Arixtra - არიქსტრა 2.5მგ/0.5მლ 10 შპრიცი

გამოყენების ინსტრუქცია

არიქსტრა 2.5 მგ/0.5 მლ საინექციო ხსნარი

განკუთვნილია კანქვეშა ან ინტრავენური ინექციისათვის
სტერილური

აქტიური ნივთიერება: თითოეული 0.5 მლ ხსნარი შეიცავს 2.5 მგ ნატრიუმის ფონდაპარინუქსს.
დამხმარე ნივთიერებები: ნატრიუმის ქლორიდი, საინექციო წყალი და ჰიდროქლორმჟავა ან ნატრიუმის ჰიდროქსიდი

პრეპარატის მიღებამდე საჭიროა გამოყენების ინსტრუქციის ყურადღებით წაკითხვა, რადგან შეიცავს პაციენტისთვის მნიშვნელოვან ინფორმაციას.
• საჭიროა ინსტრუქციის შენახვა. შესაძლოა, წარმოიშვას მისი ხელახალი გაცნობის აუცილებლობა.
• დამატებითი კითხვების არსებობისას საჭიროა მკურნალ ექიმთან ან ფარმაცევტთან მიმართვა.
• მედიკამენტი განკუთვნილია მხოლოდ პაციენტისათვის. არ შეიძლება მისი სხვა პირებისათვის მიცემა.
• მედიკამენტის მკურნალობის განმავლობაში, ექიმთან ან ჰოსპიტალში მიმართვისას, ექიმს უნდა ეცნობოს, რომ პაციენტი იღებს ამ მედიკამენტს.
• საჭიროა ინსტრუქციაში მოცემული მითითებების ზუსტად დაცვა. დაუშვებელია მედიკამენტის რეკომენდებულზე უფრო მაღალი ან დაბალი დოზის მიღება.

ინსტრუქციაში მოცემულია:
1. რას წარმოადგენს არიქსტრა და მისი გამოყენება
2. რა უნდა იცოდეს პაციენტმა არიქსტრას გამოყენებამდე
3. არიქსტრას გამოყენების წესი
4. შესაძლო გვერდითი მოვლენები
5. არიქსტრას შენახვის წესი

სათაურები მოცემულია

1. რას წარმოადგენს არიქსტრა და მისი გამოყენება

• არიქსტრა შეიცავს ნატრიუმის ფონდაპარინუქსს აქტიური ნივთიერების სახით.
არიქსტრა მიეკუთვნება ე.წ. ანტითრომბოზული მედიკამენტების ჯგუფს, რომლებიც ახდენენ სისხლის თრომბის წარმოქმნის პრევენციას.
• არიქსტრა მოწოდებულია 10 ერთჯერადი გამოყენების, მზა შპრიცებით ავტომატური უსაფრთხოების სისტემის მქონე ლურჯი თავსახურით. ის წარმოდგენილია გამჭვირვალე და უფერო ხსნარის სახით.

არიქსტრა გამოიყენება შემდეგი მდგომარეობების დროს:
• ქვედა კიდურების ან ფილტვების სისხლძარღვებში სისხლის თრომბების წარმოქმნის პრევენციისათვის ორთოპედიული ოპერაციის (როგორიცაა ბარძაყის ან მუხლის ოპერაცია) ან მუცლის ღრუს ოპერაციის შემდეგ;
• სისხლძარღვებში სისხლის თრომბების წარმოქმნის პრევენციისათვის მწვავე დაავადების გამო მოძრაობის შეზღუდვის განმავლობაში ან მის შემდეგ ხანმოკლე პერიოდში;
• ზოგიერთი ტიპის გულის შეტევის და მძიმე სტენოკარდიის (გულის სისხლძარღვების შევიწროებით გამოწვეული ტკივილის) სამკურნალოდ;
• ქვედა კიდურების კანის ზედაპირთან ახლო სისხლძარღვებში არსებული სისხლის თრომბების (ზედაპირული ვენების თრომბოზის) სამკურნალოდ.

