Ronocit - რონოციტი 500მგ/4მლ. 5 ამპულა

შემადგენლობა

1 ამპულა შეიცავს:
აქტიური ნივთიერება: ციტიკოლინი (ნატრიუმის მარილის სახით) 500 მგ ან 1000 მგ.
დამხმარე ნივთიერება: საინექციო წყალი.

ფარმაკოლოგიური თვისებები
ციტიკოლინი, წარმოადგენს რა უჯრედული მემბრანის ძირითადი ულტრასტრუქტურული კომპონენტების (განსაკუთრებით ფოსფოლიპიდების) წინამორბედს, ხასიათდება მოქმედების ფართო სპექტრით: ხელს უწყობს უჯრედის დაზიანებული მემბრანის აღდგენას, აინჰიბირებს ფოსფოლიპაზებს, ხელს უშლის თავისუფალი რადიკალების ზედმეტი რაოდენობით წარმოქმნას, ასევე, მოქმედებს რა აპოპტოზის მექნიზმებზე, ხელს უშლის უჯრედის სიკვდილს. ინსულტის მწვავე პერიოდში ამცირებს დაზიანებული ქსოვილის მოცულობას, აუმჯობესებს ქოლინერგულ გადაცემას. თავ-ზურგტვინის ტრავმის დროს ამცირებს პოსტტრავმული კომის ხანგრძლივობას და ნევროლოგიური სიმპტომების გამოხატულებას. 
ციტიკოლინი აუმჯობესებს ჰიპოქსიის დროს არსებული სიმპტომების მიმდინარეობას, როგორიცაა მეხსიერების გაუარესება, ემოციური ლაბილობა, უინიციატივობა, სიძნელეები ყოველდღიური საქმიანობის და თვითმომსახურების დროს.
პრეპარატი არ მოქმედებს სუნთქვაზე, პულსსა და არტერიულ წნევაზე, ამდენად, შესაძლებელია მისი ხანგრძლივი გამოყენება.

ფარმაკოკინეტიკა
რადგან ციტიკოლინი წარმოადგენს ორგანიზმში არსებულ ბუნებრივ ნაერთს, მისი კლასიკური ფარმაკოკინეტიკური მაჩვენებლების გამოკვლევა შეუძლებელია, ეგზოგენური და ენდოგენური ციტიკოლინის რაოდენობრივი განსაზღვრის სირთულის გამო. ჯანმრთელ მოხალისეებში ჩატარებულ ფარმაკოკინეტიკურ კვლევაში მონიშნული С14 _ ციტიკოლინის შიგნით მიღებისას აღინიშნებოდა მისი პრაქტიკულად სრულად შეწოვა. მიღებიდან 5 დღის განმავლობაში ფეკალიებთან ერთად ექსკრეტირდა დანიშნული დოზის 1 %-ზე ნაკლები.

ჩვენებები
- იშემიური ინსულტის მწვავე პერიოდი;
- იშემიური და ჰემორაგიული ინსულტის აღდგენითი პერიოდი;
- ქალა-ტვინის ტრავმა, მწვავე და აღდგენითი პერიოდი;
- კოგნიტიური დარღვევები თავის ტვინის დეგენერაციული და სისხლძარღვოვანი დაავადებების დროს.

მიღების წესები და დოზები
ხსნარი ინტრავენური და ინტრამუსკულარული გამოყენებისთვის.
ინტრავენურად ინიშნება ნელი ინტრავენური ინექციის სახით (5 წუთის განმავლობაში) ან წვეთოვანით ინტრავენური გადასხმისთვის (40 – 60 წვეთი წუთში) ინსულტების და ქალა-ტვინის ტრავმის დროს მწვავე პერიოდში 1 000 - 2 000 მგ დღეში, დაავადების სიმძიმიდან გამომდინარე 3-7 დღის განმავლობაში, შემდგომ ინტრამუსკულარულ ან პერორალურ გამოყენებაზე გადასვლით. ინტრავენური შეყვანის გზა უფრო ეფექტურია, ვიდრე ინტრამუსკულარული. 
ინტრამუსკულარულად: 1-2 ინექცია დღეში. ინტრამუსკულარული გამოყენებისას არ არის მიზანშეწონილი პრეპარატის განმეორებითი ინექცია ერთიდაიმავე ადგილზე. 
ცნობიერების ხანგრძლივი დარღვევების დროს შესაძლებელია დაავადების საწყისი სტადიიდან პრეპარატის უწყვეტი გამოყენება. 
პარკინსონის დაავადებისა და სინდრომის დროს პრეპარატის რეკომენდებული დოზა შეადგენს 500 მგ-ს დღე-ღამეში 3-4 კვირის განმავლობაში შესვენებებით კურსებს შორის.

