Provist - პროვისტი 16მგ 14 ტაბლეტი

რას წარმოადგენს პროვისტი® და რისთვის გამოიყენება

პროვისტი® შეიცავს მეთილპრედნიზოლონს. მეთილპრედნიზოლონი მიეკუთვნება მედიკამენტების ჯგუფს, რომლებიც იწოდებიან სტეროიდებად. მათი სრული სახელწოდება არის კორტიკოსტეროიდები. კორტიკოსტეროიდები გამომუშავდება ადამიანის ორგანიზმში ბუნებრივად და მნიშვნელოვან როლს თამაშობს სხეულის მრავალ ფუნქციებისას.

კორტიკოსტეროიდები ფართოდ გამოიყენება თერაპიისას მათი ანთების საწინააღმდეგო და მინერალკორტიკოიდური ეფექტების გამო. კერძოდ, პროვისტი® ნაჩვენებია სხვადასხვა დარღვევების დროს, რომლებიც ასოცირდება შემდეგ მდგომარეობებთან:

• ენდოკრინული დარღვევები,
• რემვატოიდული დარღვევები და კოლაგენური დაავადებები,
• დერმატოლოგიური დაავადებები,
• ალერგიული მდგომარეობები,
• ოფთალმოლოგიური დაავადებები,
• რესპირატორული დარღვევები,
• ჰემატოლოგიური დარღვევები,
• ნეოპლასტური დაავადებები,
• ოდემატოზური მდგომარეობები,
• კუჭ-ნაწლავის დაავადებები,
• ცენტრალური ნერვული სისტემის დარღვევები,
• ტუბერკულოზი მენინგიტი (სუბარაქნოიდული ბლოკით ან ბლოკადის საშიშროებით ერთდროულად ტუბერკულოზის საწინააღმდეგო ქიმიოთერაპიის გამოყენებისას),
• ტრიხონოზი (ნევროლოგიური და მიოკარდიალური ჩათრევით).

  ინფორმაცია პროვისტის® მიღებამდე

 არ მიიღოთ პროვისტი®

თუ გახასიათებთ ალერგია მეთლპრედნიზოლონის ან ამ მედიკამენტის შემადგენელ ნებისმიერი დამხმარე ინგრედიენტის მიმართ (იხილეთ ჩამონათვალის პუნქტში 6).

არ უნდა მიიღოთ მეთლპრედნიზოლონი თუ აღინიშნება:

თორმეტგოჯა ნაწლავის წყლული, თვალის herpes simplex, გლაუკომა, ოსტეოპოროზი, შაქრიანი დიაბეტი, ფსიქოზი, პროფილაქტიკური ვაქცინაქციის წინ ან ვაქცინის შემდეგ, თუ აღინიშნება კარდიოპათია ან ჰიპერტონია კონგესტიური გულის უკმარისობისას, სისტემური მიკოზი, ტუბერკულოზი, რთული ნეფროპათია, ინფექციური დაავადებები, სისხლდენის მიმართ მიდრეკილება.

ცოცხალი ვაქცინის ან დასუსტებული ცოცხალი ვაქცინის გამოყენება პაციენტებში, რომლებიც იღებენ კორტიკოსტეროიდულების იმუნოსუპრესიულ დოზირებებს, უკუნაჩვენებია.

გაფრთხილებები და უსაფრთხოების ზომები

მიმართეთ ექიმს ან ფარმაცევტს პროვისტის® გამოყენებამდე კონსულტაციისთვის შემდეგ შემთხვევებში

