Flusevit - ფლუსევიტი 150მგ 1 კაფსულა

გამოყენების ინსტრუქცია

ჩანართი: მომხმარებლის ინფორმაცია

ფლუსევიტი

Flusevit

150 მგ მყარი კაფსულები

ფლუკონაზოლი

ამ ჩანართში:

1. რას წარმოადგენს ფლუსევიტი და რისთვის გამოიყენება იგი;
2. რა უნდა იცოდეთ ფლუსევიტის გამოყენებამდე;
3. როგორ მივიღოთ ფლუსევიტი;
4. შესაძლო გვერდითი მოვლენები;

5. როგორ შევინახოთ ფლუსევიტი;
6. შეფუთვის შიგთავსი და სხვა ინფორმაცია.

1. რას წარმოადგენს ფლუსევიტი და რისთვის გამოიყენება იგი

ფლუსევიტი არის „სოკოს საწინააღმდეგო“ მედიკამენტების ერთ-ერთი ჯგუფი. აქტიური ნივთიერება არის ფლუკონაზოლი.

 ფლუსევიტი გამოიყენება სოკოთი გამოწვეული ინფექციების სამკურნალოდ და ასევე შესაძლოა გამოყენებული იყოს კანდიდოზური ინფექციების შესაჩერებლად. სოკოვანი ინფექციების ყველაზე ხშირი გამომწვევი არის  საფუარი, რომელსაც უწოდებენ კანდიდას. 

ზრდასრულები:

ექიმის დანიშნულებით ამ მედიკამენტის მიღება შეგიძლიათ შემდეგი ტიპის სოკოვანი ინფექციების მკურნალობის მიზნით:

- კრიპტოკოკური მენინგიტი  - სოკოვანი ინფექცია ტვინში;

- კოქციდიოიდომიკოზი - ბრონქოპულმონარული სისტემის დაავადება;

- კანდიდათი გამოწვეული ინფექციები, აღმოჩენილი სისხლში, სხეულის ორგანოებში (მაგ: გული, ფილტვები) ან საშარდე გზებში;

- ლორწოვანი კანდიდოზური სტომატიტი - ინფექცია, რომელიც გავლენას ახდენს პირის, ყელის  ამომფენ ლორწოვანზე  და კბილის პროთეზზე;

- გენიტალიური კანდიდოზი- ვაგინის ან მამაკაცის სასაქესო ორგანოს ინფექცია;

- კანის ინფექციები - მაგ: ტერფის ეპიდერმოფიტია, დერმატომიკოზი, საზარდულის ეპიდერმოფიტია, ფრჩხილის ინფექცია.

ფლუსევიტი ასევე შეიძლება მიიღოთ:

- კრიპტოკოკური მენინგიტის შებრუნების შესაჩერებლად;

-  ლორწოვანი კანდიდოზური სტომატიტის შებრუნების შესაჩერებლად;

- ვაგინალური კანდიდოზის რეციდივის შესამცირებლად;

- კანდიდათი გამოწვეული ინფექციების შეჩერების მიზნით (თუ თქვენი იმუნური სისტემა სუსტია და არ ფუნქციონირებს შესაბამისად);

ბავშვები და მოზარდები (0-დან 17 წლამდე)

ექიმის დანიშნულებით ამ მედიკამენტის მიღება შეგიძლიათ შემდეგი ტიპის სოკოვანი ინფექციების მკურნალობის მიზნით:

- ლორწოვანი კანდიდოზური სტომატიტი - ინფექცია, რომელიც გავლენას ახდენს პირის და ყელის  ამომფენ ლორწოვანზე;

- კანდიდათი გამოწვეული ინფექციები, აღმოჩენილი სისხლში, სხეულის ორგანოებში (მაგ: გული, ფილტვები) ან საშარდე გზებში;

- კრიპტოკოკური მენინგიტი  - სოკოვანი ინფექცია ტვინში;

ფლუსევიტი ასევე შეიძლება მიიღოთ:

- კანდიდათი გამოწვეული ინფექციების შეჩერების მიზნით (თუ თქვენი იმუნური სისტემა სუსტია და არ მუშაობს შესაბამისად);

-  კრიპტოკოკური მენინგიტის შებრუნების შესაჩერებლად.

