ოლაპატინი თვალის წვეთები 0.1% 5მლ

მედიკამენტის გამოყენების ინსტრუქცია პაციენტებისათვის

ოლაპატინი 0.1% თვალის წვეთები, ხსნარი

თვალში ჩასაწვეთებელი.

სტერილური

• აქტიური ნივთიერება:

    1.11 მგ/მლ ოლოპატადინის ჰიდროქლორიდი შეესაბამება 1 მგ/მლ ოლოპატადინს.

• დამხმარე ნივთიერებები:

ბენზალკონიუმის ქლორიდი, ორფუძიანი ნატრიუმის ფოსფატი უწყლო, ნატრიუმის ქლორიდი, ჰიდროქლორმჟავა, ნატრიუმის ჰიდროქსიდი, საინექციო წყალი.

გამოყენების ინსტრუქცია შეიცავს შემდეგ პუნქტებს:

1. რას წარმოადგენს ოლაპატინი და რისთვის გამოიყენება?
2. ინფორმაცია ოლაპატინის გამოყენების წინ
3. ოლაპატინის გამოყენების წესი
4. შესაძლო გვერდითი ეფექტები
5. ოლაპატინის შენახვის პირობები

1. რას წარმოადგენს ოლაპატინი და რისთვის გამოიყენება?

ოლაპატინი წარმოადგენს თვალის წვეთებს 5 მლ პლასტმასის ფლაკონში. ის არის გამჭვირვალე, უფერო ხსნარი.

ოლაპატინი შეიცავს ოლოპატადინს აქტიური ნივთიერების სახით.

ოლაპატინი გამოიყენება სეზონური ალერგიული კონიუქტივიტის ნიშნების და სიმპტომების სამკურნალოდ.

ალერგიული კონიუქტივიტი: ზოგიერთმა ნივთიერებებმა (ალერგენმა), როგორიცაა, ყვავილის მტვერი, სახლის მტვერი ან ცხოველის ბეწვი, შეიძლება გამოიწვიოს ალერგიული რეაქციები, რის შედეგადაც ვითარდება თვალის ქავილი, სიწითლე, აგრეთვე თვალის ზედაპირის შეშუპება.

ოლაპატინი ნაჩვენებია თვალის ალერგიული მდგომარეობების სამკურნალოდ. მოქმედებს ალერგიული რეაქციის ინტენსივობის შემცირების გზით.

2. ინფორმაცია ოლაპატინის გამოყენების წინ

არ გამოიყენოთ ოლაპატინი

• თუ გახასიათებთ ჰიპერმგრძნობელობა (ალერგია) ოლოპატადინის ან ოლაპატინის ნებისმიერი სხვა ინგრედიენტის მიმართ. გამოყენებამდე მიმართეთ ექიმს რჩევისთვის.

გამოიყენეთ ოლაპატინი განსაკუთრებული სიფრთხილით

• არ გამოიყენოთ ოლაპატინი 3 წლამდე ასაკის ბავშვებში.
• ოლაპატინის გამოყენების წინ მოიხსენით კონტაქტური ლინზები.

ოლაპატინის მიღება საკვებ და სასმელ პროდუქტებთან ერთად

ურთიერთქმედება ამ პრეპარატს და საკვებ ან სასმელ პროდუქტებს შორის არ აღინიშნება.

ორსულობა

თუ ხართ ორსულად ან ფიქრობთ, რომ ხართ ორსულად, ამ პრეპარატის გამოყენების წინ კონსულტაციისთვის მიმართეთ თქვენს ექიმს.

თუ დაორსულება მოხდება მკურნალობის პერიოდში, დაუყოვნებლივ უნდა მიმართოთ თქვენს ექიმს კონსულტაციისთვის.

ლაქტაციის პერიოდი

ამ პრეპარატის გამოყენებამდე კონსულტაციისთვის მიმართეთ თქვენს ექიმს ან ფარმაცევტს.

ლაქტაციის პერიოდში არ გამოიყენოთ ოლაპატინი, რადგან ის შეიძლება გადავიდეს დედის რძეში.