• უნდა აცნობოთ ექიმს პროვისტის® გამოყენების შესახებ, რადგან კორტიკოსტეროიდულები გამოიყენება სიფრთხილით და უმცირესი ეფექტური დოზირებით.
• თუ იღებთ პროვისტს და ხართ უჩვეულო სტერსულ მდგომარეობაში, აცნობეთ ექიმს, ვინაიდან შესაძლოა საჭირო გახდეს დოზირების გაზრდა.
• თუ აღინიშნება აქტიური ტუბერკულოზი, უნდა მიიღოთ პროვისტი® მხოლოდ შეთავსებად ტუბსაწინააღმდეგო თერაპიასთან ერთად და მხოლოდ ფულმინური ან დისემინირებულ ტუბერკულოზის შემთხვევებში.
• თუ გახასიათებთ ნეირომუსკულარული გამტარობის დარღვევები (მაგალითად მიასთენია გრავისი) ან იღებთ ანტიქოლინურ მედიკამენტებს.
• პროვისტის® ხანგრძლივმა გამოყენებამ შესაძლოა გამოიწვიოს თვალების და მხედველობის პრობლემები. თუ აღინიშნება მხედველობის დარღვევები, უნდა აცნობოთ ექიმს. თუ გახასიათებთ თვალის ჰერპესი და იღებთ პროვისტს, საჭიროა ექიმის მიერ ხშირი მონიტორინგი.
• უნდა აცნობოთ ექიმს თუ შენიშნავთ უჩვეულო სიმპტომების ჯანმრთელობის მხრივ პროვისტის® გამოყენების პერიოდში, ვინაიდან შესაძლოა საჭირო გახდეს დოზირების კორექცია (შემცირება).
• პროვისტის® მიღებისას ორგანიზმს გააჩნია ინფექციის მიმართ რედუცირებული რეზისტენტულობა. ისეთი დაავადებები, როგორიცაა ჩუტყვავილა და წითელა შესაძლოა საფრთხეს წარმოადგენდეს. დაუყონებლივ აცნობეთ ექიმს, თუ აღინიშნება ზემოთაღნიშნული დაავადებები.
• კორტიკოსტეროიდებს ახასიათებთ გაძლიერებული ეფექტი პაციენტებში ჰიპოთირეოზით ან ღვიძლის ციროზით.
• პროვისტით® მკურნალობის დაწყებამდე აცნობეთ ექიმს, თუ აღინიშნება ლატენტური ან აქტიური კუჭის წყლული, თირკმელების უკმარისობა, ჰიპერტონია, ცოტა ხნის წინ გადატანილი მიოკარდის ინფარქტი, გულის შეგუბებითი უკმარისობა, ოსტეოპოროზი, მიასთენია, წყლულოვანი კოლიტი, დივერტიკულიტი, აბსცესი ან სხვა ჩირქოვანი ინფექციები, ამებიაზა, პარაზიტული ინფექიები, სეპტიური შოკი.
• არ შეიძლება პროვისტის® დოზირების სწრაფი შემცირება, რადგან ამან შესაძლოა გამოიწვიოს ,,მოხსნის სინდრომი“, რასაც ახასიათებს კუნთების სისუსტე, ჰიპოტონია, ჰიპოგლიკემია, ღებინება, გულისრევა, მოუსვენრობა, კუნთების ტკივილი, სახსრების ტკივილი. გარდა ამისა, დოზირების სწაფი მოხსნისას შესაძლოა აღინიშნოს თირკმელზედა ჯირკვლის ქერქის მწვავე უკმარისობა, რაც შესაძლოა დასრულდეს ლეტალური შედეგით.
• კორტიკოსტეროიდები გამოიყენება სიფრთხილით ეპილეფსიური დარღვევების მქონე პაციენტებში.
• კორტიკოსტეროიდულებით მკურნალობის პერიოდში ან დოზირების შემცირების / მოხსნის შემდეგ შესაძლოა აღინიშნოს ფსიქიური დარღვევები, როგორიცაა ეიფორია, უძილობა, ხასიათის ცვლილებები, პიროვნების დარღვევა, რთული დეპრესია, ხასიათის დათრგუნვა ან სუიციდური აზრები.
• კორტიკოსტეროიდულები გამოიყენება სიფრთხილით პაციენტებში, რომლებთაც აღენიშნებათ თრომბოემბოლიური დარღვევები ან პაციენტებში, რომლებთაც ახასიათებთ თრომბოემბოლიური დარღვევების წინაპირობები.
• კორტიკოსტეროიდების ხანგრძლივმა გამოყენებამ შესაძლოა გამოიწვიოს სისხლში გლუკოზის დონის მომატება ან დამატებითი გულ-სისხლძარღვთა ეფექტები. პროვისტით® მკურნალობის პერიოდში უნდა გააკონტროლოთ თქვენი სისხლის წნევა და სხეულის წონა, უნდა შემოწმდეს შაქრის და ელექტროლიტების დონე, ასევე უნდა ყურადღება მიაქციოთ კვების რეჟიმს ექიმის მითითებების შესაბამისად.
• აცნობეთ ექიმს, თუ გამოვლინდება ალერგიული რეაქციები.
• სისტემური კორტიკოსტეროიდების გამოყენება არ შეიძლება ქალა-ტვინის ტრამვების სამკურნალოდ.
• თუ იღებთ ასპირინს ან არასტეროიდულ ანთების საწინააღმდეგო პრეპარატებს ან გახასიათებთ კუშინგის სინდრომი, უნდა აცნობოთ ამის შესახებ ექიმს.
• თუ არსებობს ფეოქრომოციტომის არსებობაზე ეჭვი ან დადასტურებული დიაგნოზი, უნდა აცნობოთ ამის შესახებ ექიმს. ექიმი შეაფასებს კორტიკოსტეროიდულების რისკ-სარგებელს, რადგან სისტემური კორტიკოსტეროიდულების გამოყენების შემდეგ პაციენტებში გამოვლინდა ფეოქრომოციტომა, რამაც შესაძლოა გამოიწვიოს ფატალური შედეგი.
• არსებობს ცნობები კაპოშის სარკომის გამოვლენის შესახებ პაციენტებში, რომლებიც იღებენ კორტიკოსტეროიდებს. კორტიკოსტეროიდულების მიღების შეწყვეტამ შესაძლოა გამოიწვიოს კლინიკური რემისია.
• კორტიკოსტეროიდების მაღალმა დოზირებამ შესაძლოა გამოიწვიოს მწვავე პანკრეატიტი. გლუკოკორტიკოიდებით თერაპიამ შესაძლოა მოახდინოს პერიტონიტის ან სხვა კუჭ-ნაწლავის დაავადებასთან ასოცირებული დარღვევების სიმპტომების დაფარვა, როგორიცაა პერფორაცია, ობსტრუქცია ან პანკრეატიტი.

