პენტაზა 500მგ 100 * ტაბლეტი

პენტასა®

Pentasa

პრეპარატის სავაჭრო დასახელება: პენტასა®

საერთაშორისო არაპატენტირებული სახელწოდება: მესალაზინი

სამკურნალწამლო ფორმა: გახანგრძლივებული გამოთავისუფლების ტაბლეტი

შემადგენლობა

ერთი ტაბლეტი შეიცავს:

მოქმედი ნივთიერება: მესალაზინი 500მგ;

დამხმარე ნივთიერებები: პოვიდონი K 29/32 25მგ, ეთილცელულოზა 6-9მგ,მაგნიუმის სტეარატი 1მგ, ტალკი 9მგ, მიკროკრისტალური ცელულოზა 207მგ.

აღწერილობა

 მრგვალი ფორმის, მოთეთრო მონაცრისფრო  ტაბლეტები ღია ყავისფერი მრავლობითი წინწკლებით, ერთ მხარეს ნაპრალით,  ნაჭდევითა და გრავირებით «500 mg» ერთ მხარეს და «PENTASA» -მეორე მხარეს .

ფარმაკოთერაპიული ჯგუფი: ანთებისსაწინააღმდეგო ნაწლავური საშუალება.

ათქ კოდი: A07EC02

ფარმაკოლოგიური თვისებები

ფარმაკოდინამიკა

მესალაზინი - 5-ამინოსალიცილის მჟავა - წარმოადგენს წყლულოვანი კოლიტისა და კრონის დაავადების სამკურნალო საშუალების სულფასალაზინის აქტიურ კომპონენტს. მესალაზინის თერაპიული ეფექტი პერორალური მიღებისას უმეტესწილად განპირობებულია ნაწლავის ანთებით ქსოვილზე ადგილობრივი მოქმედებით, ვიდრე მისი სისტემური ქმედებით.  არსებული ინფორმაციის მიხედვით, წყლულოვანი კოლიტის მქონე პაციენტებში ნაწლავის ანთებითი პროცესის გამოხატვის ინტენსივობა  ნაწლავის ლორწოვანში მესალაზინის კონცენტრაციის უკუპროპორციულია.

ნაწლავის ანთებითი დაავადებებისას აღინიშნება ლეიკოციტების მიგრაცის გაძლიერება, ციტოკინებისა და არაქიდონის მჟავის წარმოებულების(კერძოდ, ლეიკოტრიენ B4-ის) გამომუშავების მატება, თავისუფალი რადიკალების გამოთავისუფლების მატება.  მესალაზინის მოქმედების ზუსტი მექანიზმი ბოლომდე შესწავლილი არ არის, მაგრამ, დადგენილია, რომ ის ააქტიურებს რეცეპტორების γ-ფორმას, რომლებიც აქტიურდება პეროქსისომური პროლიფერატორებით (PPAR-γ) და თრგუნავენ NF-κB ტრანსკრიპციულ ფაქტორს ნაწლავის ლორწოვანში. მესალაზინი აინჰიბირებს ლეიკოციტურ ქემოტაქსისს, აქვეითებს ციტოკინებისა და ლეიკოტრიენების გამომუშავებას, ასევე თავისუფალი რადიკალების გამოთავისუფლებას ნაწლავის ანთებით ქსოვილში.  მესალაზინის მოქმედების თითოეული მექანიზმის ფარმაკოლოგიური ეფექტების რეალიზების ზუსტი მნიშვნელობა დადგენილი არ არის.

წყლულოვანი კოლიტისას იმატებს კოლორექტალური კიბოს განვითარების რისკი. მესალაზინის მოქმედება, გამოვლენილი ექსპერიმენტული მოდელების ბიოფსიის ჩატარებისას პაციენტებში, ადასტურებს, რომ მესალაზინი ხელს უშლის წყლულოვან კოლიტთან ასოცირებული კოლორექტალური კიბოს განვითარებას აღნიშნული პათოლოგისას მონაწილე უჯრედშიდა და უჯრედგარე სასიგნალო გზების ინჰიბირებით. მიუხედავად ამისა, მეტა-ანალიზების შედეგები სამიზნე და სხვა პოპულაციების შეფასებებით, ასახავს მესალაზინის დადებითი ეფექტების არაერთმნიშვნელოვან კლინიკურ მონაცემებს არასპეციფიურ წყლულოვან კოლიტთან ასოცირებული სიმსივნის განვითარების რისკთან დაკავშირებით.