2. რა უნდა იცოდეთ ფლუსევიტის მიღებამდე

არ მიიღოთ ფლუსევიტი თუ:

• ხართ ალერგიული ფლუკონაზოლის ან ამ მედიკამენტის სხვა ინგრედიენტების მიართ (მოცემულია პარაგრაფ 6-ში) ან სხვა მედიკამენტების მიმართ, რომლებიც მიგიღიათ სოკოვანი ინფექციების მკურნალობის მიზნით; სიმპტომები მოიცავს ქავილს, კანის სიწითლეს ან სუნთქვის გაძნელებას;
• ღებულობთ ასტემიზოლს, ტერფენადინს (ანტიჰისტამინურ პრეპარატებს, რომლებიც გამოიყენება ალერგიის დროს);
• ღებულობთ ციზაპრიდს (გამოიყენება კუჭის გაღიზიანების დროს);
• ღებულობთ პიმოზიდს (გამოიყენება ფსიქიკური დაავადების დროს);
• ღებულობთ ქინიდინს (გამოიყენება გულის არითმიის სამკურნალოდ);

ღებულობთ ერითრომიცინს (ანტიბიოტიკი გამოიყენება 

• ინფექციების სამკურნალოდ).

გაფრთხილება და სიფრთხილის ზომები

ფლუსევიტის გამოყენებამდე მიმართეთ ექიმს ან ფარმაცევტს:

- თუ გაქვთ ღვიძლთან ან თირკმელთან დაკავშირებული პრობლემები;

- თუ გაწუხებთ გულის დაავადება, მათ შორის გულის რითმის პრობლემები;

- თუ სისხლიში გაქვთ კალიუმის, კალციუმის ან მაგნიუმის შეუსაბამო დონე;

- თუ განვითარდა კანის მძიმე რეაქციები (ქავილი, კანის სიწითლე ან სუნთქვის გაძნელება);

- თუ განვითარდა თირკმელზედა ჯირკვალის უკმარისობა, როდესაც თირკმელზედა ჯირკვალი არ გამოიმუშავებს გარკვეული სტეროიდული ჰორმონების ადეკვატურ რაოდენობას, როგორიც არის კორტიზოლი (ქრონიკული ან ხანგრძლივი დაღლილობა, კუნთების სისუსტე, მადის დაკარგვა, წონაში კლება, მუცლის ტკივილი).

სხვა მედიკამენტები და ფლუსევიტი

დაუყოვნებლივ აცნობეთ ექიმს თუ ღებულობთ ასტემიზოლს, ტერფენადინს (ანტიჰისტამინური საშუალებები, რომლებიც გამოიყენება ალერგიის დროს) ან ციზაპრიდს (გამოიყენება კუჭის გაღიზიანების დროს) ან პიმოზიდს (გამოიყენება ფსიქიკური დაავადების დროს) ან ქინიდინს (გამოიყენება გულის არითმიის სამკურნალოდ) ან ერითრომიცინს (ანტიბიოტიკი გამოიყენება ინფექციების სამკურნალოდ), რადგან ისინი არ მიღება ფლუსევიტთან ერთად (იხილეთ პარაგრაფი „არ მიიღოთ ფლუსევიტი თუ“).

არსებობს გარკვეული მედიკამენტები, რომლებიც ურთიერთქმედებენ ფლუსევიტთან.

უნდა აცნობოთ ექიმს თუ თქვენ ღებულობთ შემდეგ მედიკამენტებს:

- რიფამპიცინი ან რიფაბუტინი (ანტიბიოტიკები, რომლებიც გამოიყენება ინფექციების დროს);

- ალფენტანილი, ფენტანილი (ტკივილგამაყუჩებელი);

- ამიტრიპტილინი, ნორტრიპტილინი (ანტიდეპრესანტი);

- ამფოტერიცინი B, ვორიკონაზოლი (სოკოს საწინააღმდეგო);

- მედიკამენტები, რომლებიც ათხელებენ სისხლს და ხელს უშლიან სისხლის კოლტების წარმოქმნას (ვარფარინი ან მსგავსი მედიკამენტები);

- ბენზოდიაზეპინები (მიდაზოლამი, ტრიაზოლამი ან მსგავსი მედიკამენტები), გამოიყენება საძილე საშუალებად ან ნერვული აღგზნებადობის დროს;

- კარბამაზეპინი, ფენიტოინი (გამოიყენება კრუნჩხვების დროს);