 ბავშვები

დოზირება განისაზღვრება ბავშვის კლინიკური პასუხის შესაბამისად და უნდა შემოიფარგლებოდეს უმდაბლესი დოზირებით რაც შეიძლება ხანმოკლე დროის განმავლობაში, რადგან კორტიკოსტეროიდულებმა შესაძლოა გამოიწვიოს ზრდის შეფერხება ჩვილებში, ბავშვებში და უფროსებში. ბავშვები, რომლებიც იტარებენ პროვისტით® მკურნალობას ჯანმრთელ ბავშვებთან შედარებით უფრო მეტად მგრძნობიარები არიან ინფქციური დაავადებების მიმართ, მაგ. როგორიცაა ჩუტყვავილა და წითელა და შესაძლოა გამოიღოს ლეტალური შედეგიც. ჩვილებში და ბავშვებში, რომლებიც იტარებენ ხანგრძლივ თერაპიას კორტიკოსტეროიდებით, აღინიშნება ინტრაკრანიალური ჰიპერტონიის მაღალი რისკი. გარდა ამისა, კორტიკოსტეროიდების მაღალმა დოზირებამ შესაძლოა გამოიწვიოს ბავშვებში პანკრეატიტი.

ხანდაზმულები

ეს მედიკამენტი გამოიყენება ხანდაზმულ პაციენტებში იგივე დოზირებით. ვინაიდან კორტიკოსტეროიდების გამოყენებასთან ასოცირებული ხშირი გვერდითი ეფექტები  ხანდაზმულ პაციენტებში შესაძლოა უფრო რთულად გამოვლინდეს, განსაკუთრებით ხანგრძლივი გამოყენების დროს, ამიტომ აუცილებელია პაციენტის მკაცრი მონიტორინგი.

