CORSIZ - კორსიზი 100 ტაბლეტი

 კორსიზი

 (CORSIZ)

ზოგადი დახასიათება:

საერთაშორისო არაპატენტირებული დასახელება: ალფა-ბრომიზოვალერიანმჟავას ეთილის ეთერი, ფენობარბიტალი, პიტნის ზეთი;

ძირითადი ფიზიკურ-ქიმიური თვისებები:

თეთრი ან თითქმის თეთრი ფერის, ჩანართებიანი, მრგვალი ფორმის, ბრტყელი ზედაპირის მქონე შემოუგარსავი ტაბლეტები ნაზოლით, სპეციფიკური სუნით.
შემადგენლობა:

1 შემოუგარსავი ტაბლეტი შეიცავს:

ალფა-ბრომიზოვალერიანმჟავას ეთილის ეთერს _ 8.2 მგ, ფენობარბიტალს _ 7.5 მგ, პიტნის ზეთს _ 0.58 მგ.

დამხმარე ნივთიერებები: ბეტა-ციკლოდექსტრინი, კარტოფილის სახამებელი, ლაქტოზას მონოჰიდრატი, მიკროკრისტალური ცელულოზა, მაგნიუმის სტეარატი.

გამოშვების ფორმა:

შემოუგარსავი ტაბლეტები.

ფარმაკოლოგიური ჯგუფი:

საძილე და სედაციური საშუალება. 

ფარმაკოლოგიური თვისებები:

კორსიზი წარმოადგენს სედაციურ, სისხლძარღვთა გამაფართოებელ, სპაზმოლიზურ საშუალებას, რომელიც ხელს უწყობს ცენტრალური ნერვული სისტემის აგზნებადობის შემცირებას. პრეპარატს გააჩნია დამამშვიდებელი მოქმედება, იგი აადვილებს ბუნებრივი ჩაძინების პროცესს. ტაბლეტის შემადგენლობაში შემავალი ალფა-ბრომიზოვალერიანმჟავას ეთილის ეთერს გააჩნია ვალერიანის ექსტრაქტის მოქმედების მსგავსი სედაციური და სპაზმოლიზური მოქმედება, ჭარბ დოზებში ამჟღავნებს მსუბუქ საძილე ეფექტსაც.

ფენობარბიტალს გააჩნია სედაციური და ზომიერი სპაზმოლიზური მოქმედება.

პიტნის ზეთი რეფლექტორულად აფართოებს სისხლძარღვებს და ავლენს სპაზმოლიზურ მოქმედებას.

ჩვენება:

·   ნევროზი, აგზნებადობა;

·    უძილობა, ჩაძინების გაძნელება;

·    ჰიპერტონული დაავადება და ვეგეტო-სისხლძარღვოვანი დისტონია (კომპლექსური თერაპიის შემადგენლობაში);

·    არამკვეთრად გამოხატული კორონაროსპაზმი, ტაქიკარდია;

·    ნეიროვეგეტატიური აშლილობით გამოწვეული კუჭ-ნაწლავის ტრაქტის ორგანოების  სპაზმი (როგორც სპაზმოლიზური პრეპარატი).

მიღების წესი და დოზირება:

დოზირების და მკურნალობის რეჟიმის ხანგრძლივობის დადგენა ხდება მკურნალი ექიმის მიერ, თითოეული პაციენტისათვის ინდივიდუალურად.

მოზრდილებში, როგორც წესი, ინიშნება 1-2 ტაბლეტი 2-3-ჯერ დღეში ჭამის წინ. ტაქიკარდიისა და კორონაროსპაზმის დროს ერთჯერადი დოზა შეიძლება გაიზარდოს 3 ტაბლეტამდე.