2. რა უნდა იცოდეს პაციენტმა არიქსტრას გამოყენებამდე

დაუშვებელია არიქსტრას გამოყენება:
• თუ პაციენტი ჰიპერმგრძნობიარეა (ალერგიულია) ფონდაპარინუქსის ან მედიკამენტის სხვა რომელიმე ინგრედიენტის მიმართ;
• თუ პაციენტს აქტიური სისხლდენა აქვს;
• თუ პაციენტს გულის ბაქტერიული ინფექცია აქვს;
• თუ პაციენტს თირკმლის მძიმე უკმარისობა აქვს.

არიქსტრა სიფრთხილით უნდა იქნას გამოყენებული შემდეგ შემთხვევებში:
• თუ პაციენტს აღენიშნება სისხლდენის გაზრდილი რისკი (როგორიცაა თნადაყოლილი ან შეძენილი სისხლდენის პათოლოგიები (მაგ.: თრომბოციტების რაოდენობა <50,000/მმ3), აქტიური წყლული, უკანასკნელ პერიოდში გადატანილი ინტრაკრანიალური სისხლდენა, თავის ტვინზე, ხერხემალზე ან თვალზე ოპერაციის შემდეგ მოკლე პერიოდში);
• თუ პაციენტი იღებს სხვა მედიკამენტს, რომელიც ახდენს ვენების ოკლუზიის პრევენციას;
• ქირურგიული ოპერაციის დასრულებიდან პირველ 6 საათში (განსაკუთრებით, თუ პაციენტი 75 წელზე მეტი ასაკისაა, სხეულის წონა 50 კგ-ზე ნაკლებია ან აღენიშნება თირკმლის ფუნქციის დაზიანება);
• თუ პაციენტმა უნდა მიიღოს სხვა მედიკამენტებთან ერთად, რომლებიც ზრდიან სისხლდენის რისკს;
• თუ პაციენტს უნდა გაუკეთდეს რეგიონული ეპიდურული ანესთეზია;
• თუ პაციენტი ხანდაზმულია;
• თუ პაციენტის წონა 50 კგ-ზე დაბალია;
• თუ პაციენტს თირკმლის დაავადება აქვს;
• თუ პაციენტს ღვიძლის მძიმე დავადება აქვს;
• თუ თრომბოციტების (სისხლის შემადებებელი უჯრედების) რაოდენობა სისხლში პათოლოგიურად დაბალია;
• შთEMI-ის (მიოკარდიუმის ინფარქტის ტიპის) დროს არ არის რეკომენდებული ფონდაპარინუქსის გამოყენება ანგიოგრაფიამდე და ანგიოგრაფიის განმავლობაში;
თუ პაციენტს უნდა გაუკეთდეს სპინალური ანესთეზია (წელის ქვედა მიდამოში ხდება ნემსის შეყვანა) ან ხერხემლის ღრუდან უნდა მოხდეს სითხის ამოღება (სპინალური ლუმბალური პუნქცია), არიქსტრას გამოყენების დროს არსებობს სისხლდენის რისკი ხერხემალში ინექციის ადგილზე, რომელიც შეიძლება იყოს სერიოზული ხასიათის. ამ პროცედურის დროს საჭიროა პაციენტის ხშირად შემოწმება რაიმე პრობლემის გამოსავლენად.

თუ ეს გაფრთხილებები პაციენტს ეხება ან აღენიშნებოდა ნებისმიერ დროს წარსულში, საჭიროა ექიმთან კონსულტაცია.

არიქსტრას გამოყენება საკვებთან და სასმელთან ერთად
არ არის მონაცემები.

ფეხმძიმობა
საჭიროა ექიმთან ან ფარმაცევტთან კონსულტაცია ამ მედიკამენტის გამოყენებამდე.

არიქსტრა არ უნდა იქნას დანიშნული ფეხმძიმე ქალებში, თუ არ არის აბსოლუტური ჩვენება.

