Brilinta - ბრილინტა 90მგ 56 ტაბლეტი

ბრილინტაTM 90 მგ აპკით შემოგარსული ტაბლეტი

მიიღება ორალური (პირის) გზით.

მოქმედი ნივთიერება: თითოეული ტაბლეტი 90 მგ ტიკაგრელორს შეიცავს.
დამხმარე ნივთიერებები: მანიტოლი (E421), ორფაზიანი კალციუმის ფოსფატი, ნატრიუმის სახამებლის გლიკოლატი, ჰიდროქსიპროპილ ცელულოზა (E463), მაგნიუმის სტეარატი (E470b), ჰიპრომელოზა (E464), ტიტანის დიოქსიდი (E171), ტალკი, პოლიეთილენ გლიკოლ 400, რკინის ყვითელი ოქსიდი (E172)
აღნიშნული წამლის გამოყენებამდე გამოყენების ინსტრუქცია ყურადღებით წაიკითხეთ, რადგანაც ის თქვენთვის მნიშვნელოვან ინფორმაციას შეიცავს.

· აღნიშნული გამოყენების ინსტრუქცია შეინახეთ. შეიძლება განმეორებით გადაკითხვა დაგჭირდეთ.

· დამატებით კითხვების შემთხვევაში, გთხოვთ თქვენს ექიმს ანდა ფარმაცევტს მიმართოთ.

· აღნიშნული წამალი პირადად თქვენთვისაა გამოწერილი, სხვას არ მისცეთ.

· აღნიშნული წამლის გამოყენებისას თუ სხვა ექიმს ანდა საავადმყოფოს მიმართავთ, ექიმს მიაწოდეთ ინფორმაცია ამ წამლის მოხმარების შესახებ.

· წამლის გამოყენების ინსტრუქცია ზუსტად შეასრულეთ. თქვენთვის რეკომენდირებული დოზის გარდა მაღალი ანდა დაბალი დოზა არ მიიღოთ.

გამოყენების ინსტრუქცია შეიცავს შემდეგი სათაურების მომცველ მონაცემებს:

რა არის და რისთვის გამოიყენება ბრილინტა?
ბრილინტას გამოყენებამდე რას უნდა მივაქციოთ ყურადღება?
როგორ გამოიყენება ბრილინტა ?
რა სახის შესაძლო გვერდითი ეფექტები შეიძლება გამოვლინდეს?
ბრილინტას შენახვა
რა არის და რისთვის გამოიყენება ბრილინტა?
ბრილინტა, მოქმედი ნივთიერების სახით ტიკაგრელორის შემცველი წამალია, რომელიც ანტითრომბოლიზური (სისხლის შედედების საწინააღმდეგო) აგენტების სახელით წოდებულ ჯგუფში შედის.

ბრილინტა, მრგვალი, ორმხრივ ამობურცული, ყვითელი ფერის, აპკით შემოგარსული ტაბლეტია, ერთ ზედაპირზე ,,90’’ და ,,T’’ გრავირება აქვს, მეორე ზედაპირი სადაა. ბრილინტას ტაბლეტები, 56 (4x14 ტაბლეტი) და 168 (12x14 ტაბლეტი) ტაბლეტური კალენდარით ბლისტერის შეფუთვაშია მოთავსებული.

ბრილინტა, აცეტილ სალიცილის მჟვასთან (სხვა ანტითრომბული წამალი)ერთად კომბინაციაში მხოლოდ ზრდასრულებში გამოიყენება.

თქვენთან ამ წამლის დანიშვნის მიზეზია:

მიოკარდიუმის ინფარქტის გადატანა და ან
არასტაბილური სტენოკარდია (უკონტროლო ტკივილი მკერდში ანდა სტენოკარდია).
ბრილინტა, განმეორებითი მიოკარდიუმის ინფარქტის, ინსულტის ანდა გულის და სისხლძრღვების დაავადებებით გამოწვეული სიკვდილის რისკს ამცირებს.

