Spasmomen - სპაზმომენი 40მგ 30 ტაბლეტი

შემადგენლობა

თითო შემოგარსული ტაბლეტი შეიცავს:
მოქმედ ნივთიერებას: 40 მგ ოტილონიუმის ბრომიდს.
დამხმარე ნივთიერებები: ლაქტოზა, სახამებელი, ნატრიუმის სახამებელ გლიკოლატი, მაგნიუმის სტეარატი, ჰიპრომელოზა, ტიტანის დიოქსიდი, მაკროგოლი, ტალკი.

ჩვენებები
გაღიზიანებული ნაწლავის სინდრომი (გნს) და ნაწლავის დისტალური ნაწილის მტკივნეული სპაზმი.

მიღების წესები და დოზები
თითო შემოგარსული ტაბლეტი 2-3 ჯერ დღეში ექიმის დანიშნულებით.
მკურნალობის ხანგრძლივობა
ექიმის დანიშნულებით.

უკუჩვენება
ჰიპერმგრძნობელობა აქტიური ნივთიერების და მასში შემავალი ნებისმიერი დამხმარე ნივთიერების მიმართ. 
სპეციალური მითითება
საჭიროა სიფრთხილე გლაუკომის, წინამდებარე ჯირკვლის ჰიპერტროფიის, პილოროსტენოზის დროს.

ორსულობა და ლაქტაცია
ორსულობა და ლაქტაცია
ცხოველებზე ჩატარებულ კვლევებში პრეპარატი არ ახდენს ემბრიოტოქსიკურ, ტერატოგენურ ან მუტაგენურ მოქმედებას, თუმცა, როგორც მრავალი სხვა სამკურნალო საშუალების ხმარებისას, პრეპარატის გამოყენება ორსულობის ან ლაქტაციის პერიოდში შეიძლება მხოლოდ სასიცოცხლო აუცილებლობის შემთხვევაში ექიმის მეთვალყურეობის ქვეშ.

განსაკუთრებული მითითებები
დღემდე არ არსებობს ცნობები პრეპარატის ზემოქმედების შესახებ ავტომობილის ან მექანიზმების მართვის უნარზე.
თუ გაქვთ აუტანლობა შაქრის ზოგიერთი სახეობის მიმართ, მოცემული პრეპარატის მიღებამდე აუცილებლად აცნობეთ აღნიშნულის შესახებ მკურნალ ექიმს.

ჭარბი დოზირება
ცხოველებზე ჩატარებულ კვლევებში ოტილონიუმის ბრომიდი პრაქტიკულად არ ავლენდა ტოქსიკურ მოქმედებას. ამიტომ, სავარაუდოდ, ადამიანებში პრეპარატის ჭარბ დოზას არ უნდა ჰქონდეს ტოქსიკური მოქმედება. ოტილონიუმის ბრომიდის დოზის გადაჭარბებისას ნაჩვენებია სიმპტომური და შემანარჩუნებელი თერაპია. 
არასასურველი მოვლენები
თერაპიული დოზებით პრეპარატი არ იწვევს გვერდით, კერძოდ, ატროპინის მსგავს მოვლენებს. აცნობეთ ექიმს ან ფარმაცევტს ნებისმიერი არასასურველი მოვლენის გამოვლენის შემთხვევაში.

სხვა წამლებთან ურთიერთქმედება
არ არის აღნიშნული.

შენახვის პირობები და ვადები
3 წელი. პრეპარატი არ გამოიყენება შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადა გულისხმობს მითითებული თვის ბოლო დღეს. ვარგისიანობის ვადა მითითებულია მხოლოდ პრეპარატის გაუხსნელი შეფუთვისათვის შენახვის პირობების დაცვისას.
სპაზმომენის® შენახვა რეკომენდებულია ორიგინალ შეფუთვაში. სამკურნალო საშუალება შეინახეთ ბავშვებისათვის მიუწვდომელ ადგილას.
პრეპარატის უტილიზაციის მიზნით მისი კანალიზაციის მილში ან საყოფაცხოვრებო ნაგავში გადაგდება არ შეიძლება. პრეპარატის უტილიზაციის საკითხთან დაკავშირებით მიმართეთ ფარმაცევტს. აღნიშნული ზომები ხელს შეუწყობს გარემოს დაცვას.

აფთიაქში გაცემის წესი
პრეპარატი გაიცემა მკაცრად რეცეპტით.
II ჯგუფი (გაცემის რეჟიმი: რეცეპტით)