ფარმაკოკინეტიკა:

მესალაზინის თერაპიული მოქმედება ვლინდება ნაწლავის დაზიანებულ ლორწოვანთან ადგილობრივი კონტაქტისას.

პენტასა®-ს ტაბლეტები შედგება ეთილცელულოზის გარსით დაფარული მესალაზინის მიკროგრანულებისგან. შიგნით მიღებისას ტაბლეტი იშლება მიკროგრანულებად და 1სთ-ის შემდეგ  ხვდება თორმეტგოჯა ნაწლავში საკვების მიღებისგან დამოუკიდებლად. მესალაზინი ნელა გამოთავისუფლდება მიკროგრანულებიდან კუჭ-ნაწლავის ტრაქტში გადაადგილებისას ნაწლავის pH-ისგან დამოუკიდებლად. 

აბსორბცია: პერორალური გამოყენებისას მესალაზინის ბიოშეღწევადობა შეადგენს დაახლოებით 30%-ს (მონაცემები მირებულის ჯანმრთელი მოხალისეების შარდის ანალიზით). მაქსიმალური კონცენტრაცია პლაზმაში მიიღწევა პრეპარატის მიღებიდან 1-6 საათში. ფარმაკოკინეტიკური მრუდქვეშა ფართი (AUC)  4გ მესალაზინის ერთხელ დღეში ან 2გ მესალაზინის დღეში 2-ჯერ მიღებისას შედარებადია და მაჩვენებელი ამტკიცებს მესალაზინის უწყვეტ გამოთავისუფლებას. მესალაზინის მუდმივი კონცენტრაცია მიიღწევა 5 დღეში.

მესალაზინის მოლეკულური მასაა 153,13გ/მოლი; აცეტილმესალაზინის - 195,17გ/მოლი.

საკვების ერთჯერადი მიღებისას პრეპარატის კუჭ-ნაწლავის ტრაქტში გადაადგილების დრო და ბიოშეღწევადობა არ იცვლება, მაგრამ  AUC შეიძლება გაიზარდოს.

განაწილება: მესალაზინი და მისი მეტაბოლიტი აცეტილმესალაზინი ვერ გადალახავს ჰემატოენცეფალურ ბარიერს. მესალაზინის დაახლოებით 50% და აცეტილმესალაზინის 80% უკავშირდება პლაზმის ცილებს.

მეტაბოლიზმი: მესალაზინი განიცდის აცეტილირებას N-აცეტილტრანსფერაზის ზემოქმედებით ნაწლავის ლორწოვან გარსსა და ღვიძლში, რის შედეგადაც წარმოიქმნება ძირითადი მეტაბოლოტი N-აცეტილ-5-ამინოსალიცილის მჟავა (N-აცეტილმესალაზინი). აცეტილირების რეაქცია შესაძლოა განხორციელდეს ნაწლავის ბაქტერიების მონაწილეობით. პრეპარატის მეტაბოლიზმი არ არის დამოკიდებული ორგანიზმის აცეტილირების უნარზე. პერორალური მიღების შემდეგ აცეტილმესალაზინისა და მესალაზინის პლაზმური კონცენტრაციის შეფარდება ვარირებს 3,5-დან 1,5-მდე 500მგ მესალაზინის დღეში 3-ჯერ და 2გ მესალაზინის დღეში 3-ჯერ მიღებისას, შესაბამისად, რაც მიუთითებს აცეტილირების დოზადამოკიდებულ ხასიათსა და კუმულაციურ ეფექტზე.

გამოყოფა: მესალაზინის კუჭ-ნაწლავის ტრაქტში ნელი გამოთავისუფლების გამო ზუსტი T_1/2-ის განსაზღვრა შეუძლებელია. თუმცა, მას შემდეგ რაც პრეპარატი ტოვებს კუჭ-ნაწლავის ტრაქტს, მესალაზინის ნახევრადდაშლის პერიოდი (T_1/2) შეადგენს 40 წუთს, მეტაბოლიტის ნახევრადდაშლის პერიოდი - დაახლოებით 70 წუთს. მესალაზინი და მისი ძირითადი მეტაბოლიტი გამოიყოფა შარდთან და ფეკალურ მასებთან ერთად. აცეტილმესალაზინი გამოიყოფა უპირატესად თირკმელებით.