გვერდითი მოვლენები:

კორსიზი ხასიათდება კარგი ამტანობით. ცალკეულ შემთხვევებში შეიძლება აღინიშნოს შემდეგი გვერდითი მოვლენები:

საჭმლის მომნელებელი სისტემის მხრივ: ყაბზობა, სიმძიმის შეგრძნება ეპიგასტრიუმის არეში, ხანგრძლივი გამოყენებისას – ღვიძლის ფუნქციის დარღვევა, გულისრევა, ღებინება;

ნერვული სისტემის მხრივ: სისუსტე, ატაქსია, მოძრაობის კოორდინაციის დარღვევა, ნისტაგმი, ჰალუცინაციები, პარადოქსული აგზნება, ყურადღების კონცენტრაციის დაქვეითება, დაღლილობა, რეაქციების შეფერხება, თავის ტკივილი, კოგნიტიური დარღვევები, ძილიანობა, მსუბუქი თავბრუ;

სისხლმბადი ორგანოების მხრივ: ანემია, თრომბოციტოპენია, აგრანულოციტოზი;

გულ-სისხლძარღვთა სისტემის მხრივ: არტერიული ჰიპოტენზია, ბრადიკარდია;

იმუნური სისტემის მხრივ: ჰიპერმგრძნობელობის რეაქციები, ანგიონევროზული შეშუპების ჩათვლით, ალერგიული რეაქციები (გამონაყარი კანზე, ქავილი, ჭინჭრის ციება);

კანისა და ლორწოვანი გარსის მხრივ: სტივენს-ჯონსონის სინდრომი, ტოქსიკური ეპიდერმული ნეკროლიზი;

საყრდენ-მამოძრავებელი სისტემის მხრივ: ფენობარბიტალის შემცველი საშუალებების ხანგრძლივი გამოყენებისას არსებობს ოსტეოგენეზის დარღვევის რისკი;

ბრომის შემცველი საშუალებების ხანგრძლივმა გამოყენებამ შესაძლოა გამოიწვიოს ბრომით ინტოქსიკაცია, რასაც ახასიათებს: ცენტრალური ნერვული სისტემის დათრგუნვა, დეპრესია, ცნობიერების დარღვევა, ატაქსია, აპათია, კონიუნქტივიტი, რინიტი, ცრემლდენა, აკნე ან პურპურა.

გვერდითი მოვლენები შექცევადია და დოზის შემცირებასთან ან მკურნალობის შეწყვეტასთან ერთად ადვილად გაივლის.

იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:

მომატებული მგრძნობელობა პრეპარატის რომელიმე კომპონენტის მიმართ; ღვიძლისა და/ან თირკმლის ფუნქციის მძიმე დარღვევა; ღვიძლის პორფირია; გულის მძიმე უკმარისობა.  

ურთიერთქმედება სამკურნალო საშუალებებთან და სხვა სახის ურთიერთქმედება:

კორსიზის და ცენტრალური ნერვული სისტემის დამთრგუნველი სხვა სამკურნალო საშუალებების ერთდროულმა მიღებამ შესაძლებელია გამოიწვიოს ურთიერთის მოქმედების გაძლიერება.

კორსიზის მოქმედება ძლიერდება ვალპროის მჟავას პრეპარატების და ალკოჰოლის მიღების ფონზე.

ფენობარბიტალი აინდუცირებს ღვიძლის ფერმენტებს და, შესაბამისად, შესაძლოა დააჩქაროს იმ სამკურნალო საშუალების მეტაბოლიზმი, რომლებიც მეტაბოლიზდება ღვიძლში (არაპირდაპირი ანტიკოაგულანტები, საგულე გლიკოზიდები, ანტიმიკრობული, ანტივირუსული, სოკოს საწინააღმდეგო, ანტიეპილეფსიური, კრუნჩხვის საწინააღმდეგო, ფსიქოტროპული პრეპარატები, შაქრის დამწევი პერორალური პრეპარატები, ჰორმონული, იმუნოსუპრესიული, ციტოსტატიკური, ანტიარითმიული, ანტიჰიპერტენზიული სამკურნალო საშუალებები და სხვა).

ფენობარბიტალი აძლიერებს ანალგეზიური და ადგილობრივი საანესთეზიო საშუალებების მოქმედებას.

