Nystatin - ნისტატინის მ-მო 100000ერთ 15გ

გამოყენების ინსტრუქცია

ნისტატინი

NYSTATIN

LLL

სავაჭრო დასახელება: ნისტატინი

არაპატენტირებული საერთაშორისო დასახელება: ნისტატინი

წამლის ფორმა: მალამო

შემადგენლობა (1გ):

აქტიური ნივთიერება - ნისტატინი 22,73 მგ (100000 ერთ.)

არააქტიური ნივთიერებები: ლანოლინი უწყლო, სამედიცინო ვაზელინი

ათქ კოდი:  D01AA01

ფარმაკოთერაპიული ჯგუფი: სოკოს საწინააღმდეგო დერმატოლოგიური საშუალებები, ანტიბიოტიკები

ფარმაკოლოგიური თვისებები: ნისტატინი მიეკუთვნება პოლიენური ჯგუფის ანტიბიოტიკებს და წარმოადგენს სოკოს საწინააღმდეგო საშუალებას. იგი უკავშირდება სოკოს უჯრედოვანი მემბრანის სტეროლებს და არღვევს მათ მთლიანობას. ნისტატინი არჩევითად მოქმედებს პათოგენურ, განსაკუთრებით საფუარის მაგვარ Candida-ს ჯგუფის სოკოებზე და ასპერგილებზე. ახდენს ფუნგისტატურ, ხოლო დიდი დოზით - ფუნგიციდურ მოქმედებას. იგი არ არის აქტიური ბაქტერიების, აქტინომიცეტებისა და ვირუსების მიმართ.

გამოყენების ჩვენებები: კანისა და ლორწოვანი გარსების კანდიდოზი; ანტიბიოტიკების მიღებით გამოწვეული სოკოვანი გართულებების მკურნალობა.

მიღების წესი და დოზირება: ადგილობრივი გამოყენებისათვის.

მალამო დაიტანება თხელ ფენად დაზიანებულ ზედაპირზე 1-2-ჯერ დღეში, ყოველდღიურად, 7-10 დღის განმავლობაში. დაავადების ფორმისა და სიმძიმის გათვალისწინებით მკურნალობა შესაძლებელია გაგრძელდეს 4 კვირამდეც, პაციენტის სრულ გამოჯანმრთელებამდე.

უკუჩვენება: მალამოს შემადგენლობაში შემავალი კომპონენტების მიმართ ინდივიდუალური მომატებული მგრძნობელობა, ორსულობის პირველ ტრიმესტრში პრეპარატის გამოყენება საშოს არეში.

გვერდითი მოვლენები: შესაძლებელია ალერგიული რეაქციები მალამოს დატანის ადგილას -   კანის ქავილი, გამონაყარი, ჰიპერემია. ასეთ შემთხვევაში წყდება პრეპარატით მკურნალობა და ინიშნება სიმპტომატური თერაპია

დოზის გადაჭარბება: დღემდე არ არის აღწერილი ზედოზირების შემთხვევები ნისტატინის მალამოს გამოყენებისას.

განსაკუთრებული მითითებები: თავიდან უნდა იქნას აცილებული პრეპარატის მოხვედრა თვალის ლორწოვან გარსზე. ვულვისა და საშოს კანდიდოზის მკურნალობისას მოერიდეთ სქესობრივ კავშირს. ჰიპერმგრძნობელობის გამოვლების შემთხვევაში შეწყვიტეთ მკურნალობა და მიმართეთ ექიმს.

ურთიერთქმედება სხვა სამკურნალო საშუალებებთან: ნისტატინის მალამოს გამოყენებისას კლოტრიმაზოლთან ერთად მცირდება ამ უკანასკნელის აქტივობა.

გამოშვების ფორმა: 15გ მალამო ალუმინის ტუბში, რომელიც თავის მხრივ მოთავსებულია მუყაოს კოლოფში  გამოყენების ინსტრუქციასთან ერთად.

შენახვის პირობები: ინახება 2-8^OC ტემპერატურაზე, სინათლისაგან დაცულ, ბავშვებისათვის ხელმიუწვდომელ ადგილას!

ვარგისობის ვადა: 3 წელი

გაცემის წესი:

ფარმაცევტული პროდუქტის ჯგუფი III ჯგუფი, გაიცემა რეცეპტის გარეშე

მწარმოებელი: შპს „ოფიცინა“ (საქართველო)