ბრილინტა, თრომბოციტების (შედედებაში მონაწილე უჯრედები) სახელით წოდებულ უჯრედებზე ზემოქმედებას ახდენს. ეს ძალიან პატარა სისხლის უჯრედები, ჭრილობების ანდა დაზიანებული სისხლძარღვების პატარა ხვრელების შევსების მიზნით ერთად და ჯგუფურად სისხლდენის შეჩერებაში მნიშვნელოვან როლს თამაშობს.

გარდა ამისა, თრომბოციტები თავის ტვინის და გულის დაავადებულ სისხლძარღვებში თრომბების წარმოქმნას იწვევს. ეს მდგომარეობა შეიძლება ძალიან საშიში იყოს, რადგანაც:

თრომბმა სისხლის დინება შეიძლება სრულად დაახშოს, აღნიშნულმა კი შეიძლება მიოკარდიუმის ინფარქტი ანდა ინსულტის განვითარება გამოიწვიოს.
თრომბმა, შეიძლება გულის მკვებავი სისხლძარღვები ნაწილობრივ დაახშოს, ეს კი გულისკენ სისხლის დინებას შეანელებს და გულის არეში მოვლითი ხასიათის ტკივილს გამოიწვევს (,,არასტაბილური სტენოკარდიის’’ სახელით წოდებული).
ბრილინტა, თრომბოციტების დაჯგუფებების პროცესს ხელს უშლის, ეს კი სისხლის თრომბის წარმოქმნის და სისხლძარღვის დახშობის ალბათობას ამცირებს.

ბრილინტას გამოყენებამდე რას უნდა მივაქციოთ ყურადღება?
ბრილინტა, ქვემოთ მოცემული მდგომარეობების დროს არ გამოიყენოთ თუ:

ტიკაგრელორის ანდა ბრილინტას დამხმარე ნივთირებებიდან რომელიმეს მიმართ ალერგია (მომატებული მგრძნობელობა) გაქვთ,
აქტიური სისხლდენა გაქვთ,
თავი ტვინში სისხლჩაქცევის გამო ინსულტი გადაიტანეთ,
ღვიძლის სერიოზული დაავადება გაქვთ,
ქვემოთ ჩამოთვლილი წამლებიდან რომელიმეს ღებულობთ:
კეტოკონაზოლი (სოკოვანი ინფექციის სამკურნალოდ გამოიყენება),
კლარიტრომიცინი (ბაქტერიული ინფექციის სამკურნალოდ გამოიყენება),
ნეფაზოდონი (დეპრესიის სამკურნალოდ გამოიყენება),
რიტონავირი და ატაზანავირი (აივ ინფექციის და შიდსის სამკურნალოდ გამოიყენება)
თუ, ზემოთ ჩამოთვლილთაგან რომელიმე თქვენთან გამოვლინდება, ბრილინტა არ გამოიყენოთ. თუ, დარწმუნებული არა ხართ, წამლის მიღებამდე ექიმს ანდა ფარმაცევტს მიმართეთ.

ბრილინტა, ქვემოთ მოცემული მდგომარეობების დროს სიფრთხილით გამოიყენეთ თუ:

თუ, ქვემოთ მოცემული მდგომარეობებიდან რომელიმეს გამო სისხლდენის რისკი მაღალია:
ახლო პერიოდში სერიოზული ტრავმა გადაიტანეთ,
ახლო პერიოდში ქირურგიული ჩარევა (კბილის მკურნალობის ჩათვლით, აღნიშნულ პრობლემით სტომატოლოგს მიმართეთ) გადაიტანეთ,
სისხლის შედედებაზე მოქმედი დაავადება გაქვთ,
ახლო პერიოდში კუჭ-ნაწლავის სისტემიდან სისხლდენა(კუჭის წყლულის ანდა ნაწლავის ,,პოლიპის’’ მსგავსი) გადაიტანეთ.
ბრილინტას გამოყენების დროს, თუ ქირურგიული ჩარევა დაგჭირდებათ (კბილის მკურნალობის ჩათვლით), ამ დროს შეიძლება სისხლდენის რისკის მაღალი იყოს. ექიმი, ქირურგიულ ჩარევამდე 5 დღით ადრე ამ წამლის მიღების შეწყვეტას მოითხოვს.
გულისცემის სიჩქარე ნორმაზე დაბალია (ძირითადად, წუთსი <60) და გულის ცემის მარეგულირებელი აპარატი (პეისმეიკერი) არ გაქვთ.
ასთმა ანდა ფილტვების სხვა დაავადება ანდა სუნთქვის გაძნელება გაქვთ.
ღვიძლთან დაკაშირებული რაიმე სახის პრობლემა გაქვთ ანდა მანამდე ღვიძლზე მოქმედი დაავადება გადაიტანეთ.
სისხლის ანალიზით, სისხლში შარდმჟავას მაჩვენებელი ნორმაზე მეტია.
თუ, აღნიშნული გაფრთხილებები წარსულის ნებისმიერ პერიოდში ანდა ამჟამად თქვენთან ვლინდება, გთხოვთ,თქვენს ექიმს აცნობეთ.