თუ ფეხმძიმობა დადგა მკურნალობის დროს, საჭიროა ექიმთან ან ფარმაცევტთან კონსულტაცია დაუყოვნებლივ.

ძუძუთი კვება
საჭიროა ექიმთან ან ფარმაცევტთან კონსულტაცია ამ პრეპარატის მიღებამდე.
არ არის რეკომენდებული ძუძუთი კვება არიქსტრათი მკურნალობის დროს.

ავტომობილისა და სხვა მექანიზმების მართვა
ავტომობილისა და სხვა მექანიზმების მართვის უნარზე არიქსტრას გავლენა უცნობია.

მნიშვნელოვანი ინფორმაცია არიქსტრას ზოგიერთი ინგრედიენტის შესახებ
ეს სამკურნალო პროდუქტი შეიცავს 1 მმოლ-ზე (23 მგ-ზე) ნაკლებ ნატრიუმს ერთ დოზაში, რაც ნიშნავს, რომ პრაქტიკულად “ნატრიუმისაგან თავისუფალია”.
წინასწარშევსებული მზა შპრიცის ნემსის თავსახური შეიცავს მშრალ ბუნებრივ ლატექსს და სამკურნალო პროდუქტის კონტეინერი შეიცავს ლატექსს, რომელმაც შეიძლება გამოიწვიოს ალერგიული რეაქციები.

სხვა მედიკამენტებთან ერთდროული მიღება
სიფრთხილეა საჭირო, თუ მედიკამენტის მიღება ხდება სხვა მედიკამენტებთან ერთად, რომლებიც ახდენენ ვენების ოკლუზიის პრევენციას ან ზრდიან სისხლდენის რისკს.
ქვემოთ ჩამოთვლილი მედიკამენტები მნიშვნელოვნად არ ცვლიან არიქსტრას ეფექტს:
• ვარფარინი (მიიღება შიგნით თრომბების წარმოქმნის პრევენციისათვის);
• ასპირინი (თრომბოციტების, რომლებიც იწვევენ სისხლიხ თრომბის წარმოქმნას, აგრეგაციის დამთრგუნველი);
• პიროქსიკამი (არასტეროიდული ტკივილგამაყუჩებელი, ასევე გამოიყენება რევმატული დაავადებების დროს);
• დიგოქსინი (გამოიყენება გულის უკმარისობის დროს).

ჰეპარინით, სისხლის შედედების საწინააღმდეგო მედიკამენტით, მკურნალობა უნდა დაიწყოს არიქსტრას ბოლო ინექციიდან ერთი დღის შემდეგ.
ვიტამინ K-ს ანტაგონისტით, რომელიც წარმოადგენს კოაგულაციის საწინააღმდეგო მედიკამენტების სხვა ჯგუფს, მკურნალობის დაწყებისას არიქსტრათი მკურნალობა უნდა გაგრძელდეს, სანამ არ მიიღწევა საჭირო ლაბორატორიული მაჩვენებლები.

რადგან ქვემოთ ჩამოთვლილი მცენარეები გავლენას ახდენს სისხლის შედედებაზე, მათმა ერთდროულმა გამოყენებამ შეიძლება გაზარდოს ფონდაპარინუქსის ანტიკოაგულაციური ეფექტი:
ლუცერნა (იონჯა), ანისული, მოცხარი, ზღვის წყალმცენარეები, ბრომელაინი, დოლიქანდარა უნგუის-კატი, ოხრახუში, კოლეუსი, კორდიცეფსი, დონგ კვაი, ინდური პურის ხის ზეთი, უცხო სუნელი, ნიორი, ჯანჯაფილი, გინგკო ბილობა, ჟენშენი, ყურძენი, თესლები, მწვანე ჩაი, კომიფორა ვიტი, ცხენისწაბლის თესლები, პირშუშხა, ლაკრიცას არომატი, ცანტოქსილუმი, ტყის სამყურა, სოკო რეიში, ყვითელი სამყურა, კურკუმა, წნორი.