- ნიფედიპინი, ისრადიპინი, ამლოდიპინი, ფელოდიპინი და ლოსარტანი (გამოიყენება ჰიპერტენზიის - მაღალი არტერიული წნევის დროს);

- ციკლოსპორინი, ევეროლიმუსი, სიროლიმუსი ან ტაკროლიმუსი (ტრანსპლანტანტის გამოძევების პრევენცია);

- ციკლოსფოსფამიდი, ვინკა ალკალოიდები (ვინკრისტინი, ვინბლასტინი ან მსგავსი მედიკამენტები) გამოიყენება სიმსივნის მკურნალობისთვის;

- ჰალოფანტრინი (გამოიყენება მალარიის სამკურნალოდ);

- სტატინები (ატორვასტატინი, სიმვასტატინი და ფლუვასტატინი ან მსგავსი მედიკამენტები) გამოიყენება ქოლესტერინის დონის შესამცირებლად;

- მეტადონი (გამოიყენება ტკივილის დროს);

- ცელეკოქსიბი, ფლურბიპროფენი, ნაპროქსენი, იბუპროფენი, ლორნოქსიკამი, მელოქსიკამი, დიკლოფენაკი (არასტეროიდული ანთების საწინააღმდეგო საშუალებები);

- ორალური კონტრაცეპტივები;

- პრედნიზოლონი (სტეროიდი);

- ზიდოვუდინი, ასევე ცნობილია, როგორც AZT; საქუინავირი (გამოიყენება აივ- ინფიცირებულ პაციენტებში);

- დიაბეტის სამკურნალო მედიკამენტები, როგორიც არის ქლორპროპამიდი, გლიბენკლამიდი, გლიპიზიდი ან ტოლბუტამიდი;

- თეოფილინი (გამოიყენება ასთმის სამკურნალოდ);

- ვიტამინი A (საკვები დანამატი);

- 

- ივაკაფტორი (გამოიყენება ცისტური ფიბროზის დროს);

- ამიოდარონი (გამოიყენება არითმიის დროს);

- ჰიდროქლოროთიაზიდი (შარდმდენი).

აცნობეთ ექიმს ან ფარმაცევტს თუ ღებულობთ, ცოტა ხნის წინ ღებულობდით ან შეიძლება რომ მომავალში მიიღოთ სხვა მედიკამენტები.

ფლუსევიტი საკვებთან და სასმელთან ერთად

მედიკამენტის მიღება შეგიძლიათ საკვებთან ერთად ან მის გარეშე.

ორსულობა, ძუძუთი კვება და ფერტილობა

თუ ხართ ორსული ან მეძუძური, ფიქრობთ რომ შესაძლოა იყოთ ორსულად, თუ გეგმავთ ორსულობას, მედიკამენტის მიღებამდე კონსულტაციისთვის მიმართეთ თქვენს ექიმს ან ფარმაცევტს.

ექიმის დანიშნულების გარეშე არ მიიღოთ ფლუსევიტი ორსულობის დროს.

 ფლუსევიტის 200 მგ-მდე ერთჯერადი დოზის მიღების შემთხვევაში თქვენ შეგიძლიათ გააგრძელოთ ძუძუთი კვება.

განმეორებით ფლუსევიტის დოზის მიღების შემთხვევაში არ გააგრძელოთ ძუძუთი კვება.

ავტომანქანის მართვა და მექანიზმების გამოყენება

ავტომანქანის მართვის ან მექანიზმების გამოყენების დროს უნდა გაითვალისწინოთ, რომ ხანდახან შეიძლება გამოვლინდეს თავბრუსხვევა ან კრუნჩხვა.

ფლუსევიტი შეიცავს ლაქტოზას (რძის შაქარი)

ეს მედიკამენტი მცირე რაოდენობით შეიცავს ლაქტოზას (რძის შაქარი). თუ ექიმმა გითხრათ, რომ თქვენ გაქვთ შაქრის აუტანლობა, ამ პრეპარატის მიღებამდე მიმართეთ თქვენს ექიმს.

3. როგორ მივიღოთ ფლუსევიტი 

   მედიკამენტი მიიღეთ ყოველთვის ექიმის დანიშნულების შესაბამისად. თუ არ ხართ დარწმუნებული, კონტროლი გაიარეთ თქვენს ექიმთან ან ფარმაცევტთან.