 სხვა მედიკამენტების და პროვისტის® გამოყენება

აცნობეთ ექიმს ან ფარმაცევტს თუ იღებთ ან ცოტა ხნის წინ მიიღეთ სხვა ნებისმიერი მედიკამენტი.

 სხვა მედიკამენტების გამოყენებამ შესაძლოა ზეგავლენა მოახდინოს პროვისტის® ეფექტურობაზე ან შესაძლოა საჭირო გახსეს სხვა მედიკამენტების დოზირების კორექცია. ყველაზე მნიშვნელოვანი ურთიერთმედებები გამოვლინდა შემდეგი მედიკამენტების/ნივთიერებების ერთდროული გამოყენებისას:

• იზონიაზიდი (ანტიბაქტერიული)
• რიფამპიცინი (ტუბერკულოზის სამკურნალო ანტიბიოტიკი)
• ორალური ანტიკოაგულურები,
• კარბამაზეპინი, ფენობარბიტალი, ფენიტოინი (ეპილეფსიის საწინააღმდეგი საშუალებები კრუნჩხვის მკურნალობისათვის)
• ანტიქოლინერგული საშუალებები (ნეირომუსკულარული ბლოკატორები)
• ანტიქოლინესტერაზები (გამოიყენება კუნთების ფუნქციის აღსადგენად)
• დიაბეტის საწინააღმდეგო საშუალებები
• აპრეპიტანტი, ფოსაპრეპიტანტი (ანტიემეტიკა),
• იტრაკონაზოლი, კეტოკონაზოლი (სოკოს საწინააღმდეგო საშუალება, რომელიც გამოიყენება სოკოვანი ინფექციების სამკურნალოდ),
• ამინოგლუტეტიმიდი (არომატაზას ინჰიბიტორები)
• დილთიაზემი (კალციუმის არხების ბლოკატორი, რომელიც გამოიყენება გულის პრობლემების სამკურნალოდ,
• ეთინილესტრადიოლი, ნორეტინდრონი (პერორალური კონტრაცეპტივები)
• ციკლოსპორინი, ციკლოფოსფამიდი, ტაკროლიმუსი (იმუნოდეპრესანტები, რომლებიც გამოიყენება პაციენტებში ორგანოს ტრანსპლანტაციის შემდეგ)
• კლარითრომიცინი, ერითრომიცინი, ტროლეანდომიცინი (მაკროლიდური ანტიბაქტერიულები, რომლებიც გამოიყენება ბაქტერიული ინფექციების სამკურნალოდ),
• ასპირინი (არასტეროიდული ანთების საწინააღმდეგო პრეპარატი)
• პროთეაზას ინჰიბიტორები (ანტივირუსული საშუალებები)
• შარდმდენები (მედიკამენტები, რომლებიც იწვევენ ჰიპოკალიემიას
• გრეიფრუტის წვენი.

 პროვისტის® მიღება საკვებ და სასმელ პროდუქტებთან ერთად

პროვისტის® მიღებისას უნდა მოერიდოთ ალკოჰოლის კონსუმირებას, რადგან შეიძლება გაიზარდოს წყლულის განვითარების რისკი.

ორსულობა, ლაქტაცია და ფერტილობა

თუ ხართ ორსულად ან კვებავთ ჩვილს ძუძუთი, ეჭვობთ, რომ ხართ ორსულად ან გეგმავთ ორსულობას, მიმართეთ ექიმს ან ფარმაცევტს რჩევისთვის ამ მედიკამენტის გამოყენებამდე.

ფერტილობა

ცხოველებზე ჩატარებული კვლევებიდან კორტიკოსტეროიდულებმა გამოავლინა ზეგავლენა ფერტილობაზე.