ექიმს ან ფარმაცევტს უნდა ეცნობოს, თუ პაციენტი იღებს ან უახლეს წარსულში იღებდა რეცეპტით ან ურეცეპტოდ გასაცემ რომელიმე მედიკამენტს.

3. არიქსტრას გამოყენების წესი

ინსტრუქცია სათანადო გამოყენებისა და დოზის/გამოყენების სიხშირის შესახებ

• მოზრდილები
თრომბის წარმოქმნის პრევენცია:
ორთოპედიული და მუცლის ღრუს ქირურგიული ოპერაციები: არიქსტრას რეკომენდებული დოზაა 2.5 მგ ერთხელ დღეში კანქვეშა ინექციის სახით ოპერაციის შემდეგ.
პირველი დოზა არ უნდა გაკეთდეს ქირურგიული ოპერაციის დამთავრებიდან არაუადრეს 6 საათში. მკურნალობა უნდა გაგრძელდეს ოპერაციის შემდეგ არაუმცირეს 5-9 დღე, სანამ თრომბის წარმოქმნის რისკი არ აღმოიფხვრება და პაციენტს არ შეეძლება ჩვეულებრივად ადგომა და სიარული.
დამატებით 24 დღის განმავლობაში არიქსტრათი გახანგრძლივებული მკურნალობა მიზანშეწონილია პაციენტებში, რომლებსაც ჩაუტარდათ ოპერაცია ბარძაყის მოტეხილობის გამო.

გულის მკვებავი სისხლძარღვების შევიწროების/ოკლუზიის ან მიოკარდიუმის ინფარქტის მკურნალობა:
არიქსტრას რეკომენდებული დოზაა 2.5 მგ ერთხელ დღეში კანქვეშა ინექციის სახით. მკურნალობა უნდა დაიწყოს დიაგნოზის დასმიდან რაც შეიძლება მალე და გაგრძელდეს 8 დღემდე, პაციენტის გაწერამდე.

გამოყენების გზა და მეთოდი:
კანქვეშ გამოყენება
კანქვეშა ინექცია კეთდება მუცელში, რიგრიგობით ალტერნატიულ მხარეს. მზა შპრიცის გამოყენებისას პროდუქტის დანაკარგის თავიდან ასაცილებლად შპრიცში არსებული ჰაერის ბუშტუკი არ უნდა გამოიდევნოს ინექციის წინ. შპრიცი ვერტიკალურად მთლიანად უნდა ჩაერჭოს ცერა და საჩვენებელი თითებით დაჭერილ კანის ნაოჭში. კანის ნაოჭი დაჭერილი უნდა იქნას ინექციის განმავლობაში.
პაციენტებს მხოლოდ მაშინ შეუძლიათ თვითონ ინექციის გაკეთება, თუ ექიმი ჩათვლის საჭიროდ და მოხდება შესაბამისი სამედიცინო მეთვალყურეობა.

ინტრავენური ინექცია
მკურნალი ექიმი განსაზღვრავს მედიკამენტის დოზას პაციენტის დაავადების მიხედვით და გაუკეთებს პაციენტს.

პაციენტის მიერ ინექციის (კანქვეშა ინექციის) გაკეთების ინსტრუქციები

არიქსტრას უსაფრთხო შპრიცის ნაწილები:
1. ნემსის მყარი თავსახური;
2. დგუშის საფარველი;
3. დგუში;
4. თითების დასადები სახელური;
5. დამცველობითი თავსახური.

შპრიცი გამოყენებამდე

შპრიცი გამოყენების შემდეგ

1. ხელები დაბანილ უნდა იქნას საპნითა და წყლით. საჭიროა პირსახოცით გამშრალება.
2. პაციენტი უნდა დაჯდეს ან დაწვეს მოხერხებულად.

