Citolept - ციტოლეპტი-NEW 100მგ/მლ 30მლ

გამოყენების ინსტრუქცია

ციტოლეპტი®-NEW
CITOLEPT®- -NEW
სავაჭრო დასახელება: ციტოლეპტი®-NEW EO

საერთაშორისო არაპატენტირებული დასახელება: ციტიკოლინი

წამლის ფორმა: შიგნით მისაღები ხსნარი

შემადგენლობა 1 მლ-ზე:
მოქმედი ნივთიერება: ნატრიუმის ციტიქოლინი (ციტიქოლინზე გადაანგარიშებით) 100 მგ.
დამხმარე ნივთიერებები: სორბიტოლი, ნატრიუმის ციტრატე (ნატრიუმის ციტრატის დიჰიდრატი), კალიუმის სორბატი, მეთილპარაჰიდროქსიბენზოატი, მარწყვის არომატიზატორი, პროპილპარაჰიდროქსიბენზოატი, ნატრიუმის საქარინატი, ლიმონის მჟავის მონოჰიდრატი, გასუფთავებული წყალი.

აღწერა: გამჭვირვალე უფერო ან ოდნავ მოყვითალო ელფერით სითხე მარწყვის დამახასიათებელი სუნით.

ფარმაკოთერაპევტული ჯგუფი: ნოოტროპული საშუალება.

ათქ კოდი: N06BX06

ფარმაკოლოგიური თვისებები
ფარმაკოდინამიკა
ციტიკოლინი – ბუნებრივი ენდოგენური ნაერთია, რომელიც წარმოადგენს შუალედურ მეტაბოლიტს ფოსფატიდილქოლინის სინთეზში – უჯრედოვანი მემბრანის ერთ-ერთი ძირითადი სტრუქტურული კომპონენტი.
იგი ავლენს მოქმედების ფართო სპექტრს – ხელს უწყობს უჯრედების დაზიანებული მემბრანების აღდგენას, აინჰიბირებს ფოსფოლიპაზის მოქმედებას, ეწინააღმდეგება თავისუფალი რადიკალების წარმოქმნას, აგრეთვე ამცირებს უჯრედების დაღუპვას, აპოპტოზის მექანიზმზე ზემოქმედებით. ინსულტის მწვავე პერიოდში ციტიკოლინი ამცირებს თავის ტვინის ქსოვილის დაზიანების მოცულობას, აუმჯობესებს ქოლინერგულ გადაცემას. ქალა-ტვინის ტრავმისას ამცირებს პოსტტრავმული კომის ხანგრძლივობას და ნევროლოგიური სიმპტომების გამოხატულებას, ამასთან ერთად, ხელს უწყობს აღდგენითი პერიოდის ხანგრძლივობის შემცირებას.
თავის ტვინის ქრონიკული ჰიპოქსიისას ციტიკოლინი ეფექტურია გოგნიტური აშლილობების მკურნალობაში, როგორიცაა მეხსიერების გაუარესება, უინიციატივობა, გართულებები, რომლებიც ჩნდება ყოველდთიური მოქმედებების შესრულებისას და თვითმომსახურებისას. ზრდის ყურადღებისა და კონცენტრაციის დონეს, აგრეთვე ამცირებს ამნეზიის გამოვლენას.
ციტიკოლინი ეფექტურია დეგენერაციული და სისხლძარღვოვანი ეტიოლოგიის მგრძნობიარე და მამოძრავებელი ნევროლოგიური დარღვევების მკურნალობაში.
ფარმაკოკინეტიკა
შეწოვა: ციტიქოლინი კარგად აბსორბირდება შიგნით მიღებისას.
პერორალური მიღების შემდეგ აბსორბცია პრაქტიკულად სრულია, ბიოშეღწევადობა კი პრაქტიკულად ისეთივეა, როგორც ინტრავენური შეყვანისას.
მეტაბოლიზმი: ციტოქოლინი მეტაბოლიზირდება ნაწლავებსა და ღვიძლში ქოლინისა და ციტიდინის წარმოქმნით. მიღების შემდეგ ქოლინის კონცნეტრაცია სისხლის პლაზმაში არსებითად იმატებს.
განაწილება: ციტიკოლინი მნიშვნელოვნად ნაწილდება თავისტვინის სტრუქტურებში ქოლინის ფრაქციის სწრაფი ჩართვით სტრუქტურულ ფოსფოლიპიდებში და ციტიდინის ფრაქციების ციტიდინურ ნუკლეოტიდებში და ნუკლეინურ მჟავაში. მიაღწევს რა თავის ტვინს, ციტიქოლინი ეწყობა უჯრედოვან, ციტოპლაზმატურ და მიტოქონდრიალურ მემბრანებში, ფოსფოლიპიდების ფრაქციების აგებაში მონაწილეობით.
გამოყოფა: შეყვანილი დოზის მხოლოდ 15% გამოიყოფა ადამიანის ორგანიზმიდან: თირკმელების მიერ -3%-ზე ნაკლები და დაახლოებით 12% - ამოსუნთქვით ჩO2. პრეპარატის შარდთან გამოყოფაში იკვეთება ორი ფაზა: პირველი ფაზა – დაახლოებით 36 სთ., რომელშიც გამოყოფის სიჩქარე სწრაფად ნელდება, და მეორე ფაზა, რომელშიც გამოყოფის სიჩქარე უფრო სწრაფად ნელდება. ისეთივე ფაზურობა შეინიშნება ჩO2 გამოყოფისას, ამოსუნთქული ჩO2 გამოყოფის სიჩქარე ნელდება 15 სთ შემდეგ, შემდგომში ის მცირდება უფრო ნელა.