თუ, ბრილინტასთან ერთად პარალელურ რეჟიმში ჰეპარინს ღებულობთ:

თუ ექიმი, ჰეპარინით გამოწვეულ თრომბოციტების იშვიათ დარღვევაზე ეჭვობს, სადიაგნოსტიკო ანალიზებისთვის შეიძლება საჭირო გახდეს სისხლის ნიმუშები. ამ დროს ექიმს უნდა აცნობოთ, რომ როგორც ბრილინტას, ასევე ჰეპარინს მოიხმართ, რადგანაც, ბრილინტა ზემოქმედებას ახდენს სადიაგნოსტიკო ანალიზების შედეგებზე.
ბრილინტას გამოყენება საკვებთან და სასმელთან ერთად

ბრილინტას გამოყენება შეიძლება როგორც საკვებთან, ასევე სასმელთან ერთად.

თუ, ყოველდღე დიდი რაოდენობით (200 მლ-3 ჯერ) გრეიფრუტის წვენს მიირთმევთ, ბრილინტას ზემოქმედება 2-ჯერ უფრო მეტი იქნება. აღნიშნულ ეფექტის ზრდას კლინიკურად მნიშვნელობა არ აქვს.

ორსულობა

წამლის მიღებამდე გთხოვთ თქვენს ექიმს ანდა ფარმაცევტს მიმართოთ.

ბრილინტას, ორსულობის პერიოდში გამოყენების შესახებ ინფორმაცია არ არსებობს. ცხოველებზე გაკეთებული კვლევის მიხედვით, განაყოფიერების ორგანოებზე ტოქსიკური ეფექტი აღინიშნა. ადამიანების შემთხვევაში პოტენციური რისკი უცნობია.

თუ, ორსულად ხართ ანდა ორსულობის ალბათობა არსებობს ბრილინტას გამოყენება რეკომენდირებული არ არის.

ბრილინტას გამოყენების დროს, ორსულობის თავიდან აცილების მიზნით ეფექტური ჩასახვის საწინააღმდეგო მეთოდი გამოიყენეთ.

თუ, ორსულად ხართ ანდა ორსულობის ალბათობა არსებობს ანდა ორსულობას გეგმავთ, ბრილინტას გამოყენებამდე თქვენს ექიმს ანდა ფარმაცევტს გაესაუბრეთ.

აბსოლუტური საჭიროების გარეშე, ბრილინტა ორსულობის დროს არ უნდა იქნას გამოყენებული.

თუ, მკურნალობის პერიოდში ორსულობას გამოავლენთ, მაშინვე თქვენს ექიმს დაუკავშირდით.

ძუძუთი კვება-ლაქტაცია

წამლის მიღებამდე გთხოვთ თქვენს ექიმს ანდა ფარმაცევტს მიმართოთ.

ბრილინტას შემადგენელი ნივთიერებები დედის რძეში გადადის.

ცხოველებზე გაკეთებული კვლევების მიხედვით გამოვლინდა, რომ ბრილინტას ზემოქმედებით ორგანიზმში წარმოქმნილი აქტიური ნივთიერებები რძეში გადადის. ახალშობილებსა და ბავშვებში ეს რისკი უგულებელყოფილი არ უნდა იქნას.