შერჩეულ უნდა იქნას ადგილი მუცლის ქვედა ნაწილში, ჭიპიდან არაუმცირეს 5 სმ მოშორებით (სურ. 1). ინექცია უნდა გაკეთდეს მარჯვენა და მარცხენა მხარეს, მორიგეობით. თუ პაციენტს უჭირს ინექციის გაკეთება, საჭიროა ექიმთან ან ექთანთან კონსულტაცია.
სურ. 1

3. ინექციის ადგილი უნდა გაიწმინდოს სპირტიანი ტამპონით.
4. შპრიცი დაჭერილ უნდა იქნას ცალ ხელში. უნდა გამოიქაჩოს თავსახური, რომელიც ფარავს დგუშს. დგუშის თავსახური უნდა იქნას გადაგდებული. (სურ. 2).
სურ. 2
5. ნემსს თავსახური უნდა მოეხსნას ჯერ დატრიალებით და შემდეგ მისი გამოქაჩვით შპრიცის ცილინდრის საპირისპირო მხარეს. ნემსის თავსახური უნდა იქნას გადაგდებული (სურ. 3).
სურ. 3

მნიშვნელოვანი შენიშვნა:
- არ უნდა მოხდეს შეხება ნემსზე ან ნემსი არ უნდა შეეხოს რაიმე ზედაპირს ინექციამდე;
- შპრიცში პატარა ჰაერის ბუშტუკის არსებობა ნორმალურია. არ არის საჭირო ჰაერის ბუშტუკის გამოდევნა შპრიციდან, რათა თავიდან იქნას აცილებული პროდუქტის დანაკარგი.

6. წინასწარ გაწმნედილი კანის ნაზად დაჭერა უნდა მოხდეს ცერა და საჩვენებელ თითებს შორის, ისე რომ წარმოიქმნას ნაოჭი და დაჭერილ უნდა იქნას ინექციის დასრულებამდე. (სურ. 4).
სურ. 4

7. შპრიცი კარგად უნდა იქნას დაჭერილი სახელურის საშუალებით. ნემსი მთლიანად უნდა შევიდეს კანში, კანის ნაოჭის პერპენდიკულარულად (90º-იანი კუთხით) (სურ. 5).

სურ. 5
8. უნდა მოხდეს შპრიცის მთელი შიგთავსის ინექცია დგუშზე ხელის მიჭერით მთელი ინექციის განმავლობაში. ეს გააქტიურებს ნემსის უსაფრთხოების ავტომატურ სისტემას (სურ. 6).
სურ. 6
როცა მოხდება დგუშიდან ხელის აღება, ნემსი ავტომატურად ამოვარდება კანიდან და დაეხურება უსაფრთხო თავსახური (სურ. 7).
სურ. 7

9. გამოყენებული შპრიცის გადაგდება უნდა მოხდეს ექიმის ან ექთნის ინსტრუქციების შესაბამისად.

სხვადასხვა ასაკობრივი ჯგუფები:
ბავშვებში გამოყენება: არიქსტრა არ არის რეკომენდებული 17 წლამდე ასაკის პაციენტებში გამოსაყენებლად უსაფრთხოებისა და ეფექტურობის მონაცემების არარსებობის გამო.

ხანდაზმულებში გამოყენება: რადგან თირკმლის ფუნქცია ქვეითდება ასაკთან ერთად, არიქსტრა სიფრთხილით უნდა იქნას გამოყენებული 75 წლის ასაკის ზემოთ. ხანდაზმულ პაციენტებში, რომლებსაც უკეთდებათ ოპერაცია, არიქსტრას პირველის დოზის გაკეთების დრო მკაცრად უნდა იქნას დაცული.

განსაკუთრებულ შემთხვევებში გამოყენება:
თირკმლის დაზიანება: არ უნდა იქნას გამოყენებული თრომბოზის პრევენციისათვის თირკმლის მძიმე დაზიანების მქონე პაციენტებში. იმ პაციენტებში, რომლებსაც უკეთდებათ ოპერაცია, არიქსტრას პირველის დოზის გაკეთების დრო მკაცრად უნდა იქნას დაცული. არ არის რეკომენდებული გულის მკვებავი სისხლძარღვების შევიწროების/ოკლუზიის ან მიოკარდიუმის ინფარქტის სამკურნალოდ თირკმლის მძიმე დაზიანების მქონე პაციენტებში. თირკმლის საშუალო დაზიანების მქონე პაციენტებში რეკომენდებულია 1.5 მგ დოზა დღეში.