გვერდითი მოვლენები
ცნს-ის და პერიფერიული ნერვული სისტემის მხრივ: უძილობა, თავის ტკივილი, თავბრუსხვევა, აგზნებადობა, ტრემორი.
საჭმლის-მომნელებელი სისტემის მხრივ: გულისრევა, მადის დაქვეითება, ღვიძლის ფერმენტების აქტივობის შეცვლა. 
ალერგიული რეაქციები: კანზე გამონაყარი, ქავილი, ანაფილაქსიური შოკი. 
სხვა: ცხელება; ცალკეულ შემთხვევებში ხანმოკლე ჰიპოტენზიური მოქმედება, პარასიმპათიკური ნერვული სისტემის სტიმულირება.

უკუჩვენება
- ვაგოტონია (ვეგეტატიური ნერვული სისტემის პარასიმპათიკური ნაწილის ტონუსის მომატება);
- ბავშვთა და მოზარდთა ასაკი 18 წლამდე (მონაცემების არ არსებობის გამო);
- მომატებული მგრძნობელობა პრეპარატის შემადგენლობაში შემავალი კომპონენტების მიმართ.

ორსულობა და ლაქტაცია
ორსულობის დროს პრეპარატის დანიშვნა მიზანშეწონილია მხოლოდ იმ შემთხვევაში, თუ მოსალოდნელი სარგებელი დედისთვის აღემატება პოტენციურ რისკს ახალშობილისთვის.
ლაქტაციის პერიოდში პრეპარატის დანიშვნისას აუცილებელია ძუძუთი კვების შეწყვეტა, რადაგან მონაცემები ქალის რძესთან ერთად ციტიკოლინის გამოყოფის შესახებ არ არსებობს.

განსაკუთრებული მითითებები
თავის ტვინის ტრავმების დროს ქალასშიდა წნევის დაქვეითებისთვის აუცილებელია ისეთი პრეპარატების დანიშვნა, როგორიცაა მანიტოლი და კორტიკოსტეროიდები. 

ზემოქმედება ავტომობილისა და სხვა მექანიზმების მართვაზე
ციტიკოლინი არ ახდენს გავლენას ავტომობილისა და სხვა მექანიზმების მართვაზე.

ჭარბი დოზირება
პრეპარატის დაბალი ტოქსიურობის გამო ჰიპერდოზირების შემთხვევები აღწერილი არ არის თერაპიული დოზის გადაჭარბების შემთხვევაშიც კი.

სხვა წამლებთან ურთიერთქმედება
ციტიკოლინი აძლიერებს L-დიჰიდროქსიფენილალანინის მოქმედებას. 
არ არის რეკომენდებული პრეპარატის ერთდროული გამოყენება მეკლოფენოქსატის შემცველ სამკურნალო საშუალებებთან.
რონოციტის დანიშვნა შესაძლებელია ქალასშიდა ანტიჰიპერტენზიულ საშუალებებთან და ჩვეულებრივ პერფუზიულ ხსნარებთან ერთად.

შენახვის პირობები და ვადები
ინახება არა უმეტეს 25°C ტემპერატურის პირობებში, ბავშვებისთვის მიუწვდომელ ადგილას.
ვარგისიანობის ვადა:
5 წელი წარმოების თარიღიდან.
ნუ გამოიყენებთ ვარგისიანობის ვადის გასვლის შემდეგ.

აფთიაქში გაცემის წესი
ფარმაცევტული პროდუქტის ჯგუფი II (გაიცემა რეცეპტით).