ACEFLEX-TH - აცეფლექსი-TH 10 ტაბლეტი

სავაჭრო დასახელება: აცეფლექსი-TH

სამკურნალო ფორმა: 100მგ + 4მგ აპკიანი გარსით დაფარული ტაბლეტი №10 (1X10)

შემადგენლობა

ერთი შემოგარსული ტაბლეტი შეიცავს: აცეკლოფენაკს I.P.-100 მგ-ს; თიოკოლხიკოზიდს I.P. - 4 მგ -ს.

აქტიური ნივთიერებაა:  comb. drug ( Aceclofenac Thiocolchicoside)

დამხმარე ნივთიერებები:  სიმინდის სახამებელი, მიკროკრისტალური ცელულოზა, ნატრიუმის მეთილპარაბენი, ნატრიუმის პროპილპარაბენი, მაგნიუმის სტეარატი, გასუფთავებული ტალკი, სახამებლის ნატრიუმის გლიკოლატი, კოლოიდური სილიციუმის დიოქსიდი, ჰიდროქსიპროპილმეთილცელულოზა, იზოპროპილის სპირტი, ტიტანის დიოქსიდი, საღებავი რკინის წითელი ოქსიდი, გასუფთავებული წყალი.

ფარმაკოდინამიკა

თიოკოლხიკოზიდი, ნახევრადსინთეზური მიორელაქსანტია, რომელიც ბუნებრივი გლიკოზიდისგან -კოლხიკოზიდისგან მიიღება. ავლენს სელექტიურ აფინურობას გამა-ამინო-ერბომჟავასა (გაემ) და გლიცინურირეცეპტორების მიმართ, რაც განაპირობებს პრეპარატის მოქმედებას.

ნერვული სისტემის სხვადასხვა დონეზე, როგორც ადგილობრივი, ასევე ცენტრალური ხასიათის სპაზმის დროს. მას არ გააჩნია კურარეს მსგავსი მოქმედება, იგი არ იწვევს დამბლას, არ ახდენს გავლენას სასუნთქ და გულ-სისხლძარღთა სისტემებზე.

აცეკლოფენაკი წარმოადგენს არასტეროიდულ პრეპარატს (ასაპ), რომელსაც გააჩნია ანთების საწინააღმდეგო და ანალგეზიური თვისებები. აცეკლოფენაკის მოქმედების მექანიზმი მნიშვნელოვნად არის დამოკიდებული პროსტაგლანდინების სინთეზის ინჰიბირებაზე. აცეკლოფენაკი წარმოადგენს ფერმენტ ციკლოოქსიგენაზის მძლავრ ინჰიბიტორს, რომელიც ჩართულია პროსტაგლანდინების სინთეზში.

ჩვენებები:

კუნთოვანი და ნერვკუნთოვანი სპაზმით გამოწვეული ტკივილის დროს: ოსტეოპოროზი, რევმატოიდული ართრიტი და მანკილოზებელი სპონდილოზები (ტკივილის და ანთებითი პროცესების მოსახსნელად); 

სპასტიური ხასიათის ტკივილის სამართავად შემდეგი მდგომარეობებისას:

- ხერხემლის დეგენერაციული დაავადებები (დორსალგია, ლუმბალგია);

- კუნთების სპაზმით მიმდინარე ტრავმული დაზიანებები და ნევროლოგიური დაავადებები;

- სპორტული ტრავმები;

- სახსრებზე წარმოებული ოპერაციების შემდგომი რეაბილიტაცია.

დოზირება და მიღების წესი

ერთი ტაბლეტი 2-ჯერ დღეში 5-7 დღის განმავლობაში.

მიღების წესი: პერორალურად, ჭიქა წყალთან ერთად. ტაბლეტი მიიღება მთლიანად, დაუღეჭავად, საკმარისი რაოდენობის სითხესთან ერთად.

უკუჩვენებები

16 წლამდე ასაკის ბავშვები; მომატებული მგრძნობელობა თიოკოლხიკოზიდის, აცეკლოფენაკის ან პრეპარატის სხვა რომელიმე კომპონენტის მიმართ. მომატებული მგრძნობელობა მსგავსი მოქმედების მქონე საშუალებების მიმართ (მაგ.: ასპირინი ან სხვა არასტეროიდული ანთების საწინააღმდეგო პრეპარატები), ბრონქული ასთმის შეტევები, ბრონქოსპაზმი, მწვავე რინიტი ან ჭინჭრის ციება. მძიმე  ხარისხის  გულის  უკმარისობა, ღვიძლის  ან  თირკმლის  ფუნქციის  დარღვევა, ორსულობის ბოლო ტრიმესტრი.

შეფუთვა

10 ტაბლეტი ბლისტერში. 1 ბლისტერი მუყაოს კოლოფში.

შენახვის პირობები

ინახება მშრალ და სინათლისგან დაცულ ადგილას, არაუმეტეს 25 °C ტემპერატურაზე .

ინახება ბავშვებისათვის მიუწვდომელ ადგილას.

ვარგისობის ვადა 2 წელი.

შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

გაცემის წესი

II ჯგუფი, გაიცემა ფორმა №3 რეცეპტით

მწარმოებელი ZEE LABORATORIES LIMITED

47 ინდასტრიალარეა, პაონტასაჰიბი-173025 (ინდოეთი)