მაო-ს ინჰიბიტორები იწვევს ფენობარბიტალის ეფექტის პროლონგირებას.

რიფამპიცინმა შესაძლოა დააქვეითოს ფენობარბიტალის ეფექტი.

ფენობარბიტალის და ოქროს პრეპარატების ერთდროული გამოყენება ზრდის თირკმლების დაზიანების რისკს.

ფენობარბიტალის და ზიდოვუდინის ერთდროული გამოყენება ზრდის ორივე პრეპარატის  ტოქსიკურობას.

კორსიზი ზრდის მეტოტრექსატის ტოქსიკურობას.

ჭარბი დოზირება:

დოზის გადაჭარბება შესაძლებელია ხშირი ან ხანგრძლივი გამოყენებისას, რაც დაკავშირებულია მისი შემადგენელი კომპონენტების კუმულაციასთან. ხანგრძლივმა და მუდმივმა გამოყენებამ შესაძლოა გამოიწვიოს მედიკამენტოზური დამოკიდებულება, აბსტინენტური სინდრომი, ფსიქომოტორული აგზნება.

სიმპტომები: სუნთქვის დათრგუნვა; ცენტრალური ნერვული სისტემის დათრგუნვა; გულ-სისხლძარღვთა მოქმედების  დათრგუნვა, რითმის დარღვევის ჩათვლით, არტერიული წნევის დაქვეითება; გულისრევა, სისუსტე, ტემპერატურის დაქვეითება, დიურეზის შემცირება.

მკურნალობა: სიმპტომური თერაპია.

ორსულობა და ლაქტაცია:

ორსულობისა და ძუძუთი კვების პერიოდში პრეპარატის გამოყენება დაუშვებელია.

განსაკუთრებული მითითებები:

პრეპარატის გამოყენებისას აკრძალულია ალკოჰოლის მიღება.

სამკურნალო საშუალების შემადგენლობაში შემავალმა ფენობარბიტალმა შესაძლებელია გამოიწვიოს სტივენს-ჯონსონის და ლაიელის სინდრომის განვითარების რისკი, რაც მოსალოდნელია მკურნალობის პირველ კვირებში.

იმ შემთხვევაში, თუ პრეპარატის მიღების შემდეგ არ შეწყდება ტკივილი გულის არეში, საჭიროა ექიმის კონსულტაცია მწვავე კორონარული სინდრომის გამოსარიცხად.

პრეპარატი სიფრთხილით გამოიყენება არტერიული ჰიპოტენზიის, ჰიპერკინეზების, ჰიპერთირეოზის, თირკმელზედა ჯირკვლის ჰიპოფუნქციის, მწვავე და მუდმივი ტკივილის, სამკურნალო საშუალებებით მწვავე ინტოქსიკაციის დროს.

მონაცემები კორსიზის ბავშვებში გამოყენების შესახებ არ არსებობს, ამიტომ პრეპარატი არ გამოიყენება პედიატრიულ პრაქტიკაში.

პრეპარატი შეიცავს ლაქტოზას, ამიტომ ლაქტოზა-გალაქტოზას მიმართ მემკვიდრეობითი აუტანლობის მქონე პაციენტებში კორსიზის გამოყენება რეკომენდებული არ არის.

პრეპარატის ზემოქმედება ავტოტრანსპორტისა და მექანიზმების მართვის უნარზე:

პრეპარატის გამოყენებისას საჭიროა თავის არიდება იმ ქმედებებისაგან, რომლებიც მოითხოვს ყურადღებასა და სწრაფ ფსიქომოტორულ რეაქციებს.

შეფუთვა:

10 ტაბლეტი ბლისტერში, 10 ბლისტერი მუყაოს კოლოფში.

შენახვის პირობები:

ინახება არა უმეტეს 25ºC ტემპერატურაზე სინათლისაგან დაცულ და ბავშვებისათვის მიუწვდომელ ადგილას.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:

შპს “ავერსი-რაციონალი” (საქართველო).

მისამართი:
 
საქართველო 0198, თბილისი,

ჭირნახულის ქ. 14.