ასკილის ნაყოფი 50გ

პარასამკურნალო საშუალების გამოყენების ინსტრუქცია
ასკილის ნაყოფი
Fructus Rosae

წამლის ფორმა: ასკილის ნაყოფები.

შემადგენლობა: ასკილის ნაყოფები შეიცავს ორგანულ მჟავებს, ფლავონოიდებს, კაროტინოიდებს, პექტინოვან და მთრიმლავ ნივთიერებებს, B, P, K, ჩ ვიტამინებს.

ფარმაკოლოგიური ჯგუფი: მცენარეული წარმოშობის პოლივიტამინური საშუალება.

ფარმაკოლოგიური მოქმედება: ასკილის ნაყოფებს აქვს ზოგადმატონიზირებელი მოქმედება, აძლიერებს ქსოვილების რეგენერაციას, ამცირებს სისხლძარღვების კედლების განვლადობას, მონაწილეობას ღებულობს ნახშირწყლოვან და მინერალურ ცვლაში, ხასიათდება ანთების საწინააღმდეგო მოქმედებით. აქვს იმუნომასტიმულირებელი და ნაღვლმდენი მოქმედება.

გამოყენება მედიცინაში: გამოიყენება როგორც დამხმარე საშუალება ორგანიზმში ც ვიტამინის ნაკლებობის დროს, ათეროსკლეროზის, ჰიპერტონული დაავადებების, კუჭისა და თორმეტგოჯა ნაწლავის წყლულოვანი დაავადებების სამკურნალოდ და სხვა.

გამოყენების წესი: დაახლოებით 10გ (1 სუფრის კოვზ) ნედლეულს დავასხათ 200მლ (1 ჩაის ჭიქა) მდუღარე წყალი და ვადუღოთ წყლის აბაზანაზე 15 წუთის განმავლობაში.
შემდეგ გავაციოთ, გავფილტროთ და დარჩენილი მასა გავწუროთ. მიღებულ ნაყენს დავუმატოთ ანადუღარი წყალი საწყისი მოცულობის (200მლ) მიღებამდე.

მიღების წესი: მივიღოთ 1/2 ჭიქა 3-ჯერ დღეში ჭამის შემდეგ.

უკუჩვენებები: ინდივიდუალური მომატებული მგრძნობელობა მცენარის მიმართ, ქოლელითიაზი.

ურთიერთქმედება სხვა სამკურნალო საშუალებებთან: დასაშვებია გამოყენება სხვა პრეპარატებთან ერთად კომპლექსურ თერაპიაში.

გამოყენება ორსულობის და ლაქტაციის პერიოდში: გამოყენება ორსულობის და ლაქტაციის პერიოდში დასაშვებია.

გავლენა ავტოტრანსპორტის მართვის ან სხვა მექანიზმებთან მუშაობისას: არ ახდენს ზემოქმედებას.

ჭარბი დოზა: ჭარბი დოზირების შემთხვევები არ დაფიქსირებულა.

გვერდითი მოვლენები: შესაძლებელია განვითარდეს ალერგიული რეაქციები. მითითებული დოზის მიღებისას გვერდითი რეაქციები არ შეინიშნება.

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისობის ვადა: 2 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში ნედლეულის გამოყენება დაუშვებელია.

აფთიაქიდან გაცემის წესი: ფარმაცევტული პროდუქტის ჯგუფი - III, გაიცემა
ურეცეპტოდ.

გამოშვების ფორმა: 50გ მცენარეული ნედლეული მოთავსებულია პოლიეთილენის პარკში და მუყაოს კოლოფში.
2,5გ დაფასოებულია ერთჯერადი გამოყენების ფილტრ-პაკეტებში. #20 ფილტრ-პაკეტი მოთავსებულია მუყაოს კოლოფში.

მწარმოებელი: შპს ,,ფარკონი”.
საქართველო, 4600,
ქ. ქუთაისი, თამარ მეფის ქ. 51,
ტელ: +995 (431) 214 504
e-mail: farconi.ge@gmail.com