ბრილინტას გამოყენებამდე ექიმს უთხარით, რომ ბავშვს ძუძუს აწოვებთ. ექიმი, ბრილინტას გამოყენების შემთვევაში წამლის სარგებელის/რისკის შესახებ ინფორმაციას მოგაწვდით. ამ დროს, საჭიროა ან ძუძუთი კვების შეწყვეტის ან ბრილინტათი მკურნალობის გაგრძელების ანდა მკურნალობის შეწყვეტის შესახებ გადაწყვეტილების მიღება.

ავტომობილისა და მექანიზმების მართვის უნარზე ზემოქმედება

ბრილინტას მიერ ავტომობილის ანდა მექანიზმების მართვის უნარზე ზემოქმედება მოსალოდნელი არ არის. ბრილინტას გამოყენების დროს შეიძლება გამოვლინდეს გაბრუების შეგრძნება ანდა გონების არევა, ამ დროს ავტომობილი ანდა მექანიზმების მართვისას ყურადღებით იყავით.

ბრილინტას შემადგენლობაში არსებული ზოგიერთი დამხმარე ნივთიერების შესახებ ინფორმაცია

ბრილინტა, დამხმარე ნივთიერების სახით მანიტოლს და ნატრიუმის სახამებლის გლიკოლატს შეიცავს, მათი რაოდენობიდან გამომდინარე, რაიმე სახის გაფრთხილებას არ საჭიროებს.

სხვა მედიკამენტებთან ერთად გამოყენება

თქვენს ექიმს ანდა ფარმაცევტს მიაწოდეთ ინფორმაცია ყველა იმ წამლის შესახებ, რომელიც წარსულში ან ახლო პერიოდში მიიღეთ ანდა ამჟამად ღებულობთ. ბრილინტამ, შეიძლება ზოგიერთი წამლის მოქმედების მექანიზმზე ზემოქმედება მოახდინოს და პირიქით, სხვა წამლებმა შეიძლება ზემოქმედება მოახდინოს ბრილინტას ეფექტზე.

თუ, ქვემოთ ჩამოთვლილთაგან რომელიმე წამალს ღებულობთ, თქვენს ექიმს ანდა ფარმაცევტს აცნობეთ.

დღეში >40 მგ სიმვასტატინი ანდა ლოვასტატინი (ქოლესტერინის მაღალი დონის სამკურნალოდ გამოყენებული წამლები)
რიფამპიცინი (ანტიბიოტიკი)
ფენიტოინი, კარბამაზეპინი და ფენობარბიტალი (ეპილეფსიური გულყრების სამკურნალო წამლები)
დიგოქსინი (გულის უკმარისობის სამკურნალოდ გამოყენებული წამალი)
ციკლოსპორინი (სხეულის დამცველობითი სისტემის შესუსტებისას გამოიყენება)
ქინიდინი და დილთიაზემი (არითმიების სამკურნალოდ გამოიყენება)
ბეტა-ბლოკერები და ვერაპამილი (მაღალი არტერიული წნევის სამკურნალოდ გამოიყენება)
მორფინი და სხვა ოპოიდები (ძლიერი ტკივილის სამკურალოდ გამოიყენება)
ლევონორგესტრელი, ეთინილ ესტრადიოლი (ჩასახვის საწინააღმდეგოდ გამოიყენება)
ქვემოთ ჩამოთვლილი წამლები სისხლდენის რისკის მატებას იწვევს, თუ აღნიშნულთაგან რომელიმეს ღებულობთ, აუცილებლად თქვენს ექიმს ანდა ფარმაცევტს აცნობეთ:

ვარფარინის შემცველი და ზოგადად ,, სისხლის გამათხელებლების’’ სახელით წოდებული ,,ორალური ანტიკოაგულანტები’’,
იბუპროფენი და ნაპროქსენის მსგავსი ტკივილგამაყუჩებელი, ცხელების საწინააღმდეგო ეფექტით ცნობილი არსტეროიდული ანთების საწინააღმდეგო წამლები(აას -შემოკლებით),
პაროქსეტინი, სერტალინი და სიტალოპრამის მსგავსი ანტიდეპრესანტების (დეპრესიის სამკურნალო) სახით მიღებული სელექტიური სეროტონინის უკუმიტაცების ინჰიბიტორები(სსუი- სახელით ცნობილი),
კეტოკონაზოლი (სოკოვანი ინფექციის სამკურნალოდ გამოიყენება), კლარიტრომიცინი (ბაქტერიული ინფექციის სამკრუნალოდ გამოიყენება), ნეფაზოდონი (ანტიდეპრესანტი), რიტონავირი და ატაზანავირი (აივ ინფექციის და შიდსის სამკურნალოდ გამოიყენება), სისაპრიდი (გულძმარვის სამკურნალოდ გამოიყენება), ერგოტის ალკალოიდები (მიგრენის და თავის ტკივილის სამკრუნალოდ გამოიყენება) და სხვა წამლები.
თუ, რეცეპტით დ ან რეცეპტის გარეშე ნებისმიერ წამალს ღებულობთ ანდა ბოლო პერიოდში მიიღეთ, გთხოვთ, თქვენს ექიმს ანდა ფარმაცევტს აცნობეთ.

როგორ გამოიყენება ბრილინტა ?
წამალი, ყოველთვის ექიმის მითითების შესაბამისად მიიღეთ. თუ, დარწმუნებული არა ხართ, თქვენს ექიმს ანდა ფარმაცევტს გაესაუბრეთ.

სწორი გამოყენება და დოზები/გამოყენების სიხშირე და მითითებები:

წამალი საწყისი დოზის სახით 2 ტაბლეტი ერთდროულად (დარტყმითი დოზა: 180 მგ) უნდა იქნას მიღებული. ეს დოზა, ძირითადად საავადმყოფოში მოგეცემათ.
აღნიშნული საწყისი დოზის შემდეგ, თუ ექიმი წამლის მიღების სხვა მითითებას არ მოგცემთ, 12 თვის განმავლობაში, წამლის გამოყენების ზოგადი დოზაა: 90 მგ ტაბლეტი 2 ჯერ დღეში.
წამალი, ყოველდღე მიიღეთ ერთსადაიმავე დროს (მაგ. დილით 1 ტაბლეტი, საღამოს 1 ტაბლეტი).
ექიმი, ამავდროულად დაბალი დოზით აცეტილცისტეინის მჟავის (ასპირინის) მიღების რეკომენდაციასაც მოგცემთ. ეს ნივთიერება სისხლის შედედების საწინააღმდეგოდ გამოიყენება და ბევრი წამლის შემადგენლობაში შედის. წამლის რაოდენობის შესახებ ინფორმაციას ექიმი მოგაწვდით (ძირითადად,75-150 მგ შორისაა)

მიცემის გზა და მეთოდი:

წამლის მიღება შესაძლებელია როგორც საკვებთან ერთდ, ასევე მშიერ კუჭზეც.
ბლისტერის გადამოწმებით, შესაძლებელია ბრილინტას ბოლოს მიღებული ტაბლეტის დღის დადგენა. დილით მისაღები ტაბლეტებისთვის აღნიშნულია მზის სიმბოლო, საღამოს მისაღები ტაბლეტებისთვის კი- მთვარის სიმბოლო. გარდა ამისა, ეს სიმბოლოები დაგეხმარებათ გაიხსენოთ წამლის მიღების ანდა გამოტოვების დეტალები.
თუ, ტაბლეტის გადაყლაპვასთან დაკაშირებით პრობლემები გაქვთ

თუ, ტაბლეტის გადაყლაპვასთან დაკაშირებით პრობლემები გაქვთ, ტაბლეტი გატეხეთ და ქვემოთ მოცემული მითითებების მიხედვით წყალში შეგიძლიათ აურიოთ.

ტაბლეტი გატეხეთ და დაფხვენით წვრილად.
დაფხვნილი ტაბლეტი ნახევარ ჭიქა წყალში ჩაყარეთ.
ამოურიეთ და დაყოვნების გარეშე დალიეთ.
დარწმუნდით, რომ ჭიქის ბოლოში წამალი არ დარჩა, ცარიელ ჭიქაში ნახევარი ჭიქა წყალი შეანჯღრიეთ და დალიეთ.
თუ, საავადმყოფოში ხართ, ეს ტაბლეტი გარკვეული რაოდენობის წყალში გახსნილი სახით ანდა ცხვირიდან ზონდის საშუალებით მოგეწოდებათ.