ავტომობილებისა და მექანიზმების მართვა

ოლაპატინის გამოყენების შემდეგ, გარკვეული დროის განმავლობაში შეიძლება განვითარდეს მხედველობის დაბინდვა. არ მართოთ ავტომობილები ან მექანიზმები, ვიდრე მხედველობის დაბინდვა არ გაივლის.

მნიშვნელოვანი ინფორმაცია ოლაპატინის შემადგენლობაში შემავალი დამხმარე ნივთიერებების შესახებ

თუ ატარებთ კონტაქტურ ლინზებს, პრეპარატის გამოყენების წინ მოიხსენით ლინზები და კვლავ გაიკეთეთ ჩაწვეთებიდან მინიმუმ 15 წუთის გავლის შემდეგ. ოლაპატინი შეიცავს კონსერვანტს (ბენზალკონიუმის ქლორიდს), რაც იწვევს რბილი კონტაქტური ლინზების ფერის ცვლილებას.

გამოყენება სხვა პრეპარატებთან ერთად

თუ იყენებთ სხვა თვალის წვეთებს ან თვალის მალამოებს,  პრეპარატების გამოყენებას შორის ინტერვალი უნდა იყოს მინიმუმ 5 წუთი. თვალის მალამოები უნდა წაისვათ ბოლოს.

აცნობეთ თქვენს ექიმს ან ფარმაცევტს პრეპარატების შესახებ, რომლებსაც იყენებთ ამჟამად ან გამოიყენეთ ცოტა ხნის წინ, ეს ეხება ასევე მედიკამენტებს, რომლებიც გაიცემა ურეცეპტოდ.

3. ოლაპატინის გამოყენების წესი

ოლაპატინი ყოველთვის უნდა გამოიყენოთ ზუსტად თქვენი ექიმს ან ფარმაცევტის დანიშნულების შესაბამისად. ნებისმიერი კითხვების შემთხვევაში, მიმართეთ თქვენს ექიმს ან ფარმაცევტს.

მითითებები სათანადო გამოყენების და დოზის/მიღების სიხშირის შესახებ:

• ჩაიწვეთეთ დაავადებულ თვალში (თვალებში) დღეში ორჯერ დილით და საღამოს.
• გამოიყენეთ რეკომენდებული დოზებით, თუ ექიმი განსხვავებულ დოზირებას არ დაგინიშნავთ.
• ოლაპატინი გამოიყენეთ ორივე თვალში, თუ დაგინიშნავთ ექიმი.
• ოლაპატინი უნდა გამოიყენოთ იმ ხანგრძლივობით, როგორც დაგინიშნათ ექიმმა.

მიღების წესი და მეთოდი:

ოლაპატინი გამოიყენება თვალებში.

ოლაპატინის გამოყენების წინ დაიბანეთ ხელები.

დაიცავით ქვემოთ მოცემული გამოყენების ინსტრუქციები:

• მოხსენით თავსახური (სურათი 1)
• ფლაკონი დაიჭირეთ თავდაყირა ცერა და შუა თითებს შორის.
• ფრთხილად დააწექით საჩვენებელი თითით ფლაკონს ოლაპატინის წვეთის გადმოსასხმელად (სურათი 2).
• გადახარეთ თავი უკან. ქუთუთო ქვემოთ ჩამოწიეთ თითით ისე რომ შეიქმნას საკანი ქუთუთოსა და თვალს შორის. წვეთი უნდა ჩაიწვეთოთ ფორმირებულ საკანში (სურათი 3).
• მიიტანეთ საწვეთური თვალთან. საჭიროების შემთხვევაში დაიხმარეთ სარკე.
• ფლკონის საწვეთური არ შეახოთ თვალის ქუთუთოს, გარშემო არეალს ან სხვა ზედაპირს. მსგავსი კონტაქტით შესაძლოა მოხდეს საწვეთურის მიკრობებით კონტამინირება.
• ოლაპატინის ჩაწვეთების შემდეგ ფრთხილად გაათავისუფლეთ თვალის ქუთუთო, დახუჭეთ თვალი და ფრთხილად დააწექით თვალისა და ცხვირს შორის არეალს თითით (სურათი 4). ეს მასაჟი ხელს შეუწყობს ოლაპატინის სხეულის სხვა ნაწილებში განაწილებას.
• თუ გესაჭიროებათ ორივე თვალში ჩაწვეთება, გაიმეორეთ იგივე პროცედურები მეორე თვალზე.
• თუ ჩაწვეთებისას წვეთი აცდა თვალს, უნდა ჩაიწვეთოთ ხელახლა.
• ოლაპატინის გამოყენების შემდეგ მჭიდროდ დაახურეთ თავსახური ფლაკონს.
• თუ იყენებთ თვალის სხვა სამკურნალო საშუალებებს, უნდა დაიცვათ 5-10 წუთიანი ინტერვალი ორივე პრეპარატის ჩაწვეთებებს შორის.