ღვიძლის დაზიანება: არ არის საჭირო არიქსტრას დოზის კორექცია. არიქსტრა სიფრთხილით უნდა იქნას გამოყენებული ღვიძლის მძიმე დაზიანების მქონე პაციენტებში.

50 კგ-ზე ნაკლები წონის მქონე პაციენტები:
50 კგ-ზე ნაკლები წონის მქონე პაციენტები არიან სისხლდენის გაზრდილი რისკის ქვეშ. იმ პაციენტებში, რომლებსაც უკეთდებათ ოპერაცია, არიქსტრას პირველის დოზის გაკეთების დრო მკაცრად უნდა იქნას დაცული.

თუ პაციენტს რჩება შთაბეჭდილება, რომ არიქსტრას ეფექტი ძალიან ძლიერი ან ძალიან სუსტია, საჭიროა ექიმთან ან ფარმაცევტთან კონსულტაცია.

არიქსტრას დოზის გადაჭარბებისას
არიქსტრას რეკომენდებული დოზის გადაჭარბებამ შეიძლება გამოიწვიოს სისხლდენის გაზრდილი რისკი. დოზის გადაჭარბებით გამოწვეული სისხლდენის შემთხვევაში მკურნალობა უნდა შეწყდეს.
არიქსტრას დოზის გადაჭარბებისას საჭიროა ექიმთან ან ფარმაცევტთან კონსულტაცია.

არიქსტრას დოზის გამოტოვებისას
არ შეიძლება დოზის გაორმაგება გამოტოვებულის სანაცვლოდ.

მოვლენები, რომლებიც შეიძლება განვითარდეს არიქსტრას მიღების შეწყვეტისას
მედიკამენტის გამოყენება უნდა გაგრძელდეს ექიმის დანიშნულების მიხედვით.

4. შესაძლო გვერდითი მოვლენები

ყველა სხვა მედიკამენტის მსგავსად, არიქსტრამ შეიძლება გამოიწვიოს გვერდითი მოვლენები, თუმცა არა ყველა პაციენტში.

გვერდითი მოვლენები ქვემოთ ჩამოთვლილია შემდეგი სახით:
ძალიან ხშირი: შეიძლება აღინიშნოს 10-დან არაუმცირეს 1 პაციენტში;
ხშირი: შეიძლება აღინიშნოს 10-დან 1-ზე ნაკლებ, მაგრამ 100-დან 1-ზე მეტ პაციენტში;
არახშირი: შეიძლება აღინიშნოს 100-დან 1-ზე ნაკლებ, მაგრამ 1000-დან 1-ზე მეტ პაციენტში;
იშვიათი: შეიძლება აღინიშნოს 1000-დან 1-ზე ნაკლებ პაციენტში;
ძალიან იშვიათი: შეიძლება აღინიშნოს 10,000-დან 1-ზე ნაკლებ პაციენტში;
სიხშირე უცნობია: სიხშირის შეფასება ვერ ხერხდება არსებული მონაცემების საფუძველზე.

თუ ქვემოთ ჩამოთვლილი სიმპტომები ვითარდება და მუდმივად ნარჩუნდება, საჭიროა ექიმთან მიმართვა.

ხშირი (შეიძლება აღინიშნოს 100-დან არაუმცირეს 1 პაციენტში)
• პოსტოპერაციული სისხლდენა
• სისხლჩაქცევა სხეულის რომელიმე ნაწილში
• სისხლის არსებობა შარდში
• სისხლის არსებობა ნერწყვში
• სისხლდენა ღრძილებიდან
• ანემია (ერითროციტების რაოდენობის შემცირება)
• შეშუპება (სითხის დაგროვება ორგანიზმში)