სხვადასხვა ასაკობრივი ჯგუფები:

ბავშვებში გამოყენება:

ბრილინტას გამოყენება, ბავშვებსა და 18 წლამდე ასაკის მოზარდებში არ არის რეკომენდირებული.

ხანდაზმულებში გამოყენება:

ხანდაზმულებში, დოზის რეგულირებას არ საჭიროებს.

გამოყენების განსაკუთრებული მდგომარეობები:

თირკმლების უკმარისობა:

თირკმლების უკმარსიობის დროს დოზის რეგულირება არ არის საჭირო.

დიალიზზე მყოფ პაციენტებში ბრილინტას გამოყენება არ არის რეკომენდირებული.

ღვიძლის უკმარისობა:

მსუბუქი და საშუალო ხარისხის ღვიძლის უკმარსიობის დროს დოზის რეგულირება არ არის საჭირო. ღვიძლის მძიმე უკმარისობის მქონე ავადმყოფებში ბრილინტა არ უნდა იქნას გამოყენებული. ღვიძლის საშუალო ხარისხის უკმარისობის მქონე ავადმყოფებში სიფრთხილეა საჭირო.

თუ ფიქრობთ, რომ ბრილინტას ეფექტი ძალიან ძლიერი ანდა სუსტია, გაესაუბრეთ თქვენს ექიმს ანდა ფარმაცევტს.

თუ, ბრილინტას საჭიროზე მეტი დოზა მიიღეთ

სისხლდენის მაღალი რისკი არსებობს.

თუ, ბრილინტას საჭირო დოზაზე მეტი დოზა მიიღეთ, მაშინვე თქვენს ექიმს ან ფარმაცევტს დაუკავშირდით ანდა სასწრაფოდ თქვენთან ყველაზე ახლო საავადმყოფოს მიმართეთ. საავადმყოფოში წასვლის დროს წამალი თან იქონიეთ.

თუ, ბრილინტას მიღება დაგავიწყდათ

თუ, ერთი დოზის მიღება დაგავიწყდებათ, მომდევნო დოზა ჩვეულ დროზე მიიღეთ.

დავიწყებული დოზის აღდგენისთვის ორმაგი დოზა არ მიიღოთ.

მოვლენები, რომელიც ბრილინტათი მკურნალობის დასრულებისას შეიძლება გამოვლინდეს:

ექიმთან შეთანხმების გარეშე ბრილინტას მიღება არ შეწყვიტოთ. ექიმის მიერ რეკომენდირებული დროის განმავლობაში წამალი რეგულარულად მიიღეთ. თუ, ბრილინტას მიღებას შეწყვეტთ, განმეორებითი მიოკარდიუმის ინფარქტის ანდა ინსულტის განვითარების რისკი ანდა სისხლძარღვების დაავადების გამო სიკვდილის რისკი შეიძლება გაიზარდოს.

თუ, ამ წამლის გამოყენებასთან დაკავშირებით სხვა კითხვები გაგიჩნდებათ, თქვენს ექიმს ანდა ფარმაცევტს მიმართეთ.

რა შეიძლება იყოს შესაძლო გვერდითი ეფექტები:
როგორც ყველა წამლის შემთვევაში, ბრილინტაში არსებული ნივთიერების მიმართაც შეიძლება გამოვლინდეს მგრძნობელობა და გვერდითი ეფექტები.

ბრილანტა, სისხლის შედედებაზე მოქმედი წამალია, ამიტომ გვერდითი ეფექტები ძირითადად სისხლდენასთანაა დაკაშირებული. სისხლდენა, სხეულის ნებისმიერ ადგილას შეიძლება განვითარდეს. ზოგიერთ შემთხვევაში სისხლდენა (დალურჯებების და ცხვირიდან სისხლდენის სახით) გავრცელებულია. სერიოზული სისხლდენები შეიძლება სიცოცხლისთვის საშიში იყოს.

გვერდითი ეფექტები კატეგორიების მიხედვით ქვემოთაა მოცემული:

ძალიან გავრცელებული:10 ავადმყოფიდან სულ ცოტა 1 ავადმყოფთან ვლინდება.