ჩვენებები გამოყენებაზე
- იშემიური ინსულტის მწვავე პერიოდი (კომპლექსური თერაპიის შემადგენლობაში);
- იშემიური და ჰემორაგიული ინსულტის აღდგენითი პერიოდი;
- ქალა-ტვინის ტრავმა, მწვავე (კომპლექსური თერაპიის შემადგენლობაში) და აღდგენითი პერიოდი;
- კოგნიტური და ქცევითი დარღვევები თავის ტვინის დეგენერატიული და სისხლძარღვთა დაავადებებისას.

უკუჩვენებები
- გაზრდილი მგრძნობელობა პრეპარატის ნებისმიერი კომპონენტის მიმართ;
- არ ენიშნებათ პაციენტებს გამოხატული ვაგოტონიით (მაღალი ტონუსით ვეგეტატიური ნერვული სისტემის პარასიმპათიკურ ნაწილში);
- საკმარისი კლინიკური მონაცემების არარსებობასთან დაკავშირებით, არ არის რეკომენდებული გამოყენება 18 წლამდე ასაკის ბავშვებში.

გამოყენება ორსულობისა და ძუძუთი კვების პერიოდში
არ არსებობს საკმარისი მონაცემები ციტიკოლინის გამოყენების შესახებ ორსულ ქალებში. თუმცა ცხოველებზე ჩატარებულ კვლევებში უარყოფითი ზეგავლენა არ არის გამოვლენილი, ორსულობის პერიოდში ციტიკოლინი ინიშნება მხოლოდ იმ შემთხვევაში, როდესაც მოსალოდნელი სარგებელი დედისთვის აღემატება ნაყოფისთვის პოტენციურ რისკს.
ციტიკოლინის გამოყენებისას ქალებმა ლაქტაციის პერიოდში უნდა შეწყვიტონ ძუძუთი კვება, ვინაიდან მონაცემები ციტიკოლინის დედის რძესთან ექსკრეციის შესახებ არ არსებობს.

გამოყენების წესი და დოზები
ციტოლეპტი®-NEჭ შიგნით მისაღები ხსნარი, გამოიყენება პერორალურად.
გამოყენების წინ ციტოლეპტი®-NEჭ შეიძლება გაიხსნას წყლის არც ისე ბევრ რაოდენობაში (100-200 მლ ან ჭიქა). მიიღება ჭამის დროს ან საკვების მიღების შუალედში.

დოზირების რეკომენდებული რეჟიმი
იშემიური ინსულტისა და ქალაქ-ტვინის ტრავმის (ქტტ) 1000 მგ ყოველ 12 სთ. მკურნალობის ხანგრძლივობა არანაკლებ 6 კვირისა.
იშემიური და ჰემორაგიული ინსულტების აღდგენითი პერიოდი, ქტტ-ს აღდგენითი პერიოდი, კოგნიტური და ქცევითი დარღვევები თავის ტვინის დეგენერაციული და სისხლძარღვების დაავადებებისას: 500-2000 მგ (5-20 მლ) დღეში. დოზირება და მკურნალობის ხანგრძლივობა - დაავადების სომპტომების სიმძიმეზე დამოკიდებულებით.
ხანდაზმული პაციენტები
ციტიქოლინის დანიშვნისას ხანდაზმულ პაციენტებში დოზა არ საჭიროებს კორექციას.

გვერდითი მოქმედებები
გვერდითი მოქმედებები დაჯგუფებულია გამოვლენის სიხშირით: ძალიან ხშირად (>1/10), ხშირად (>1/100 <1/10-მდე), არც ისე ხშირად (>1/1000 <1/100-მდე), იშვიათად (>1/10000 <1/1000-მდე), ძალიან იშვიათად (<1/10000), სიხშირე დადგენილი არა რის.
ძალიან იშვიათად (>1/10000 (ინდივიდუალური შემთხვევების ჩათვლით): ალერგიული რეაქციები (გამონაყარი, კანის ქავილი, ანაფილაქსური შოკი), თავისტკივილი, თავბრუსხვევა, ცხელების შეგრძნება, ტრემორი, გულისრევა, ღებინება, დიარეა, ჰალუცინაციები, შეშუპებები, ქოშინი, უძილობა, აღგზნება, მადის დაქვეითება, დაბუჟება პარალიზებულ კიდურებში, ღვიძლის ფერმენტების აქტივობის ცვლილება. ზოგიერთ შემთხვევაში, ციტიქოლინმა შეიძლება ასტიმულიროს პარასიმპატიკური სისტემა, აგრეთვე მოახდინოს არტერიული წნევის მოკლევადიანი ცვლილება.
თუ ნებისმიერი ინსტრუქციაში აღნიშნულთაგანი გვერდითი ეფექტები დამძიმდება ან შენიშნეთ სხვა ნებისმიერი გვერდითი ეფექტი, რომელიც არა რის მითითებული ინსნტრუქციაში, აცნობეთ ექიმს.

ჭარბი დოზირება
პრეპარატის დაბალი ტოქსიკურობის გათვალისწინებით, დოზის გადაჭარბების შემთხვევები აღწერილი არ არის, თერაპიული დოზების გადაჭარბების შემთხვევაშიც კი.

ურთიერთმოქმედება სხვა სამკურნალო საშუალებებთან
ციტიქოლინი აძლიერებს ლევოდოპის ეფექტებს.
არ გამოიყენოთ მეკლოფენოქსატის შემცველ პრეპარატებთან ერთად.

განსაკუთრებული მითითებები
კონსერვანტის დროებითი ნაწილობრივი კრისტალიზაციის შედეგად, სიცივეში შეიძლება წარმოიშვას კრისტალების უმნიშვნელო რაოდენობა. რეკომენდებულ პირობებში შენახვისას, კრისტალები იხსნება რამდენიმე თვის განმავლობაში. კრისტალების არსებობა გავლენას არ ახდენს პრეპარატის ხარისხზე.

გავლენა სატრანსპორტო საშუალებების, მექანიზმების მართვის უნარზე
პრეპარატის გამოყენების დროს უნდა დაიცვათ სიფრთხილე ტრანსპორტის მართვისას და სხვა პოტენციურად საშიში საქმიანობით დაკავებისას, რომლებიც მოითხოვენ ყურადღების მაღალ კონცენტრაციასა და ფსიქომოტორული რეაქციების სისწრაფეს.

გამოშვების ფორმა
შიგნით მისაღები ხსნარი, 100 მგ/მლ.
30 მლ ყავისფერ მინის ფლაკონებში, დაცული ხრახნიანი პლასტმასის ხუფით პირველი გახსნის კონტროლით.
1 ფლაკონი პლასტმასის დოზირებული პიპეტითა და პლასტმასის საზომი ჭიქით გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები
ტემპერატურაზე არაუმეტეს 250ჩ.
შეინახეთ ბავშვებისათვის მიუწვდომელ ადგილას.

ვარგისობის ვადა
2 წელი. არ გამოიყენოთ შეფუთვაზე მითითებული ვარგისობის ვადის გასვლის შემდეგ.

გაცემის წესი:
ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი:
დსს “ფარმფირმა სოტექს”
141345, რუსეთი, მოსკოვის ოლქი, სერგიევო-პასადის მუნიციპალური რაიონი, სოფლის ტიპის დასახლება ბერეზნიაკოვსკოე, ს. ბელიკოვო, ს. 10, ს. 11, ს. 12.
ტელ.: (495) 956-29-30,

სარეგისტრაციო მოწმობის მფლობელი:
დსს “ფარმფირმა სოტექს”

პროდუქციის ხარისხის თაობაზე მომხმარებლისგან საქართველოს ტერიტორიაზე პრეტენზიების მიმღები ორგანიზაციის მისამართი
შპს “ნიუ ფარმა ნიუ ფარმა”
საქართველო, ქ. თბილისი, გლდანი, მე-8 მ/რ., სახლი 12, ოფისი 15
ტელ/ფაქსი: +995(32) 272 64 65