგილას, გააფრქვიეთ და ჩაატარეთ გამორეცხვითი პროცედურა რამდენიმე წამის განმავლობაში;

- გამორეცხვის პროცედურის დასრულების შემდეგ, სასურველია 30-40 წუთის განმავლობაში ჭამისგან თავის შეკავება;

-  პროცედურა გაიმეორეთ დღეში მინიმუმ 4-ჯერ.

სანიტარული ინსტრუქციები

სამედიცინო მოწყობილობის გამოყენებამდე გამფრქვევი დაამუშავეთ მდუღარე წყლით ან ეთილის სპირტის ხსნარით.

შეფუთვა და ეტიკეტირება

ლითონის ბალონი, ყელის გამფრქვევით, მოთავსებულია მუყაოს კოლოფში სამედიცინო მოწყობილობის გამოყენების ინსტრუქციასთან ერთად.

ბალონზე მითითებულია

- მწარმოებლის სახელი და მისამართი, ქვეყანა;

- პროდუქტის დასახელება რუსულ და ინგლისურ ენებზე;

- პროდუქტის დანიშნულება;

- გამოყენების წესი;

- განსაკუთრებული მითითებები;

- შენახვის პირობები;

- სტერილობის აღნიშვნა;

- სერია;

- ვარგისობის ვადა;

- აფთიაქებიდან გაცემის პირობები;

- რეგისტრაციის მოწმობის ნომერი

კოლოფზე მითითებულია

- მწარმოებლის დასახელება და მისამართი, ქვეყანა;

- პროდუქტის დასახელება რუსულ და ინგლისურ ენებზე;

- პროდუქტის დანიშნულება;

- გამოყენების წესი;

- განსაკუთრებული მითითებები;

- შენახვის პირობები;

- სტერილობის აღნიშვნა;

- სერია;

- წარმოების თარიღი;

- ვარგისობის ვადა;

- აფთიაქებიდან გაცემის პირობები;

- რეგისტრაციის მოწმობის ნომერი;

- საჩივრების მიღების მისამართი

შენახვის, ტრანსპორტირების წესი

ვარგისიანობის ვადა - 3 წელი. გამოიყენეთ შეფუთვაზე მითითებულ თარიღამდე.

ინახება მშრალ და მზის პირდაპირი სხივებისგან დაცულ ადგილას 5⁰C-25⁰C ტემპერატურაზე. მოარიდეთ ბავშვებს.

საირიგაციო და ყელის სავლები საშუალება ბავშვებისა და მოზრდილებისათვის აქვალორი ყელის მინი ალოე ვერა და რომაული გვირილით და აქვალორი ყელის ალოე ვერა და რომაული გვირილით ტრანსპორტირება შესაძლებელია ყველა სახის ტრანსპორტით დახურული მანქანებით, მოქმედი წესების შესაბამისად. ამ ტიპის ტრანსპორტირება ხდება 1⁰C-40⁰C ტემპერატურაზე.