Tivortin - ტივორტინი ასპარტორის ხსნარი 20% 200მლ

გამოყენების ინსტრუქცია

შემადგენლობა:

მოქმედი ნივთიერება: L-არგინინის L-ასპარტატი;

ხსნარის 1მლ შეიცავს 200 მგ L-არგინინის L-ასპარტატს;

დამხმარე ნივთიერებები: სორბიტოლი ( E 420), ნატრიუმის საქარინი  ( E 954), მეთილპარაჰიდროქსიბენზოატი (E 218), პროპილპარაჰიდროქსიბენზოატი (E216), საკვები არომატიზატორი „კარამელი“, საინექციო წყალი.

წამლის ფორმა. ორალური ხსნარი.

ძირითადი ფიზიკურ-ქიმიური თვისებები: გამჭვირვალე  ან ოდნავ მოყვითალო სითხე კარამელის არმატით.

ფარმაკოთერაპიული ჯგუფი. სხვა კარდილოგიური პრეპარატები.

კოდი ATX C01E.

ფარმაკოლოგიური თვისებები.

ფარმაკოდინამიკა.

ტივორტინი® ასპარტატი ახდენს ანტიჰიპოქსიურ, ციტორპოტექტორულ, ანტიოქსიდანტურ, დეზინტოქსიკაციურ, მემბრანომასაბილიზებელ მოქმედებას. მნიშვნელოვან  როლს თამაშობს ამიაკის ნეიტრალიზაციის პროცესებში და მისი ორგანიზმიდან გამოყოფის სტიმულირებაში, აძლიერებს ღვიძლის დეზინტოქსიკაციის ფუნქციას. ახდენს ჰეპატოპროტექტორულ მოქმედებას, დადებითად მოქმედებს ჰეპატოციტებში ენერგოუზრუნველოფის პრცესებზე.

როგორც აზოტის ოქსიდის დონატორი ტივორტინი® ასპარტატი მონაწილეობს ორგანიზმის ენერგოუზრუნველყოფის პროცესებში, ამცირებს ლეიკოციტებისა და თრომბოციტების აქტივაციასა და ადჰეზიას სისხლძარღვების ენდოთელიუმის მიმართ,  ახდენს რა ამგვარად ათეროსკლეროზული ფოლაქების წარმოქმნის და განვითარების პრევენციას, ერთვება ფიბრინოგენოლიზის, სპერმატოგენეზის პროცესებში.

პრეპარატი ახდენს ზომიერ ანაბოლურ მოქმედებას, ასტიმულირებს  მკერდუკანა ჯირკვლის მოქმედებას,ხელს უწყობს ინსულინის სინთეზს და არეგულირებს სისხლში გლუკოზის შემცველობას ფიზიკური დატვირთვის დროს, ასევე ხელს უწყობს მჟავა-ტუტოვანი წონასწორობის კორექციას.

ფარმაკოკინეტიკა

გამოკვლეული არ არის.

კლინიკური მახასიათებლები.

ჩვენებები.

გამოიყენება გულისა და თავის ტვინის სისხლძარღვების ათეროსკლეროზის, არტერიული ჰიპერტენზიის, პერიფერიული სისხლძარღვების ათეროსკლეროზის; გულის ქრონიკული უკმარისობის; ჰიპერქოლესტერინემიის ფილტვების ქრონიკული ობსტრუქციული დაავადებების; ფილტვის ჰიპერტენზიის; ასთენიური მდგომარეობების კომპლექსურ თერაპიაში.

უკუჩვენებები

ჰიპერმგრძნობელობა, თირკმლის ფუნქციის მძიმე დარღვევები. მიოკარდიუმის ინფარქტი (მათ შორის ანამნეზში). 

ურთიერთქმედება სხვა სამკურნალო საშუალებებთან და სხვა სახის ურთიერთქმედებები.

ასპარტატის არგინინის გამოყენებისას უნდა იქნას გათვალისწინებული, რომ არგინინთან ამინოფილინის კომბინირებულ გამოყენებას შეიძლება ახლდეს სისხლში ინსულინის შემცველობის ზრდა; არგინინთან სპირონოლაქტონის გამოყენებას - სისხლში კალიუმის დონის მომატება.

არგინინი შეუთავსებელია ტიოპენტალთან.

გამოყენების თავისებურებანი.

სიფრთხილით უნდა იქნას გამოყენებული ელექტროლიტების ცვლის დარღვევების დროს, თირკმლის დაავადებებისას. პრეპარტის გამყენებისას საჭიროა ძილისა და დასვენების დაბალანსებული რეჟიმის დაცვა, უარის თქმა ალკოჰოლზე, ნიკოტინზე და ფსიქოსტიმულატორებზე. თუ პრეპარატის მიღების ფონზე მატულობს ასტენიის სიმპტომები- საჭიროა მკურნალობის შეწყვეტა. 

პრეპარატს სიფრთხილით იყენებენ სტენოკარდიის მქონე პაციენტები.

პაციენტებმა, რომლებსაც მემკვიდრეობით ახასიათებთ ფრუქტოზის  აუტანლობა არ უნდა მიიღონ პრეპარატი. სამკურნალო საშუალება შეიცავს სორბიტოლს (Е420)- თუ თქვენ დადგენილი გაქვთ რომელიმე შაქრის აუტანლობა, გაიარეთ ექიმის კონსულტაცია ამ პრეპარატის მიღებამდე. 

სამკურნალო საშუალება შეიცავს ისეთ დამხმარე ნივთიერებებს, როგორიც არის მეთილპარაჰიდროქსიბენზოატი (Е218) და პროპილპარაჰიდროქსიბენზოატი (Е216), რომლებსაც შეუძლიათ ალერგიული რეაქციების გამოწვევა (შესაძლებელია შენელებული).

ეს პრეპარატი შეიცავს ნატრიუმის 0,02 მმოლ (0,45მგ)/დოზას (5 მლ), ანუ პრაქტიკულად თავისუფალია ნატრიუმისგან. 

გამოყენება ორსულობის  ან ძუძუთი კვების პერიოდში.

პრეპარატი აღწევს პლაცენტაში, ამიტომ მისი გამოყენება ორსულობის პერიოდში შეიძლება მხოლოდ იმ შემთხვევაში, როდესაც მოსალოდნელი სარგებელი დედისათვის აღემატება პორტენციურ რისკს ნაყოფისათვის.

მონაცემები პრეპარატის გამოყენების შესახებ ძუძუთი კვების პერიოდში არ არსებობს.

რეაქციის სიჩქარეზე ზეგავლენის უნარი ავტოტრანსპორტის მართვის ან სხვა მექანიზმებთან მუშაობის დროს. 
არ მოქმედებს.

გამოყენების წესი და დოზირება.

გამოიყენება შიგნით, ჭამის დროს. მოზრდილებში გულისა და თავის ტვინის სისხლძარღვების ათეროსკლეროზის, პერიფერიული სისხლძარღვების ათეროსკლეროზის დროს- 5 მლ (1 საზომი კოვზი - პრეპარატის 1 გ) 3-8 ჯერ დღე-ღამეში. ჰიპერქოლესტერინემიის, არტერიული ჰიპერტენზიის დროს- 5 მლ 3-6 ჯერ დღეში. ფილტვების ქრონიკული ობსტრუქციული დაავადებების, ფილტვის ჰიპერტენზიის დროს 5 მლ 3-6 ჯერ დღეში. ასთენიური მდგომარეობების დროს - 5 მლ 4-8 ჯერ დღეში. დღეღამის მაქსიმალური დოზა-8გ. მკურნალობის კურსის ხანგრძლივობა- 8-15 დღე; აუცილებლობისას მკურნალობის კურსს იმეორებენ.

ბავშვები.

18 წლამდე პაციენტებში არ გამოიყენება.

ჭარბი დოზირება.

სიმპტომები: მომატებული მგრძნობელობის რეაქციები, ჰიპოგლიკემიური მდგომარეობები.
მკურნალობა. მითითებული მოვლენების აღნიშვნისას აუცილებელია პრეპარატის მიღების შეწყვეტა. ნაჩვენებია კუჭის ამორეცხვა, სორბენტების მიღება. ანტიდოტი არ არსებობს, თერაპია სიმპტომატური.

გვერდითი რეაქციები.

ძვალ-კუნთოვანი სისტემის მხრიდან: ტკივილი სახსრებში.

საჭმლის მომნელებელი ტრაქტის მხრიდან: იშვიათად- მსუბუქი დისკომფორტის შეგრძნება კუჭსა და ნაწლავში, გულისრევა უშუალოდ პრეპარატის გამოყენების შემდეგ, რომლებიც თავისთავად ქრება.

იმუნური სისტემის მხრიდან: ჰიპერმგრძნობელბის რეაქციები, ბრონქოსპაზმის ჩათვლით.

ლაბორატორიული მაჩვენებლები: ჰიპერკალიემია.

ვარგისიანობის ვადა.  2 წელი.

ვარგისიანობის ვადა ფლაკონის გახსნის შემდეგ- 14 დღეღამე.

შენახვის პირობები.

შენახულ იქნას ტემპერატურაზე არაუმეტეს 25 °С. შეინახეთ ორიგინალურ შეფუთვაში. არ გაყინოთ! შენახულ იქნას ბავშვებისთვის მიუწვდომელ ადგილას.

შეუთავსებლობა.

არგინინი შეუთავსებელია ტიოპენტალთან.

შეფუთვა.

100 მლ და 200 მლ ფლაკონში; 1 (თითო) ფლაკონი საზომ კოვზთან ერთად მუყაოს შეფუთვაში.

გაცემის კატეგორია:

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:

შპს „იურია-ფარმი“.

მწარმოებლის ადგილმდებარეობა და მისი საქმიანობის განმახორციელებლის მისამართი:

უკრაინა, 18030, ჩერკასის ოლქი, ქ. ჩერკასი, კობზარსკაიას ქ.,108.

ტელ: + 38 (044)281-01-01.