ფარმაკოკინეტიკა განსაკუთრებული კლინიკური შემთხვევებისას

წყლულოვანი კოლიტის მწვავე ფაზა

წყლულოვანი კოლიტის მწვავე პერიოდისას დიარეისა და მომატებული მჟავიანობის პირობებში მესალაზინის გამოთავისუფლება უნმიშვნელოდ იცვლება. პაციენტებში პრეპარატის ნაწლავში ნაჩქარევი გავლით აღინიშნება დღიური დოზის 20-25%-ის გამოყოფა შარდით. ასევე აღინიშნება მესალაზინის გამოყოფის ზრდა ფეკალური მასებით. 

პაციენტები ღვიძლისა და/ან თირკმლის ფუნქციათა დარღვევით

ღვიძლისა და/ან თირკმლის ფუნქციათა დარღვევისას შესაძლებელია გამოყოფის შემცირება, რაც ზრდის ნეფროტოქსიურობის არასასურველი ეფექტების განვითარების რისკს.

ჩვენებები

• მსუბუქი ან საშუალო სიმძიმის წყლულოვანი კოლიტი;
• კრონის დაავადება

უკუჩვენება

• სალიცილატებისა და პრეპარატის შემადგენელი სხვა კომპონენტების მიმართ მომატებული მგრძნობელობა;
• ღვიძის ან თირკმლის მძიმე უკმარისობა;
• 6 წლამდე ბავშვთა ასაკი.

სიფრთხილით ინიშნება

პრეპარატი სიფრთხილით ინიშნება ფილტვის ფუნქციათა დარღევევბის, კერძოდ ბრონქული ასთმის მქონეპაციენტებში, ასევე კუჭის ან თორმეტგოჯა ნაწლავის  წყულოვანი დაავადების მწვავე ფაზისა და ჰემორაგიული დიათეზის მქონე პირებში.

პრეპარატ პენტასა®-ს დანიშვნისას მსუბუქი და საშუალო სომძიმის ღვიძლის/თირკმლის ფუნქციათა უკმარისობისას  აუცილებელია სიფრთხილე, რამდენადაც მესალაზინის ელიმინაციის სიჩქარის შემცირება და სისტემური კონცენტრაციის მატება ზრდის თირკმელების დაზიანების რისკს. 

გამოყენება ორსულობსა და მეძუძურებში

პრეპარატი პენტასა® გამოიყენება ორსულობისას  მხოლოდ იმ შემთხვევაში, როცა დედისთვის მოსალოდნელი სარგებელი აღემატება ნაყოფზე მოქმედების რისკს. ნაწლავის ანთებითმა დაავადებამ შესაძლოა გაზარდოს არასასურველი ეფექტების გამოვლენის რისკი ორსულობისას.

ორსულობა

მესალაზინი გადის პლაცენტარულ ბარიერს, მისი კონცენტრაცია ჭიპლარის სისხლში  დედის სისხლში მის კონცენტრაციაზე ნაკლებია. აცეტილმესალაზინი ჭიპლარსა და დედის სისხლის პლაზმაში თანაბარი კონცენტრაციითაა წარმოდგენილი. მესალაზინის ორსულებში გამოყენების სარწმუნო, მკაფიო შედეგების კვლევები არ არსებობს. გამოქვეყნებული მონაცემების მიხედვით, მესალაზინის გამოყენებისას გამოვლენილია განვითარების თანდაყოლილი მანკების სიხშირის ზრდა. ზოგიერთი მონაცემი მიუთითებს ნაადრევი მშობიარობის, ნაყოფის სიკვდილსა და ახალშობილის წონის დეფიციტის სიხშირის ზრდაზე.  თუმცა, აღნიშნული გართულებები შესაძლოა იყოს ნაწლავის აქტიური ანთებითი დაავადების შედეგი.

აღწერილია სისხლისა და ლიმფური სისტემის მხრივ დარღვევები(ლეიკოპენია, თრომბოციტოპენია, ანემია) ახალშობილებში, რომელთა დედების იღებდნენ პრეპარატ პენტასა®-ს.

აღნიშნულია თირკმლის ფუნქციათა დარღვევის ერტეული შემთხვევბი ახალშობიებში, რომელთა დედები ორსულობის პერიოდში იღებდნენ მესალაზინს მაღალი დოზებით (2-4გ, პერორალურად).