გავრცელებული: 10 ავადმყოფიდან სულ ცოტა 1 ავადმყოფთან ვლინდება, მაგრამ 100 ავადმყოფიდან >1 ავადმყოფთან შეიძლება გამოვლინდეს.

ნაკლებად გავრცელებული: 100 ავადმყოფიდან <1 ავადმყოფთან, მაგრამ 1.000 ავადმყოფიდან >1 ავადმყოფთან შეიძლება გამოვლინდეს.

იშვიათი:1.000 ავადმყოფიდან <1 ავადმყოფთან და 10.000 ავადმყოფიდან >1 ავადმყოფთან შეიძლება გამოვლინდეს.

ძალიან იშვიათი: 10.000 ავადმყოფიდან <1 ავადმყოფთან შეიძლება გამოვლინდეს.

უცნობი: ხელთ არსებული მონაცემებით ვარაუდი შეუძლებელია.

თუ, ჩამოთვლილთაგან რომელიმე თქვენთან გამოვლინდება, ბრილინტას გამოყენება შეაჩერეთ და სასწრაფოდ თქვენს ექიმს აცნობეთ ანდა თქვენთან ყველაზე ახლო საავადმყოფოს ემერჯენსის განყოფილებას მიმართეთ:

თავის ტვინში ანდა ქალას შიგა სისხლჩაქცევა ნაკლებად გავრცელებული გვერდითი ეფექტია და ქვემოთ აღნიშნული ინსულტის სიმპტომების გამოვლინება შეიძლება განაპირობოს:
ხელების, ფეხების ანდა სახის უეცრად განვითარებული დაბუჟება ანდა ძალის დაკარგვა (განსაკუთრებით, სხეულის მხოლოდ ერთ მხარეზე)
უეცრად განვითრებული გაბრუება, მეტყველების გაძნელება
უეცრად განვითრებული სიარულის გაძნელება, წონასწორობის ანდა კოორდინაციის დაკარგვა
უეცრად განვითარებული თავბრუსხვევა ანდა აუხსნელი მიზეზის მქონე ძლიერი თავის ტკივილი
ქვემოთ მოცემულია სისხლდენის სიმპტომები:
ძლიერი და უკონტროლო სისხლდენა
მოულოდნელი ანდა გახანგრძლივებული სისხლდენა
ვარდისფერი, წითელი ანდა ყავისფერი ფერის შარდი
ღებინება წითელი სისხლით ანდა ნაღებინებ მასაში,,ყავის მარცვლების’’ მსგავსი მასების ვიზუალიზაცია
წითელი ანდა შავი ფერის განავალი (ნახშირის მსგავსი)
ხველით ანდა ღებინებით სისხლის კოლტების გამოყოლება
გონების დაკარგვა (სინკოპე)
თავის ტვინში სისხლის მიმოქცევის უეცარი დაქვეითების გამო, გონების გარდამავალი დაკარგვა (გავრცელებული).
თრომბული თრომბოციტოპენიური პურპურას სახელით წოდებული სისხლის შედედება
კანის ანდა თვალების გაყვითლებასთან (სიყვითლე)ერთად და ან მის გარეშე ცხელება და კანის ანდა პირის ღრუში მოლურჯო ლაქები (პურპურას სახელით წოდებული), აუხსნელი ძლიერი სისუსტე ანდა კონფუზია.
ყველა აღნიშნული ძალიან სერიოზული გვერდითი ეფექტებია. თუ, ჩამოთვლილთაგან რომელიმე თქვენთან ვლინდება, სასწრაფო სამედიცინო დახმარება ანდა საავადმყოფოში დაწოლა შეიძლება დაგჭირდეთ.