   გადაყლაპეთ მთლიანი კაფსულა და მიაყოლეთ ერთი ჭიქა წყალი.  სასურველია კაფსულა მიიღოთ ყოველდღე ერთსა და იმავე დროს. სხვადასხვა ინფექციების დროს ამ მედიკამენტის რეკომენდებული დოზები  მოცემულია ქვემოთ:

   მედიკამენტი მიიღეთ ყოველთვის ექიმის დანიშნულების შესაბამისად. თუ არ ხართ დარწმუნებული, კონტროლი გაიარეთ თქვენს ექიმთან ან ფარმაცევტთან.

   გადაყლაპეთ მთლიანი კაფსულა და მიაყოლეთ ერთი ჭიქა წყალი.  სასურველია კაფსულა მიიღოთ ყოველდღე ერთსა და იმავე დროს. სხვადასხვა ინფექციების დროს ამ მედიკამენტის რეკომენდებული დოზები  მოცემულია ქვემოთ:

   ზრდასრულები

   მდგომარეობა	დოზა
   კრიპტოკოკური მენინგიტის მკურნალობა	400 მგ პირველ დღეს და შემდეგ 200 მგ-დან 400 მგ-მდე ერთჯერ დღეში, 6-8 კვირის განმავლობაში ან უფრო ხანგრძლივად საჭიროების მიხედვით. ხანდახან დოზა იზრდება 800 მგ-მდე.
   კრიპტოკოკური მენინგიტის შებრუნების შესაჩერებლად	200 მგ ერთჯერ დღეში, სანამ ექიმი არ გეტყვით წამლის მიღების შეწყვეტას.
   კოქციდიოიდომიკოზის მკურნალობა	200 მგ-დან 400 მგ-მდე ერთჯერ დღეში, 11 თვიდან 24 თვემდე ან უფრო ხანგრძლივად საჭიროების მიხედვით. ხანდახან დოზა იზრდება 800მგ-მდე.
   კანდიდათი გამოწვეული შიდა სოკოვანი ინფექციების მკურნალობა	800 მგ პირველ დღეს და შემდეგ 400 მგ ერთჯერ დღეში, სანამ ექიმი არ გეტყვით წამლის მიღების შეწყვეტას.
   ლორწოვანი გარსების ინფექციების მკურნალობა, რომელებიც გავლენას ახდენენ პირის, ყელის  ამომფენ ლორწოვანზე და კბილის პროთეზზე	200 მგ-დან 400 მგ-მდე პირველ დღეს და შემდეგ 100 მგ-დან 200 მგ-მდე, სანამ ექიმი არ გეტყვით წამლის მიღების შეწყვეტას.
   ლორწოვანი კანდიდოზური სტომატიტის მკურნალობა - დოზა დამოკიდებულია ინფექციის ლოკაციაზე	50 მგ-დან 400 მგ-მდე ერთჯერ დღეში, 7-30 დღე  სანამ ექიმი არ გეტყვით წამლის მიღების შეწყვეტას.
   ლორწოვანი ინფექციების შესაჩერებლად, რომლებიც გავლენას ახდენენ  პირის და ყელის  ამომფენზე.	100 მგ-დან 200 მგ-მდე, ერთჯერ დღეში, ან 200 მგ 3-ჯერ კვირაში, სანამ ხართ ინფექციის რისკის ქვეშ.
   გენიტალიური კანდიდოზის  მკურნალობა	150 მგ ერთჯერადი დოზა
   ვაგინალური კანდიდოზის რეციდივის შესამცირებლად	150 მგ ყოველ მესამე დღეს, ჯამში 3 დოზა (1,4, 7 დღეს) და შემდეგ კვირაში ერთჯერ 6 თვის განმავლობაში სანამ ხართ ინფექციის რისკის ქვეშ.
   კანის და ფრჩხილის სოკოვანი ინფექციების მკურნალობა	ინფექციის ლოკაციის მიხედვით 50 მგ ერთჯერ დღეში, 150 მგ კვირაში ერთჯერ, 300 მგ-დან 400 მგ-მდე კვირაში ერთჯერ, 1-4 კვირის განმავლობაში (ტერფის ეპიდერმოფიტიის შემთხვეაში შესაძლოა გაგრძელდეს 6 კვირამდე, ფრჩხილის ინფექციის მკურნალობისას მისი მიღება გრძელდება მანამდე სანამ ახალი ფრჩხილი არ ამოვა).
   კანდიდათი გამოწვეული ინფექციების შეჩერების მიზნით (თუ თქვენი იმუნური სისტემა სუსტია და არ მუშაობს შესაბამისად)	200 მგ-დან 400 მგ-მდე ერთჯერ დღეში, სანამ ხართ ინფექციის რისკის ქვეშ.

