პიტნის ფოთოლი 50გ

პარასამკურნალო საშუალების გამოყენების ინსტრუქცია

პიტნის ფოთოლი
FOLIA MENTHAE PIPERITAE

წამლის ფორმა: პიტნის ფოთოლი.

შემადგენლობა: პიტნის ფოთოლი შეიცავს ეთეროვან ზეთს, რომლის შემადგენლობაში შედის მენთოლი, პინენი, ლიმონენე, ცინეოლი. შეიცავს ფლავონოიდებს, ბეტაინს, კაროტინს, მთრიმლავ ნივთიერებებს, ორგანულ მჟავებს მიკროელემენტებს.

ფარმაკოლოგიური ჯგუფი: მცენარეული წარმოშობის ანთების საწინააღმდეგო, ანტისეპტიკური საშუალება.

ფარმაკოლოგიური მოქმედება: პიტნის ფოთოლს აქვს ნაღვლმდენი, სედატიური და სუსტი ჰიპოტენზიური მოქმედება. ზრდის საჭმლის მომნელებელი ჯირკვლების სეკრეციას, აძლიერებს მადას, თრგუნავს საჭმლის მომნელებელ ტრაქტში მიმდინარე ლპობით პროცესებს, ხსნის ნაწლავების, ნაღველ და შარდგამომყოფი გზების გლუვი კუნთების ტონუსს, ასტიმულირებს ნაღვლის გამოყოფას.

გამოყენება მედიცინაში: გამოიყენება კომპლექსურ თერაპიაში ნევროზის, უძილობის, კუჭისა და ნაღვლის ბუშტის ანთების დროს, პირის ღრუში უსიამოვნო სუნის გასაქრობად, სტენოკარდიის დროს.

მომზადების წესი: ნედლეულის 1 სუფრის კოვზს დაასხით 2 ჭიქა წყალი, ადუღეთ 5 წუთი.

მიღების წესი: მივიღოთ 100-100გ 3-ჯერ დღეში ჭამამდე 30 წუთით ადრე.

უკუჩვენებები: მომატებული მგრძნობელობა მცენარის მიმართ, სპაზმოფილური კრუპი, ბრონქიალური ასთმა, ბავშვთა ასაკი 3 წლამდე.

ურთიერთქმედება სხვა სამკურნალო საშუალებებთან: შესაძლებელია გამოყენება სხვა სამკურნალო საშუალებებთან კომპლექსში.

გამოყენება ორსულობის და ლაქტაციის პერიოდში: ორსულობის და ლაქტაციის პერიოდში გამოყენების უსაფრთხოების შესახებ მონაცემები არ არსებობს, ამიტომ ამ პერიოდში პიტნის ფოთლის გამოყენება ნებადართულია მხოლოდ მაშინ, როცა მოსალოდნელი სარგებელი დედისთვის აღემატება პოტეციურ რისკს ნაყოფისა და ბავშვისთვის.

გავლენა ავტოტრანსპორტის მართვის ან სხვა მექანიზმებთან მუშაობისას: არ ახდენს ზემოქმედებას.

ჭარბი დოზა: ჭარბი დოზირებისას შესაძლებელია პრეპარატის სედატიური ეფექტის გაძლიერება. თერაპია სიმპტომატურია.

გვერდითი მოვლენები: არარაციონალური გამოყენებისას შესაძლებელია გამოიწვიოს ტკივილი გულის არეში. ცალკეულ შემთხვევებში შეიძლება გამოვლინდეს ალერგიული რეაქციები.

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისობის ვადა: 2 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში ნედლეულის გამოყენება დაუშვებელია.

აფთიაქიდან გაცემის წესი: ფარმაცევტული პროდუქტის ჯგუფი - III, გაიცემა
ურეცეპტოდ.

გამოშვების ფორმა: 50გ მცენარეული ნედლეული მოთავსებულია პოლიეთილენის პარკში და მუყაოს კოლოფში.
2,5გ ნედლეული დაფასოებულია ერთჯერადი გამოყენების ფილტრ-პაკეტებში. #20 ფილტრ-პაკეტი მოთავსებულია მუყაოს კოლოფში.

მწარმოებელი: შპს ,,ფარკონი”.
საქართველო, 4600,
ქ. ქუთაისი, თამარ მეფის ქ. 51,
ტელ: +995 (431) 214 504
e-mail: farconi.ge@gmail.com