თუ, ქვემოთ ჩამოთვლილთაგან რომელიმე თქვენთან გამოვლინდება, თქვენს ექიმს აცნობეთ:

ჰაერის უკმარისობის შეგრძნება-ძალიან გავრცელებული. ეს მდგომარეობა გულის პრობლემების ან სხვა მიზეზის გამო განვითარებული ანდა ბრილინტას გვერდითი ეფექტი შეიძლება იყოს. ბრილინტასთან დაკავშირებული ჰაერის უკმარისობა ძირითდად მსუბუქი სიმძიმისაა, ხშირად დასვენების პერიოდში ანდა მკურნალობის პირველ კვირაში ვლინდება. ხშირად ვლინდება უეცარი, მოულოდნელი ჰაერის უკმარისობის შეგრძნებით, თუ ჰაერის უკმარისობა თანდათან მძიმდება და ხანგრძლივდება, ექიმს აცნობეთ. ექიმი, მკურნალობის ანდა უფრო დეტალური გამოკვლევების საჭიროების საკითხს გადაწყვეტს.
სხვა შესაძლო გვერდითი ეფექტები:

ძალიან გავრცელებული

სისხლში შარდმჟავას დონის მაღალი მაჩვენებელი (ანალიზებში ვლინდება)
სისხლდენები, რომელიც გამოწვეულია სისხლის დაავადებებით
სუნთქვის გაძნელება
გავრცელებული:

არტერიული წნევის დაცემა (ჰიპოტენზია)
სისხლდენა სასუნთქი სისტემიდან (სისხლიანი ნახველი-ჰემოპტიზი)
დალურჯებები (პეტექიები)
თავის ტკივილი
გაბრუება ანდა ოთახის ტრიალის შეგრძნება
დიარეა ანდა დისპეფსიური მოვლენები
ავად ყოფნის შეგრძნება (გულისრევა)
ყაბზობა
სისხლჩაქცევები კანზე ანდა კანქვეშ
ქავილი
გამონაყარი
სახსრებში ძლიერი ტკივილი და შეშუპება-პოდაგრის სიმპტომები
თავბრუსხვევა ანდა გაბრუების შეგრძნება ანდა მხედველობის შემღვრევა- აღნიშნული დაბალი არტერიული წნევის ნიშნებია
ცხვირიდან სისხლდენა
ოპერაციის შემდეგ ანდა გაჭრის (მაგ. გაპარსვისას გაჭრილი) შემდეგ სისხლდენა და ჭრილობიდან ნორმაზე მეტი სისხლდენა
კუჭიდან სისხლდენა
ღრძილებიდან სისხლდენა
საშარდზე გზებიდან სისხხლდენა
თირკმლების ფუნქციის განსაზღვრისას სისხლში კრეატინინის დონის მომატება
გონების დაკარგვა (სინკოპე)
ნაკლებად გავრცელებული:

სიმსივნური სისხლდენები (შარდის ბუშტის სიმსივნე, კუჭის სიმსივნე და კოლინჯის სიმსივნე)
გონების არევა
თვალის დასისხლიანების (სისხლჩაქცევების)გამო მხედველობის პრობლემები
ნორმალური მენსტრუალური სისხლდენისგან განსხვავებით უფრო ძლიერი ანდა სხვადასხვა პერიოდში განვითრებული ვაგინალური სისხლდენა
სახსრებსა და კუნთებში მტკივნეული შეშუპების გამომწვევი სიხლდენა
სისხლდენა ყურიდან
შინაგანი სისხლდენა,რომელიც იწვევს თავბრუსხვევასა ანდა გაბრუების შეგრძნებას
ალერგიის შედეგად სახის და ხახის შეშუპება, მომატებული მგრძნობელობა
სისხლდენა გამრავლების ორგანოებიდან
ქალაშიგა სისხლდენა (ინტრაკრანიალური ჰემორაგია)
მუცლის ღრუს გარეთა და შიგნითა გარსებიდან სისხლდენა (რეტროპერიტონეალური ჰემორაგია)
ნებისმიერი გვერდითი ეფექტის გამოვლინების შემთხვევაში, რომელიც არ არის ხსენებული წამლის გამოყენების ინსტრუქციაში, მიმართეთ თქვენს ექიმს, ექთანს ანდა ფარმაცევტს.

ბრილინტას შენახვა
ბრილინტა, ბავშვებისგან შორს, მიუწვდომელ ადგილას შეფუთვაში შეინახეთ.

შეინახეთ <300C ოთახის ტემპერატურაზე.

გამოიყენეთ გამოყენების ბოლო ვადის შესაბამისად.

შეფუთვაზე და ბლისტერზე მითითებული გამოყენების ბოლო ვადის შემდეგ ბრილინტა არ გამოიყენოთ.