    

   12-დან 17 წალმდე ასაკის მოზარდებში

   მედიკამენტის დოზა მიიღეთ ყოველთვის ექიმის დანიშნულების შესაბამისად (მოზრდილთა ან ბავშვთა დოზირების რეჟიმის  შესაბამისად).

    

   11 წლამდე ასაკის ბავშვებში

   ბავშვებში მაქსიმალური სადღეღამისო დოზა არის 400 მგ.

    

   დოზა დამოკიდებულია ბავშვის წონაზე კილოგრამებში.

   მდგომარეობა	სადღეღამისო დოზა
   კანდიდათი გამოწვეული ლორწოვანის კანდიდოზური სტომატიტი და ყელის ინფექციები - დოზა და მკურნალობის ხანგრძლივობა დამოკიდებულია ინფექციის სიმძიმეზე და ლოკაციაზე	3 მგ სხეულის წონის თითო კილოგრამზე (პირველ დღეს შეიძლება 6 მგ-ს მიღება სხეულის წონის ერთ კგ-ზე)
   კანდიდათი გამოწვეული კრიპტოკოკური მენინგიტი ან შიდა სოკოვანი ინფექციები	6 მგ-დან 12 მგ-მდე სხეულის წონის თითო კილოგრამზე

   ბავშვებში კანდიდათი გამოწვეული ინფექციების პრევენციის მიზნით (თუ მათი იმუნური სისტემა სუსტია და არ მუშაობს შესაბამისად)

   3 მგ-დან 12 მგ-მდე სხეულის წონის თითო კილოგრამზე

    

   გამოყენება 0-დან 4 კვირის ასაკის ბავშვებში

   გამოყენება 3-დან 4 კვირის ასაკის ბავშვებში:

   იგივე დოზა რაც ზემოთ არის მოცემული, მაგრამ მიიღება ყოველ 2 დღეში ერთჯერ. მაქსიმალური დოზა  არის 12 მგ სხეულის წონის თითო კილოგრამზე ყოველ 48 საათში.

   გამოყენება 2 კვირაზე ნაკლები ასაკის ბავშვებში:

   იგივე დოზა რაც ზემოთ არის მოცემული, მაგრამ მიიღება ყოველ 3 დღეში ერთჯერ. მაქსიმალური დოზა  არის 12 მგ სხეულის წონის თითო კილოგრამზე ყოველ 72 საათში.

    

   ხანდაზმულები

   მიიღება ზრდასრულების ჩვეულებრივი დოზა იმ შემთხვევაში თუ არ არის თირკმელთან დაკავშირებული პრობლემები.

    

   თირკმელთან დაკავშირებული პრობლემების მქონე პაციენტები

   თქვენი თირკმლის ფუნქციის მიხედვით ექიმმა შესაძლოა შეცვალოს დოზა.

    

   თუ მიიღეთ მეტი ფლუსევიტი ვიდრე უნდა მიგეღოთ

   ერთდოულად ძალიან ბევრი კაფსულის მიღებისას შეიძლება თავი ცუდად იგრძნოთ. დაუყოვნებლივ მიმართეთ თქვენს ექიმს ან უახლოეს საავადმყოფოს. ჭარბი დოზის მიღებისას სიმპტომები მოიცავს არარელურ სმენას, ხედვას, შეგრძნებას და აზროვნებას (ჰალუცინაცია და პარანოიდული ქცევა). 

   ადეკვატური სიმპტომატური მკურნალობა (საჭიროა დამხმარე ზომების მიღება და საჭიროების შემთხვევაში კუჭის ამორეცხვა).

    

   თუ დაგავიწყდათ ფლუსევიტის მიღება

   არ მიიღოთ ორმაგი დოზა გამოტოვებული დოზის ასანაზღაურებლად. თუ დაგავიწყდათ დოზის მიღება, მაშინ მიიღეთ როგორც კი გაგახსენდებათ. თუ უკვე შემდეგი დოზის მიღების დროა, მაშინ არ მიიღოთ ის დოზა რომელიც გამოტოვეთ.