სხვადასხვა ასაკობრივი ჯგუფები:

ბავშვები:

ოლაპატინი არ გამოიყენება 3 წლამდე ასაკის ბავშვებში.

ხანდაზმულები:

ხანდაზმულებში გამოიყენება ისევე, როგორც მოზრდილებში.

გამოყენების სპეციალური პირობები:

სპეციალური გამოყენების პირობები არ არსებობს.

თუ გამოიყენეთ ოლაპატინის ჭარბი დოზირება

ამოიბანეთ თვალი თბილი წყლით. აღარ ჩაიწვეთოთ პრეპარატი, ვიდრე არ დადგება მომდევნო რეგულარული დოზის მიღების დრო.

დაუკავშირდით თქვენს ექიმს ან ფარმაცევტს თუ გამოიყენეთ ოლაპატინის ჭარბი დოზირება.

თუ დაგავიწყდათ ოლაპატინის გამოყენება:

ჩაიწვეთეთ ერთი წვეთი, როგორც კი გაგახსენდებათ.

არ გამოიყენოთ ორმაგი დოზა გამოტოვებული დოზის კომპენსირების მიზნით.

თუ იყენებთ სხვა ოფთალმიურ პრეპარატებს, მიღებებს შორის უნდა დაიცვათ სულ მცირე 5 წუთიანი ინტერვალი.

შესაძლო ეფექტები ოლაპატინით მკურნალობის შეწყვეტისას.

არ ვლინდება.

4. შესაძლო გვერდითი ეფექტები

ნებისმიერი სხვა პრეპარატის მსგავსად, ოლაპატინმაც შეიძლება გამოიწვიოს გვერდითი ეფექტები იმ ადამიანებში, რომლებსაც ახასიათებთ ჰიპერმგრძნობელობა პრეპარატის ინგრედიენტების მიმართ.

გვერდითი ეფექტები კატეგორიების მიხედვით მოცემულია ქვემოთ:

ძალიან ხშირი: შეიძლება განვითარდეს 10-დან ერთზე ნაკლებ პაციენტში.

ხშირი: შეიძლება განვითარდეს 10-დან ერთზე ნაკლებ, მაგრამ 100-დან ერთზე მეტ პაციენტში.

არახშირი: შეიძლება განვითარდეს 100-დან ერთზე ნაკლებ, მაგრამ 1000-დან ერთზე მეტ პაციენტში.

იშვიათი: შეიძლება განვითარდეს 1000-დან ერთზე ნაკლებ პაციენტში.

ძალიან იშვიათი: შეიძლება განვითარდეს 10000-დან ერთზე ნაკლებ პაციენტში.

უცნობი: სიხშირის შეფასება შეუძლებელია არსებული მონაცემების საფუძველზე.