ხშირი (შეიძლება აღინიშნოს 100-დან 1-ზე ნაკლებ პაციენტში)
• სისხლდენა (ცხვირიდან სისხლდენა, კუჭ-ნაწლავის ტრაქტიდან სისხლდენა, სისხლის არსებობა ნერწყვში, სისხლის არსებობა შარდში, სისხლჩაქცევა ორგანიზმში);
• შეშუპება (სითხის დაგროვება ორგანიზმში);
• გულისრევა, ღებინება;
• მკერდის არეში ტკივილი;
• ქოშინი;
• კანზე გამონაყარი, ქავილი;
• ალები;
• თრომბოციტების (განაპირობებენ სისხლის შედედბას) რაოდენობის შემცირება ან გაზრდა;
• თრომბოციტების პათოლოგიები;
• სისხლის შედედების დარღვევები;
• ანემია (ერითროციტების რაოდენობის შემცირება);
• ზოგიერთი ქიმიური ნივთიერებების (ფერმენტების) რაოდენობის გაზრდა, რომლებიც წარმოიქმნება ღვიძლში;
• ღვიძლის ფუნქციის ანალიზების ცვლილებები;
• თავის ტკივილი;
• შეშუპება (სითხის აკუმულაცია ორგანიზმში);
• პერიფერიული შეშუპება (სითხის დაგროვება ქვემო კიდურებში);
• ჭრილობის ინფექცია.

იშვიათი გვერდითი მოვლენები (შეიძლება აღინიშნოს 1000-დან 1-ზე ნაკლებ პაციენტში):
• ქირურგიული ჭრილობიდან გამონადენი
• ალერგიული რეაქცია (მათ შორის ქავილი, შეშუპება და გამონაყარი)
• სისხლდენა თავის ტვინში ან მუცლის ღრუში
• აგზნება ან ცნობიერების დაბინდვა
• გულისწასვლა ან თავბრუსხვევა, დაბალი არტერიული წნევა
• თავბრუსხვევა, დაღლილობა, ძილიანობა, გამოფიტვა
• ქოშინი
• მუცლის ტკივილი
• ხველა
• სახეზე ალები
• ცნობიერების დაკარგვა
• ფეხის ან მუცლის ტკივილი
• ფაღარათი ან ყაბზობა
• დისპეფსია
• ბილირუბინის (ნივთიერება, რომელიც წარმოიქმნება ღვიძლში) დონის გაზრდა სისხლში
• კალიუმის დონის შემცირება სისხლში
• გამოყენების ადგილის რეაქცია
• გენიტალიების არეში შეშუპება

თუ გამოვლინდება ნებისმიერი გვერდითი მოვლენა, რომელიც არ არის ჩამოთვლილი ინსტრუქციაში, საჭიროა მკურნალ ექიმთან ან ფარმაცევტთან მიმართვა.

5. არიქსტრას შენახვის წესი

არიქსტრა ინახება ბავშვებისთვის მიუწვდომელ ადგილას და ორიგინალურ შეფუთვაში.
თუ არიქსტრა ემატება 0.9% ფიზიოლოგიურ ხსნარს, ის გამოყენებულ უნდა იქნას მაშინათვე, თუმცა მისი შენახვა შეიძლება ოთახის ტემპერატურაზე 24 საათამდე.
დაუშვებელია გაყინვა.
ინახება შენახვის ვადის შესაბამისად.
დაუშვებელია არიქსტრას შენახვის ვადის გასვლის შემდეგ გამოყენება, რომელიც მითითებულია შეფუთვაზე.
დაუშვებელია არიქსტრას გამოყენება, თუ პროდუქტზე და/ან მის შეფუთვაზე აღინიშნება რაიმე დაზიანება.
გამოუყენებლი ხსნარები ან ნარჩენი მასალა გადაგდებულ უნდა იქნას ადგილობრივი მოთხოვნების შესაბამისად.
დაუშვებელია ვადაგასული და გამოუყენებელი მედიკამენტების გადაგდება! მათი მოთავსება უნდა მოხდეს გარემოსა და ურბანიზაციის სამინისტროს მიერ დადგენილ შეგროვების სისტემაში.