   მედიკამენტთან დაკავშირებით დამატებითი კითხვების შემთხვევაში მიმართეთ ექიმს ან ფარმაცევტს.

    

   4. შესაძლო გვერდითი მოვლენები

   მსგავსად ყველა მედიკამენტისა ამ მედიკამენტმაც შეიძლება გამოიწვიოს გვერდითი მოვლენები, თუმცა ყველასთან არ ვითარდება.

   ზოგიერთ ადამიანში გამოვლინდა ალერგიული რეაქციები, თუმცა სერიოზული ალერგიული რეაქციები იშვიათია.  თუ შენიშნავთ რაიმე სახის გვერდით მოვლენას  მიმართეთ ექიმს ან ფარმაცევტს. ეს მოიცავს ისეთ გვერდით მოვლენებს რომელიც ამ ჩანართში არ არის მოცემული. ქვემოთ მოცემული სიმპტომების შეთხვევაში დაუყოვნებლივ აცნობეთ ექიმს:

   - უეცარი ხიხინი,  სუნთქვის გაძნელება ან შებოჭვა გულმკერდის არეში;

   - ქუთუთოების, სახის ან ტუჩების შეშუპება;

   - ქავილი მთელ სხეულზე, კანის სიწითლე ან ქავილის გამომწვევი წითელი ლაქები;

   - გამონაყარი კანზე;

   - კანის რეაქციები, როგორიც არის გამონაყარი, რომელიც იწვევს ბუშტუკების განვითარებას (ამან შეიძლება გავლენა იქონიოს პირის ღრუზე და ენაზე).

   ფლუსევიტმა შეიძლება გავლენა იქონიოს თქვენს ღვიძლზე. ღვიძლთან დაკავშირებული პრობლემები მოიცავს:

   - დაღლილობას;

   - მადის დაქვეითებას;

   - ღებინებას;

   - კანის სიყვითლეს ან თვალების გათეთრებას (სიყვითლე).

   ჩამოთვლილიდან რომელიმე სიმპტომის გამოვლენის შემთხვევაში შეწყვიტეთ ფლუსევიტის მიღება და დაუყოვნებლივ მიმართეთ ექიმს.

    

   სხვა გვერდითი მოვლენები:

   გარდა ამისა, თუ რომელიმე გვერდითი მოვლენა მიიღებს სერიოზულ ხასიათს ან თუ შენიშნავთ ისეთ გვერდით მოვლენებს, რომელებიც ამ ჩანართში არ არის მოცემული, მაშინ აცნობეთ თქვენს ექიმს ან ფარმაცევტს.

   ხშირი გვერდითი მოვლენები (შესაძლოა გავლენა იქონიოს 10-დან 1 პაციენტში):

   • თავის ტკივილი;
   • დისკომფორტი მუცელში, დიარეა, შეუძლოდ ყოფნა, ღებინება;
   • სისხლის ანალიზში ღვიძლის ფუნქციების მომატება;
   • გამონაყარი.

   არახშირი გვერდითი მოვლენები (შესაძლოა გავლენა იქონიოს 100-დან 1 პაციენტში):

   • ერითროციტების შემცირება, რამაც შეიძლება გამოიწვიოს კანის სიფერმკრთალე, სისუსტე და ქოშინი;
   • მადის დაქვეითება;
   • ძილის შეუძლებლობა, ძილიანობის შეგრძნება;
   • კრუნჩხვა, თავბრუსხვევა, ჩხვლეტის შეგრძნება, დაბუჟება, გემოს შეცვლა;
   • ყაბზობა, საჭმლის მონელების გაძნელება, გაზები, პირის სიმშრალე;
   • კუნთების ტკივილი;
   • ღვიძლის დაზიანება, კანის და თვალების სიყვითლე;
   • ბლისტერები, ბუშტუკები, ქავილი, მომატებული ოფლიანობა;
   • დაღლილობა, შეუძლოდ ყოფნა, ცხელება;

   იშვიათი გვერდითი მოვლენები (შესაძლოა გავლენა იქონიოს 1000-დან 1 

   პაციენტში):