ორსულობა

პროვისტის® გამოყენებას უნდა მოერიდოთ ორსულ ქალებში ან ნაყოფიერების ასაკში მყოფ ქალებში, შესაძლოა ზეგავლენა მოახდინოს ნაყოფის ზრდაზე. ეს მედიკამენტი უნდა გამოიყენოთ ორსულობის დროს მხოლოდ აბსოლუტური აუცილებლობის შემთხვევაში. ექიმი მიიღებს გადაწყვეტილებას პროვისტის® გამოყენების შესახებ თუ ორსული პაციენტის მიმართ გამოვლენილი სარგებელი აღემატება ნაყოფის მიმართ მიყენებულ რისკს. არსებობს მცირე წონიანი ნაყოფის დაბადების რისკი, რისი მინიმუმამდე დაყვანა შესაძლებელია კორტიკოსტეროიდების დაბალი დოზირების მიღებით.

ძუძუთი კვება

უნდა მოერიდოთ მედიკამენტის გამოყენებას ლაქტაციის პერიოდში. თუ კვებათ ჩვილს ძუძუთი უნდა აცნობოთ ექიმს კორტიკოსტეროიდებით მკურნალობის დაწყების შესახებ, ვინაიდან ისინი გამოიყოფა ადამიანის რძეში და შესაძლოა დააბრკოლოს ჩვილის ზრდის პროცესი, თუ დედის მიერ მიიღება კორტიკოსტეროიდების თერაპიული დოზირება. ექიმი მიიღებს გადაწყვეტილებას ცალკეული შემთხვევების საფუძველზე ჩვილისა და დედის მხრივ გამოვლენილი რისკ-სარგებლის შეფასების შემდეგ.

ზეგვლენა ავტომობილის და მექანიზმების მართვის უნარზე

კორტიკოსტეროიდების ეფექტურობა ავტომობილის და მექანიზმების მართვის უნარზე არ არის შეფასებული. კორტიკოსტეროიდების გამოყენების დროს მოსალოდნელია ისეთი არასასურველი ეფექტების გამოვლენა, როგორიცაა თავბრუსხვევა, ვერტიგო, მხედველობის დარღვევები და დაღლილობა. თუ ვლინდება მსგავსი ეფექტები, მაშინ არ უნდა მართოთ ავტომობილი ან მექანიზმები.

მნიშვნელოვანი ინფორმაცია პროვისტის® ზოგიერთი ინგრედიენტის შესახებ

არ არის აღნიშნული.

პროვისტის® მიღების წესი

ყოველთვის უნდა მიიღოთ ეს მედიკამენტი ექიმის ან ფარმაცევტის დანიშნულების მიხედვით. მიმართეთ ექიმს ან ფარმაცევტს, თუ რაიმეში არ ხართ დარწმუნებული.

დოზირება განისაზღვრება ინდივიდულაურად და დამოკიდებულია პაციენტის მდგომარეობის სირთულეზე, ფიზიკურ მდგომარეობაზე და ასაკზე.

ტაბლეტების დაყოფა შესაძლებელია თანაბარ ნახევარ დოზებად.

ალტერნატიული დღიური თერაპია – Alternate Day Therapy (ADT).

ADT – არის კორტიკოსტეროიდების დოზირების რეჟიმს, რომლის დროსაც მიიღება კორტიკოსტეროიდების ორმაგი დღიური დოზირება ყოველ მეორე დილას. თერაპიის ამ რეჟიმის მიზანია მიეწოდოს პაციენტს, რომელსაც ესაჭიროება ხანგრძლივი თერაპია, კორტიკოსტეროიდების დადებითი ეფექტი ზოგიერთ არასასურველი ეფექტების მინიმუმამდე დაყვანით, მათ შორის როგორიცაა ჰიპოთალამუსის, ჰიპოფიზის და თირკმელზედა ჯირკვლების  დათრგუნვა, კუშინგოიდის მდგომარეობა, კორტიკოსტეროიდების მოხსნის სინდრომი და ზრდის დათრგუნვა ბავშვებში. თუ გარკვეული დროის შემდეგ არ ვლინდება მკურნალობის დადებით კლინიკური პასუხი, მაშინ უნდა მოიხსნას პროვისტი® და პაციენტს დაენიშნოს სხვა შესაბამისი თერაპია.

გამოყენება ბავშვებში

კორტიკოსტეროიდების დაყოფილი დოზირების ყოველდღიური გამოყენება ხანგრძლივი დროის მანძილზე იწვევს ბავშვებში ზრდის შეფერხებას და აღნიშნული დოზირების რეჟიმის გამოყენება უნდა მოხდეს მხოლოდ განსაკუთრებულად სერიოზული ჩვენებების დროს. გვერდითი ეფექტების გამოვლენის შემცირება ან თავიდან აცილება შესაძლებელია,  კორტიკოსტეროიდების დოზირების ყოველ მეორე დღეს გამოყენებით.

თუ მიიღეთ პროვისტის® ჭარბი დოზირება

არ შეიძლება პროვისტის® მიღების შეწყვეტა სწრაფად, დოზირების შემცირება უნდა მოხდეს თანდათანობით გარკვეული დროის პერიოდში. გვერდითი რეაქციების გამოვლენის შემთხვევაში უნდა მიმართოთ შესაბამის ზომებს.

არ აღინიშნება კლინიკური სინდრომი მეთილპრედნიზოლონით მწვავე ზედოზირების შემთხვევაში. ზედოზირების შემთხვევაში არ არსებობს შესაბამისი ანტიდოტი. უნდა ჩატარდეს შემანარჩუნებელი და სიმპტომური თერაპია. ცნობები კორტიკოსტეროიდებით ზედოზირების შედეგად გამოვლენილი მწვავე ტოქსიურობის და/ან სიკვდილის შესახებ იშვიათია. პროვისტი® გამოიდევნება ჰემოდიალიზის მეშვეობით.

ინტოქსიკაციის საკონტროლო ცენტრის ნომერი  210 77 93 777.

თუ დაგავიწყდათ პროვისტის მიღება

თუ გამოტოვეთ დოზა, უნდა მიიღოთ ის გახსენებისთანავე.

თუმცა თუკი ახლოვდება მომდევნო დოზის მიღების დრო, მაშინ უნდა გამოტოვოთ დავიწყებული დოზა. არ მიიღოთ ორმაგი დოზა გამოტოვებული დოზირების კომპენსირების მიზნით.

თუ გსურთ პროვისტის® მიღების შეწყვეტა

არ შეიძლება პროვისტის® მიღების შეწყვეტა უეცრად. დოზირების შემცირება უნდა მოხდეს თანდათან გარკვეული დროის განმავლობაში.

დამატებითი კითხვების შემთხვევაში აღნიშნული მედიკამენტის შესახებ, მიმართეთ ექიმს ან ფარმაცევტს.

 მოსალოდნელი გვერდითი ეფექტები

ნებისმიერი მედიკამენტის მსგავსად ამ პრეპარატმაც შესაძლოა გამოიწვიოს გვერდითი ეფექტები, თუმცა არა ნებისმიერ პაციენტში.

გამოვლინდა შემდეგი გვერდითი მოვლენები:

ინფექციები და ინვაზიები:

ოპორტუნისტული ინფექციები, ინფექციები, პერიტონიტი (საწყისი სიმპტომი კუჭ-ნაწლავის დარღვევის დროს, როგორიცაა პერფორაცია, ობსტრუქცია ან პანკრეატიტი).

კეთილთვისებიანი, ავთვისებიანი და არასპეციფიური ნეოპლაზმები:

კაპოშის სარკომა.

სისხლის და ლიმფური სისტემის დარღვევები:

სისხლის თეთრი უჯრედების რაოდენობის გაზრდა.

იმუნური სისტემის დარღვევები:

წამლის ჰიპერმგრძნობელობა, ანაფილაქსიური რეაქციები, ანაფილაქტოიდური რეაქციები.

ენდოკრინული სისტემის დარღვევები:

კუშინგის მსგავსი სინდრომი, ჰიპოლიტუიტარიზმი, სტეროიდების მოხსნის სინდრომი.

მეტაბოლური და კვების დარღვევები:

მეტაბოლური აციდოზი, ეპიდურალური ლიპომატოზი, ნატრიუმის შეკავება, სითხის შეკავება (შეშუპება), ჰიპოკალიემიური ალკალოზი, დისლიპიდემია, გლუკოზის აუტანლობის დარღვევები, ინსულინის მოთხოვნილების ზრდა (ან გლუკოზის შემამცირებელი ორალური საშუალებების, დიაბეტის დროს), ცხიმოვანი ქსოვილის დაგროვება სხეულის ლოკალურ ნაწილებში, მადის მომატება (რამაც შესაძლოა გამოიწვიოს წონაში მატება).

ფსიქიატრიული დარღვევები:

აფექტური აშლილობა (დეპრესიული განწყობის ჩათვლით, ეიფორიული განწყობა, აფექტის სისუსტე, ნარკო-დამოკიდებულება, სუიციდური აზრები), ფსიქოზური აშლილობა (მანია, ბოდვა, ჰალუცინაცია და შიზოფრენია), ფსიქოზური ქცევები, ფსიქიური აშლილობა, პიროვნების დარღვევები, გაურკვევლობის მდგომარეობა, შფოთვა, ხასიათის ცვალებადობა, ანომალიური საქციელი, უძილობა, დაღიზიანება.

ნერვული სისტემის დარღვევები:

ინტრაკრანიალური წნევის მომატება (პაპილიედემის თანხლებით [ინტრაკრანიალური კეთილთვისებიანი ჰიპერტენზია], კრუნჩხვები, ანმეზია, კოგნიტიური აშლილობა, თავბრუსხვევა, თავის ტკივილი.

თვალის დარღვევები:

ქორიორეტინოპათია, კატარაქტა, გლაუკომა, ეგზოფთალმოსი.

ყურის და ლაბირინთის დარღვევები:

ვერტიგო.

კარდიალური დარღვევები:

გულის შეგუბებითი უკმარისობა (მგრძნობიარე პაციენტებში), მიოკარდიუმის გახლეჩვა მიოკარდის ინფარქტის შემდეგ.

სისხლძარღვების დარღვევები:

სისხლის შედედების მომატება, ჰიპერთენზია, ჰიპოთენზია.

რესპირატორული, თორაქსის და მედიასტინუმის დარღვევები: პულმონალური ემბოლია, სლოკინი.

კუჭ-ნაწლავის დარღვევები:

კუჭის წყლული (შესაძლო კუჭის პეპტიური წყლულის პერფორაციით ან სისხლდენით), ნაწლავის პერფორაცია, კუჭიდან სისხლდენა, პანკრეატიტი, წყლულოვანი ეზოფაგიტი, ეზოფაგიტი, მუცლის შებერვა, მუცლის ტკივილი, ფაღარათი, დისპეფსია, ღებინება.

ღვიძლის და ნაღვლის დარღვევები:

ღვიძლის ფერმენტების მომატება (მაგ., ალანინ-ამინოტრანსფერაზას გაზრდა, ასპარტატ-ამინოტრანსფერაზას მომატება, ტუტე ფოსფატაზას გაზრდა).

კანის და კანქვეშა ქსოვილის დარღვევები:

ანგიოშეშუპება, ჰირსუტიზმი, პეტექიები, ექიმოზი, კანის ატროფია, ერითემა, ჰიპერჰიდროზი, კანის სტრიები, გამონაყარი, ქავილი, ჭინჭრის ციება, აკნე.

ჩონჩხ-კუნთოვანი სისტემის და შემაერთებელი ქსოვილის დარღვევები:

კუნთების სისუსტე, კუნთების ტკივილი, მიოპათია, კუნთოვანი ატროფია, ოსტეოპოროზი, ოსტეონეკროზი, პათოლოგიური მოტეხილობა, ნეიროპათიული ართროპათია, სახსრების ტკივილი, ზრდის შეფერხება.

რეპროდუქციული სისტემის და მკერდის დარღვევები:

არარეგულარული მენსტრუაცია.

ზოგადი დარღვევები და გართულებები გამოყენების ადგილას:

ჭრილობის შეხორცების შეფერხება, პერიფერიული შეშუპება, დაღლილობა, სისუსტე.

გამოკვლევები

შიდათვალის წნევის გაზრდა, ნახშირწყლების მიმართ ტოლერანტობის დაქვეითება, სისხლში კალიუმის დონის შემცირება, შარდში კალციუმის დონის გაზრდა, სისხლში შარდოვანას დონის გაზრდა, კანის ტესტზე რეაქციის დაქვეითება.

ტრავმები, ინტოქსიკაცია და პროცედურული გართულებები:

ხერხემლის კომპრესიული მოტეხილობა, მყესების გახლეჩვა.

 პროვისტის® შენახვის წესი

ეს მედიკამენტი უნდა შეინახოთ ბავშვებისაგან მიუწვდომელ და შეუმჩნეველ ადგილას.

არ გამოიყენოთ პრეპარატი შეფუთვაზე აღნიშნული ,,EXP‘‘ ვარგისიანობის ვადის გასვლის შემდეგ. ვარგისიანობის ვადა ვრცელდება აღნიშნული თვის ბოლო დღმდე.

არ საჭიროებს შენახვის განსაკუთრებულ პირობებს.

არ გადააგდოთ ეს მედიკამენტი კანალიზაციაში ან საყოფაცხოვრებო ნარჩენებთან ერთად. ჰკითხეთ ფარმაცევტს მისი უტილიზაციის შესახებ.

 შეფუთვის შემადგენლობა და დამატებითი ინფორმაციები

რას შეიცავს პროვისტი®

პროვისტის® აქტიური ნივთიერება არის მეთილპრედნიზოლონი.

ყოველი ტაბლეტი შეიცავს 16 მგ მეთლპრედნიზოლონს.

 დამხმარე ნივთიერებებია:

მიკროკრისტალური ცელულოზა, კაჟბადის დიოქსიდი კოლოიდური, მაგნიუმის სტეარატი, ნატრიუმის კროსკარმელოზა.

პროვისტის® გარეგნული სახე და შეფუთვის შემადგენლობა

მუყაოს კოლოფი შეიცავს 14 თეთრ ტაბლეტს, რომლის დაყოფა შესაძლებელია ოთხ ნაწილად. მოთავსებულია ერთ პვქ, პვდქ და ალუმინის ფოლგის ბლისტერში გამოყენების ინსტრუქციასთან ერთად.

 სავაჭრო ნებართვის მფლობელი და მწარმოებელი

UNI-PHARMA KLEON TSETIS PHARMACEUTICAL LABORATORIES S.A.

წინამდებარე ინსტრუქციის ბოლო შემოწმების თარიღი:

გაიცემა მხოლოდ ექიმის რეცეპტის საფუძველზე.

 ყოველი ტაბლეტი შეიცავს 16 მგ მეთილპრედნიზოლონს.

• წაიკითხეთ გამოყენების ინსტრუქცია გამოყენებამდე. ორალური გამოყენებისათვის. შეინახეთ ბავშვებისაგან მიუწვდომელ და შეუმჩნეველ ადგილას.
• ინახება არაუმეტეს 25°C ტემპერატურაზე. გაიცემა ექიმის რეცეპტით. სავაჭრ. ნებართვის ნომერი: 40624/12-09-2017
• დამხმარე ნივთიერებები: მიკროკრისტალური ცელულოზა, კაჟბადის დიოქსიდი კოლოიდური, მაგნიუმის სტეარატი, ნატრიუმის კროსკარმელოზა.

წარმოებულია ევრო კავშირში GMP სტანდარტებით.

UNI-PHARMA KLEON TSETIS PHARMACEUTICAL LABORATORIES S.A.