თუ შენიშნავთ რომელიმე ქვემოთ ჩამოთვლილ მოვლენას, უთხარით თქვენს ექიმს:

ხშირი:

• თავის ტკივილი
• ცუდი გემო
• თვალის ტკივილი
• თვალის გაღიზიანება
• თვალის სიმშრალე
• ანომალური შეგრძნება თვალში
• სიმშრალე ცხვირში
• დაღლილობა

არახშირი:

• სინუსური ინფექცია
• თავბრუსხვევა
• ანომალური ან დაქვეითებული შეგრძნება
• რქოვანას ეპითელიუმის დეფექტი
• რქოვანას ეპითელიუმის დარღვევა
• პუნქტატური კერატიტი (თვალის გამჭვირვალე გარსის პუნქტატური ანთება)
• კერატიტი (თვალის გამჭვირვალე გარსის ანთება)
• ლაქები რქოვანაზე
• თვალის სისველე
• მომატებული მგრძნობელობა სინათლეზე
• მხედველობის დაბინდვა
• მხედველობის დაქვეითება
• ქუთუთოს სპაზმი
• თვალის დაზიანება
• თვალის ქავილი
• კონიუნქტივალური ტომარა
• კონიუნქტივას დაზიანება
• თვალში უცხო სხეულის შეგრძნება
• ცრემლდენის მომატება
• ქუთუთოს ქავილი
• ქუთუთოს შეშუპება
• ქუთუთოს დაზიანება
• ქუთუთოზე გამონაყარი
• თვალიდან სისხლდენა
• კონტაქტური დერმატიტი (კონტაქტით გამოწვეული კანის ანთებითი დაავადება)
• კანზე სითბოს შეგრძნება
• კანის სიმშრალე

უცნობი:

• მომატებული მგრძნობელობა
• სახის შეშუპება
• ძილიანობა
• რქოვანას შეშუპება
• თვალის შეშუპება
• თვალის შესიება
• კონიუნქტივიტი
• გუგის გაფართოვება
• მხედველობის დარღვევა
• წვა ქუთუთოების კიდეებზე
• სუნთქვის გაძნელება
• სინუსური (ძვლებში არსებული ღრუები ცხვირისა და თვალების ირგვლივ) ინფექცია
• გულისრევა
• ღებინება
• დერმატიტი (კანის ანთებითი დაავადება)
• კანზე გამონაყარი
• სისუსტე
• შეუძლოს ყოფნა

ზემოთ ჩამოთვლილი მოვლენები არის ოლაპატინის მსუბუქი გვერდითი ეფექტები.

შეგიძლიათ გააგრძელოთ ამ პრეპარატის გამოყენება, თუ სიმპტომები არ იქნება მძიმე.

იშვიათ შემთხვევებში, ზოგიერთ პაციენტში, რომლებსაც  აქვთ თვალის წინა ნაწილის (რქოვანა) გამჭვირვალე გარსის მძიმე დაზიანება, აღინიშნება რქოვანაზე ბუნდოვანი ლაქები მკურნალობის დროს კალციუმის დაგროვების შედეგად.

5. ოლაპატინის შენახვის პირობები

ოლაპატინი შეინახეთ  ბავშვებისაგან მიუწვდომელ ადგილას  საწყის  შეფუთვაში.

ინახება არაუმეტეს  25⁰C-მდე ტემპერატურის პირობებში.

გთხოვთ გაითვალისწინოთ პრეპარატის ვარგისიანობის ვადა.

ოლაპატინი არ გამოიყენება შეფუთვაზე მითითებული ვარგისიანობის ვადის გასვლის შემდეგ.

გამოყენების შემდეგ ფლაკონს უნდა დაახუროთ თავსახური მჭიდროდ.

ფლაკონის შემცველობა უნდა გამოიყენოთ პირველად გახსნიდან 1 თვის განმავლობაში.

გაცემის წესი:  ფარმაცევტული პროდუქტის ჯგუფი III, გაიცემა რეცეპტის გარეშე.

სავაჭრო ნებართვის მფლობელი:

BILIM ILAÇ SAN. ve TIC. A.Ş.

კაპტანპაშა მაჰალეში, ზინჯირლიკუიუ ჯად. N:184

34440 ბეიოღლუ - სტამბოლი-თურქეთი

ტელ: +90 (212) 365 15 00

ფაქსი: +90 (212) 276 29 19

საწარმოო ქარხანა:

Idol Illac Dolum San. ve Tic. A. Ş.

დავუტფაშა კად. ჩებეალიბეი სოკ. N: 20

34010 ტოპკაპი - სტამბოლი - თურქეთი