   • ლეიკოციტების ნორმალურზე დაბალი რაოდენობა, რომელიც ეხმარება ინფექციებისგან დაცვაში და სისხლის უჯრედები, რომლებიც ხელს უწყობენ სისხლდენის შეჩერებას;
   • წითელი ან იისფერი კანის გაუფერულება, რაც შეიძლება გამოწვეული იყოს თრომბოციტების დაბალი რაოდენობით, სისხლის სხვა ცვლილებები;
   • ცვლილება სისხლის ქიმიაში (ცხიმების და ქოლესტერინის მაღალი შემცველობა);
   • სისხლში კალიუმის დაბალი დონე;
   • კანკალი;
   • ცვლილებები ელექტროკარდიოგრამაში, გულისცემის სიხშირის ან რითმის ცვლილება;
   • ღვიძლის უკმარისობა;
   • ალერგიული რეაქციები (ხანდახან მძიმე), მათ შორის ფართოდ გავრცელებული ბუშტუკებიანი გამონაყარი და კანის აქერცვლა, კანის მწვავე რეაქციები, ტუჩების ან სახის შეშუპება.

    

   მოხსენება გვერდითი მოვლენების შესახებ

   თუ შენიშნავთ გვერდით მოვლენებს აცნობეთ ექიმს, ფარმაცევტს ან ექთანს. ეს მოიცავს ისეთ გვერდით მოვლენებს რომელიც ამ ჩანართში არ არის მოცემული. გვერდითი მოვლენების შესახებ პირდაპირ შეგიძლიათ აცნობოთ ჯანდაცვის ორგანოებს (დეტალები იხილეთ ქვემოთ).  გვერდითი მოვლენების მოხსენებით თქვენ უზრუნველყოფთ მეტი ინფორმაციის მიწოდებას მედიკამენტის უსაფრთხოების შესახებ.

    

   5. როგორ შევინახოთ ფლუსევიტი

   მედიკამენტი შეინახეთ ბავშვებისთვის მიუწვდომელ ადგილას.

   არ გამოიყენოთ მედიკამენტი ვარგისიანობის ვადის გასვლის შემდეგ, რომელიც მითითებულია შეფუთვაზე. ვადის ამოწურვა გულისხმობს  თვის ბოლო დღეს.

   შეინახეთ არაუმეტეს 25⁰C ტემპერატურაზე.

   მედიკამენტი არ გადააგდოთ საყოფაცხოვრებო ნარჩენებში ან წყალში. თუ აღარ გესაჭიროებათ, მედიკამენტის განკარგვის შესახებ ჰკითხეთ ექიმს. ამ ზომების მიღებით თქვენ დაიცავთ გარემოს.

    

   6. შეფუთვის შიგთავსი და სხვა ინფორმაცია

   რას შეიცავს ფლუსევიტი:

   • აქტიური ნივთიერება არის ფლუკონაზოლი;
   • თითოეული მყარი კაფსულა შეიცავს 150 მგ ფლუკონაზოლს;
   • სხვა ინგრედიენტებია:

   კაფსულის შიგთავსი:

   ლაქტოზას მონოჰიდრატი, სიმინდის სახამებელი, სილიციუმის უწყლო კოლოიდური დიოქსიდი, ნატრიუმის ლაურილსულფატი, მაგნიუმის სტეარატი.

   ცარიელი კაფსულა:

   ჟელატინი, ტიტანის დიოქსიდი CI 77891 (E171), ტარტრაზინი CI 19140E102, ერითროზინი  CI 45430 E127 და პატენტირებული  ლურჯი V CI 42051 (E131).

    

   როგორ გამოიყურება ფლუსევიტი და შეფუთვის შიგთავსი

   ფლუსევიტი 150 მგ არის მუქი მწვანე /თეთრი ფერის მყარი კაფსულა.

   ფლუსევიტი 150 მგ მყარი კაფსულა ბლისტერში, ერთი ბლისტერი კოლოფში გამოყენების ინსტრუქციასტან ერთად.

    

   აფთიაქიდან გაცემის წესი:

   ფარმაცევტული პროდუქტის ჯგუფი II, გაიცემა ფორმა N3 რეცეპტით.

    

   სავაჭრო ნებართვის მფლობელი

   შპს Senso Vita Pharmacy LLC

   საქართველო, თბილისი, ვაკე-საბურთალოს რაიონი, ნიკოლოზ ყიფშიძის ქუჩა N 12ბ,

   ბ. 

   51.

    

   მწარმოებელი:

   საბერძნეთი, Medicair Bioscience Laboratories S.A.

   61^st km National Road Athinon-Lamias

   SximatariViotias, 32009, Greece