პრეკლინიკური კვლევების მიხედვით პრეპარატის მიღებისას ემბრიო ან ფეტოტოქსიურობა, მშობიარობაზე და პოსტნატალურ განვითარებაზე გავლენა  არ გამოვლენილა.

ლაქტაცია

მესალაზინი გამოიყოფა დედის რძეში. მისი კონცენტრაცია რძეში ნაკლებია დედის სისხლის პლაზმაში მესალაზინის კონცენტრაციაზე და მეტაბოლიტი დედის რძეში იგივე ან მეტი კონცენტრაციით გვხვდება. ძუძუთი კვებისას პრეპარატ პენტასა®-ს გამოყენების კონტროლირებული კლინიკური კვლევები არ ჩატარებულა. ამ ჯგუფში მისი გამოყენების გამოცდილება შეზღუდულია. ბავშვებს შეიძლება განუვითარდეთ ჰპერმგრძნობელობის რეაქციები (მაგალითად, დიარეა). ასეთ შემთხვევაში საჭიროა პრეპარატის მიღების შეწყვეტა.

ფერტილობა

პრეკლინიკური კვლევების მონაცემების მიხედვით ფერტილობაზე მესალაზინის გავლენა არ აღინიშნა.

გამოყენების წესი და დოზები

ტაბლეტის მიღება რეკომენდებულია საკვების მიღების შემდეგ, დაღეჭვისა და დაფხვნის გარეშე. ტაბლეტის გადაყლაპვის გაადვილების მიზნით შესაძლებელია მისი რამდენიმე ნაწილად გაყოფა ან 50მლ ცივ წყალში გახსნა უშუალოდ მიღებამდე.

მოზრდილები

მწვავე პერიოდი

დოზა ირჩევა ინდივიდუალურად. გამწვავების პერიოდში რეკომენდებული დოზაა 4გ დღეღამეში, გაყოფილი 2-4 მიღებად.

შემანარჩუნებელი თერაპია

დოზა ირჩევა ინდივიდუალურად.რეკომენდებულია 2გ მესალაზინის მიღება დღეში. კრონის დაავადების სამკურნალოდ პრეპარატი შეიძლება დაინიშნოს დღიური დოზით 4გ, გაყოფილი რამდენიმე მიღებად.

6 წელზე მეტი ასაკის ბავშვები

6-დან 18 წლამდე ასაკის ბავშვებში მესალაზინის გამოყენების მონაცემები შეზღუდულია.

მწვავე პერიოდი

დოზა ირჩევა ინდივიდუალურად.გამწვავების ფაზაში რეკომენდებული დოზა შეადგენს 30-50მგ მესალაზინს სხეულის მასის თითოეულ კილოგრამზე დღეში გაყოფილი რამენიმე მიღებად. მაქსიმალური ერთჯერადი დოზაა 75მგ/კგ დღეში, მაქსიმალირი დღიური დოზა შეადგენს არაუმეტეს 4 გრამს.

 შემანარჩუნებელი თერაპია

დოზა ირჩევა ინდივიდუალურად.რეკომენდებული შემანარჩუნებელი დოზაა 15-30მგ/კგ დღეში გაყოფილი რამდენიმე მიღებად; მაქსიმალური დღიური დოზაა არაუმეტეს  2გ (4გ - კრონის დაავადების სამკურნალოდ).

40კგ-ზე ნაკლები სხეულის მასის მქონე ბავშვებში რეკომენდებულია მკურნალობის დაწყება მოზრდილთა დოზის ½-ით, 40კგ-ზე მეტი წონის ბავშვებში ინიშნება მოზრდილთა დოზა.

მკურნალობის ხანგრძლივობა განისაზღვრება მკურნალი ექიმის მიერ.

გვერდითი მოვლენები

პრეპარატ პენტასა®-ს მიღებისას ყველაზე ხშირად ვლინდება დიარეა, გულისრევა, ტკივილი მუცლის არეში, ღებინება და გამონაყარი კანზე. ზოგიერთ პაციენტში გამოვლინდა ჰიპერმგრძნობელობის რეაქციები და სხეულის ტემპერატურის მატება.

