Ambroxol - ამბროქსოლი 30მგ 20 ტაბლეტი

ამბროქსოლი
AMBROXOL

პრეპარატის სავაჭრო დასახელება: ამბროქსოლის ტაბლეტები

მოქმედი ნივთიერება (MHH): ამბროქსოლის ჰიდროქლორიდი

სამკურნალო ფორმა: ტაბლეტები

შემადგენლობა:
აქტიური ნივთიერება: ამბროქსოლის ჰიდროქლორიდი – 30მგ
დამხმარე ნივთიერებები: რძის შაქარი, კარტოფილის სახამებელი, კალციუმის სტეარატი, აეროსილი.

აღწერილობა: თეთრი ფერის ან თეთრი ფერის მოყვითალო შეფერილობით, ბრტყელცილინდრიანი, ფასკითა და ჭრილით ერთ მხარეს.

ფარმაკოთერაპევტული ჯგუფი: ამოსახველებელი საშუალება.
ATC Code: R05CB06

ფარმაკოლოგიური თვისებები:
მუკოლიტური პრეპარატი ნახველის გამოხატული ამოსახველებელი მოქმედებით. პრეპარატი ათხელებს ნახველს ბრონქების ლორწოვანი გარსის ჯირკვლის სეროზული უჯრედების სტიმულაციის ხარჯზე. ნახველის სეროზული და ლორწოვანი კომპონენტების შეფარდების ნორმირებით, ასტიმულირებს ფერმენტების წარმოქმნასა და გამომუშავებას, რომლებიც ანაწევრებენ კავშირს მუკოპოლისაქარიდებს შორის, სუფაქტანტის წარმოქმნას. სუფაქტანტის პროდუქციის გაზრდის წყალობით პრეპარატი ახდენს ანთებსაწინააღმდეგო მოქმედებას, ფლობს ანტიოქსიდანტურ თვისებებს და ზრდის ადგილობრივ იმუნიტეტს.
ფარმაკოკინეტიკა
შიგნით მიღებული პრეპარატი სრულად აბსორბირებს კუჭ-ნაწლავის ტრაქტიდან.
მაქსიმალური კონცენტრაცია ჩმახ სისხლის პლაზმაში მიიღწევა 2 საათის შემდეგ.
ბიომიღწევადობა შეადგენს 70-80%. პრეპარატის კუმულაცია გამოვლენილი არ არის.
პლაზმის ცილებთან კავშირი – დაახლოებით 90%. სწრაფად აღწევს ქსოვილებში და უფრო მაღალი კონცენტრაცია აღმოჩენილია ფილტვებში. გაივლის ჰემატოენცეფალურ ბარიერს (ჰებ) და პლაცენტარულ ბარიერს, გამოიყოფა დედის რძესთან ერთად.
პრეპარატი ინტენსიურად მეტაბოლიზირებს ღვიძლში. ნახევრადგამოყოფის პერიოდი (თ1/2) შეადგენს 9-12 სთ. გამოიყოფა ძირითადად შარდთან ერთად.

გამოყენების ჩვენებები
მუკოლიზური თერაპია, სასუნთქი გზების მწვავე და ქრონიკული დაავადებებისას, რომლებსაც თან ახლავს ლორწოვანი ნახველის გამოყოფა (მწვავე და ქრონიკული ბრონქიტი, პნევმონია, ობსტრუქციული ბრონქიტი, ბრონქიალური ასთმა ნახველის გამოყოფის დარღვევით, ბრონქოექტატური დაავადება, აგრეთვე, ლორწოს გათხელების გასაუმჯობესებლად ცხვირხახის ღრუს ანთებების დროს).

გამოყენების წესი და დოზირება
ტაბლეტები მიიღება შიგნით, ჭამის შემდეგ, მთლიანად, სითხის დიდი რაოდენობით.
დიდებსა და 12 წლის შემდეგ ბავშვებს პირველი 2-3 დღის განმავლობაში ენიშნებათ 30 მგ 2-3-ჯერ დღე-ღამეში, შემდეგ 30 მგ 2-ჯერ დღე-ღამეში ან 15 მგ 3-ჯერ დღე-ღამეში. 5-დან 12 წლამდე ასაკის ბავშვებს, ჩვეულებრივ, ენიშნებათ 15 მგ 2-3-ჯერ დღე-ღამეში. გამოყენების ხანგრძლივობა დამოკიდებულია დაავადების ჩვენებებსა და მსვლელობაზე და განისაზღვრება ინდივიდულაურად.

გვერდითი მოქმედებები
იშვიათად – სისუსტე, თავის ტკივილი, გულისრევა, კუჭის ტკივილი, ღებინება, დიარეა, პირის ან ზედა სასუნთქი გზების სიმშრალე, სიალორეა, სურდო, გაუვალობა და გართულებები შარდვისას, ჰიპერმგრძნობელობის რეაქციები, ისეთი, როგორიცაა გამონაყარი კანსა და ლორწოვან გარსებზე, სახის შეშუპება, ქოშინი, ტემპერატურის მომატება, შემცივნება და, ძალიან იშვიათად, ანაფილაქტური შოკის განვითარება. თირკმლის უკმარისობის შემთხვევაში საყურადღებოა ღვიძლში ამბროქსოლოლის მეტაბოლიტების დაგროვების ალბათობა.

უკუჩვენებები
მომატებული მგრძნობელობა ამბროქსოლოლის, ან პრეპარატის სხვა კომპონენტების მიმართ, ორსულობის პერიოდი (I ტრიმესტრი) და ლაქტაცია, კუჭისა და 12-გოჯა ნაწლავის წყლულოვანი დაავადება, პრეპარატის ერთდროული მიღება ხველების საწინააღმდეგო პრეპარატებთან ერთად.

წამლის ურთიერთქმედება
პრეპარატისა და ანტიბაქტერიული საშუალებების ერთდროული მიღება (ამოქსაცილინი, ცეფუროქსინი, დოქსიციკლინი, ერითრომიცინი), ხელს უწყობს ანტიბიოტიკების გაუმჯობესებულ შეღწევას ფილტვების ქსოვილში. შეთავსებულია შობადობის მოქმედების შემაფერხებელ პრეპარატებთან.
პრეპარატის ხველების საწინააღმდეგო საშუალებებთან კომბინირებული გამოყენებისას, ხველების რეფლექსის დახშობასთან დაკავშირებით, შესაძლებელია გათხელებული სეკრეტის საშიში შეყოვნება. ამიტომ ხველების საწინააღმდეგო საშულებების მიღება უნდა მოხდეს მხოლოდ მკურნალი ექიმის დანიშნულებით.

განსაკუთრებული მითითებები
განსაკუთრებული სიფრთხილით ინიშნება პრეპარატი პაციენტებში თირკმლის ან ღვიძლის ფუნქციის დარღვევით, დაავადებებისას, რომლებიც დაკავშირებულია ბრონქიალური სეკრეტის ძლიერი დაგროვებით (მაგალითად, ავთვისებიანი სინდრომი). ასეთ შემთხვევებში, პრეპარატის მიღებისას საჭიროა ექიმის კონტროლი.
ალერგიული რეაქციების პირველი ნიშნების განვითარებისას უნდა მოიხსნას პრეპარატის მიღება.
მორიგი დოზის მიღების გამოტოვების შემთხვევაში, შემდგომი მიღების დროს არ უნდა გაიზარდოს პრეპარატის დოზა.
შაქრის დიაბეტით დაავადებული პაციენტებისთვის პრეპარატის დანიშვნისას აუცილებელია გახსოვდეთ, რომ 1 აბი შეესაბამება 0,01 XE.
პრეპარატი შეინახეთ ბავშვებისათვის მიუწვდომელ ადგილას და არ გამოიყენოთ ვარგისიანობის ვადის გასვლის შემდეგ.

დოზის გადაჭარბება
დღემდე არ შემჩნეულა მოწამვლის მოვლენა პრეპარატის დოზის გადაჭარბებისას. მაგრამ, ზოგჯერ შესაძლებელია: მოკლეხნიანი შეწუხება და ფაღარათი, დოზის ძლიერი გადაჭარბებისას არტერიული წნევის ვარდნა, ღებინება, გაზრდილი ნერწყვგამოყოფა.
მკურნალობა: ასეთ შემთხვევებში, განსაკუთრებით დოზის ძლიერი გადაჭარბებისას აუცილებლად უნდა მიმართოთ ექიმს და მისი რეკომენდაციით ტარდება კუჭის ამორეცხვა, ცხიმშემცველი პროდუქტების მიღება, ჰემოდინამიური მაჩვენებლების კონტროლი, აუცილებლობისას, სიმპტომატური თერაპია.

გამოშვების ფორმა
30მგ ტაბლეტები კონტურულ-უჯრედოვან შეფუთვაში.

შენახვის პირობები
შეინახეთ სინათლისაგან დაცულ ადგილას, ტემპერატურაზე არაუმეტეს 25C

ვარგისიანობის ვადა
3 წელი.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:
შპს “Torimed Pharm”,111814, უზბეკეთის რესპუბლიკა,
ტაშკენტის ოლქი, ზანგიატინსკის რაიონი, ს. კარიმოვის ქ., სახლი #1,
tel: (+998 71) 231 7800, E-mail: torimedpharm@mail.ru