Pantogam - პანტოგამი 0.25გ 50 ტაბლეტი

გამოყენების ინსტრუქცია

პანტოგამი

1. პრეპარატის სავაჭრო დასახელება
პანტოგამი.

2. რაოდენობრივი და ხარისხობრივი შემადგენლობა
ერთი ტაბლეტის შემადგენლობა:
მოქმედი ნივთიერება: კალციუმის გოპანტენატი (პანტოგამი) 250 მგ;
დამხმარე ნივთიერებები: მეთილცელულოზა 0.8 მგ, კალციუმის სტეარატი 3.1 მგ, მაგნიუმის ჰიდროქსიკარბონატი 46.8 მგ, ტალკი 9.3 მგ.

3. სამკურნალო ფორმა
ტაბლეტები

4. კლინიკური დახასიათება

4.1 ჩვენებები
• კოგნიტიური დარღვევები თავის ტვინის ორგანული დაზიანების დროს, მათ შორის, ნეიროინფექციების და ქალა-ტვინის ტრავმების შედეგად, და ნევროზული დარღვევები;
• შიზოფრენია ცერებრული ორგანული უკმარისობით;
• ექსტრაპირამიდული დარღვევები (მიოკლონუს-ეპილეფსია, ჰენტინქტონის ქორეა, ჰეპატოლენტიკულური დეგენერაცია, პარკინსონის დაავადება და სხვა), ასევე ნეიროლეფსიური საშუალებების მიღებით გამოწვეული ექსტრაპირამიდული სინდრომის (ჰიპერკინეტიკური და აკინეტიკური) მკურნალობა და პროფილაქტიკა;
• ეპილეფსია, შენელებული ფსიქიკური პროცესებით კრუნჩხვის საწინააღმდეგო საშუალებებთან თერაპიის კომპლექსში;
• ფსიქოემოციური გადატვირთვები, გონებრივი და ფიზიკური შრომისუნარიანობის დაქვეითება, გამოიყენება ყურადღების და მეხსიერების გასაუმჯობესებლად;
• შარდის გამოყოფის ნეიროგენული დარღვევები (პოლაკიურია, მოშარდვის იმპერატიული სურვილი, შარდის იმპერატიული შეუკავებლობა, ენურეზი);
• განვითარების დარღვევა (ფსიქიკური, მეტყველების, მოტორული ან მათი ერთობლიობა) ბავშვებში, მათ შორის გადატანილი პერინატალური ენცეფალოპათიის ფონზე და ბავშვთა ცერებრული დამბლის სხვადასხვა ფორმების დროს.
• ბავშვებში ჰიპერკინეზური დარღვევების დროს (ჰიპერაქტივობის სინდრომი ყურადღების დეფიციტით);
• ბავშვებში ნევროზის მსგავსი მდგომარეობების დროს (ტიკები; ენის დაბმა, ძირითადად კლონურ ფორმაში).

4.2 დოზირების რეჟიმი
მიიღება პერორალურად, ჭამიდან 15_30 წუთის შემდეგ.
ერთჯერადი დოზა მოზრდილებში შეადგენს 0.25-1 გ-ს (1-4 ტაბლეტი), ბავშვებში - 0.25-0.5 გ-ს (1-2 ტაბლეტი); სადღეღამისო დოზა მოზრდილებში შეადგენს 1.5-3 გ-ს (6-12 ტაბლეტი), ბავშვებში - 0.75-3 გ-ს (3-12 ტაბლეტი). მკურნალობის კურსი შეადგენს 1-დან 4 თვემდე, ცალკეულ შემთხვევებში _ 6 თვემდე. 3-6 თვის შემდეგ შესაძლებელია განმეორებითი მკურნალობის ჩატარება.

თავის ტვინის ორგანული დაზიენებების შედეგად განვითარებული კოგნიტიური დარღვევების დროს, მათ შორის ნეიროინფექციის და ქალა-ტვინის ტრავმის შედეგად, და ნევროზული დარღვევების დროს: 0.25 გ (1 ტაბლეტი) 3-4-ჯერ დღეში.

ექსტრაპირამიდული დარღვევების დროს (მიოკლონუსი-ეპილეპსია, ჰენტინგტონის ქორეა, ჰეპატოლენტიკულური დეგენერაცია, პარკინსონის დაავადება და ა.შ.): 0.5 გ-დან 3 გ-მდე (2-12 ტაბლეტი) დღეში. მკურნალობის კურსი - 4 თვემდე ან მეტი ხნის განმავლობაში.

ცერებრული ორგანული უკმარისობის თანმხლებით მიმდინრე შიზოფრენიის დროს ნეიროლეფსიური საშუალებების მიღებით გამოწვეული ექსტრაპირამიდული სინდრომის (ჰიპერკინეტიკური და აკინეტიკური) მკურნალობის და პროფილაქტიკის დროს: მოზრდილებში - 0.5 გ-დან 1 გ-მდე (2-4 ტაბლეტი) 3-ჯერ დღეში; ბავშვებში – დოზით 0,25 გ-დან 0,5 გ-მდე (1-2 ტაბლეტი) 3-4-ჯერ დღეში. მკურნალობის კურსი - 1-3 თვე.

ფსიქიკური პროცესების შენელებით მიმდინარე ეპილეფსიის დროს კრუნჩხვის საწინააღმდეგო საშუალებებთან კომპლექსურ თერაპიაში: მოზრდილებში - 0.5 გ-დან 1 გ-მდე (2-4 ტაბლეტი) 3-ჯერ დღეში; ბავშვებში - 0.25 გ-დან 0.5 გ-მდე (1-2 ტაბლეტი) 3-4-ჯერ დღეში. მკურნალობის კურსი - 6 თვემდე.

ფსიქოემოციური გადატვირთვისას, გონებრივი და ფიზიკური შრომისუნარიანობის დაქვეითებისას, ყურადღების კონცენტრაციისა და მეხსიერების გასაუმჯობესებლად: 0.25 გ (1 ტაბლეტი) 3-ჯერ დღეში.

შარდვის ნეიროგენული დარღვევების დროს: მოზრდილებში - 0.5 გ-დან 1 გ-მდე (2–4 ტაბლეტი) 2-3-ჯერ დღეში, ბავშვებში - 0.25 გ-დან 0.5 გ-მდე (1-2 ტაბლეტი) 3-ჯერ დღეში (სადღეღამისო დოზაა 25‒50 მგ/კგ). მკურნალობის კურსი - 1-3 თვე.

ნერვული სისტემის სხვადასხვა პათოლოგიის მქონე ბავშვებში ასაკის შესაბამისად რეკომენდებულია დღეში 3 გ-მდე (12 ტაბლეტი) პრეპარატის მიღება.
პრეპარატის გამოყენების ტაქტიკა: დოზის გაზრდა 7-12 დღის განმავლობაში, მაქსიმალური დოზის მიღება 15-40 დღის განმავლობაში და დოზის თანდათანობით შემცირება და პანტოგამის მოხსნა, სხვა ნოოტროპული საშუალებების მსგავსად, ინტერვალი უნდა შეადგენდეს 1-დან 3 თვემდე.

განვითარების შეფერხებისას ბავშვებში: 0.5 გ (2 ტაბლეტი) 3-4-ჯერ დღეში. მკურნალობის კურსი - 2-3 თვე.

ყურადღების დეფიციტის მქონე ბავშვებში ჰიპერაქტიურობის სინდრომით: 0.25 გ-დან 1 გ-მდე (1–4 ტაბლეტი) 1-2-ჯერ დღეში, დილით და დღის განმავლობაში დოზის ტიტრირებით, პირველი 5-7 დღის განმავლობაში (საშუალო თერაპიული დოზაა 30 მგ/კგ ბავშვის სხეულის მასაზე დღეში).
მკურნალობის კურსი - 3-4 თვე.

ნევროზის მსგავსი მდგომარეობების დროს ბავშვებში (ტიკები: ენის დაბმა, ძირითადად კლონური ფორმის დროს): 0.25 გ-დან 0.5 გ-მდე (1-2 ტაბლეტი) 3-6 ჯერ დღეში. მკურნალობის კურსი - 1-4 თვე.

პრეპარატის ნოოტროპული მოქმედების გათვალისწინებით, მისი მიღება სასურველია დილით და დღის საათებში (17 საათამდე).

პრეპარატი გამოიყენება 3 წელზე მეტი ასაკის ბავშვებში. უფრო ადრეულ ასაკში რეკომენდებულია პრეპარატის სიროფის სახით მიღება.

4.3 უკუჩვენებები
• ჰიპერმგძნობელობა;
• თირკმლის მწვავე მძიმე დაავადებები;
• ორსულობა;
• ძუძუთი კვების პერიოდი;
• 3 წლამდე ასაკის ბავშვები.

4.4 ურთიერთქმედება სხვა სამკურნალო საშუალებებთან და სხვა სახის ურთიერთქმედებები
ახანგრძლივებს ბარბიტურატების მოქმედებას, აძლიერებს კრუნჩხვის საწინააღმდეგო საშუალებების მოქმედებას, აღკვეთს ფენობარბიტალის, კარბამაზეპინის, ნეიროლეფსურების გვერდით მოვლენებს. პანტოგამის ეფექტი ძლიერდება გლიცინთან, ეთიდრონის მჟავასთან გამოყენებისას. აუმჯობესებს ადგილობრივი საანესთეზიო საშუალებების (პროკაინის) მოქმედებას.

4.5 განსაკუთრებული მითითებები
პრეპარატით ხანგრძლივი მკურნალობის პირობებში არ არის რეკომენდებული ერთდროულად სხვა ნოოტროპული და მასტიმულირებელი საშუალებების დანიშვნა.

4.6 გვერდითი ეფექტები
ქვემოდ ჩამოთვლილი გვერდითი მოვლენები წარმოდგენილია ორგანოების და სისტემების დარღვევების და სიხშირის მიხედვით. სიხშირე განისაზღვრება შემდეგნაირად: ძალიან ხშირად (1/10), ხშირად (1/100 და 1/10), არც ისე ხშირად (1/1000 და 1/100), იშვიათად (1/10 000 და 1/1 000), ძალიან იშვიათად (1/10 000, ცალკეული შემთხვევების ჩათვლით).
დარღვევები იმუნური სისტემის მხვრივ: ძალიან იშვიათად - ალერგიული რეაქციები (რინიტი, კონიუნქტივიტი, კანის ალერგიული რეაქციები).
დარღვევები ნერვიული სისტემის მხრივ: ძალიან იშვიათად - ჰიპერაგზნებადობა, თავის ტკივილი, თავბრუხვევა, შუილი თავში.
ფსიქიკური დარღვევები: ძალიან იშვიათად - სისუსტე, მოდუნება, ძილის დარღვევა, ძილიანობა.
იმუნური სისტემის მხრივ დარღვევების გამომჟღავნების შემთხვევაში საჭიროა პრეპარატის მოხსნა. სხვა შემთხვევების დროს საჭიროა პრეპარატის დოზის შემცირება.

4.7 ჭარბი დოზირება
სიმპტომები: ძილის დარღვევა ან ძილიანობა, შუილი თავში.
მკურნალობა: გააქტივებული ნახშირი, კუჭის ამორეცხვა, სიმპტომური თერაპია.

5. ფარმაკოლოგიური თვისებები

5.1 ფარმაკოდინამიკა
პანტოგამის მოქმდების სპექტრი დაკავშირებულია მის სტრუქტურაში გამა-ამინოერბომჟავას არსებობასთან. მოქმედების მექანიზმი განპირობებულია პანტოგამის გაემB-რეცეპტორული არხის კომპლექსზე პირდაპირი მოქმედებით. პრეპარატს გააჩნია ნოოტროპული და კრუნჩხვის საწინააღმდეგო მოქმედება. პანტოგამი ზრდის თავის ტვინის გამძლეობას ჰიპოქსიისა და ტოქსიკური ნივთიერებების მიმართ, ასტიმულირებს ანაბოლურ პროცესებს ნეირონებში, რბილ მასტიმულირებელ ეფექტთან ერთად ითავსებს ზომიერ სედაციურ მოქმედებას, ამცირებს მოტორულ აგზნებადობას, ააქტივებს გონებრივ და ფიზიკურ შრომისუნარიანობას. ქრონიკული ალკოჰოლური ინტოქსიკაციის და ეთანოლის მიღების შეწყვეტის შემდეგ აუმჯობესებს გაემ-ას მეტაბოლიზმს. იგი აინჰიბირებს აცეტილირების რეაქციებს, რომლებიც მონაწილეობს პროკაინის (ნოვოკაინის) და სულფანილამიდების ინაქტივაციის მექანიზმებში, რაც ხელს უწყობს ამ უკანასკნელთა მოქმედების გახანგრძლივებას. აფერხებს პათოლოგიურად მომატებული შარდის ბუშტის რეფლექსს და დეტრუზორის ტონუსს.

5.2 ფარმაკოკინეტიკა
პანტოგამი სწრაფად შეიწოვა კუჭ-ნაწლავის ტრაქტიდან, გაივლის ჰემატოენცეფალურ ბარიერს, ყველაზე დიდ კონცენტრაციებს წარმოქმნის ღვიძლში, თირკმლებში, კუჭის კედელსა და კანში. პრეპარატი არ მეტაბოლიზდება და გამოიყოფა უცვლელი სახით 48 საათის განმავლობაში: მიღებული დოზის 67.5 % გამოიყოფა შარდით, 28.5 % _ განავლით.

6. ფარმაცევტული მონაცემები
6.1 ინგრედიენტების სია
კალციუმის გოპანტენატი (პანტოგამი), მეთილცელულოზა, კალციუმის სტეარატი, მაგნიუმის ჰიდროქსიკარბონატი, ტალკი.

6.2 ვარგისობის ვადა
4 წელი.
ვარგისობის ვადის გასვლის შემდეგ გამოყენება დაუშვებელია.

6.3 შენახვის პირობები
არა უმეტეს 25ჩ ტემპერატურაზე.
ინახება ბავშვებისათვის მიუწვდომელ ადგილას.

6.4 გამოშვების ფორმა
250 მგ-იანი ტაბლეტები. 10 ტაბლეტი პოლივინილქლორიდის ფირის და ალუმინის ფოლგის კონტურულ უჯრედოვან შეფუთვაში. 5 კონტურული უჯრედოვანი შეფუთვა გამოყენების ინსტრუქციასთან ერთად მოთავსებულია მუყაოს კოლოფში.

7. ტექსტის გადახედვის ბოლო თარიღი
2020 წლის 30 ოქტომბერი

გაცემის წესი:
ფარმაცევტული პროდუქტის ჯგუფი II, გაიცემა ფორმა №3 რეცეპტით.