გვერდითი მოვლენების სიხშირე: ძალიან ხშირად (≥ 1/10), ხშირად (≥ 1/100 -დან <1/10-მდე), ზოგჯერ (≥ 1/1000 -დან <1/100-მდე), იშვიათად (≥ 1/10000-დან <1/1000-მდე), ძალიან იშვიათად (<1/10000), სიხშირე დადგენილი არ არის(დღეისათვის მონაცემები გამოვლენი სიხშირის შესახებ არ არის).

(*) გვერდითი მოვლენების განვითერების მექანიზმი, სავარაუდოდ, ალერგიული ხასიათისაა.

ზოგიერთი გვერდითი ეფექტის გამოვლენა უკავშირდება ნაწლავის ანთებით დაავადებას.

ინსტრუქციაში მითითებული ეფექტების გაძლიერების ან სხვა ნებისმიერი ინსტრუქციაში არ არსებული ეფექტის გამოვლენისას შეატყობინეთ ექიმს.

დოზის გადაჭარბება

პრეპარატ პენტასა®-ს დოზის გადაჭარბების შემთხვევები იშვიათია.  დოზის გადაჭარბებისას არ აღინიშნება ჰეპატოტოქსიურობისა და ნეფროტოქსიურობის ნიშნები, მაგრამ შესაძლოა გამოვლინდეს სალიცილატებით მოწამვლის სიმპტომები.

არსებობს ცნობები პაციენტებზე, რომლებიც იღებდნენ 8გ მესალაზინს დღეში ერთი თვის განმავლობაში გვერდითი მოვლენების განვითარების გარეშე.

სპეციფიური ანტიდოტი არ არსებობს. რეკომენდებულია სიმპტომური და შემანარჩუნებელი თერაპია. სტაციონარში მკურნალობის შემთხვევაში საჭიროა თირკმლის ფუნქციის დეტალური კონტროლი. 

სხვა წამლებთან ურთიერთქმედება

კვლევები  პრეპარატ პენტასა®-ს სხვა წამლებთან ურთიერთქმედებაზე არ ჩატარებულა. პენტასა®-ს აზათიოპრინთან ან 6-მერკაპტოპურინთან, ან თიოგუანინთან ერთად დანიშვნისას იზრდება მიელოსუპრესიული მოქმედების სიხშირე, თუმცა, ამ ურთიერთქმედების მექანიზმი დადგენილი არ არის. აუცილებელია სისხლის სურათის რეგულარული კონტროლი და აუცილებლობის შემთხვევაში თიოპურინების დოზის კორექცია.

პენტასა®-ს სხვა ნეფროტოქსიურ პრეპარატებთან, მაგალითად ანთების საწინააღმდეგო არასტეროიდულ საშუალებებთან (ასას) და აზათიოპრინთან ერთდროული დანიშვნვნა ზრდის თირკმლის მხრივ გვერდითი ეფექტების განვითარების რისკს.

პრეპარატი პენტასა® ამცირებს ციანკობალამინის (ციტამინი B12) აბსორბციას, ზრდის სულფანილშარდოვანას წარმოებულების ჰიპოგლიკემიურ მოქმედებას, გლუკოკორტიკოიდების ულცეროგენულ მოქმედებას, მეტოტრექსატის ტოქსიურობას, ასუსტებს ფუროსემიდის, სპირონოლაქტონის, რიფამპიცინისა და ვარფარინის აქტივობას, ზრდის ურიკოზული სამკურნალო საშუალებების (მილაკოვანი სეკრეციის ბლოკატორები) ეფექტურობას. მესალაზინისა და დიგოგსინის პრეპარატების ერთდროული დანიშვნისას მცირდება დიგოგსინის შეწოვა.

განსაკუთრებული მითითებები

ექიმის მიერ დანიშნული პრეპარატის მიღების დაწყებამდე აუცილებელია სისხლის ბიოქიმიური ანალიზი (ასტ, ალტ აქტივობა, სისხლის პლაზმაში კრეატინინის კონცენტრაცია), სისხლის ფორმიანი ელემენტების რაოდენობის განსაზღვრა და შარდის ექსპრეს ანალიზი (ტესტ-ჩხირები). მკურნალობის დაწყებიდან 14 დღის შემდეგ აუციებელია პაციენტის გამოკვლევების გამეორება და შემდეგ  2-3-ჯერ განმეორება 4 კვირის ინტერვალით. მკურნალობის კარგი ამტანობისას განმეორებითი გამოკვლევები ტარდება ყოველ 3 თვეში ერთხელ. სხვა სიმპტომების გამოვლენის შემთხვევაში  აუცილებლად მიმართეთ ექიმს.

აუცილებელია სიფრთხილის დაცვა პაციენტებში სულფასალაზინის მიმართ ჰიპერმგრძნობელობით (სალიცილატებზე ალერგიული რეაქციების განვითარების რისკი). სულფასალაზინის აუტანლობისა და ჰიპერმგრძნობელობის მქონე პაციენტთა უმეტესობას შეუძლიათ პრეპარატ პენტასა®-ს მიღება არასასურველი რეაქციების გამოვლენის გარეშე. პაციენტები, რომელთაც წარსულში სულფასალაზინის მიღებისას გამოუვლინდათ არასასურველი რეაქციები პრეპარატ პენტასა®-თი თერაპიის დაწყებისას  უნდა იყვნენ სამედიცინო დაკვირვების ქვეშ. პრეპარატის აუტანლობის მწვავე სიმპტომების გამოვლენისას (ტკივილი და სპაზმები მუცლის არეში, ციებ-ცხელება, ძლიერი ტავის ტკივილი და გამონაყარი კანზე) აუცილებელია მისი მიღების შეწყვეტა.

ღვიძლის ფუნქციებისა და ჰემოსტაზის  დარღვევის მქონე პაციენტებში პრეპარატის დანიშვნა რეკომენდებული არ არის.  პრეპარატ პენტასა®-ს დანიშვნა თირკმლის ფუქნქციის დარღვევის მქონე პაციენტებში რეკომენდებული არ არის. მესალაზინის მიღებისას გამოვლენილი თირკმლის ფუნქციის დარღვევა შესაძლოა გამოწვეული იყოს მისი ნეფროტოქსიურობით.

სხვა ნეფროტოქსიური პრეპარატებთან(მაგალითად, ანთების საწინააღმდეგო არასტეროიდუი საშუალებები და აზათიოპრინი) ერთდროულმა დანიშვნამ შეიძლება გაზარდოს თირკმლის ფუნქციათა დარღვევის რისკი.

მესალაზინის მიღებისას აუცილებელია თირკმლის დაავადებების, მათ შორის, ბრონქული ასთმის მქონე პაციენტების მდგომარეობის კონტროლი.

პრეპარატ პენტასა®-ს დანიშვნა რეკომენდებულია სიფრთხილით პაციენტებში კუჭის წყლულით გამწვავების ფაზაში.

იშვიათად აღნიშნავენ არასასურველი ეფექტების გამოვლენას გულის მხრივ (მიოკარდიტი, პერიკარდიტი). ძალიან იშვიათად აღინიშნა სისხლის სერიოზული დისკრაზია. მესალაზინის აზათიოპრინთან, 6-მერკაპტოპურინთან ან თიოგუანინთან ერთად მიღებამ შეიძლება გაზარდოს სისხლის დისკრაზიის რისკი. აღნიშნული დაავადების სიმპტომების გამოვლენისას პრეპარატის მიღება უნდა შეწყდეს.

სატრანსპორტო საშუალებებისა და მექანიზმების მართვაზე გავლენა

პრეპარატი პენტასა® არ მოქმედებს ავტომობილისა და მექანიზმების მარტვის უნარზე. არასასურველი ეფექტების გამოვლენისას (როგორიცაა თავბრუსხვევა და სხვა) საჭიროა აღნიშნული საქმიანობისგან თავშეკავება.

გამოშვების ფორმა

გახანგრძლივებული გამოთავისუფლების ტაბლეტები, 500მგ.

10 ტაბლეტი ალუმინის ფოლგის  ბლისტერზე. 2,3,5,6,9 ან 10 ბლისტერი გამოყენების ინსტრუქციასთან ერთად მუყაოს კოლოფში.

მუყაოს კოლოფზე შესაძლოა დატანილი იყოს სტიკერი (სტიკერები) პირველადი გახსნის კონტროლისთვის. 

ვარგისიანობის ვადა

3 წელი.

კოლოფზე მითითებული ვადის გასვლის შემთხვევაში არ გამოიყენოთ.

შენახვის პირობები

შეინახეთ არაუმეტეს 30 °С ტემპერატურაზე ორიგინალ შეფუთვაში. არ გაყინოთ. შეინახეთ ბავშვებისთვის მიუწვდომელ ადგილზე.

გაცემის წესი: